ފްލަޝްކުރަން ވާނީ ފާހާނާ ތަށީގެ މަތި ލައްޕާފައި

ފާހާނާ ފްލަޝްކޮށްލަން ވާނީ ތަށީގެ މަތި ލައްޕާފައި.

އަހުމަދު އަދްޝަން، މިހާރު

11 ސެޕްޓެމްބަރ 2018 - 09:10

ފާހާނާކޮށްފައި ފްލަޝް ކުރަނީ ތަށީގެ މަތި ނުލައްޕާ ކަމަށްވާ ނަމަ އެއީ ނުރައްކާ ކަމަކަށް ވެދާނެ އެވެ. އެހެންވެ ތަޖުރިބާކާރުން ދޭ އިރުޝާދަކީ ބޮޑުކަމުގޮސްފައި ވެސް އަދި ކުޑަކަމުގޮސްފައި ވެސް ފާހާނާގެ މަތި ލައްޕާފައ ފްލަޝްކުރުމެވެ.

މަތި ނުލައްޕާ ފްލަޝްކުރާ ނަމަ ނަޖިހާ ވައިގެ ތެރެއަށް އަރައިގެންދާ ތިކިތަކާ އެކު ފާހާނާ ތެރޭގައި ހުންނަ އެހެން ތަކެތި ވެސް ނުތާހިރު ވެދާނެ އެވެ. އެހެންވެ، ހާއްސަކޮށް ދަތް އުނގުޅާ ބުރުހާއި ތުވާއްޔާއި ސައިބޯނި ފަދަ ތަކެތީގެ ސާފުތާހިރު ކަމަށް ވިސްނަން ޖެހޭނެ އެވެ.

ދިރާސާއެއްގައި ބުނާ ގޮތުން ފާހާނާ ތެރޭގައި ގެންގުޅޭ އެހެން ތަކެތި ނަޖިހުގެ ސަބަބުން ތަޣައްޔަރުވުމަކީ ވަރަށް ފަސޭހައިން ވާނެ ކަމެކެވެ. އޭގައި ފާހަގަކޮށްފައިވާ ގޮތުގައި ފްލަޝްކޮށްލާ އިރު، ތަށިން ބޭރުވެގެންދާ ތިކިތައް 15 ވަރަކަށް ފޫޓަށް ފެތުރިގެން ދާނެ އެވެ. އެހެންވެ ހަނދާން ބަހައްޓަން ޖެހޭ ކަމަކީ މަތި ލައްޕާފައި ފްލަޝް ކުރަން އާދަކުރުމެވެ.

ދިރާސާގައި ފާހަގަކޮށްފައިވާ ގޮތުގައި ފާހާނާ ފްލަޝްކޮށްލާއިރު ބުރައިގެންދާ ތިކިތަކަކީ ޝިގެއްލާ އާއި އީ-ކޮލީ ފަދަ ނުރައްކާ ޖަރާސީމުތައް އެކުލެވިގެންވާ އެއްޗެކެވެ.