ދިވެހިރާއްޖޭގެ ޓޫރިޒަމްގެ ކާމިޔާބީން ފައިދާ ނަގައިގެން އެހެން ބައެއް ގައުމުތަކުގައި ޓޫރިޒަމާ ގުޅުން ހުރި ހިދުމަތްތައް ޕްރޮމޯޓްކުރޭ. ރާއްޖޭގެ ރަށްތަކާ އެއްގޮތަށް ސައުތު ޗައިނާ ސީގައި ރަށްތަކެއް ހަދައި ޓޫރިޒަމަށް ހުޅުވާލަން ތައްޔާރުވަމުން ދާއިރު ޔުނައިޓެޑް އަރަބި އެމިރޭޓްސްގެ އަބޫ ދާބީގައި މިހާރު ދަނީ "މޯލްޑިވްސް" ގެ ގޮތުގައި ރިސޯޓެއް ހިންގަމުން
ދެ މީހަކު ނޫރާއީ އައިލެންޑްގެ ޕޫލެއްގައި. -- ފޮޓޯ: ނޫރާއި
28 މެއި 2016 - 07:09
13 comments
"މޯލްޑިވްސް" އަކީ ޓޫރިޒަމްގެ އެންމެ މޮޅު އެއް ބްރޭންޑެވެ. އެންމެ ތަފާތު އެއް ބްރޭންޑެވެ. އެހެންވެ ދިވެހިރާއްޖޭގެ ޓޫރިޒަމްގެ ކާމިޔާބީން ފައިދާ ނަގައިގެން އެހެން ބައެއް ގައުމުތަކުގައި ޓޫރިޒަމާ ގުޅުން ހުރި ހިދުމަތްތައް ޕްރޮމޯޓްކުރެ އެވެ. ރާއްޖޭގެ ރަށްތަކާ އެއްގޮތަށް ސައުތު ޗައިނާ ސީގައި ރަށްތަކެއް ހަދައި ޓޫރިޒަމަށް ހުޅުވާލަން ތައްޔާރުވަމުން ދާއިރު ޔުނައިޓެޑް އަރަބި އެމިރޭޓްސްގެ އަބޫ ދާބީގައި މިހާރު ދަނީ "މޯލްޑިވްސް" ގެ ގޮތުގައި ރިސޯޓެއް ތަރައްގީކޮށް ޓޫރިސްޓުންނަށް ވިއްކަމުންނެވެ.
ރާއްޖޭގެ ރަށަކާ އެއްގޮތަށް ހަދާފައިވާ އަބޫ ދާބީގެ ރަށުގެ ނަމަކީ "ޒަޔާ ނޫރާއީ އައިލެންޑް" އެވެ. އެ ރަށް ހިންގާ ޒާޔާ ހޮސްޕިޓާލިޓީގެ ފަރާތުން ސައޫދީ ގެޒެޓް އަށް ވާހަކަ ދެއްކެވި މާކެޓިން ޑިރެކްޓަރު އިލޫދީ ޕަޓޭލް ވިދާޅުވެފައި ވަނީ އެއީ އަބޫ ދާބީގައި އޮތް ދިވެހިރާއްޖެ އެއް ކަމަށެވެ. އެ ރަށުން ދިވެހިރާއްޖޭގެ ރަށަކުން ކުރެވޭ ތަޖުރިބާ ކުރެވޭ ކަމަށް އޭނާ ވިދާޅުވެފައިވެ އެވެ.
ނޫރާއީ އައިލެންޑް
ނޫރާއީ އައިލެންޑްގައި 32 އަލްޓްރާ ލަގްޒަރީ ބުޓީކް ބީޗް ވިލާ ހުރެ އެވެ. އަދި 12 ވޯޓާ ވިލާ ބީޗް ހައުސްތައް ހުންނަ އިރު ކޮންމެ ތަނެއްގައި ޕްރައިވެޓް ޕޫލް ހަދާފައިވެ އެވެ.
ނޫރާއީ އައިލެންޑުގެ މޫދު ކޮޓަރިއެއް
"މިތަނަށް އައިސް ކަމެއް ނުކޮށް ތިއްބަސް ހިތްހަމަޖެހޭނެ. ނޫނީ ހަފުތާއެއް ވަންދެން ކުޅޭނެ ކުޅިވަރު ވެސް ހުންނާނެ. ރަށުގައި ހިންގާ ހަރަކާތްތައް އަބަދުވެސް މި ދަނީ ބަދަލުކުރަމުން. ދާދިފަހުން ވާނީ ބައިސްކަލް ވެސް ތައާރަފްކޮށްފައި. ގޮލްފް ކްލަބެއް ވެސް އޮންނާނެ،" ޕަޓޭލް ވިދާޅުވެފައިވެ އެވެ.
ނޫރާއީ އައިލެންޑް ހަދަމުން ދިޔައިރު ނަގާފައިވާ ފޮޓޯއެއް
މޫދު ކުޅިވަރުތައް ނަން ހުސްކޮށް ހުރި އިރު ހަފުތާ އަކު ތިން ރޭ ސިނަމާ ވެސް އޮވެ އެވެ. އަދި ކުޑަކުދިންނަށް ހާއްސަ ކަންތައްތަކެއް ހިންގަ އެވެ.ސްޕާ އާއި ޕޫލް އާއި ޔޯގާ އާއި ރެސްޓޯރަންޓަށް ބަލާއިރު ވެސް ހުރިހާ ކަމެއް އިންތިޒާމްކޮށްފައި ވަނީ ރާއްޖޭގެ ރިސޯޓްތައް ނަމޫނާއަކަށް ބަލައިގެންނެވެ.
ނޫރާއީ އައިލެންޑަކީ ދިވެހިރާއްޖެއާ ހިސާބަށް ދެވެން ނެތް މީހުންނަށް ކޮންމެހެން މުހިންމު ތަނެއް ކަމަށާއި އެއީ ހަމަ "ދިވެހިރާއްޖެ" ކަމަށް ބުނެ ދަނީ ޕްރޮމޯޓްކުރަމުންނެވެ. ބިން ހިއްކައިގެން މި ރަށް ހަދަން ފެށީ ވެސް ރާއްޖެ ނަމޫނާއަކަށް ބަލައިގެންނެވެ. އަދި މި ރަށް މިހާރު ހިމެނިފައި ވަނީ މުޅި ދުނިޔޭގެ ވެސް އެންމެ ރަނގަޅު ޕްރައިވެޓް އައިލެންޑްތަކުގެ ތެރޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަހީ
08 December 2016
އެއީ ފަތުރުވެރިންނަށް އޮޅުވާލެވޭ އޮޅުވާލުމެއް.. އެގޮތް ކަމުދާނެހެނެއް ހިއެއްނުނވޭ.. ރާއްޖެކަމަށްހީކޮށް ބައެއްމީހުންނަށް ދެވޭނީ އަބޫދާބީއަށް
ވިސްނާލީމާ
29 May 2016
ބޭނުން ވަރަކަށް ފައިސާ އެބަހުރި! ބޭނުން ވަރަކަށް ތަންތަން ބޮޑުކުރެވެން އެބައޮތް! ކަންކުރާނޭމީހުން އެބަތިބި! ކުރަންވީނޫންތޯ؟! -އިބްރާހީމް-
ދދ
29 May 2016
އޮމާނުގައިވެސް ދިވެހިރާއްޖެ ހަދަން ފަށައިފި! ހަމަ ކޮޕީ ކެޓް
މަށޭމީވެސް
28 May 2016
އެހެންބަޔަކު ދިވެހިރާއްޖެ ޕްރޮމޯޓް ކޮށްދޭކަމަށްޓަކައި އެކަމަށް ސުކުރުވެރިވެބަލަ، އެތަނަށް ދާމީހަކަށް ހިތަކަށް ނާރާނެބާ އަސްލު "މޯލްޑިވްސް" އަދި މިޔައްވުރެ ފުރިހަމަވާނޭ؟ ހަމަގައިމުވެސް މިތާގަ އޮންނަ މޫސުމެއް އެމީހުނަކަށް އެތަނަކަށް ނުގެނެވޭނެއެވެ. މަސްހޫރު ތަންތަން ކޮޕީކުރުމަކީ ދުނިޔޭގެ ހުރިހާ ތަނެއްގައިވެސް އޮންނަކަމެއް.
އުމަރު
28 May 2016
އަވައްޓެރި ގައުމުތަކުން ރާއްޖެފަދަ ގައުމުތަށް ހަދާނެ، އެކަމެއް ނުހުއްޓުވޭނެ، އެކަމަކު އަހަރުމެންގެ ސަރުކާރުގެ ވެރިންނަށް ވިސްނެންވެއްޖެ މިދިޔަ 42 އަހަރަށްބަލާއިރު ރާއްޖޭގެ ޓޫރިޒަމް ފުޅާވެފައި އެރަވަލް އިތުރުވެފައިނެއްކަން އެކަށީގެންވާވަރަށް ކައިރިއަށްވެސް، އެހެންކަމުން ވަކި ޓާގެޓަކަށް ހަދައިގެން ރާއްޖޭގައި ހުރި ހުރިހައި ފަޅުރަށްތަކެއް ޓޫރިމަށް ދޫކޮށް ސަރުކާރުން ގެރެންޓީދީގެން އެތަންތަން ހަދައި، އާންމުންގެ ދިރިއުޅުން ބަދަލުކުރަން އެބަޖެހޭ، އަދި ޖީޑީޕީވެސް އިތުރުވާނީ އެއިރުން
އަލިފުތާ
28 May 2016
ބްރޭންޑް ވެލިއު ހިމާޔަތްކުރެވޭނެ ގާނޫނެއް ހެދުމުން ދިވެހި ރާއްޖޭގެ ލަގުޒަރީ އަދި ހިތްގައިމު ކޮންސެޕްޓްތަކަށް ހެދިފައިހުރި ރިސޯޓުތައް އެހާފަސޭހައިން ނަކަލު ނުކުރެވޭނެ... އިލްމީ ބަޔަކު ނެތި އެކްޓިވިސްޓުން ގައުމީކަންކަމުގައި އުޅެންޏާ ރިސޯޓެއް އިންތަނުން އުފުރާލައިގެން ދިޔަޔަސް ނޭގޭނެ... ހީލަތާއި މަކަރު ހެދުމާއި ބިރުދެއްކުމުގެ ސަގާފަތެއް އާލާވަމުން މިދަނީވެސް އެކަހަލަގޮތަކަށް ނިޒާމު ހަމަޖެހިފައިއޮތުމުންކަމަށް ބެލެވޭ...
ރާނީ
28 May 2016
ދެންއޮތީ އެންމެ ހައްލެއް ރާއްޖޭގެ ރިސޯޓްތަކުގެ އަގު ހެޔޮކުރަންވީ ހާދަ އަގުބޮޑޭ ދިވެހި ރިސޯޓްގެ ވެރިން އުޅެނީ އެއްމަހުން ރިސޯޓް ހަދަންކުރި ޚަރަދު ރިކަވާ ކުރަން ކީއްތަވާނީ އެއަށްވުރެ އަގުހެޔޮކޮށްލައިފިއްޔާ އެބުނީ މިހާރުވެސް ރާއްޖެ ނުދެވޭ މީހުންނަށް އެންމެ ރަގަޅު މަންޒިލޭ އެމީހުން ބޯހަރު. އެނގޭ އަގުހެޔޮ ވަންޏާ ގިނަމީހުން އަންނާނެކަން އެކަމަކު ރާއްޖެމީހުން ވަރަިހަމަ މީހަކު ނައިސް ހުހައް ހުއްޓަސް އަގުހެޔޮކުރުމެއް ނޯންނާނެ ލާރިއަށް ދަހިވެތިކަމުން.
ވ،ޒ
08 December 2016
ބުރޯ! އަގު އަދިވެސް ބޮޑު ކުރަންވީ. ސަބަބަކީ މީ އޮރިޖިނަލް. އޮރިޖިނަލް އަތް އަތްފޯރާނީ މިލިޔަނަރުންނަށް. ޑުބާއީގަ ހުރެދާނެ ސްނޯ ފައިބާ ގޮތަށް ވެސް ހަދާފަ. އެއީ އަސްލު ބަލާލެވެން ނެތް މީހުނަށް އޮތް ކަމެއް. ދިވެހިން ޕާކުތަކުގަ ޓާފު ވިނަ ޖެހިޔަސް އިންސާނުން ބޮޑަށް ލޯބި ކުރަނީ ގުދުރަތީ ވިނަޔަށް
މުަހައްމަދު
28 May 2016
އިންޓަނޭސަނަލް ކޯޓަށް މައްސަލަ ހުށައަލުއްވަންވީނުންތޯ! އޭރަށް ގައުމުގައި މިހާރު ވެރިކަންކުރައްވަމުންގެންދަވާ ފަރާތްތަކަށް ބޮޑު އަދަދެއްގެ ޑޮލާސްކޮލެއްލިބިދާނެ.! ގާތްގަނޑަކަށް 800 މިލިޔަން ވެސް ލިބިދާނެ. ކާކުތޯ 800 މިލިޔަން ލިބުނީމަ އެހޯދީ ކޮންތާކުންތޯ އަހާނީ.! ހުދު އަނބިމީހާވެސް ނާހާނެ.!
އަލިތައްކާނު/ މަރަދޫ
28 May 2016
ރާއްޖޭގައި ޓޫރިސްޓް ރިސޯރޓް ގެންގުޅޭމީހުން ހާދަ މުައްސަންދިވާނޭ. މިގައުމގައި އާދައިގެ މީހުން ކުރާނެ ކަމެއް ނެތިގެން އުޅޭއިރު އެމީހުންގެ ރިސޯރޓް ތަކުން ފުރުސަތު ނުލިބޭ މުދާކޮޅެއް ސަޕްލައިކޮއްލަންވެސް. ވިޔަފާރިވެރިން ވެރިކަން ހިސޯރުކޮއްގެން.
އިހުމާލް
28 May 2016
މިޤައުމުގެ މިހިރަ 21ވަނަގަރުނުގެ އިކޮނޮމިސްޓަށް ވިސްނޭނީ ކޮންއިރަކު ބާއޭ މަގޭހިތައް އަރާ، އަރަބިކަރައިގެ މީހުންނާއި ސީނުކަރައިގެމީހުންނަށް މިޤައުމު ނަކަލްކޮއްގެން އެއިން ނަފާނގަމުން ދާއިރު، މިޤައުމުން މިފެންނަނީ، ސީނުކަރަ އަށާއި އަރަބިކަރާއިގެ ވަކިތައް މިރާއްޖޭގައި ހިއްޕައި އަތްގަދަކުރަމުން ދާތަން..ހިތައް އަރާ ކޮއިރަކުބާވޭ ހޭއަރާނީ،،،