އޭ380ގެ މަތިންދާބޯޓު ވެލާނާ އިންޓަނޭޝަނަލް އެއާޕޯޓުގައި ޖެއްސުމަށް ފަހު ކެޕްޓަނާއި ފަސްޓް އޮފިސަރު އަހުސަން ސަލާމްކޮށްލާ މަންޒަރު އިއްތިހާދު އެއާވޭސްގެ ވީޑިއޯއަކުން.
19 ސެޕްޓެމްބަރ 2018 - 19:44
30 comments
ރާއްޖޭގެ ވައިގެދަތުރުފަތުރުގެ ތާރީޚުގައި އިއްޔެ ފާހަގަކުރި މުހިއްމު ކާމިޔާބީ ހަގީގަތަކަށް ހަދައިދިނުމުގެ ފުރުސަތު އިއްތިހާދު އެއާވޭސް އަށް ލިބިގެންދިޔައީ އެ އާލައިންގައި މަސައްކަތްކުރާ ދިވެހި ޕައިލެޓް އަލީ އަހުސަންގެ ސަބަބުންނެވެ. ފަސިންޖަރުން އުފުލާ އެންމެ ބޮޑު މަތިދާންބޯޓު އެއާބަސް އޭ380 ދުއްވުމުގެ ލައިސަންސް އޮތް އަހުސަން އޭގެ ބޯޓެއްގައި ރާއްޖެ އަށް ކުރި ފުރަތަމަ ދަތުރު ވެގެން ދިޔައީ އިއްތިހާދުގެ ދަތުރަކަށެވެ. އެކަން އިއްތިހާދުން ޝަރަފެއްގެ ގޮތުގައި ބަލައިގަތްކަން، އިއްޔެގެ ދަތުރުގެ މަންޒަރުތަކާ އެކު އެ އެއާލައިނުން މިއަދު ޝާއިއުކޮށްފައިވާ ވީޑިއޯ އިން އެނގެ އެވެ.
ރާއްޖޭގައި ޖެއްސި ފުރަތަމަ އޭ380 ދުއްވަން އަހުސަން ކޮކްޕިޓްގައި
އޭ380ގެ މަތިންދާބޯޓެއް ފުރަތަމަ ފަހަރަށް ޖެއްސުމާ ގުޅިގެން ރާއްޖެ އަށް މަރުހަބާ ކިޔަމުން ސޯޝަލް މީޑިއާގައި އިއްތިހާދުން އާއްމުކޮށްފައިވާ ވީޑިއޯގައި، އެ ދަތުރުގެ ކޯ ޕައިލެޓް އަހުސަނާއި ކެޕްޓަން ކޮކްޕިޓްގައި މަސައްކަތްކުރާ ތަން ދައްކާލަ އެވެ.
ރާއްޖޭގައި ޖެއްސި ފުރަތަމަ އޭ380 ދުއްވަން އަހުސަން އާއި ކެޕްޓަން ކޮކްޕިޓްގައި
މިނިޓެއްހާ އިރުގެ ވީޑިއޯ އިން ފުރަތަމަ ފެންނަނީ ބަންގްލަދޭޝްގެ ޑާކާގައި ސާފް ސުޒުކީ ކަޕް ކާމިޔާބުކުރި ދިވެހި ގައުމީ ފުޓްބޯޅަ ޓީމް ގޮވައިގެން ޔޫއޭއީގެ އަބޫ ދާބީ އިންޓަނޭޝަނަލް އެއާޕޯޓުން ބޯޓު ނައްޓާލި މަންޒަރުތަކެވެ. މާލޭގެ ކޯޑާ އެކު ފްލައިޓް މެނޭޖްމެންޓް ސިސްޓަމަށް ފްލައިޓް ޕްލޭން އެންޓާކުރުމަށް ފަހު، އެއާ ޓްރެފިކް ކޮންޓްރޯލަރުންގެ އިރުޝާދު ތަކުރާރުކުރުމުގެ ގޮތުން ކެޕްޓަން ވާހަކަ ދައްކަ އެވެ.
އޭ380 ތިރިކުރަމުންދިޔަ އިރު ކޮކްޕިޓް ތެރެއިން ނަގާފައިވާ މަންޒަރެއް
ރާއްޖެ އައިސް ބޯޓު ވެލާނާ އިންޓަނޭޝަނަލް އެއާޕޯޓުގެ އާ ރަންވޭ އަށް ތިރިކުރުމުގެ ކުރިން، އެ ޚާއްސަ ދަތުރު އާއްމުންނަށް ދައްކާލުމުގެ ގޮތުން، މާލެ ވަށައި 1،000 ފޫޓު މަތިން ބުރެއް ޖެހުމާއި އިއްޔެ ހަވީރު 3:45 ހާއިރު ރަންވޭގައި ބޯޓު ޖެއްސުމާ އެކު ދިން ވޯޓަ ސެލިއުޓާއި ކޮކްޕިޓުގައި ހުރެގެން ފަސްޓް އޮފިސަރު އަހުސަން ދިވެހި ދިދަ ބޭރަށް ވިހުރުވި ތަން ވެސް ފެނެ އެވެ.
އޭ380ގެ ކޮކްޕިޓް ތެރެއިން އާ ރަންވޭ
އެކަމަކު އިއްތިހާދުގެ ވީޑިއޯގެ ޚާއްސަ ކަމަކީ ކޮކްޕިޓް ތެރެއިން ނަގާފައިވާ މަންޒަރުތަކެވެ. ކެޕްޓަނާއި އަހުސަން ބޯޓު ދުއްވާ މަންޒަރުތަކުގެ އިތުރުން ބޯޓު ތިރިކުރަމުން އައި އިރުގެ ހިތްގައިމު މަންޒަރުތަކާއި އާ ރަންވޭ ވެސް ފެނެ އެވެ.
އޭ380ގެ ކޮކްޕިޓް ތެރޭގައި ހުރެގެން އަހުސަން ދިވެހި ދިދަ ހޫރާލަނީ
ރަންވޭގައި ބޯޓު ޖެއްސުމަށް ފަހު އެކަން ފާހަގަކުރުމުގެ ގޮތުން ކެޕްޓަން އެންމެ ފުރަތަމަ ވެސް އަހުސަނާ ސަލާމްކޮށްލަ އެވެ. ބެލެވޭ ގޮތުގައި އަހުސަނަށް ކެޕްޓަން މަރުހަބާ ކީ އެވެ.
ބޯޓު ޖެއްސި ވަގުތު ކޮކްޕިޓްގައި އަހުސަނާއި ކެޕްޓަންގެ ފަހަތުގައި އިތުރު ދެ މީހަކު ބަލަން ތިއްބެވެ.
ސާފްގެ ތަށި ހޯދައިގެން ބަތަލުންގެ ގޮތުގައި ރާއްޖެ ދިޔަ ފުޓްބޯޅަ ޓީމް ބޭލުމަށް ފަހު އޭ380ގެ ބޯޓު ވަނީ އިއްޔެ ފުރައިފަ އެވެ.
އޭ380ގެ ދަތުރު
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަންނާން
21 September 2018
އަޙުސަން އަށް ފައްފަށުން މަރުހަބާ، ތިޔައީ ދިވެހިން ފަޙުރުވެރިވާ ދަރިއެއް، މާތްﷲ އަޙްސަން އާއި އޭނާގެ އާއިލާއަށް އިތުރު ކުރިއެރުމާއި ފާގަތިކަން ލައްވާށި،
ހެއޮއެދޭ
21 September 2018
އަހުސަނަށް މަރުހަބާ. ފަށްފަށުން ޝުކުރިއްޔާ. ތީ ދިވެހި ގައުމު ފަހުރުވެރިވާ ދިވެހި ދަރިއެއް. އަހުސަން ގެ މަންމަ އާ ބައްޕަގެ ފުންއުފަލުގަ ބައިވެރިވަން. މާތްﷲ އަހުސަނާ އާއިލާ އަށް ހެއޮ ރަހުމަތް ލައްވާށި.
ހިޗީ
20 September 2018
ކަލޯގެޔާ އަހުސަނު އިނީ ކޯޕައިލެޓް ނުވަތަ ފަސްޓު އޮފިސަރު ގޮނޑީގަ ދޯ؟ އޭނައެއްނޫންދޯ ކައްޕިކަން ކުރީކީ؟؟؟؟؟ ވިޑިޔޯ ފެނުނީމަ މަށަށް ރޭކާލީ. ކަނާތްފަރާތު ގޮނޑިގައި އޭނަ އިނީ!!!!!
އައްޑޫފިއްޑޭ
20 September 2018
ދިވެއްސެއްގެ ހައިސިޔަތުން އަހުސަނާއިމެދު އަހަރުމެން ފަހުރުވެރިވަން. މީގަ ވައަތެއް ކަނާތެއް ކުރިމައްޗެއް ފަހަތެއް ކިޔާނެކަމެއްނެތް މަތިންދާބޯޓެެެއްގެ ބޯބުރިއެތެރެއަށްވަދެ އިށީދެގެން ތިބޭނީ އެކަމަށް ސަރޓިފައިވެ ސީލްވެފަ ތިބޭމީހުން. އެކިޔާގޮތުންނަމަ ކެޕްޓަނުން އަމުދުން އޭ380 ދުއްވުމަކީ އެއްލޮކިން ހޯދާ ލައިސަނެއްނޫން. އަހަރުމެން ވަރަށްއުފާވޭ ދިވެއްސަކު ނަންހިގާ އެއާލައިނެއް މާސިންބޯޓަކުން އުދިހިފަ އައިސް ދިވެހި ފަސްގަޑުގައި ބަނޑުޖައްސާލިމަ.
ހެޔޮ
20 September 2018
އަހުސަނަކީ ދިވެހި ތާރީޚުގެ ބޮޑު ކަމެއްގެ މުހިއްމު ހިއްސާއެއް. އެކަން ބަދަލެއް ނުކުރެވޭނެ. ފުޓްބޯޅަ ޓީމު ކުދިންނަކީވެސް އޭގެ ހިއްސާއެއް. މަދު ބަޔަކަށް ބުނެވޭނީ ރާއްޖެއަައި ފުރަތަމަ އެއަރބަސް އޭ380 ގަ އިންކަމަށް.
ޅޮޖިކް
20 September 2018
ޕްރޮފެސަރ އުގައިލް އަކީވެސް ތިފަދަ ގައުމު ފަހުރިވެރިވާ ދަރިއެއް.
ފިރުޓޭ
20 September 2018
އޭނައަކީ ކޯ ޕައިލެޓެއްނު! ކޮމާޑިޔާރ ކުރިއްޔޭ ކިޔައިގެން! ދެ އެ ވަރުގެ ބޮޑު ބޯޓެއް އެ ކުއްޖާ އަކާ ހަވާލެއް ނުކުރާނެ ދޯ!
ކުދިންކުދިން
20 September 2018
ކޮމެންޓް ކުރާ ކުދިންނަށް ބޯޓްގަ ކޮކްޕިޓަރ ހިސާބަށް ދެވޭނަތަ؟ ހިއެއް ނުވޭ ހުވަފެނުންވެސް ފެނިދާނެހެން
ކައްޕި އަހުސަން
20 September 2018
ކޮމާޝަލް މަތިންދާބޯޓްގަ އަބަދުވެސް ކެޕްޓަން އިށީންދެ އިންނާނީ ވާތް ފަަޅީގަ. ސަބަބަކީ ހުރިހާކޮމާރޝަލް ބޯޓެއްހެން ހަދާފަ ހުންނަ ގޮތުން ވަ އަތަށް އަނބުރަން ފަސޭހަވުމާ އަދި އެއަރފީލްޑް ތަށް ކައިރި ޓްރެފިކް ޕެޓަރން ތަށް ހުންނާނީވެސް ގިނައިން ވައަތަށް އަނބުރާގޮތަށް.އަދި ވައަތްފަޅީގަ އެކަނި ހުންނާނީ ކޮމްޕްލީޓް ސެޓް އޮފް ފްލައިޓް އިނސްޓްރުމަންޓްސް.އެއީ ކައްޕިއަށް ޚާއްސަ ގޮނޑި އަކީ ވާތް ފަޅި ވީމަ. ހެލިކޮޕްޓަރ ގަ މިއާ ޚިލާފް.
ހުތާ
20 September 2018
މިދެން ކޮންކަމެއް ބޮޑު ބަހުސަކަށް ހަދައިގެން ޒުވާބުކުރަން. އަހަރެމެން ދިވެހިންގެ މައްސަލައަކީ މިއީއޭ. އަހުސަނަށް މަރުހަބާ، ގައުމު ފަހުރުވެރިވާފަދަ ދަރިއެއްތިއީ.