ފުޅަދޫ ބަނދަރު ހެދުން 24 މިލިއަން ރުފިޔާ އަށް އެމްޓީސީސީ އަށް

ފުޅަދޫ ބަނދަރު ހެދުމުގެ މަޝްރޫއު ހަވާލުކުރަން ބޭއްވި ރަސްމިއްޔާތުގައި، ހައުސިން މިނިސްޓަރު މުއިއްޒު (ކ) އަދި އެމްޓީސީސީގެ ޗީފް ފައިނޭންޝަލް އޮފިސަރު މުހައްމަދު ހިލްމީ ބައިވެރިވެވަޑައިގަންނަވަނީ.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

20 ސެޕްޓެމްބަރ 2018 - 13:27

4 comments

ބ. ފުޅަދޫ ބަނދަރު ހެދުމާއި ފަޅު ފުން ކުރުމުގެ މަސައްކަތް 24 މިލިއަން ރުފިޔާ އަށް އެމްޓީސީސީއާ މިއަދު ހަވާލުކޮށްފި އެވެ.

ހައުސިން މިނިސްޓްރީގައި ބޭއްވި ރަސްމިއްޔާތެއްގައި، އެ މަޝްރޫއުގެ އެއްބަސްވުމުގައި ސޮއިކުރެއްވީ ހައުސިން މިނިސްޓަރު ޑރ. މުހައްމަދު މުއިއްޒާއި އެމްޓީސީސީގެ ޗީފް ފައިނޭންޝަލް އޮފިސަރު މުހައްމަދު ހިލްމީ އެވެ.

އެ ރަސްމިއްޔާތުގައި ވާހަކަދައްކަވަމުން މުއިއްޒު ވިދާޅުވީ ފުޅަދޫ ބަނދަރު ހަދާނީ ދައުލަތުގެ ބަޖެޓުން ކަމަށެވެ. އެކަމަކު އޭގެ ތެރޭގައި ޓޫރިޒަމާ ގުޅުން ހުރި ސީއެސްއާރުގެ ޕްރޮޖެކްޓެއް ވެސް ހިމެނޭ ކަމަށް ވިދާޅުވި އެވެ.

މުއިއްޒު ވިދާޅުވީ ފުޅަދުއަކީ ލަފައިފުރުމުގެ މައްސަލަ ވަރަށް ބޮޑަށް ދިމާވެފައިވާ ރަށެއް ކަމަށެވެ. އެހެންވެ އާބާދީ ކުޑަ ކަމުގައި ވިއަސް އެފަދަ މައްސަލަތަކަށް ހައްލު ހޯދައިދިނުމަށް ސަރުކާރުން ގިނަ މަސައްކަތްތަކެއް ކޮށްދެމުން އަންނަ ކަމަށް ވިދާޅުވި އެވެ.

ފުޅަދޫ ބަނދަރު ހެދުމުގެ މަޝްރޫއު ހަވާލުކުރަން ބޭއްވި ރަސްމިއްޔާތުގައި، ފިޝަރީޒް މިނިސްޓަރު ޝައިނީ ވާހަކަދައްކަވަނީ.-- ފޮޓޯ: ހުސެއިން ވަހީދު/ މިހާރު

މިހާރު ވެސް ވަރަށް ގިނަ ރަށްރަށުގައި ބަނދަރު ހަދަމުން އަންނަކަން މިނިސްޓަރު ވިދާޅުވި އެވެ.

އަށް މަސް ދުވަހުގެ ތެރޭގައި މަސައްކަތް ނިންމަން ހަވާލުކުރި އެމްޓީސީސީގެ ޗީފް ފައިނޭންޝަލް އޮފިސަރު ވިދާޅުވީ މުއްދަތުގެ ތެރޭގައި އެ މަޝްރޫއު ކުރި އަށް ގެންދާނެ ކަމަށެވެ.

އެ ރަސްމިއްޔާތުގައި، ފުޅަދު އަށް ނިސްބަތްވާ ފިޝަރީޒް މިނިސްޓަރު ޑރ. މުހައްމަދު ޝައިނީ ވެސް ބައިވެރިވެވަޑައިގެންނެވި އެވެ. އޭނާ ވިދާޅުވީ ލޯކަލް ޓޫރިޒަމް ވެސް ފުޅާވަމުން އަންނައިރު ފުޅަދޫގައި ބަނދަރު ހެދުމުން އެކަމަށް އިތުރު ކުރިއެރުންތަކެއް ލިބޭނެ ކަމަށެވެ. އަދި މަސްވެރިންނަށް ވެސް އެކަމުގެ މަންފާ ކުރާނެ ކަމަށް ވިދާޅުވި އެވެ،

އެމްޓީސީސީ ހައުސިން މިނިސްޓްރީ ބަނދަރު ހެދުން ޑރ. މުހައްމަދު މުއިއްޒު، މާލޭގެ މޭޔަރު ބ. ފުޅަދޫ ކުރީގެ މިނިސްޓަރު ޑރ. މުހައްމަދު ޝައިނީ

4 ކޮމެންޓް, 145 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަރާހިކިފަ

20 September 2018

ރައްޔިތުންނަށް އޮޅުވާލުމާ މަކަރު ހެދުމުގަ އެންމެ ކުރީގަ މުއިއްދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚުބުޅިބޭނިއޯ

20 September 2018

އިންތިހާބަށް ޖައްސާ ގޭމް ތެދުވެރި އިހުލާސްތެރިއަކު އުޅޭނެ ފާޑެއްނޫން ތިއީ ވޯޓުލާން 2 ދުވަހަށްވީމަ ތެޅިފޮޅިގަނެގެން އެގްރީމެންޓްތައް ހަދާ އެއްޕޯރޓް އެއްބުރި ނިމޭއިރަށް ޓެސްޓް ފްލައިޓް ޖައްސާ ކޮންފާޑަކަށްތަ ތިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

20 September 2018

މިވެރިން މި ތިބީ ޤައުމު ހަފުސް އަރުވާލަން ރާވައިގެންދޮތަ! ވަޤުތު ކުޑަތަން ވާއިރުވެސް ހޭވައްޓާލާފައި ބޮޑެތި އަގުތަކުގައި އެއްބަސްވުން ތަކުގައި ހަމަ ސޮއި ކުރަމުންދަނީދޮތަ!