ޕީޕީއެމްގެ ކޮންގްރެސްގައި ވޯޓެއް ނަގަނީ: ކޮންގްރެސްގެ ނިންމުންތައް ބާތިލް ކުރަން ކޯޓަށް ދާނެ ކަމަށް އެމްއާރުއެމް އިން ބުނޭ --- ފޮޓޯ/ޕީޕީއެމް ޓްވިޓާ
29 ސެޕްޓެމްބަރ 2018 - 12:08
19 comments
ޕީޕީއެމުން އިއްޔެ ބޭއްވި ކޮންގްރެސްގައި ނިންމި ނިންމުންތައް ބާތިލްކުރަން ކޯޓަށް ހުށަހަޅާނެ ކަމަށް ކުރީގެ ރައީސް މައުމޫން އަބްދުލްގައްޔޫމްގެ ހަރަކާތްތައް ހިންގާ އެމްއާރުއެމް އިން ބުނެފި އެވެ،
ޕީޕީއެމުން އިއްޔެ ބޭއްވި ކޮންގްރެސްގައި އެ ޕާޓީގެ ރައީސަކަށް ރައީސް އަބްދުﷲ ޔާމީން އިންތިޚާބުކޮށް ނައިބު ރައީސް ކަމާއި ކައުންސިލް މެމްބަރު ކަމަށް ވެސް ބޭފުޅުން ވަނީ އިންތިޚާބު ކޮށްފަ އެވެ. އަދި ނޮވެމްބަރު 17 ގެ ފަހުން އިދިކޮޅު ޕާޓީއެއްގެ ގޮތުގައި މަސައްކަތް ކުރަން އެ ޕާޓީން ރޭ ވަނީ ގަރާރެއް ވެސް ފާސްކޮށްފަ އެވެ.
ޕީޕީއެމްގެ އިންތިޚާބީ ކޮމެޓީގައި ކުރިން ތިބި އަދި މިހާރު އެމްއާރުއެމްގައި ހަރަކާތްތެރިވާ ތިން ބޭފުޅަކު ނެރުނު ބަޔާނެއްގައި ބުނީ ޕީޕީއެމްގެ އަސާސީ ގަވާއިދު އޮތްގޮތުން ޕާޓީގެ އެތެރޭގެ އިންތިޚާބުތައް ހިންގަން ޖެހޭނީ އިންތިޚާބު ކޮމެޓީން ކަމަށާއި އެކަމަކު އިއްޔެ ކުރިއަށް ދިޔަ ކޮންގްރެސްގައި އެ ކޮމެޓީގެ މެމްބަރުން ބައިވެރިކޮށްފައި ނުވާތީ އެ ކޮންގްރެސްގެ ނިންމުންތައް ސައްހަ ނުވާނެ ކަމަށެވެ. އަދި އެ ޕާޓީގެ ގިނަ ގޮފިތަކެއްގެ ރައީސުންގެ ފަރާތުން ވެސް އެކަމުގެ ޝަކުވާ ލިބެމުން އަންނަ ކަމަށް ވެސް އެ ބަޔާނުގައިވެ އެވެ.
"މިއަދުން ފެށިގެން ކުރިއަށް ގެންދާ ގައުމީ ޖަލްސާއަކީ ކަނޑައެޅިގެން އަސާސީ ގަވާއިދާ އަދި ޕާޓީގެ އިންތިޚާބުތަކާ ބެހޭ ގަވާއިދާ ޚިލާފަށް ބޭއްވޭ ޖަލްސާއެއް ކަމުގައި ދަންނަވަމެވެ،" އެ ބަޔާނުގައިވެ އެވެ.
ކޮންގްރެސް ބާއްވަން ޕީޕީއެމް އިން ނިންމުމުން ކޮންގްރެސް ހުއްޓުވައި ދިނުމަށް މައުމޫންގެ ފަރާތްޕުޅުން އިލެކްޝަންސް ކޮމިޝަންގައި އެދުނެވެ. އެކަމަކު އެ ކޮމިޝަނުން ނިންމީ ކޮންގްރެސް ހުއްޓުވަން ޖެހޭ ސަބަބެއް ނެތް ކަމަށެވެ. އެ މައްސަލަ މައުމޫންގެ ފަރާތްޕުޅުން ސިވިލް ކޯޓަށް ވެސް ހުށަހެޅި އެވެ. އެކަމަކު އެ މައްސަލައާ މެދު އެ ކޯޓުން މިހާތަނަށް ވަކި ގޮތެއް ނުނިންމަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮންސްޓާ
30 September 2018
އުފެދުމުގާވެސް ބާތިލް ނިންމުމެއް
ދިއްދޫމީހެއް
30 September 2018
ތިޔައީ ނަހަލާލައް ނިންމުންތައް ނިންމި ކޮންގުރެހެއް..ތިޔަ ކޮންގުރަހަކީ ނަހަލާލުކޮންގުރަހެއް..
ޒަމީރު
29 September 2018
މީ ހުދުމުހުތާރު ނިންމުމެއް، ޔާމިން އެކަނި ކުރިމަތިލައިގެން އެހެން ޕާޓީގެ އިސް މީހުން ޖަލުގައި ބައިތިއްބައިގެ ވޯޓލެވިގެން ނުވާނެ. ތީކީ ޑިމޮކްރަސީ ގެ މަރިވެރި ނަމޫނާއާއެއްގޮތައް ހިންގާ ޕާޓީއެއްނޫން، ކޮންޣުރެސް ނުބާއްވާ މަމީ ރައީރޭ ކިޔާފަ ނިންމާލިނަމަ
ޔާސްމިން
29 September 2018
ޕޕމ އަށް ދެން އެންމެ ރަނގަޅު ލީޑަރަކީ ފާރިސް. މައުމޫންއެއްވެސް ނޫން ޔާމީން އެއްވެސް ނޫން. ފާރިސްއާއެކު މުޅިން އާފެށުމަކަށް ދިޔުން އެންމެ ރަނގަޅީ. އަދި ޕޕމ ކޮންމެ ހެން ނުޖެހޭ ސަރުކާރުގެ ކޯލިޝަނަށް ވާކަށް، އެއީ ރަނގަޅު ހެޔޮވިސްނޭ ވެރިއަކާ ލީޑަރޝަޕަކާއެކު ޕޕމ އިދި ކޮޅުގަ އޮތުން ވަރަށް މުހިންމު ވީމަ. ކޯލިޝަންގަ ޕޕމ އެއް ނުވެސް ހިމެނޭ. ޔާމީން އަކީ ޕޕމ ގެ ހަލާކު، އޭނަ ކައިރީގަ ދެން އެތިބޭ ޒަމީރާ، އަދުރޭ އާ، ކަހަލަ މީހުން ބޭނުމެއް ނޫން.
ހަހަ
29 September 2018
މައުމޫނަށް ޕީޕީއެމް ލިބިއްޖެނަމަ ހުރިހާ ޕާޓީއެއްވެގެންނުން ވެރިކަންކުރާނީ، އޭރުން ޗައިނާ އާއި ރާއްޖޭގައި ވެރިކަންކުރާ ގޮތާ އޮތް ތަފާތަކީކޮބާ؟ އިދިކޮޅު ޕާޓީއެއް އޮންނަންވާނެ. މައުމޫން އެމްޑީޕީއަށް ވަނުމަށް ގޮވާލަން
ޝަމްސިއްޔާ
30 September 2018
އޭރުން އޮންނާނީހަގީގީ އެކުވެރި ޑެމޮކުރަސީއެއް.. ޑިމޮކުރަސީ ހިންގާކައް ގައުމު އަބަދުގެއަބަދައް ބައިބައިވެފައި އޮންނާކައް ނުޖެހޭ.. ބޭނުންވަނީ ގައުމުގެ ހުރިހާ މައި ޕާޓިތައް ތަމްސީލުކުރެވޭ ވެރިކަމެއް..
ޕީޕީއެމް މެންބަރު
29 September 2018
ޕީޕީއެމްއަކީ މައުމޫނުއަށް ތާއީދުކުރާ މީހުންގެ ޕާޓީ ޕީއޭ ކުދިންކޮޅު ވެރިކަމުގައިހުރެ އެންމެ ދެމީހުން ވާދަކުރި އިންތިހާބެއްގައި ލިބުނު ވޯޓްގެ އަދަދު ފެނިފަ ލަދެއް ނުގަނޭތަ. އާންމު މެންބަރުން ލަދުގަންނުވައިލައިފި.
އޭބީ
29 September 2018
ޣައްސާނު އިންތަ މިތާ؟ އޭނާ މިހާރު ކޮބައިތަ؟
އަސްރަފު
29 September 2018
މައުމޫން ކޮންގްރެސް ބޭއްވީ އެގާރަހާސް މެމްބަރުންގެ ޕާޓީއަކާއެކު. ޔާމީން ކޮންގްރެސް ބޭއްވީ ހަތްދިހަހާސް މެމްބަރުންގެ ޕާޓީއަކާއެކު. މައުމޫނުގެ އެގާރަހާސް މީހުން މިފަހަރު އިންތިޚާބުގައި ޔާމީނަށް ވޯޓުނުދޭއިރުވެސް ނުވަދިހަހަހާސް ވޯޓުހޯދި. އެހެންވީމާ ޕާޓީގައި ތާއީދު ބޮޑީ ކޮންބޭފުޅަކަށްތޯ މިހާރު ޔަގީންވެއްޖެނޫންތޯ. 30 އަހަރު ވެރިކަން ކުރެވުނީމާ ގައުމަށް ތުރާނުކޮށް މަޑުންތިބުން ބުއްދިވެރި.
އަލިފް
29 September 2018
ޔާމީން މިހާރު އެއީ މާޒީއެވެ.
ށަންދ
29 September 2018
ޔާމިން އަކީ މާޒީނަމަ މައުމޫނަކީ ކޯޗެ؟
ދީދީ
29 September 2018
ޕީޕީ ގެ ކޯޅުންގަންޑު ތެރެއައް އެމްޑީޕީން ވަންނާނެކަމެއް ނެތް. ޢަދިވެސް ތަހުޒީބެއް ނުވޭ. ޢެއް ބަޔަކު އެކިޔަނީ އެއީ މައުމޫނުގެ ޕާޓީއެކޭ، އަނެއްބަޔަކު މިކިޔަނީ އެއީ ޔާމިނުގެ ޕާޓީއެކޭ. ޢެކަކުވެސް ނުބުނޭ މީ މެންބަރުންގެ ޕާޓީއެކޭ ނޫނީ ރައްޔިތުންގެޕާޓީއެކޭ
ފުޓްލޫސް
29 September 2018
ޕާރޓިގެ ގެ ޖަލްސާއެއްވެސް ބާއްވާ ނުލެވުނު ޢައިރު ޤާނޫނީ ތުހުމަތްތަކެއް ނުލާ. ޔާމިންގެ ހަސީލަތް ގޯހީއޭ.
ކަންބޮޑުވެފާ
29 September 2018
އަސްުލުގައި - ޔާމިން އަކީ އެއްގޮތަކަށްވެސް މީހުންގެ އިޙްޞާސްތަށް ދެނެގަނެ، ކަންފަތުން ޖާގަދީގެން އަޑުއެހުމުގެ ޤާބިލްކަން ހުރިއިންސާނެއް ނޫން. ވެރިޔަކަށް އެއްގޮތަކަށްވެސް ކުފޫހަމައެއް ނުވޭ. މިއުޅެނީ ޅަފަތުގައި އާއިލާތެރޭން ޖެހުން ހަމަނުޖެހުމާއި ކުރެވުނު އިހްޞާސްތަކުގެ އުދާސްތަަށް އަދިވެސް އާވާދީ -މިކަމުގެ ލަގާ ރައްޔިތުންނަަށް ދޭނެކަމެއް ނެތް. މަޑުމަޑުން ގޭގައި ހުރުން އެންމެ ބުއްދިވެރީ