އޭދަފުށީ ދާއިރާގެ މެމްބަރު އަލީ ސަލީމް: ހިޔާލު ފާޅުކުރުމުގެ މިނިވަންކަމާ ދެކޮޅަށް މަޖިލިހުގައި މިއަދު ވޯޓު ނެގިއިރު އޭނާ އެތަނަށް ވަޑައެއް ނުގެންނެވި.---ފޮޓޯ: ނިޝާން އަލީ/މިހާރު
09 އޯގަސްޓް 2016 - 21:52
17 comments
ހިޔާލު ފާޅުކުރުމުގެ މިނިވަންކަން ހުއްޓުވާ ބިލަށް ރައްޔިތުންގެ މަޖިލިހުގައި މިއަދު ވޯޓު ނެގި ވަގުތު މަޖިލިހަށް ވަޑައިނުގެންނެވި، އޭދަފުށި ދާއިރާގެ މެމްބަރު އަހުމަދު ސަލީމް (ރެޑްވޭވް) ވެސް ޕީޕީއެމްގެ ވައިބަ ގުރޫޕުން މިރޭ ބޭރުކޮށްލައިފި އެވެ.
ޕީޕީއެމްގެ ވައިބަ ގުރޫޕުން އޭނާ ބޭރުކޮށްލިއިރު، ސަރުކާރާ ދެކޮޅަށް އަދި ހާއްސަކޮށް ހިޔާލު ފާޅުކުރުމުގެ މިނިވަންކަމާ ދެކޮޅު ބިލަށް ޕީޕީއެމްގެ ތެރެއިން ފާޅުގައި އެންމެ ފުރަތަމަ ތެދުވި މެމްބަރުންގެ ތެރޭގައި ހިމެނިވަޑައިގަންނަވާ، ތިމަރަފުށި ދާއިރާގެ މެމްބަރު މުހައްމަދު މުސްތަފާއާ މެދު ވެސް މިދިޔަ ހުކުރު ދުވަހު ވަނީ އެ ފިޔަވަޅު އަޅައިފަ އެވެ.
ސަލީމާއި މުސްތަފާ ފާހަގަ ކުރެވިފައި ވަނީ ހިޔާލު ފާޅުކުރުމުގެ މިނިވަންކަން ހުއްޓުވާ ބިލާ ދެކޮޅަށް ވައިބަ ގުރޫޕުގައި އެންމެ ފާޅުކަން ބޮޑު ގޮތެއްގައި ވާހަކަ ދެއްކެވި ބޭފުޅުންގެ ގޮތުގަ އެވެ. ފަހުން މުސްތަފާ ވެސް އެ ބިލް އަދި ސަރުކާރަށް ބޮޑެތި ފާޑުކިޔުންތައް ވިދާޅުވެފަ އެވެ.
ބިލަށް ވޯޓަށް އެހި ގަޑީގައި ސަލީމްގެ އިތުރުން ޕީޕީއެމްގެ މެމްބަރުންގެ ތެރެއިން މަޖިލިހަށް ވަޑައިނުގަންނަވަނީ މަޑުއްވަރީ ދާއިރާގެ އަހުމަދު އަމީތު އަދި ތުޅާދޫ ދާއިރާގެ ނާޒިމް ރަޝާދެވެ.
މި ބިލާ ދެކޮޅަށް ޕީޕީއެމުން މިއަދު ވޯޓު ދެއްވީ މުސްތަފާގެ އިތުރުން ކުޅުދުއްފުށީ ދެކުނު ދާއިރާގެ މުހައްމަދު ނަޝީދާއި ދިއްގަރު ދާއިރާގެ އަހުމަދު ފާރިސް މައުމޫނާއި ނޮޅިވަރަމް ދާއިރާގެ އެމްޑީއޭގެ މެމްބަރު ހުސެއިން އަރީފެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙްމަދު
13 August 2016
ދެން ކުރީގެ މެންބަރ ނާޒިމަށް ކުރި ކަހަލަ ހުކުމެއް ކުރާނީ.
ވައިބަރ ކަޑަ
10 August 2016
ސަލީމް ހާސްނުވޭ އަހަރުން ވަކިން ގުރޫޕެއް ހަދާނީ ޓެލެގުރާމްގައި
ކިޔުންތެރިޔާ 767
10 August 2016
މީ އެބުނާ ފައްކާވެފައިވާ ޕިންކު ކުދިންގެ ޑިމޮކުރެޓިކު ހަމަތައް. އެމީހުންނާއި ހިޔާލު ތަފާތު ވެއްޖެޔާ އެވީ ބޭރުކުރަން. ކިހާ ބިޔުޓިފުލް ތޯ. ބުރިޖުމަތިންވެސް ހުރަސް ކުރެވޭނީ ޕިންކު ކުދިން އެކަނި ޔޯލަ. އެހެންބަޔަކަށް ނުދެވޭނޯ ބުރިޖު މަތިން ސިނގަޕޯ ބަލާކަށް.
ޓްވިޓް ބޯއި
10 August 2016
މަށަށް ފެނޭ ވައިބަރ ބޭނުން ކުރުމާއި އަދި ޗެޓް ކުރުމާއި ގުޅޭ ގައިޑްލައިނެއް ސުޕްރީމް ކޯޓުން ނެރެން. މިހާރު ވައިބާގެ މައްސަލަތަކަކީ، ޢާންމު މަސްލަޙަތު (ޕަބްލިކް އިންޓަރެސްޓް) އޮތް އެއްޗަކަށްވާތީ. މިއީ ވަރަށް ދެރަ ކަމެއް. ވައިބަރ ގްރޫޕް އިން ބޭރުކޮށްގެން ނުވާނެދޯ.
ސުލްތާން، އޭދަފުށި
10 August 2016
މި ގައުމުގައި ވަކި މީހެއްގެ އަބުރު އެހެން މީހުންގެ އަބުރަށްވުރެ ކަރާމާތްތެރި އެއްޗެގެ ގޮތުގައި ދެކިގެންނުވާނެ. އަބުރު ރައްކައުތެރިކުރަން ބޭނުންވާނަމަ ވައްކަންކުރުމާ، ފަސާދައާ ކަދުރު ވަގަށްބެހުމާ ރަށްތައް ކޮރޮޕްޝަނަށް މަގުފަހިވާގޮތަށް ބެހުން ހުއްޓާލަންޖެހޭ. ވަައްކަންކުރަންޏާ ވައްކަން ނުކުރާށޭ ބުނެވެންވާނެ، އެހެނީ އިސްލާމުން މުންކަރާތްތައް މަނާކުރަންޖެހޭ. އެއީ ދީނީ އަދި ގައުމީ ވާޖިބެއް
ދާއިރާ ރައްޔިތެއް
10 August 2016
2019 ވަނަ އަހަރު ރެޑްވޭވް ސަލީމް މަ ކައިރިއަށް އަންނާކަށް ނުޖެހޭނެ.. އެކަކު ވޯޓު ނުލިޔަސް މަގޭ ވޯޓު ލިބޭނެ.. ޝުކުރިއްޔާ..!
ޢަލީ
10 August 2016
ސަޅިމަކީވެސް މޮސްޠަފާއަކީވެސް ދުލަސްއައިހައި އެއްޗެއް ގޮވަމުންދާ ދެމީހުން. އެހެންކަމުން މި ދެމީހުންވެސް ބިލާހެދި ބިރު ގަންނާނެ. އެއީ ތިވާގޮތަކީ.
ޕިންކްފޮލޮއިޑް
10 August 2016
ރަނގަޅު! އެކަމަކު މަޖިލީހަށް ވަޑައިގަނެ "ހަމަ ސީދާ ރެޑަށް" ފިއްތަވާލެއްވި ނަމަ އަދި މާ ރަނގަޅުވީސް.
މުހައްމަދު
10 August 2016
ތިޔަ ގުރޫޕަކީ ތަފާތު ހިޔާލުތަކުގެ މީހުން އެކުވެގެން މަސައްކަތް ކުރުމުގެ ގާބިލުކަން ލިބުފައިވާ ގުރޫޕެއް ނޫންކަން މިކަމުންވެސް ދޭހަވަނީ. ތިޔައީ ވަރަށްދަށު ދަރަޖައިގެ އަމަލެއް.
ޝާމް
10 August 2016
ޕީޕީއެމްގަ އުޅެނީ މި އެޕް އެކަނި ބޭނުންކުރަން އެނގޭ މީހުންތަ؟