އިސްކަންދަރު ސުކޫލުގައި ޓީޗަރުންގެ ދުވަސް ފާހަގަކުރުމުގެ ގޮތުން ބޭއްވި ހާއްސަ އެސެމްބްލީގައި ޓީޗަރުން ބައިވެރިވަނީ.---ފޮޓޯ: ނިޝާން އަލީ/މިހާރު
04 އޮކްޓޯބަރ 2018 - 14:41
8 comments
ފެންވަރު ރަނގަޅު ތައުލީމެއް ފޯރުކޮށްދިނުމަށްޓަކައި ފެންވަރު ރަނގަޅު ޓީޗަރުންނަކީ ވަރަށް މުހިއްމު ބައެއް ކަމަށް އެޑިއުކޭޝަން މިނިސްޓަރު ޑރ. އާއިޝަތު ޝިހާމް މިއަދު ވިދާޅުވެއްޖެ އެވެ.
މާދަމާ ފާހަގަކުރާ ބައިނަލްއަގުވާމީ ޓީޗަރުންގެ ދުވަހުގެ ތަހުނިޔާ ވިދާޅުވަމުން މިނިސްޓަރު ފޮނުއްވި މެސެޖުގައި ވިދާޅުވީ ޓީޗަރުންގެ ފެންވަރު ރަނގަޅު ކުރުމަށްޓަކައި ގިނަ މަސައްކަތްތަކެއް ކޮށްފައިވާ ކަމަށެވެ. އެކަމުގެ ފައިދާ ދަރިވަރުންނަށް ކޮށްފައިވާ ކަމަށް ވެސް ވިދާޅުވި އެވެ.
މިނިސްޓަރު ވިދާޅުވީ ޓީޗަރުންނަކީ ތަރުބަވީ ތައުލީމެއް ފޯރުކޮށްދިނުމަށްޓަކައި ބޭނުންވާ ހުނަރު ހުރި ބަޔަކަށް ހެދުމަށް ފާއިތުވި ދުވަސްތަކުގައި ތަމްރީނު ދީފައިވާ ކަމަށެވެ.
"ފެންވަރު ރަނގަޅު ތައުލީމެއް ފޯރުކޮށްދިނުމަށް، ސްކޫލުތަކުން ކުރައްވާ މަސައްކަތްތަކުގައި އެންމެ އިސް ސަފުގައި މަސައްކަތް ކުރައްވާ ޓީޗަރުންގެ މަސައްކަތް އުފަލާއެކު ފާހަގަކުރަމެވެ. އަދި ދަރިވަރުންގެ ކުރިއެރުމާއި ތަރައްގީ އަށް ސްކޫލުތަކުން ކުރި އަށް ގެންދަވާ ޕްރޮގްރާމްތައް ހިންގެވުމުގައި ސްކޫލުތަކުގެ އިސް ވެރިންނާއި މުވައްޒަފުން ކުރައްވާ މަސައްކަތް ވެސް އުފަލާއެކު ފާހަގަކުރަމެވެ،" މިނިސްޓަރުގެ މެސެޖުގައި ވެ އެވެ.
ޓީޗަރުންގެ ދުވަހަކީ ސްކޫލުތަކަށް އަންނަ ބޮޑު އީދެކެވެ. މުޅި ސްކޫލު ތެރެ ޒީނަތްތެރިކޮށް ޓީޗަރުންނަށް ހާއްސަ ކޮށްގެން ސްކޫލުތަކުން އަންނަނީ ހަރަކާތްތައް ބާއްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަނބުސޯ
04 October 2018
އިންޓެލިޖެންޓު ކުދިން ޓީޗިންގ އަށް ދާނީ ރަގަޅު މުސާރައަކާއި މިނިވަންކަމާއި އެކު ކިޔަވައިދެވިގެން. ކޯޑިނޭޓަރުންތަކާހެދި ނޯވޭ މިނިވަންކަމެއް. ސިޔާސީގޮތުން ބޯ ގިނަކުރަން ސެޓުފިކެޓު ބަހަން ހަބޭސް އަރުވާލައިގެން އުޅެނީ.
ހީނާ
04 October 2018
ބޭނުން ވަނީ އިސްލާމީ އަސްލުތަކައް ހުރުމަތްތެރިކޮއް ހިތާ ދީނީ ސައްހަ އަޤީދާ ދަންނަ ހީވާގި،ކުޅަދާނަ ޒިންމާދާރު ޓީޗަރުން، ސެޓްފިކެޓެއް އޮތަސް ހިލްމެއް ނެތިއްޔާ ޖީލެއް ފަނާވާއިރު މާއްދިއްޔަތައް އަޅުކަން ކުރަމުން ދިޔަޔަސް ނޭގިފަ މި ތިބެވެނީ، ހުޅަގުގެ ނަމޫނާ ނަކަލު ނުކޮށް ފުރިހަމަ އިސްލާމީ ނަމޫނާ ދެއްކޭ ފެންވަރު ހުރުން މުހިއްމުކަން އިގޭ އިރު މާލަސްވެދާނެ!
ާަަަމާދިލް
05 October 2018
ތި ފަދަ ގިނަ ކުދިންގެ ސުވާލުތަކަށް ދޭނެ ޖަވާބެއް އިސްލާމް މުދައްރިސްގެ ކިބައިގަ ނުހުރެ. ޢަގަމަޑުކުރަން އަންގާ ހުއްޓުވަނީ ފިލާވަޅު ކުރިއަށް ނުގެންދެވޭ ކިޔާފަ. ޙަމަ އެކަނި ފޮތުގެ މުގައްރަރު ކަވަރު ކުރެވޭތޯ ބަލަނީ. ކުރިއްސުރެ އިންނަނީ "ދީންވެރިންގެ ދަރިން އަރަބިއްޔާ އަށް ލާންވީނު " މިހެން. ދުވަސް ކޮޅަކުން މިތަން ޕާކިސްތާނަށް ވީހެން ވެދާނެތީ ވެސް ބިރު ހީވެ
ބަލާމީހާ
05 October 2018
ހުޅަނގުގެ ނަމޫނާ ނަކަލު ނުކުރާށޭ ތިޔަ ބުނަނީ، އަހަރެމެން މުސްލިމުންނަކީ މިދުނިޔޭގައި އެންމެ ކުރިއަރާފައިވާ މީހުންނަށް ވީތީތޯއެވެ؟ ހުޅަނގުގެ މީހުންނަކީ މާއްދިއްޔަތަށް އަޅުކަން ކުރާ ބަޔެކޭ ތިޔަ ބުނަނީ ކިހިނެއް ވެގެންތޯއެވެ؟ ގައިމުވެސް އަހަރެމެން މުސްލިމުންހާ ލާރިއާއި މުދަލަށް އަޅުކަން ކުރާ ބަޔަކު ނޫޅޭނެއެވެ.
ހަސަން ހުސެއިން
04 October 2018
ކޮލިޓީ ރަނގަޅެއްނުވާނެ ސެޓްފިކެޓް އެއް ދިނަސް. ބްލޮކް މޯޑުގައ 3 ހަފްތާ ކިޔަވާފަ ޑިޕޮލޮމާ ބެހީމަ މާމޮޅެއްނުވާނެ. ވާނެ ގެއްލުން ބޮޑު.
ހަމްދޫންސޯ
04 October 2018
އެހެންތާވާނީ، މިދާއިރާއަށް ކުރިމަތިލަނީ ފެންވަރު ނެތް ކުދިން މިހާރު
ހުސެންހަލީމް
04 October 2018
ތިހެން ކިޔާތީކަމުނުގޮސްގެންތާ ތަންތަނައްއަރާ އަހަރެން މިފަހަރު ތާއީދު ކުރަނީ ކެންޑިޑޭޓު ނަންބަރު 2. އަބަދުވެސް ދައްކަންވީ މުސާރަ ބޮޑުކުރާ ވާހަކަ. މިވެނި އަހަރެއް ނިމެންވާއިރައް ޓީޗަރުން ގައިގަ މިވެނިފެންވަރެއްގެ ތައުލީމް ހާސިލް ކޮއްފައޭ ހުންނަންވާނީ ކިޔަވަންދާށޭ ކިޔެވޭގޮތް ހަމަޖައްސައިދީފައޭ އެއޮތީ ބުނީމަ ކަމަކުނެދެ. މުސާރާ، ދެދަންފަޅި، އެއްދަންފަޅި، ޓެބްލެޓް މިހެން ތައްތަހާވެސް ކިޔަނީ. ދެން ރަގަޅުތާ ޖަޒީރާގަ ތިބޭނީ
ރަދީފުލް އައްވަލް
04 October 2018
ޔާމީނު ދައުރުގާ ޓީޗަރުން ޑިގުރީފެންވަރުކުރަންވެގެން އެތައް ޓީޗަރުންނެއް އެފެންވަރަށް ގެނައީ ގަދަކަމުން ހިފާއްޓާބަހައްޓާފާ.