ސައުދީ އިންވެސްޓްމަންޓް ސަމިޓުގައި ޑރ. ވަހީދު

ޑރ. ވަހީދު މިއަދު ސައުދީގައި ފެށި ސަމިޓުގައި ބައިވެރިވެވަޑައިގަންނަވާއިރު، އަރިހުގައި ޕާކިސްތާނުގެ ބޮޑުވަޒީރު އިމްރާން ޚާން ބައިވެރިވެވަޑައިގަންނަވަނީ. - ފޮޓޯ: ޓުވިޓާ

މުހައްމަދު ޔާމީން، މިހާރު

23 އޮކްޓޯބަރ 2018 - 16:16

44 comments

ސައުދީ އަރަބިއްޔާގެ ވެރިރަށް ރިޔާޒްގައި މިއަދު ފެށި އިންވެސްޓްމަންޓް ސަމިޓުގައި ރާއްޖޭގެ ކުރީގެ ރައީސް ޑރ. މުހައްމަދު ވަހީދު ބައިވެރިވެވަޑައިގެންފި އެވެ.

"ދަ ފިއުޗާ އިންވެސްޓްމަންޓް އިނިޝިއޭޓިވް 2018" ގެ ނަމުގައި ފެށި ސަމިޓުގައި ވަހީދު ބައިވެރިވެވަޑައިގަންނަވަނީ ކޮން ހައިސިއްޔަތަކުން ކަމެއް ނޭނގެ އެވެ.

ވަހީދު ޓުވިިޓާގައި އާންމު ކުރެއްވި ފޮޓޯއިން ފެންނަ ގޮތުގައި ސަމިޓް ފެށުމުގެ ހަފްލާގައި އެމަނިކުފާނުގެ އަރިހުގައި ޔުނައިޓެޑް އަރަބް އެމިރޭޓްސް (ޔޫއޭއީ) ގެ ނައިބު ރައީސް މުހައްމަދު ބިން ރާޝިދާއި ޕާކިސްތާނުގެ ބޮޑުވަޒީރު އިމްރާން ޚާން ބައިވެރިވެވަޑައިގަންނަވަ އެވެ.

ވަހީދު ކުރެއްވި ޓުވީޓުގައި ވިދާޅުވީ، އެ ސަމިޓުގައި ޖޯޑަން އާއި ބަހްރައިނާއި އެފްރިކާ އާއި އޭޝިއާގެ އެކިއެކި ގައުމުތަކުގެ ބޭފުޅުން ބައިވެރިވެވަޑައިގަންނަވާ ކަމަށެވެ.

ސައުދީ ސަމިޓުގައި ވަހީދު ބައިވެރިވެވަޑައިގެންނެވި އިރު، އެ ގައުމުގެ ނޫސްވެރިޔާ ޖަމާލް ޚާޝުގްޖީގެ މަރާ ގުޅިގެން ބައެއް ބޭފުޅުން ވަނީ ސަމިޓު ބޮއިކޮޓް ކުރައްވައިފަ އެވެ.

The Future Investment Initiative 2018 launched successfully in Riyad. HH Sheikh Mohammed bin Rashid Ruler of Dubai and HE Imran Khan Pakistan PM attending. ⁦More VVIPs from Jordan, Bahrain and several African and Asian Countries. @FIIKSA⁩ ⁦@Mihaarunews⁩ pic.twitter.com/Inae7qwkrl
— Mohamed Waheed (@DrWaheedH) October 23, 2018

ޑރ. ވަހީދު މިއަދު ކުރެއްވި ޓުވީޓު.

ބޮޑެތި ގައުމުތަކާއި ބޭރު ދުނިޔޭގެ މަޝްހޫރު ކުންފުނިތަކުން ސައުދީ ފޯރަމް ބޮއިކޮޓް ކުރީ ތުރުުކީގެ އިސްތަންބޫލުގައި ހުންނަ ސައުދީ ކޮންސިއުލޭޓްގެ ތެރޭގައި އެ ގައުމުގެ ނޫސްވެރިޔާ ޖަމާލް ޚާޝުގްޖީ މަރާލާފައި ވާތީ އެކަން ކުށްވެރިކުރުމުގެ ގޮތުންނެވެ.

"ޑާވޯސް އޮފް ދަ ޑެޒާޓް"ގެ ނަމުން މަޝްހޫރު ފޯރަމް އިންތިޒާމް ކުރަނީ ސައުދީ އަރަބިއާގެ ސޮވެރިން ވެލްތު ފަންޑުންނެވެ. ތިން ދުވަހުގެ މުއްދަތައް ބާއްވާ ސަމިޓުން ސައުދީގައި އިންވެސްޓް ކުރުމަށް ކުންފުނިތަކަށް ރަނގަޅު ފުރުސަތެއް ލިބިގެން ދެ އެވެ. ސަމިޓުގައި ވަނީ 140 ކުންފުންޏެއްގެ ފަރާތުން 100 އަށްވުރެ ގިނަ ތަޖުރިބާކާރުން ތަގުރީރު ކުރާނެ ކަމަށް ސޮވެރިން ވެލްތު ފަންޑުން ބުނެ އެވެ.

ސައޫދީ އަރަބިއްޔާ ރައީސް މުހައްމަދު ވަހީދު ރާއްޖެ-ސައުދީ

44 ކޮމެންޓް, 119 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕިއްޕީ

24 October 2018

ނަޝީދަށްވުރެ ރަގަޅަށް ވެރިކަންކުރީ ޑރ ވަހީދު. ނަޝީދު ވެރިކަމުގަ ދޮޅު މަހުން ކޯލިޝަން ރޫޅި ބައިދުވަހަށް އިދިކޮޅުން ކޮށްލި މުޒާހަރާއަކުން ވެރިކަން ވެއްޓުނު. އެކަމު ވެރިކަމުގައި ކޮންމެ ހަފްތާއަކު އަބަދު މުޒާހަރާކުރިއިރު ކޯލިޝަނަކާއެކު ވެރިކަން ދަމަހައްޓަން އެނގުނު ވެރިއަކީ ހަމަ ޑރ ވަހީދު. ހީ ހޭޒް މޯރ ލީޑަރިޝިޕް ކޮލިޓީ ދޭން ނަޝީދު، އޮބްވިއަސްލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

24 October 2018

ވަރިހަމަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަމީހާ

24 October 2018

އޭނައަށް ޑރ. ވަޙީދު ކިޔަނީ ކީއްވެ؟ ރޯމާ ދުވާލު މީހުންމަރަނީ ސަޢުދީގަ ތަ ނޫނީ މިޤައުމުގަތަ؟ މިއީ ދުވަސްވަރާ ގުޅޭ ގޮތުން ދުއްވި ދެބޯ ގެރިއެއްތަ؟ އަންނި ސަޢުދީއަށް ދިޔައީ ހަމަޖެހޭތީތަ؟ ކޯލިޝަން ވެރިކަމުގަ ޑރ. ވަޙީދަށް ޤައުމަށް އަންނަން ކެރޭނެބާ؟ އޭނައަށް އަދަބު ދފަ ޤާސިމް ދޫކޮއްލެވޭނެބާ؟ ޢަބދުﷲ ރިޔާޒަށް ވާނީ ކިހިނެއް؟ ހައްތާހާ ސުވާލު!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން އާމިރު

24 October 2018

އެންމެން ބޮއިކޮޓް ކުރިސަމިޓަށްވެސް މީނަ މިއިނީ ގޮއްސަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނު

24 October 2018

މީނަ ބައިވެރިވެގެން ދިވެހިރާއްޖެއަށް ކޮން ކަމެއްތަ ވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖީތު

24 October 2018

އެއްވެސް މީހަކު ސައުދީ މީހުން ކައިރީ ނުބެނޭތަ މިއީ މިހާރު ރައީސްއެއް ނޫނޭ؟ ކުރިމަތިލައިގެން ލިބުނީ %5 ކޭ؟ ވެރިކަން ހޯދީ ކުރިން ހުރި ވެރިމީހާއާ ދެކޮޅަށް ކުރި ބަޢާވާތެއްގެ ފަހުންނޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާ

24 October 2018

މީހަމަ އެއްވެސްކަހަލަ ވިސްނުމެއް ހުރި މީހެއް ނޫން. މިއޮށްފަދަ ދަނޑިވަޅުގަ ކީއްކުރަން ދާންވީކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލާޙު

24 October 2018

ރޯމާ ދުވާލު މީހުން ކަތިލާ ޤައުމެއްގެ ތިފަދަ ސަމިޓެއްގައި ބައިވެރިވާނީ ވެސް އެކަމަށް ތާއީދުކުރާ މީހުންކަން ކަށަވަރު. އެހެންނޫނީ ވިސްނުމުގައި ކޮށިކަމެއް އުޅެނީ ކަމަށްވާނީ.