ހޮޓާ ހިންގޭނީ ސިއްހީ ހިދުމަތާއި 24 ގަޑިއިރު ކަރަންޓް އަދި ފުލުހުން ތިބޭ ރަށްރަށުގައި ކަމަށް ހަމަޖައްސައިފި
ރާއްޖޭގައި އެންމެ ގިނަ ޓޫރިސްޓް ގެސްޓް ހައުސް އަދި ހޮޓާތައް ހިންގާ ކ. މާފުށި: ޓޫރިސްޓް ހޮޓަލާއި ގެސްޓް ހައުސް ހިންގުމަށް ދެނީ ތަފާތު ދެ ހުއްދައެއް.
12 އޯގަސްޓް 2016 - 10:51
27 comments
ޓޫރިސްޓް ހޮޓާ ހިންގުމަށް ހުއްދަ ދޭ ގަވައިދަށް ބޮޑެތި ބަދަލުތަކެއް ގެނެސް، އެތަންތަން ހިންގޭނީ ސިއްހީ ހިދުމަތާއި 24 ގަޑިއިރު ކަރަންޓް އަދި ފުލުހުން ތިބޭ ރަށްރަށުގައި ކަމަށް ހަމަޖައްސައިފި އެވެ.
ހޮޓާ ތަރައްގީކުރުމާއި ހިންގުމާ ބެހޭ ގަވައިދުގެ 18 ވަނަ މާއްދާއަށް ގެނައި އިސްލާހުގައިވާ ގޮތުން، ހޮޓާ ހިންގަން ހުއްދަ ދޭނީ ސިއްހީ ހިދުމަތާއި 24 ގަޑިއިރުގެ ކަރަންޓް އަދި ފުލުހުންގެ ހިދުމަތް ދެވޭ ގޮތަށް މަރުކަޒެއް ގާއިމުކޮށްފައިވާ ރަށްރަށުގަ އެވެ.
ޓޫރިޒަމް މިނިސްޓްރީން އެކުލަވައިލި އެ ގަވައިދުގައި ބުނެފައި ވަނީ އޭގެ ދަށުން ހުއްދަ ދީފައިވާ ކޮންމެ ޓޫރިސްޓް ހޮޓަލެއްގައި ވެސް ކަރަންޓް، ފެން، ނަރުދަމާ، ލޭންޑް ލައިން ފޯން، ފެކްސް، އަދި އިންޓަނެޓްގެ ހިދުމަތް 24 ގަޑިއިރު ލިބެން ހުންނަން ވާނެ ކަމަށެވެ. އަދި އެ ހިދުމަތްތަކުގެ ތެރެއިން ޓޫރިސްޓް ހޮޓަލަށް ބޭނުންވާ އިމަޖެންސީ ކަރަންޓް ފަދަ ހިދުމަތްތައް ދޭން ވާނީ އެ ސަރަހައްދަށް ޔުޓިލިޓީސް ހިދުމަތް ދިނުމަށް ކަނޑައަޅާފައިވާ ފަރާތުގެ ހުއްދައާއެކު، އެކަމަށް އެނާޖީ އޮތޯރިޓީން ކަނޑައަޅާފައިވާ މިންގަނޑަށް ވުރެ ދަށްނުވާ ގޮތަށް ކަމަށް ވެސް ގަވައިދުގައިވެ އެވެ.
ޓޫރިޒަމް މިނިސްޓްރީން އަލަށް އެކުލަވައިލި ގަވައިދަށް އިއްޔެއިން ފެށިގެން އަމަލުކުރަން ފަށަން ޖެހެ އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން ރާއްޖޭގައި މިދިޔަ އޭޕްރިލް މަހުގެ ނިޔަލަށް ހިންގަމުން ގެންދިޔައީ 12 ޓޫރިސްޓް ހޮޓަލެވެ. އެއީ 1،428 އެނދެވެ.
ޓޫރިޒަމް މިނިސްޓްރީން ގަވައިދަށް އިސްލާހު ގެނައިއިރު، ރާއްޖޭގައި ކުދި އާބާދީތައް ހިމެނޭ ބައެއް ރަށްރަށުގައި ޓޫރިސްޓް ހޮޓާ ހިންގަމުން އެބަ ގެންދެ އެވެ. އަދި އިތުރު ބައެއް ހޮޓާތައް އަންނަނީ ތަރައްގީ ކުރަމުންނެވެ.
ޓޫރިސްޓް ހޮޓަލާއި ގެސްޓް ހައުސް ހިންގުމަށް ދެނީ ތަފާތު ދެ ހުއްދައެކެވެ. އެގޮތުން ޓޫރިސްޓް ހޮޓަލެއް ނަމަ އެތަނެއްގައި 25 ކޮޓަރީގައި 50 އެނދު ހުންނަންޖެހެ އެވެ. އެކަމަކު ގެސްޓް ހައުސްއެއް ނަމަ އެ މިންވަރަށް ކޮޓަރި އަދި އެނދު ހުންނަން މަޖުބޫރެއް ނޫނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހްސާންތެރިޔާ
13 August 2016
ތިގޮތްވެސްް ހަމަ ރަގަޅު. އެކަމު ތިވަސީލަތްތައް އާބާދީ މަދު ރަށްތަކުގައިވެސް ހުންނާނީ ގައިމު ސަރުކާރުން ކުރީމަދޯ.. އަޅުގަނޑުވެސް ބޭނުން އިޙްލާސްތެރި ފުލުހުން ރަށުގައި ބައިތިއްބައި، ސިއްޙީ ޙިދުމަތް ރަގަޅަށްދީ ހަދާ ތަނެއް. އަމިއްލަ މީހުންނަަށްވެސް ވިޔަފާރި ފަސޭހަކަމާއެކު ކުރެވެންވާނެ.
މަރިޔަމް
13 August 2016
އަނެއްކާ ގެސްޓް ހައުސް ވިޔަފާރިތައް ހުއްޓުމަކަށް އަންނަނީ ބާ؟ ރާއްޖޭގެ ކިތައްރަށްތަކުގައިބާ ތިބުނާ ފުރިހަމަ ސިއްޙީ ފަރުވާ ލިބެން ހުންނަނީ؟ ސިއްހީ ހިދުމަތް ތިމާނަކުރަނީ ކިހިނެތްބާ؟ ގިނަވާނީ ހޮސްޕިޓަލެއް ހުރެ ޑަރކްޓަރުން ނުތިބޭ، ނޫނީ ޑަކްޓަރުން ތިބި މެޝިންތައް ހަލާކުވެފަ، ނޫނީ މެޝިތައްހުރެ ބޭނުންވާ ބޭސް ނުލިބޭ ހޮސްޕިޓަލުތައް. މިކަންތައް ފުރިހަމަ ކުރުމަކީ ހޮޓެލް ހިންގާ ފަރާތުގެ ޒިންމާތޯ ނޫނީ ސަރުކާރުގެ ޒިންމާތޯ؟ މައުމޫން ސަރުކާރުގެ ޓެކްސްނުނަގާވެސް ވީ ހަމަ މިވަރު، މިހާރު ބިލިއަނުން ޓެކްސް ނަގައިގެންވެސް ވީ ހަމަ އެވަރު. މީރާއިން ވެއްޖެނުންތޯ ޓެކްސް އަތުލުމުގެ އިތުރުން ތިޓެކްސް ލާރިއަށް ވާގޮތުގެ ރިޕޯޓެއްވެސް ނެރެން. އެއީ އޮޑިޓް އޮފީހަކަށް އެކަމެއް ނުވިތާދޯ.
ޢެދުރު
14 August 2016
މީގަ ނެތްދޯ ގެސްޓް ހައުސް ގެ ގަވާއިދަށް ބަދަލު ގެނައި ވާހަކަ އެއް. ގެސްޓް ހައުސް އާ ޓޫރިސްޓް ހޮޓަލަކީ ތަފާތު 2 ކެޓަގަރީ އެއްކަން ލިޔުން ކީމަ އެނގޭ. ކޮމެންޓް ކުރުމުގެ ކުރިން ރަގަޅަށް ލިޔުން ކިޔާލުން މުހިންމު ކަމަށް ފެނޭ.
ސަލާ
13 August 2016
ފޮޓޯ ޖެހިއިރު ފަހުގެ ފޮޓޯއެއް ޖެހި ނަމަވެސް އޯކޭ
ޒަހިރު
13 August 2016
ތީކުރިންވެސް އޮންނަ ގޮތް
މުހައްމަދު
13 August 2016
ބަލަ، ރައްޔިތުންނާއި ވޯޓް އަޅާ ފޮއްޓަކީ އިންތިޚާބުތައް ކައިރިވީމަ ނަގާ ހިރަފުސް ފޮޅާލައިގެން ބޭނުންކުރަން ހުންނަ އެއްޗެހި، އިންތިޚާބު ނިމުނީމަ ރައްޔިތުން ތިބޭނީ މަތާރަން ފިލާމަތީ ހަރަފުން އަރަން.
މެންޓަލިސްޓް
12 August 2016
ތިޔަބުނާ ޙިދުމަތްތަށް ނެތް ރައްރަށުގެ ލިސްޓެއް މިއާރޓިކަލްގައި ޖަހާލިނަމަ ވަރަށް ފުރިހަމަވީސް ،
އެޑޯ
13 August 2016
މާލެ އާއި އަތޮޅުވެރިކަން ކުރާ ހުރިހާ ރަށެއް ފިޔަވައި ބާކީ ހުރި ރަށްތައް! ކަޑަ؟
އަސްފާ
12 August 2016
ނުހިންގޭނެއޭ ނުބުނެ، ހިންގޭނެ މަގުފަހިކޮށްދިނުމަކީ ކޮންބައެއްގެ މަސްއޫލިއްޔަތެއް؟ އަބުރުވެސް މާލީތަނަވަސްކަންވެސް ޥަކިބަޔަކަށް ހާއްސަވާ ގޮތައް މިހެދީ.!
007
12 August 2016
ޓޫރިޒަމް މިނސްޓްރީގެ ގަވާދު ބުނާގޮތުން ކޮންމެ ރިޒޯޓެއްގައި ޑޮކްޓަރަކު ހުންނަން ޖެހޭނެ. ސޮނެވާފުށީގައާ ، ރޯޔަލް ރިސޯޓާއި، ފިނޮޅު ރިސޯޓް މިހާރުވެސް ތިބީ ނަރުހުން. މައުލޫމާތު ހުރެގެން ބުނަނީ. މިހާރު ނޫހުން މިވަގުތު ގުޅާފަ ބެއްލެވިޔސް އެކަން އެނގޭނެ.
ރޮކް
12 August 2016
ނިކަމެތި ރާއްޖެތެރޭ މީހާއަށް ފައިސާކޮޅެއް ލިބެން ފެށީމާ މަހުޖަނުން ނުރުހުންވީދޯ. މިހާރުވެސް ރާއްޖޭގަ ހުރި ބޮޑެތި ރިޒޯޓްތަކުގައި ޑޮކްޓރެއް ނުހުރޭ. ހުންނަނީ ފޭކް ނަރުހަކު ބަހައްޓާފަ. އެކަން ފުރަތަމަ އިސްލާހުކޮށްބަލަ މިނިސްޓްރީގެ ބޭކަލުން ގޮސް ބަލާފަ.
ރައްޖޭތެރޭނިކަމެތި މީހާ
12 August 2016
ހަމައެކަނި މާލޭ މީހުންނަށް ކުރެވޭކަމެއް ކަމުގައި ބާއްވާތި!