އައްޑޫގައި ފުރަތަމަ ފަހަރަށް ހުޅު ބަދަލުކުރުމުގެ އޮޕަރޭޝަނެއް ކުރަނީ

ޑރ. މުޒްނީ ފޮޓޯ އަކަށް ހުއްޓި ވަޑައިގެން.

އާސިމާ ނިޒާރު، މިހާރު

28 އޮކްޓޯބަރ 2018 - 15:59

އައްޑޫގައި ހުޅު ބަދަލުކުރުމުގެ ފުރަތަމަ އޮޕަރޭޝަން ސ. ހިތަދޫ ރީޖަނަލް ހޮސްޕިޓަލުގައި މާދަމާ ކުރަން ތައްޔާރުވެއްޖެ އެވެ. މިއީ މާލެ ފިޔަވައި ރާއްޖޭގެ އެހެން ރަށެއްގައި މި އޮޕަރޭޝަން ކުރާ ފުރަތަމަ ފަހަރެވެ.

އުމުރުން 60 އަހަރުގެ އަންހެނެއްގެ މި އޮޕަރޭޝަން ކުރައްވަނީ އައިޖީއެމްއެޗުގެ ކަށީގެ ހާއްސަ ޑޮކްޓަރު އަދި ކަށީގެ ޑިޕާޓްމަންޓުގެ ހެޑް، ޑރ. އަލީ މުޒުނީ އެވެ.

އައްޑު އަށް އުފަަން މުޒުނީ "މިހާރު"އާ ވާހަކަދައްކަވަމުން ވިދާޅުވީ ހުޅު ބަދަލުކުރުމުގެ އޮޕަރޭޝަން ކުރަން އައިޖީއެމްއެޗުގައި މިހާރު ވެސް ވަރަށް ދިގު ލިސްޓެއް އެބަ އޮތް ކަމަށެވެ. އެގޮތުން ދޮޅު އަހަރު ވަންދެން މަޑުކުރަން ޖެހޭ ވަރަށް ވެއިޓިން ލިސްޓްގައި މީހުން ތިބި ކަމަށް ވެސް އޭނާ ވިދާޅުވި އެވެ. އެހެންކަމުން މާލެއިން ބޭރުގައި އެ އޮޕަރޭޝަން ކުރުމަކީ ލިބޭނެ ވަރަށް ބޮޑު ކުރިއެރުމެއް ކަން އޭނާ ފާހަގަކުރެއްވި އެވެ.

"އުއްމީދަކީ ރީޖަނަލް އެހެން ހޮސްޕިޓަލްތަކުގައި ވެސް ހުޅު ބަދަލުކުރުމުގެ އޮޕަރޭޝަން ފެށުމުން. އައިޖީއެމްއެޗުގައި އެނދުގެ ދަތިކަން ހުރީމަ ޑިމާންޑާ އެއްވަރަށް އޮޕަރޭޝަނެއް ނުކުރެވޭ. އެހެންވެ މާލެއިން ބޭރުގައި އޮޕަރޭޝަން ކުރަން ފެށުމުން ވަރަށް ފަސޭހަވަގެންދާނެ،" މުޒުނީ ވިދާޅުވި އެވެ.

"ބޭނުމަކީ އަތޮޅު ތެރެއަށް ހުޅު ބަދަލުކުރުމުގެ ހިދުމަތް ފުޅާކުރުން. ޕްލޭނުގައި އެބަ އޮތް އެކަމަށް މަސައްކަތް ކުރުން."

ހުޅު ބަދަލުކުރުމުގެ އޮޕަރޭޝަން ކުރަނީ، ހުޅުގެ މަޑުކަށި ގޭނެމުން ގޮސް ބޭހަކުން ވެސް އަދި އެނޫން ގޮތަކުން ވެސް ހައްލުނުވާ ހިސާބަށް ދިއުމުންނެވެ.

މުޒުނީ ވިދާޅުވި ގޮތުގައި ހުޅު ބަދަލުކުރުމުގެ އޮޕަރޭޝަނަކަށް ގދ. ތިނަދޫ ރީޖަނަލް ހޮސްޕިޓަލް ވެސް އަންނަނީ ތައްޔާރުވަމުންނެވެ. އަންނަ މަހު އެ އޮޕަރޭޝަން ކުރެވޭނެ ކަމަށް އޭނާ ލަފާކުރައްވަ އެވެ.

އޭނާ ވިދާޅުވީ ރާއްޖޭގެ ރީޖަނަލް އެހެން ހޮސްޕިޓަލްތަކުގައި ވެސް ހުޅު ބަދަލުކުރުމުގެ އޮޕަރޭޝަންތައް ކުރުމަކީ ހުވަފެނެއް ކަމަށެވެ.

އައިޖީއެމްއެޗު ސިއްހީ ޚިދުމަތް ހިތަދޫ ރީޖަނަލް ހޮސްޕިޓަލް ޑރ. އަލީ މުޒްނީ ސިއްހަތު

14 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޏަޖީބް

29 October 2018

ޢައްޑޫގައި މީހުން އުޅޭތަނެއއނޫން ހުރިހާއެންމެން ދަފްތަރުގަ ޖެހިގެން މާލެއިން ފްލެޓް ހޯދަން މާލޭގައި ރަންބުއްދިވެގެން ތިތަން ކުޅުދުއްފުށިގަ ހުޅުވިނަމަވެސް މާރަނގަޅުވީހޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިދް/އައްޑޫ ސިޓީ

28 October 2018

ޝުކުރިއްޔާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮސް

28 October 2018

ހެލްތު މިނިސްޓަރުކަން ޑރ. މުޒުނީ ބޭނުމޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާއްތަ

28 October 2018

މުޒްނީ ރިކޯޑް ބިންދަމުންދަނީ. މިހާރު ތިވަރުގެ އޮޕަރޭޝަނެއް ކުރެވެނީ 10000ޑޮލަރަށް. ރާއްޖޭގައި މިހިދްމަތް ހިލޭ ލިބޭތީ އުފާވޭ. އެކަމަކު މުޒްނީ ހުއްނަވާނީ އޮޕަރޭޝަން ކުރަމުންގޮސް ވަރަށް ބަިލވެފައި. އެހެންވީމާ ގޯހެއް ހެދުމުގެ ފުރުސަތު ކުޑަކުަރންޖެހޭ.