އިންތިހާބީ ރައީސް އިބްރާހިމް މުހައްމަދު ސޯލިހް (އިބޫ). --- ފޮޓޯ: ހުސެއިން ވަހީދު/ މިހާރު
12 ނޮވެމްބަރ 2018 - 09:14
7 comments
އަންނަ އަހަރަށް ލަފާކޮށް، ފިނޭންސް މިނިސްޓްރީން ރައްޔިތުންގެ މަޖިލީހަށް ފޮނުވި 29 ބިލިއަން ރުފިޔާގެ ބަޖެޓު، ރައްޔިތުންގެ މަޖިލީހުގެ މާދަމާގެ ޖަލްސާއަށް ހުށަހަޅަން ނިންމައިފި އެވެ.
އަންނަ އަހަރުގެ ބަޖެޓް އެކުލަވައިލީ އިންތިޚާބީ ރައީސް އިބްރާހިމް މުހައްމަދު ސޯލިހް (އިބޫ) ގެ ސަރުކާރުން ބޭނުންވާ ކަންކަން ހިމަނައިގެން ކަމަށްވާއިރު، އެމަނިކުފާނު ބޭނުންފުޅުވީ 29.6 ބިލިއަން ރުފިޔާގެ ބަޖެޓެކެވެ. މި ބަޖެޓު މަޖިލީހަށް ހުށަހަޅުއްވާނީ ފިނޭންސް މިނިސްޓަރު އަހުމަދު މުނައްވަރެވެ. މިއީ މި އަހަރަށް މަޖިލީހުން ފާސްކޮށްފައިވާ ބަޖެޓާ އަޅާ ބަލާއިރު ދެ ބިލިއަން ރުފިޔާ ބޮޑޫ ބަޖެޓެކެވެ.
ގާނޫނުއަސާސީގައިވާ ގޮތުން ކޮންމެ އަހަރެއް ފެށުމުގެ ކުރިން އެ އަހަރަކަށް ދައުލަތުން ހިނގާނެ ކަމަށް ލަފާ ކުރެވޭ ހަރަދާއި ދައުލަތަށް ލިބޭނެ ކަމަށް ލަފާކުރާ އާމްދަނީގެ ހިސާބު ހިމެނޭ ބަޖެޓެއް ހުށަހަޅަން ވާނެ އެވެ. މާލިއްޔަތު ގާނޫނު ބުނާ ގޮތުން އޮކްޓޯބަރު މަހުގެ ނިޔަލަށް މަޖިލީހަށް ބަޖެޓު ފޮނުވަން ޖެހެ އެވެ.
ފިނޭންސް މިނިސްޓްރީން ކުރިން ބުނެފައިވާ ގޮތުގައި މަޖިލީހަށް ބަޖެޓު ފޮނުވީ އަލަށް އެކުލަވައިލަން ތައްޔާރުވަމުން އަންނަ ސަރުކާރުގެ އިސް ބޭފުޅުން ބޭނުންވާ ގޮތަށް ކަންކަން ހިމަނައިގެންނެވެ.
ބަޖެޓާ ގުޅޭ ގޮތުން ފައިނޭންސް މިނިސްޓަރު އަހުމަދު މުނައްވަރު ވިދާޅުވެފައި ވަނީ އާ ސަރުކާރުން ބޭނުންވާ ބަޖެޓަށް އެއްވެސް އުނިއިތުރެއް ނެތި ރައްޔިތުންގެ މަޖިލީހަށް ހުށަހަޅުއްވާނެ ކަމަށެވެ. އާ ސަރުކާރުގެ ވައުދުތަކާއި ސިޔާސަތުތައް ބަޖެޓުގައި ހިމަނާނެ ކަމަށް، މިހާރު ވެރިކަން ހިންގާ ޕާޓީގެ ޕާލަމެންޓްރީ ގުރޫޕުގެ ލީޑަރު އަހުމަދު ނިހާން ވެސް ވަނީ ވިދާޅުވެފަ އެވެ.
ރައީސް އަބްދުﷲ ޔާމީންގެ ސަރުކާރުން މި އަހަރަށް ފާސްކޮށް، މިހާރު އަމަލުކުރަމުން އަންނަނީ 27 ބިލިއަން ރުފިޔާގެ ބަޖެޓަކަށެވެ. މިއީ، އެމަނިކުފާނުގެ ސަރުކާރުގެ އެންމެ ބޮޑު ބަޖެޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިއްލިބާޝާ
12 November 2018
އިތުރުވި 2 ބިލިޔަނުން ހާދަކަމެއް ފުދެންޖެހޭނެތާ. މާނައަކީ އިބޫގެވެރިކަމެއްގާ ރައްޔިތުން ބިމުގާވެސް ނުޖައްސާނެއޭ.
ސޭކްއިސްތާން
12 November 2018
މިދިޔަ 5އަހަރު ކެނޑިނޭޅި ބުނަމުން އައީ ދަރަނި ބޮޑޭ، ފައިސާ އެއް ނެތޭ، ބަޖެޓަށް ވޯޓެއް ނުދޭނަމޭ - ތިވަރު މާ ބޮޑޭ؟؟؟ އެކަމަކު މިކޭކުން ބައިޅަންވީމާ 2ބިލިއަން ރުފިޔާ މައްޗަށް ޖައްސާލަނީ މިއޮއް އެސްފިޔަވެސް ނުޖަހާ!!!!!
އަހުމަދު އިބްރާހިމް
12 November 2018
ޑެފިސިޓް ބަޖެޓެއް ފާސްކޮށްގެން ތިބެ ދެން މި 5 އަހަރުވަންދެން ދަރަންޏޭ ، ދެކޮޅު ނުޖެހެއޭ ކިޔާ އަހަރުމެންނަށް ލިބޭ ކުޑަ މުސާރަ ކޮޅު ކަނޑާ، ފެނާއި ދިރިއުޅުމުގެ ހަރަދުތައް ބޮޑުވާ ޒާތަށް ކަންކަން ކުރާނީކީ ނޫން....ދަރަނިވެރި ވެެއްޖެއޭ ކިޔާ ތަރައްގީގެ މަޝްރޫޢު ތައް ހުއްޓާލުމަކީ އަހަރުމެން ގަބޫލުކުރާނެ ހުއްޖަތެއް ނޫން.... ހަބަރުދާރު
އަސޮކް
12 November 2018
ކޮބާ ނެރެން ބުނި ބަޖެޓް ފޮތް؟؟ އަހަރެން ތީތި ބަލާ ހިތުން ކެތްމަދުވެފަ. ތިހާ ބޮޑު ބަޖެޓަކުން ފިސާރި ތަރައްގީ ގެނެވޭނެތާ. ހަމަ ގައިމުވެސް ޗައިނާ ލޯނު ދައްކަން ޖެހެނީ 5 އަހަރުފަހުންކަން އިއްޔެ ހާމަ ވެއްޖެ. އެހެންވީމާ މިއީ ތަރައްގީ ބަޖެޓެއްތާ ދޯ؟ ލިބޭނެ އާމްދަނީވެސް ބޮޑުވީމަތާ ބަޖެޓު ބޮޑުވާނީ. ހަމަ ގައިމުވެސް އިބޫއެއް ބޮޑު ދަރަނި ބަޖެޓެއް ބޭނުމެއް ނުވާނެތާ ޔާމީނަށް އެވަރަށް އެއްޗެހި ގޮވާފަ އަމުދުން.
އަސްރަފް
12 November 2018
ލަދު ގަންނަން ޖެހޭ. ޔާމީނު ބޮޑު ބަޖެޓެއް ހުށައެޅީމަ ގޯސްވީ. ލޮލް
ޑޮކްޓަރުންގެ ސިޓީ / އައްޑޫ ސިޓީ
12 November 2018
ސޯލިޙްގެ ސަރުކާރުން ބަޖޭޑްގެބޮޑުބައި ކަޑައަޅާނެކަމަށްދެކެނީ ލާމަރުކަޒީ ބާރުވެރިކަމަށް ފުރުސަތުލިބޭގޮތުން ރާއްޖޭގެއުތުރާއިދެކުނަށް އިޤުތިސޯދީކުރިއެރުންހޯދަން. . . މިކަންކުރުމަށްޓަކާ ގަމާއި ހަނިމާދޫ އެއަރޕޯޓް ފުލްފުލޭޖްގަ އޮޕަރޭޝަނަށްގެނައުމުގެ އެންމެހާކަންކަމާއި ވަސީލަތްޤާއިމްކޮށްދީ ހުވަދު އަތޮޅުން 50 ރަށާއި ހަނިމާދޫ ގައި ސިޓީހޮޓާ އަދި ހއ އަތޮޅުން 20 ރަށް ބައިނަލް އަޤުވާމީ ބިޑަށް ހުޅުވާލުމުގެ ކަންކަން ފުރިހަމަކޮށްދެއްވުމަށް ކަމުގައި ހީކުރަން.
ހުސެއިން
12 November 2018
29 ބިލިއަން ރުފިޔާގެ ތެރެއިން (ލޯނުތައް ނުހިމަނާ) ދައުލަތަށް ލިބޭނެކަމަށް ލަފާކުރެވެނީ ކިހާވަރެއްބާ؟ މިހެން އަހަން މިޖެހެނީ ފާއިތުވެގެން މިދާ ދެތިން އަހަރެއްގެ ތެރޭގައި ރާއްޖޭގެ އިގްތިސާދުގެ ގްރޯތު ރޭޓް ބޮޑުތަނުން މަތިވެގެން ގޮސްފައި ނުވާތީ. އަނެއްކޮޅުން ދައުލަތުގެ އެތެރެއާ ބޭރުގެ ދަރަނި ހުރީ ބަޖެޓަށް ގުޑުން އަރާ ވަރުގަ.