އަންނަ އަހަރުގެ ބަޖެޓް މަޖިލީހަށް ހުށަހަޅުއްވައި ދެއްވުމަށްޓަކައި ފިނޭންސް މިނިސްޓަރު މުނައްވަރު (މ) މިއަދު މަޖިލީހުގެ ޖަލްސާގައި.---ފޮޓޯ: މަޖިލިސް
13 ނޮވެމްބަރ 2018 - 11:52
37 comments
ރިޓަޔާމެންޓް ޕެންޝަން ސްކީމްގެ ބޭރުން ވަކިވަކި ގާނޫނުތަކުގެ ތެރެއިން ހިންގާ ބައެއް ސްކީމްތައް އެގޮތުގައި ނުދެމެހެއްޓޭނެ ކަމަށް ފިނޭންސް މިނިސްޓަރު އަހުމަދު މުނައްވަރު ވިދާޅުވެއްޖެ އެވެ.
އަންނަ އަހަރަށް ލަފާކުރާ ދައުލަތުގެ ބަޖެޓް ރައްޔިތުންގެ މަޖިލީހަށް ހުށަހަޅުއްވަމުން ދެއްވި ބަޖެޓް ބަޔާނުގައި މިނިސްޓަރު ވިދާޅުވީ ސްކީމްތަކުގެ ފަންޑަށް ފައިސާ ރައްކާ ނުކުރެވި ދެމުންދާ ޕެންޝަންތަކަށް ހޭދަވާ މިންވަރު އިތުރުވަމުން ދަނީ ރާއްޖޭގެ އުފެއްދުންތެރިކަން އިތުރުވާ މިންވަރަށް ވުރެ މަތީ އަދަދަކަށް ކަން ނެޝަނަލް ޕޭކޮމިޝަނުން ކުރި ދިރާސާއަކުން އެނގިފައިވާ ކަމަށެވެ. އެގޮތުން މޯލްޑިވްސް ރިޓަޔާމެންޓް ޕެންޝަ ސްކީމްގެ ބޭރުން ވަކިވަކި ގާނޫނުތަކުގެ ތެރެއިން، އަންފަންޑަޑް ނުވަތަ މި ސްކީމްތަކުގެ ފަންޑަށް ފައިސާ ރައްކާނުކުރެވި ޕެންޝަންތަކެއް ދެމުންދާ ކަމަށް ބަޔާނުގައި މިނިސްޓަރު ވިދާޅުވި އެވެ. އަދި ވިދާޅުވީ އާބާދީ އަށް އަންނަ ބަދަލުތަކަށް ބަލާއިރު އެންމެ ކުޑަ މިންވަރަކަށް ހަދާ އަންދާޒާތަކަށް ބެލި ނަމަވެސް ޕެންޝަނަށް ކުރާ ހަރަދު، މިހާރު ހުރި މިންވަރު ކަމުގައިވާ 200 މިލިޔަން ރުފިޔާއިން 2058 ވަނަ އަހަރުގެ ހަމައަށް 3.8 ބިލިޔަން ރުފިޔާ އަށް އަރާނެކަމަށް ލަފާކުރެވޭ ކަމަށެވެ.
"... މިއީ އެވްރެޖްކޮށް އަހަރަކު ނުވަ އިންސައްތަ އިތުރުވުމެއް، އަދި މިއީ ރާއްޖޭގެ އުފެއްދުންތެރިކަން އިތުރުވާ މިންވަރަށް ވުރެ މަތީ އަދަދެެއް ކަމުން މިފަދަ ޕެންޝަން ސްކީމްތަކަށް ހަރަދުކުރުމަކީ ކުރިމަގުގައި ދެމެހެއްޓޭނެ ކަމެއް ނޫން،" މިނިސްޓަރު ވިދާޅުވި އެވެ.
އޭނާ ވިދާޅުވީ މިއީ ދައުލަތުން އަވަސް ފިޔަވަޅުތަކެއް އަޅަން ޖެހޭ ކަމެއް ކަމަށެވެ.
ޕެންޝަނަށް ހަރަދުވާ މިންވަރު ދައްކައިދޭ ޗާޓް
ބަޖެޓް ބަޔާނުގައި ބުނެފައި ވަނީ މިފަދަ ސްކީމްތަކުގެ އިދާރީ މުވައްޒަފުންނަށް ވަޒިފާ އިން ރިޓަޔާވުމުން އެއްފަހަރާ ދެވޭ އިނާޔަތްތަކާއި އެ މީހަކު ނިޔާވުމާ ހަމައަށް މަހުން މަހަށް އިނާޔަތްތަކެއް ދެވޭ ކަމަށެވެ.
އަދި މިއީ ސީދާ ދައުލަތުން ކުރާ ހަރަދަކަށް ވެފައި މަހުން މަހަށް ކުރަން ޖެހޭ ހަރަދަކަށް ވާތީ އެކަން ދެމެހެއްޓުމަކީ ވަރަށް ބޮޑު ގޮންޖެހުމެއް ކަމަށް އަންނަ އަހަރުގެ ބަޖެޓް ފޮތުގައި ވެ އެވެ. މި ސްކީމްތަކުގެ ދަށުން އެކަނި ވެސް މިދިޔަ އަހަރު 189 މިލިއަން ރުފިޔާ ހަރަދުކޮށްފައިވެ އެވެ. އަދި މި ނިސްބަތުން ދާ ނަމަ 2059 ވަނަ އަހަރާ ހަމައަށް ދާއިރު ދައުލަތުގެ ބަޖެޓުން އަހަރަކު 3.5 ބިލިއަން ރުފިޔާ ވަރު ހޭދަކުރަން ޖެހޭ ކަމަށް ބަޖެޓްގައި ލަފާކޮށްފައި ވެ އެވެ. އެއީ އަހަރަކު ގާތްގަނޑަަކަށް 9 ޕަސެންޓްގެ އިތުރުވުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެސޮރު
13 November 2018
ބުނަން އެއުޅޭ ވާހަކައަކީ މުސްކުޅިންނަށް ދޭ ފައިސާ ކުރިއަށް އޮތްތާ ދައުލަތުގެ އާމްދަނީއިން ދެމެހެއްޓުމަކީ ދަތި ކަމެކެވެ. ކޮންމެ ސަރުކާރެއް ވިޔަސް އެއީ ވަރަށް ދުރު ނުބަލާ ވޯޓަށްޓަކައި ކޮށްފައި އޮތް ކަމެއް. ސުވާލަކީ މީތި ގޮވާނީ ކޮން އިރަކުންތޯ؟ މި ނިންމުން ނިންމާނީ ކޮން ބައެއްގެ ސަރުކާރުންތޯ؟ އަދި މި ހަގީގަތް ރައްޔިތުންނަށް ބަލައިގަނެވޭނެތޯ؟
ހުސެއިން
13 November 2018
ސުވާލަކީ ދިވެހިރާއްޖޭގެ ޕެންޝަން ފަންޑު ސަލާމަތުން އެބަ އޮތްތޯ؟؟؟ ހެޔޮ ނުވާނެ، އެ ލާރިކޮޅު އަތުޖެހޭނެ ގޮތެއް ހަދައިދީ.. އޭގެ ހައްގުވެރިންނަށް ރައްދުކޮށްދީބަލަ!!
ކެކެ
13 November 2018
20000ރ އިން މައްޗޭ ތިކިޔަނީ އަހަރުމެން ރައްޖެތެރެ މީހަކައް ވެފަ 20000ރ މުސާރަ ލިބެނީ. ގޭ ކުއްޔައް 8000ރ ކަޑާފަ ކިޔަވަން ނެގި ލޯނައްމަހަކު 2500ރ ކަޑާފަ 2000ރ ކަރަންޓް ފެނައް ހަރަދު ކޮއްފަ އަނބި ދަރިންގެ ކެއުމައް 5000 ހރަދު ވެފަ ދަރިީގެ ކިޔެވުމާ ލާ އަންނައުނާ އެހެނިހެން ސާމާނު ގަނެފަ މިޖެހެނީ މަސާރަ ހުސްވީމަ ރައްކާކޮއްފަހުރި ލާރި ކޮޅުވެސް ހަރަދު ކުރަން... މީގެ 8 ަހަރު ކުރީގަ ވެސްސޭވް ކޮއްލެވުނު.މިހާރު އަގަޔާ އަތާ ދިމާނުވެ..
އަހަރީޗުއްޓީ
13 November 2018
މިއޮތީ ސިވިލްސރވަންޓުންނަށް ބިރުދައްކާފަ ބޮނޑު ބަނޑޭރިއަކަށް ނޭނގޭތަ ސިވިލްސަރވަންޓުންގެމުސާރައިން 7% ކަނޑާތީ އެއެޑް ކުރާކަށް އެމީހުން 7% މުސަރައިން ރިޓަޔަމަންޓް ގެ ގޮތުގަ ދައްކާފަ އަދި 6% ވާރުވެސް ބަރާބަރަށްދައްކާ ދެން ކޮންކަމެއް ވާންނެތް ވާހަކަ ތި ކިޔަނީ ތި ހުރިހާ އެއްޗެއް ކިޔާފަ ރައީސް އިބޫ ލައްވާ ހުރިހާއެއްޗެއް ކަނޑަން ތިއުޅެނީ އޭރުންތަ އެވެސް ކަނޑަލީ ކޯލިޝަންގެ ވެރިކަމުގައޭ ބުނެވޭނީ ފިނޭންސުން އެތައް ބަޔަކު ބޭރަށް ފޮނުވާ އަގުބޮޑު ހޮޓާތަކުގަ
ހަބީބު
13 November 2018
އެރުވެސް ބުނިން 65 އަހަރު ވުމުން 5000 ދީގެން ދެކޮޅެއް ނުޖެއްސޭނެ އެފައިސާ 2000 ރުފިޔާ އައްބަދަލުކުރަންވީ މަޖިލިސް މެންބަރުންގެ މުސާރަ 25000 ރުފިޔާއައް ދައްކުރަންވީ
ގުނބޯލި
13 November 2018
ގާނޫނަށް ބަދަލު ގެނެސްގެން ތިކަންކަން ހައްލުކުރެވެން އެބައޮތް. 1: ރިޓަޔަމަންޓް ޕެންޝަން ސްކީމްގެ އުމުރު 70 އަށް ނުވަތަ 75 އަށް މަތިކުރުން. 2: ޕެންޝަންގެ ތެރެއަށް ސަރުކާރުންލާ %7 ކަނޑާލުން. 3: އެކަނިވެރި މައިން/ބަފައިންނާ ނުކުޅެދުންތެރިކަން ހުންނަށް މީހުންނަށް އިނާޔަތްދޭ ގަވާއިދު ރިވިއުކުރުން.4: 65އަހަރުގެ މީހުންގެ ތެރެއިން އޭގެ ހައްގުވެރިންނަށް ފައިސާ ދިނުން. މިހެންގޮސް ކިތަންމެ ކަމެއް ކުރެވެންއެބައޮތް. ގާނޫނަކީ މަތިން ބާވައިލެއްވި އެއްޗެއްނޫން.
ސޯބު
13 November 2018
ގައުމަށާއި ދައުލަތައް ޚިދުމަތްކޮށް އުމުރު ހޭދަކޮށް 65 އަހަރުވީމާވެސް ފަސްހާސް. އެއީވެސް އަމިއްލަ މުސާރައިން ކަނޑައިގެން. ވަޒީފާއެއް އަދާނުކޮށް ގައުމަށް ދުއްޕާންކުރަމުން ޖަލުންނާ އެތައް މިތަނުގައި ހޫރެމުންގޮސް 65 އަހަރުވީމާ 100 ޕަސެންޓް ދައުލަތުގެ ފަރާތުން ފަސްހާސަރުފިޔާ. މިއީ ކިހާ އިންސާފުވެރި ސްކީމެއްތޯ؟ މިހާރުވެސް މިފަދަ މީހުންނަށް ދެމުންދަނީ ވަޒީފާ އަދާކުރާ މީހުން ޖަމާކުރަމުންދާ ފައިސާއިން.
ހުސެއިން
13 November 2018
ޕެންޝަންގެ ވާހަކަ ދެއްކީމަ ބުނެލަން ބޭނުން ގާނޫނު ނަމްބަރު 8/2009 ގެ ދަށުން 13 މެއި 2009 ގަ އަމަލުކުރަންފެށި ޕެންޝަނާ ބެހޭ ގާނޫނު އޮތްގޮތުން އެކްރޫޑް ޕެންޝަން ލިބޭ ފަރާތްތަކަކީ މަހުން މަހަށް ނުވަތަ އަހަރުން އަހަރަށް މަދުވަމުން ދާނެބައެއް. ކިތަންމެ ކުޑަކޮށްނަމަވެސް މި ޕެންޝަން ދޭންޖެހޭ މީހުން މަދުވަމުން ދިއުމަކީ ބަޖެޓަށް ލުއި ލިބޭނެކަމެއް. ކުރިއަށް އޮތް 20 ނުވަތަ 25 އަހަރުތެރޭ އެކްރޫޑް ޕެންޝަން ދޭންޖެހޭ ފަރާތްތައް އަތުގެ އިނގިލިން ގުނާލެވޭނެ.
ބޮ
13 November 2018
ރޓަޔަރ ވުމަށް ފަހު ދައުލަތުގެ ބޮޑުސާރަލިބޭ ވަޒީފާ ދީފަ ރިޓަޔަރ ފައިސާވެސް ދީފަ ދައުލަތް އެއްކޮށް ކާލަނީ. ދައުލަތުގެ ފައިސާ އަކީ އެގޮތާށް ވަކި މީހަކަށް ދޭންޖެހޭ އެއްޗެއްނޫން.
ޞަރަބޯ
13 November 2018
މަހުޖަނުންނޭ ދައުލަތައް ބޮޑެތި އަދަދުން ތެކުސް ދައްކަނީ. އަހަރަކު 1 ލައްކަ ރުފިޔާގެ ވިޔަފާރި ކުރާމީހާ ސަރުކާރައް ޓެކުސް ގެ ގޮތުގައި ދެވިފައި ހުންނާނީ އެއްމެ 6000 ރުފިޔާ. ޢެކަމަކު އަހަރަކު 10 މިލިއަން ރުފިޔާގެ ވިޔަފާރި ކުރާމަހުޖަނު 6 ލައްކަ ރުފިޔާ ސަރުކާރަށް ދައްކާނެ ޖީއެސްޓީ އަށް. ކޮބާ ބީޕީޓީ. ކޮބާ އެހެނިހެން ފީ.