ފައިނު ތަރައްގީ ކުރާ ގޮތުގެ ކުރެހުމެއް
13 ނޮވެމްބަރ 2018 - 16:18
20 comments
ރ. ފައިނުގައި އެއާޕޯޓު އަޅާތީ ތިމާވެށި ހިމާޔަތް ކުރުމަށް މަސައްކަތްކުރާ ޖަމިއްޔާ އީކޯކެއާ އިން މިއަދު ފާޑު ކިޔައިފި އެވެ.
އީކޯކެއާ އިން ނެރެފައިވާ ބަޔާނެއްގައި މައިގަނޑު ގޮތެއްގައި ފާހަގަކޮށްފައި ވަނީ މި މަޝްރޫއު ކުރިއަށް ގެންގޮސްފި ނަމަ، އެ ރަށުގެ ތިމާވެއްޓަށް ކުރާނެ އަސަރު ބެލުމަށް ހެދި އެންވަޔަރްމެންޓް އިމްޕެކްޓް އެސެސްމެންޓް (އީއައިއޭ) ގައިވާ މައުލޫމާތުތަކެވެ.
އީކޯކެއާ އިން އެންވަޔަރްމެންޓް މިނިސްޓްރީ އަށް ގޮވާލާފައި ވަނީ އެ ރަށުގައި އެއާޕޯޓެއް ނުހެދުމަށް އީއައިއޭ ރިޕޯޓްގައި ހުށަހަޅާފައިވާ ގޮތަށް ކަންތައް ކުރުމަށެވެ. އަދި ރާއްޖޭގެ ގާނޫނުއަސާސީގެ 22 ވަނަ މާއްދާގައިވާ ގޮތުގެ މަތިން ތިމާވެށި ހިމާޔާތްކުރުމަށް ވެސް އެދިފައިވެ އެވެ.
Please find a link to the comments that were made to the EIA for the Development of a Domestic Airport in Raa. Fainu here: https://t.co/v0NV1oAwx2 https://t.co/X6pV1EhjIs
— ECOCARE Maldives (@ecocare_mv) 13 November 2018
ފައިނު އެއާޕޯޓު މަޝްރޫއަށް ފާޑުކިޔާފައިވާ ލިޔުމާ ގުޅޭގޮތުން އީކޯކެއާ އިން ޓްވީޓްކޮށްފައި
އީކޯކެއާ އިން ނެރުނު ބަޔާނުގައި ބުނެފައިވާ ގޮތުގައި އީއައިއޭގައި ބައެއް މައުލޫމާތު ނުހިމެނެ އެވެ. އޭގެ ތެރޭގައި އެ ރަށުގެ ފަޅު ހިއްކުމުގެ މަސައްކަތް ކުރި އަށް ގެންގޮސްފި ނަމަ، އެ ރަށުގެ ވަށައިގެންވާ ފަރުތަކަށް ގެއްލުން ވާނެ މިންވަރު ތަފްސީލުކޮށްފައި ނުވާ ކަމަށް ބުނެފައިވެ އެވެ. އަދި އިޖްތިމާއީ ކަންތަކަށް ބަލާއިރު އެ ރަށުގެ ދަނޑުވެރިންނާއި މަސްވެރިންގެ އަދަދު ކިޔާދީފައި ނުވާ ކަމަށާއި، އަދި އެ މީހުންގެ އާމްދަނީ އަށް އަސަރުކުރާނީ ކިހިނެއްކަން ތަފްސީލުކޮށް ގެނެސްފައި ނުވާ ކަން ވެސް އީކޯކެއާ އިން ފާހަގަ ކޮށްފައިވެ އެވެ.
އީކޯކެއާގެ ޑައިރެކްޓާ އެޑްވޮކަސީ މައީދް ޒަހީރު ވިދާޅުވީ ފައިނުގައި އެއާޕޯޓެއް އެޅުމުން އެ ރަށު ރައްޔިތުުންނަށް އިޖްތިމާއީ ގޮތުން އެހާ ބޮޑު ފައިދާއެއް ނުވާނެ ކަން ފާހަގަ ކުރެވޭ ކަމަށެވެ. އަދި މި މަޝްރޫއުން އެންމެ ބޮޑަށް ފައިދާ ކުރާނީ އެ އެއާޕޯޓު އެޅުމަށް ފަންޑު ކުރާ، އެ ރަށާ ކައިރީގައިވާ ރިސޯޓުތަކުގެ ވެރިންނަށް ކަމަށް ވެސް އޭނާ ވިދާޅުވި އެވެ.
ފައިނުގައި އެއާޕޯޓު އަޅާ މަޝްރޫއާ ގުޅޭ އީއައިއޭގައިވާ ގޮތުން އެ މަޝްރޫއު ފުރިހަމަ ކުރުމަށްޓަކައި އެ ރަށުން 5000 އަށް ވުރެ ގިނަ ގަސް ކަނޑަން ޖެހޭ ކަމަށްވެ އެވެ. މި މައްސަލައާ ގުޅޭ ގޮތުން އާންމުންގެ ޝަކުވާތައް ހުށަހެޅުމަށް އީޕީއޭ އިން މިއަދުގެ ނިޔަލަށް ހުޅުވާލާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިބޭ
14 November 2018
ތިހެންކިޔާގެން ރައްޔިރުންބޭނުންވާ ލުއި ފަސޭހަތައް ހުއްޓުވާ. ތިބުނާ އިކޯކެއަރ އަލިބެ ގެ ސަބަބުންވެސް ތިމާވެއްޓަށް ގެއްލުންވޭ! ކީއްތަވީ އެބޭފުޅާ ހިގާފަ އުޅުއްވާނަމަ. މާވިނަ ސަރީފު ތިމާވެށި ދެކެ ވާ ލޯބިން ސައިކަލް ނުދުއްވަނީ. ފަހަރެއްގައިވެސް ލާރި ނެތިގެން ސައިކަލް ނުގަނެވިގެނެއްނޫން. ދެބޯގެރި ހުންނަނީ މިހެން ވީމަ.
ޔޫސުބް
14 November 2018
ފައިނުގެ ތިމާވެއްޓަށް ތިޔަވަރުގެ ސަމާލުކަމެއް ދެއްވާފައިވާނަމަ އެ ނާޒުކު ރަށުގެ ފެންފަށަލަ ހަލާކުވެދާނެތީ މިހާރު އޮންނަންވާނީ ނަރުދަމާވެސް އަޅާފައި. މި ނޫނީ އަދި މީހުން ދިރިއުޅޭ ރަށެއްގައި އެއަރޕޯޓް ނާޅަނީތަ.
އައްޔު
14 November 2018
ފައިނުގެ ތިމާވެއްޓާއި މެދު ތިޔަހާ ކަންބޮޑުވެގެން ތި ރިޕޯޓް ލިޔުނު މީހަކު ކީވެބާ ފައިނުގެ ތިމާވެއްޓަށް ގެންގުންވެދާނެތީ މިހާރު ހުރި ކަންބޮޑުވުންތަކުގެ ވާހަކަ ލިޔަން ނުކެރުނީ. ކުނި މެނޭޖު ކުރުމާއި، ނަރުދަމާ އަދި ރަށް ގިރުން ފަދަ ބޮޑެތި ކަންކަން.
ހަޗަނބިޗިކާދަރޭ
14 November 2018
އީކޯކެއަރ އަކީވެސް ފާޑަކަށް ހިނގާތަނެއް. މަސްއޫލުވެރިންގެ މަޝްވަރާއެއް ނެތި، ތިމާވެށިމިނިސްޓްރީގައި ސިޔާސީމީހުންނަށް ވައިޖަހައިގެން މަސައްކަތްކުރަމުން ގެންދާ މީހަކަށް ފައިދާވާގޮތަށް އޭނާގެ ދަރިންނަށް ލިބޭހާ ޗާންސެއްދީގެން ހިންގާ ތަނެއް. މިހާރުނޫހުން މިކަން ބަލަން ބޭނުމިއްޔާ ދެމަސްއޫލުވެރިންނަކީ ކޮބައިކަން ހޯދައިގެން ދެމީހުންގެވެސް ބަސް އެއްވަރަށް ހޯދައިގެން މީދޮގެއްތޯ ބަލާބަލަ! ތީ ޖަމުއިއްޔާއެއްގެ ނަމުގައި ހިނގާ އެކެއްގެ އަމިއްލަ އެދުމުގެ ބަސް!!
ވާލުސޮރު
14 November 2018
ދިރިއުޅޭނެ ތަނެއް ނެތަށް ރުއް އިންދާއިގެން އެ ރުއްދަށުގައި ނިދާ ޒަމާން ހިނގަންޖެ ތަންދޮރު އޮޅުންފިލާ މީހުން ހޭޖެހިއްޖެ ތިޔަވުރެ ޒިންމާދާރުވާން އެބަޖެހޭ ކީވެބާ ސައިކަލް އެތެރެ ކުރާއިރު އެކަން ހުއްޓުވަން އެއްޗެކޭ ނުބުނީ އެއިން އަރާ ދުމުން ގެއްލުން ނުވާތީތޯ
ބޫމް
14 November 2018
ފައިނު އެއަރޕޯޓަކީ ރާއްޖޭގެ ފުރަތަމަ އެއަރޕޯޓްތަ؟ އެހެން ރަށްރަށުގެ އެއަރޕޯޓް ހެދީ ގަސް ނުކަނޑައި ބިން ނުހިއްކައިތަ؟ ތިމަންމެން ވެސް ތިބިކަން އަންގައިލީ ދޯ؟؟؟ އެކަމަކުވެސް ބުނަން. ރައްޔިތުން ތިބީ އެއަރޕޯޓަށްޓަކައި ތިމާވެށި ގުރުބާން ކުރަން ތައްޔާރަށެވެ.
ރާއަތޮޅު
14 November 2018
ކިތައް އެއާޕޯޓު ބޭނުންވޭތޯ ރާ އަތޮޅަށް؟ އިފުރުވެސް އެއީ ރާ އަތޮޅެއްނޫންތަ؟
އިނގުރައިދޫ އަލި
14 November 2018
ވަރަށް އަދަބުވެރކަމާއި އެކު މިދަންނަވަނީި، ފައިނުގައި އެއާޕޯޓް އެޅުމަކީ ފައިނު ރައްޔިތުންގެ އިތުރުން ކައިރީގައި ޖެހިގެން އޮތް އިނގުރައިދޫ ގެ ރައްޔިތންނަށް އެއިގެ ފައިދާ ނުހަނު ބޮޑަށް ކުރާނެ ކަމެއް. ޢެ މަޝްރޫޢު މިސަރުކާރުން ކެންސަލް ކޮށްފިނަމަ މަޖިލިސް ގޮޑިއަށް ސަރުކާރު ފަޅީގެ ކެނޑިޑޭޓަކު ވާދަކުރުމުގެ އެއްވެސް ބޭނުމެއް ނެތް. ފެއިލް ވާނެ.
ޑުދީ
14 November 2018
ފައިނުގައި ނުޖެހޭ އެއަރޕޯރޓް އަޅާކަށް. ތީހަމަ ވަކިމީހެއްގެ ނުފޫޒުން އަޅާތަނެއް
އިހުސާން
14 November 2018
ތަރައްޤީގެ ބިންގަލަކީ ދަތުރު ފަތުރުގެ ފަސޭހަކަން. އެކަން ކުރެވެން އޮތީ ކޮންމެވެސް ވަރަކަށް ތިމާވެއްޓާއިވެސް ކުޅެގެން. އެހެން ނޫންނަމަ ފަރުތައް ހަޅާކުވާތީ ބަނދަރު ނުހަދާ، ހޫނުވާތީ ގަސްނުކަނޑާ، ބިމުގެ ފެން ލޮނުވާތީ ނަރުދަމާ ނާޅާ އިހު އުޅުނު ދަތި ހާލު ޕްރޯމޯޓް ކުރަން އުޅެންވީ ނޫންތޯ
މުސްތަފާ
14 November 2018
ފައިނުގައި އެއަޕޯޓު އެޅުމުން 9000 ރައްޔިތުންނަށް ދަތުރު ފަތުރުގެ ފަސޭހއިގެ އިތުރުން އާމުދަނީ އިތުރުކުރުމުގެ ފުރުސަތުތައް އިތުރުވެގެން ދާނެ. ޢަދި ކައިރީގައި ހުރި ރިޒޯޓް ތަކުގެ ޢަދަދާއި ކައިރީގައި މީހުން ދިރިއުޅޭ ރަށްތަކުގެ އާބާދީއަށް ބަލާއިރު ފައިނު އެއާޕޯޓް އަޅައިފނަމަ އެއީ ރާއްޖޭގައި އެނމެ ބިޒީ އެއް އެއާޕޯޓަށް ވާނެކަމާއި މެދު އެއްވެސް ޝައްކެއްނެތް. ޢެކަން އެއާޕޯޓާއި ބެހޭ ގޮތުން ހެދި ބައްއް ރިޕޯޓު ތަކުގަވެސް ފާހަގަ ކޮށްފައިވޭ
ފައިނު މީހާ.
14 November 2018
ރަނގަޅަށް މަޢުލޫމާތު ހޯއްދަވައިގެން ބަޔާން ނެރުމަށް އީކޯ ކެއާ އަށް ދަންނަވަން. ފައިނުގައި ވަނީ ރަނގަޅު ފެންވަރެއްގެ ބަނދަރެއް ހަދާ ނިމިފަ. 2017 ވަނަ އަހަރު ދަނޑުވެރި ގޭބިސީ އަކަށް ލިބިފައިވާ އެންމެ މަތީ އާމުދަނީ އަކީ މުޅި އަހަރަށް 17000 ރުފިޔާ. ދަނޑުވެރިކަމުގައި އުޅެނީ 70 ވަރަކަށް މީހުން. މަސްވެރިކަމުގައި އުޅެނީ 30 ވަރަކަށް މީހުން.ވމިެމައުލޫމާތުސފައިނުެކއުންސިލުން ވެސް ލިބޭނެ.