ލަންކާގެ ރައީސް ސިރިސޭނާ: ޕާލަމެންޓުގެ ނިންމުން ބަލައިގަތުމަށް ދެކޮޅު ހެއްދެވި. --ފޮޓޯ:އޭއެފްޕީ
15 ނޮވެމްބަރ 2018 - 10:48
5 comments
ކޮލަމްބޯ (ނޮވެމްވަރު 15) - ސްރީ ލަންކާގެ ބޮޑު ވަޒީރުގެ މަގާމަށް ހަމަޖެއްސި މަހިންދާ ރާޖަޕަކްސާއާ ދެކޮޅަށް ޕާލަމެންޓުގައި އިއްޔެ ފާސްކުރި އިތުބާރު ނެތްކަމުގެ ވޯޓު ބަލައިނުގަންނަ ކަމަށް ރައީސް މައިތުރިޕާލާ ސިރިސޭނާ ވިދާޅުވެއްޖެ އެވެ.
ޕާލަމެންޓުގެ ރައީސް ކަރޫ ޖަޔަސޫރިއާ އަށް ފޮނުއްވި ސިޓީގައި ސިރިސޭނާ ވިދާޅުވީ 122 މެންބަރުންގެ ވޯޓާ އެކު ފާސްކުރި ރާޖަޕަކްސާ އާއި ސަރުކާރުގެ އިތުބާރު ނެތްކަމުގެ ވޯޓު ނަގާފައި ވަނީ ގާނޫނު އަސާސީއާ ޚިލާފަށް ކަމަށެވެ.
ސިރިސޭނާ ސިޓީއެއް ފޮނުއްވީ ޕާލަމެންޓުގައި އިއްޔެ ނެގި ވޯޓުގެ ތަފްސީލްއާ އެކު ޖަޔަސޫރިއާ ފޮނުއްވި ސިޓީ އަށް ރައްދު ދެއްވުމުގެ ގޮތުންނެވެ. ޖަޔަސޫރިއާގެ ސިޓީގައި ވަނީ އޮކްޓޯބަރު 26 ވަނަ ދުވަހު ބޮޑު ވަޒީރު ކަމަށް ރާޖަޕަކްސާ ހަމަޖެއްސުމާއި އޭގެ ފަހުން އެކުލަވާލި ސަރުކާރާ އަދި ޕާލަމެންޓް އުވާލުން ގާނޫނު އަސާސީއާ ޚިލާފު ކަމަށް ޕާލަމެންޓުގެ 122 މެންބަރުންގެ އަޣުލަބިއްޔަތުން ފާސްކޮށްފައިވާ ކަމަށެވެ.
"އެހެންވެ ބޮޑު ވަޒީރު ރާޖަޕަކްސާ އާއި ސަރުކާރުގެ މިނިސްޓަރުންނަށް ޕާލަމެންޓުގެ އިތުބާރެއް ނެތެވެ." ޖަޔަސޫރިއާގެ ސިޓީގައި ބުނެފައިވެ އެވެ.
ސިރިސޭނާ ވަނީ ބޮޑު ވަޒީރު އައްޔަން ކުރަން ގާނޫނު އަސާސީން ބާރު ދީފައިވާ ހަމައެކަނި ފަރާތަކީ ރައީސް ކަމަށް ވިދާޅުވެފަ އެވެ. އަދި ބޮޑު ވަޒީރުގެ މަގާމަށް އައްޔަން ކުރާ މީހަކަށް ޕާލަމެންޓުގެ އަޣުލަބިއްޔަތު އޮންނަން ޖެހޭނެ ކަމަށް ގާނޫނު އަސާސީގައި ބުނެފައި ނުވާ ކަމަށް ވެސް ސިރިސޭނާ ވަނީ ޕާލަމެންޓުގެ ރައީސް އަށް ހަނދުމަކޮށްދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުޖުމެހުމޭމުޖުމެހެތޫ
16 November 2018
ތިޔައީ ބަރުލަމާނީ ނިޒާމެއްތަ ފަހެ؟ ދުނިޔޭގެ ބެސްޓް ޕްރެކްޓިސް ވެސް ނުދަންނަނީތަ؟ ބޮޑު ވަޒީރު ޢައްޔަން ކުރާމީހަކީ ރައީސް ކަމަށް ވާނަމަ ދެން ކީއްކުރާ ޕާރލަމެންޓެއް. ސިރިސޭނާގެ މައިތިރިކަން މިހާރު އެއްވެސް ޕާލާއަކުން ނުފެނޭ.
ކުމާރުސިންގހާ
15 November 2018
ދެން އެއްމެ ފަހުން އަހުމެން އެއްމެން ގައުމު ކަލޭގެ ވަކިތަކުން ސަލާމަތްކުރަން ފެންނަ ބުފެންނަ ވޯޓުނަގަން އެކަން ވެސް ކުރެވޭވަރައް މިޙާރު މެމްބަރުން ކަލޭދެކެ ނަފުރަތު ވޭ
ފަޤީރުކަލޯ!
15 November 2018
އިންޑިޔާ ވަނީ ތަމަޅަ ޓައިގަރުން ލައްވައި ހަނގުރާމަ ތަކެއްކޮށް ލަންކާ 25 އަހަރު ފަހަތައް ޖައްސުވާފައެވެ. ނަމަވެސް ޓައިގަރުންގެ ކިބައިން ޤައުމު ސަލާމަތް ކޮށް އިޤްތުޞާދީ ދުވެލި ރަނގަޅު ކޮށް ސްޕީޑުގައި ލަންކާ ދުއްވަން ފެށުމުން މިހާރު އިންޑިޔާގެ މަޤްޞަދަކީ ދާޚިލީ ހަނގުރާމައެއް ފައްޓުވައި އިނދަ ޖެއްސުމެވެ. މިރާއްޖެވެސް ހަލާކު ކޮށްލުމަށް ބޯގޯސް ލައްވައި 3 ބިލިޔަނަށް ދަރާފައި އެބަ އޮތޭ ކިޔައިގެން ހަޅޭލެއްވިއެވެ. ޙަޤީގަތް ހާމަވުމުން އެތިބީ ވައި ހިނދިފަ!
އުދުހޭ
15 November 2018
ސިރިސޭނާ އަތަށް ގޮވައިފި
ވާލުސޮރު
15 November 2018
ލަންކާގެ އެންމެ އަވަށްޓެރި ރާއްޖޭން ގާނޫނު މުގުރާ މެޝިނެއް ސިރިސޭނާ ހޯއްދެވީބާ؟ ލަންކާގެ ސިޔާސީ މަސްރަހުގަ ހާދަ ފޯރިއެއް އެބަހުއްޓޭ. މިފަހަރު ކިހާވަރަކުން ދާނެބާ؟