ރައީސް އިބްރާހިމް މުހައްމަދު ސޯލިހްގެ ކެބިނެޓުގެ ބޭފުޅުން މިދިޔަ ހޮނިހިރު ދުވަހުގެ ރޭ މަގާމުގެ ހުވާކުރައްވަނީ: މިއަދު ވަނީ ކެބިނެޓުގެ ފުރަތަމަ ބައްދަލުވުން ބާއްވާފައި.---ފޮޓޯ: ހުސައިން ވަހީދު/މިހާރު
19 ނޮވެމްބަރ 2018 - 14:29
40 comments
ރާއްޖެއިން ކޮމަންވެލްތުގައި އަލުން ބައިވެރިވުމަށް ކެބިނެޓުން ދެންމެ ނިންމައިފި އެވެ.
މިގޮތަށް ނިންމީ، މިދިޔަ ހޮނިހިރު ދުވަހު މަގާމުގެ ހުވާކުރެއްވި ރައީސް އިބްރާހިމް މުހައްމަދު ސޯލިހް ބޭއްވެވި ކެބިނެޓުގެ ފުރަތަމަ ބައްދަލުވުމުގަ އެވެ.
ކޮމަންވެލްތުގައި އަލުން ބައިވެރިވާން ކެބިނެޓުން ނިންމި ނަމަވެސް އެކަން ރައްޔިތުންގެ މަޖިލިހުން ފާސްކުރަން ޖެހެ އެވެ. ރައީސް އޮފީހުން ބުނީ، ކޮމަންވެލްތްގައި ރާއްޖެއިން އަލުން ބައިވެރިވުމަށްޓަކައި ގާނޫނީ ގޮތުން ކުރިއަށް ގެންދަންޖެހޭ މަސައްކަތްތައް، އެ ކަންކަމާ ގުޅޭ އިދާރާތަކުން މިހާރު ކުރިއަށް ގެންދާ ކަމަށެވެ.
ރައީސް އިބްރާހިމް މުހައްމަދު ސޯލިހްގެ ސަރުކާރުގެ ފުރަތަމަ 100 ދުވަހުގެ ތެރޭގައި ކުރަން ނިންމާފައިވާ ކަންތައްތަކުގެ ތެރޭގައި، ފުރަތަމަ ހަފުތާގައި، ކޮމަންވެލްތާ ގުޅެން ހުށަހެޅުން ހިމެނެ އެވެ.
މިދިޔަ ސެޕްޓެމްބަރު 23 ގައި ބޭއްވި ރިޔާސީ އިންތިޚާބު ބޮޑު ތަފާތަކުން ކާމިޔާބު ކުރުމާ އެކު މަޖިލީހުގެ މެޖޯރިޓީ ވަނީ މިހާރުގެ ސަރުކާރު ކޯލިޝަނަށް ލިބިފަ އެވެ. އޭގެ އެއް ސަބަބަކީ އިދިކޮޅާ ގުޅުމުން އޭރު މަޖިލިހުގެ ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައެޅި 12 މެމްބަރުންގެ ގޮނޑި ނުގެއްލޭ ކަމަށް ސުޕްރީމް ކޯޓުން ނިންމުމެވެ.
މިހާރު މަޖިލީހުގެ ނިންމުންތައް ނިންމަނީ އާ ސަރުކާރުން ބޭނުންވާ ގޮތަށެވެ.
ކޮމަންވެލްތުގެ މެމްބަރު ގައުމެއްގެ ގޮތުގައި 34 އަހަރު ވަންދެން ރާއްޖެ އޮތުމަށް ފަހު އެ ޖަމާއަތުން ރާއްޖެ ވަކިވީ ކުރީގެ ރައީސް އަބްދުﷲ ޔާމީންގެ ވެރިކަމުގައި 2016 ވަނަ އަހަރު އެވެ. އެ ޖަމާއަތުން ރާއްޖެ ވަކިވުމުގެ ސަބަބެއްގެ ގޮތުގައި ސަރުކާރުން އޭރު ދެއްކީ ރާއްޖޭގެ ދާޚިލީ ކަންކަމުގެ ތެރެއަށް ވަނުމާއި ރާއްޖެއާ މެދު ތަފާތުކޮށް ކަންކަން ކުރުމެވެ.
އެގޮތަށް ޔާމީންގެ ސަރުކާރުން ދެކެން ފެށީ، ކުރީގެ ރައީސް މުހައްމަދު ނަޝީދާއި އެހެން ސިޔާސީ ލީޑަރުން ޖަލަށް ލާން ފެށުމާއި، އަސާސީ ބައެއް ހައްގުތަައް ސަރުކާރުން ހަނިކުރަން ފެށުމުން، އެކަމާ ދެކޮޅަށް ކޮމަންވެލްތުން އަޑުއިއްވުމުންނެވެ. ޔާމީން އަބަދުވެސް ވިދާޅުވަމުން ގެންދެވީ ބޭރުގެ ބައެއް ގައުމުތަކާއި ޖަމާއަތްތަކުން ރާއްޖޭގެ އެތެރޭގެ ކަންކަމާ ބެހޭ ކަމަށެވެ. ނަމަވެސް ކޮމަންވެލްތު ފަދަ ޖަމާއަތްތަކުން ގޮވާލަމުން ގެންދިޔައީ ރާއްޖޭގައި ޑިމޮކްރަސީއާ ހިލާފަށް ސަރުކާރުގެ އަމަލްތައް ހުރުމުން އެކަންކަން ރަނގަޅު ކުރުމަށެވެ.
ކޮމަންވެލްތުން ރާއްޖެ ވަކިވުމުން އެ ޖަމާއަތުން ބުނެފައި ވަނީ މަސައްކަތްކުރީ ރާއްޖޭގެ ޑިމޮކްރަސީ ކުރިއަރުވަން ކަމަށެވެ. އަދި ކުރިއަށް އޮތް ތަނުގައި ރާއްޖެއިން އަލުން އެ ޖަމާއަތާ ގުޅޭނެ ކަމަށް އުއްމީދުކުރާ ކަމަށް ވެސް ބުނެފައިވެ އެވެ.
ރާއްޖެއިން ކޮމަންވެލްތްގައި ބައިވެރިވެފައިވަނީ ޖުލައި 9، 1982 ގަ އެވެ. އަދި އެ ޖަމާއަތުން ވަކިވެފައި ވަނީ އޮކްޓޫބަރު 13، 2016 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤައުމީ މަސްލަޙަތު
19 November 2018
ކޮމަންވެލްތުގަ ހިމެނޭނީވެސް ހަމައެކަނި އިސްތިޢުމާރުކުރި ޤައުމުތަކާ އެޤައުމުތަކާ ޤާނޫނު އަސާސީން ގުޅިފަވާ ގައުމުތައް. އަދި ހެޑް އޮފް ކޮމަންވެލްތަކީ އަބަދުވެސް ރާނީ. މިއީ މެމްބާރޝިޕުގެ ޝަރުތެއް. އިސްތިޢުމާރީ ވިސްނުންނެތްނަމަ ކުޑަމިނުން ކުލަބުގެ ހެޑް ދައުރަކުން ދައުރެއް ބަދަލުވާނެ. ވިސްނަވާ! އަމިއްލަފުޅަށް ދިރާސާކުރައްވާ!
×އސޗސ
19 November 2018
ކޮމަންވެލްތާ ހަމަ ގުޅެން އެހާ މުހިންމުތޯ؟
ބަނާނާ ޕްރެޒިޑެންޓް
19 November 2018
ކޮމަންވެލްތް، ޔައުނީ ޕުއަރ މޭންސް ކްލަބުން، ރާއްޖެ ވަކިވާން ނިންމިނިންމުމަކީ ޔާމީންގެ ވަރަށް ސަޅި ނިންމުމެއް. އަލުން މި ކްލަބާ ގުޅުމަކީ އެއްވެސް ފައިދާ އެއް ނެތް، އަހަރަކު އެތައްހާސް ރުފިޔާއެއް، މެމަބަރޝިޕް ފީގެ ގޮތުގައި ގެއްލިގެންދާނެ ކަމެއް.
އަލީބަލީ
19 November 2018
ހުރިހާ ގައުމުތަކާއި ބައިނަލްއަގުވާމީ ޖަމާއަތްކާވެސް ގުޅުން ގާއިމް ކުރަންވީ. ރާއްޖެއަށް ކޮމަންވެލްތުން ސްކޯލަރޝިޕްތައް ލިބުނު. ކުޅިވަރުގެ ދާއިރާއިން ކޮމަންވެލްތު ގޭމްސްގައި ބައިވެރި ވެވުނު. ރާއްޖޭގެ މަސް ކޮމަންވެލްތު ގައުމުތަކަށް އެތެރެކުރުމުގައި ޚާއްސަ ގޮތްކަށް ބަހައްޓައިދިން. ވިސާ ހޯދަން ފަސޭހަ. އަދި ޚިދުމުޚްތާރު ވެރިކަމެއް ކޮށް ރައްޔިތުންގެ ހައްގުތަކަށް އަރައިގަންނަން ފެށުމުން އެކަމާ ދެކޮޅަށް އަޑު އުފުލާ ދުނިޔޭގެ ސަމާލުކަމަށް އެކަން ގެނެސްދިން
ހުސީނާ
20 November 2018
ރާއްޖޭގެ މަސް ގަންނަނީ ކޮމަންވެލްތު ކޮންގައުމަކުންތޯ. ޔޫރަޕުން ތިޖަމާއަތުގައި ހިމެނެނީ ސައިޕްރަސްއާއި މޯލްޓާއާއި ޔޫކޭ. އަދި ބުނަން ކުރީގައިހެން ސްކޯލަރޝިޕްތައް ކޮމަންވެލްތަކުން މިހާރުނުދޭ. ސަރަހައްދުތަކަށް ހުޅުވާލާ މަދު ސްކޯލަރޝިޕެއް އުޅެނީ. ދެން ތިކިޔާ ކޮމަންވެލްތު ގޭމްސްގައި އޮންނަ ގިނަ ކުޅިވަރުތަކަކީ ރާއްޖޭގައި މާ އާންމު ކުޅިވަރުތަކެއްނޫން ދޯ.
ހުސީނާ
20 November 2018
ވިސާއޭކިޔާއިރު ކޮމަންވެލްތުގައި ނެތަސް އޮތަސް ރާއްޖެއަށް ވާކަމެއް އޮވޭބާ. މިޖަމާއަތުގައި ގިނައީ އެފރިކާ ގައުމުތައް ކަމުގައިވާއިރު އެއީ ރާއްޖޭގެ މީހުން މާގިނައިން ދާ ތަންތަނެއްނޫން. އިންޑިޔާ ލަންކާ ފަދަ ތަންތާގެ ވިސާ ސާކްފަދަ ޖަމާއަތްތަކުގެ ތެރެއިން ފަސޭހަވޭ. ކޮމަންވެލްތުން ވަކިވުމުން އިނގިރޭސިވިސާ މާފަސޭހަވިހެން ހީވަނީ.
ބަޚަބަރު
19 November 2018
ތި ކެބިނެޓުގެ ހުރިހާ މިނިސްޓަރުންނަށް މަޖިލީހުގެ ރުހުން ލިބުނީތަ؟
މާރަނގާ - އައްޑޫ ސިޓީ
19 November 2018
އިޤިރޭސިވިލާތުގައިބާއްވާ ކޮމަންވެލްތްގޭމަށްފަހު 2026 ނުވަތަ 2030 ގެ ގޭމް ހޮސްޓްކުރުމަށް އައްޑޫ - ކޮލަމްބޯ އިސްނަގައި އަވަހަށްލޮބީކުރާންފައްޓަވާ. * * ސިޓީކައުންސިލުންއިސްނަގައި މުބާރާތްބޭއްވޭފަދަ ސްޓޭޑިއަމް، އިތުރު ވަސީލަތް ޤާއިމްކޮށްދެއްވުމަށް ޤަތަރު، ޖަޕާން، އިޤިރޭސިންނާއި އެމަރިކާ އަދި އިންޑިޔާގެ އެހީތެރިކަމަށް އެދެވިދާނެ. * * ކޮމަންވެލްތް ގޭމް 2026 ކޮލަމްބޯ - އައްޑޫ މިއީ ސާކް ސަމިޓަށްފަހު އައްޑޫގައި އަނެއްކާވެސް ބާއްވާ ބޮޑު އިވެންޓަކަށްވާނެ.
މަރޭމިތުރާ
19 November 2018
އެއްމެ ގައުމަކާއިވެސް ވަކިވުމީ ލޮޅުމެއް! އެންމެނަށް އޭގެ ނަތީޖާ ހިތިވާކަމެއް!
ކަރަންފޫ
19 November 2018
ޤައުމަކާ ނޫން ވަކިވީ. އިސްތިޢުމާރުގެ ކުލަބަކާ ވަކިވީ. ދެކަންތައް ވަރަށް ތަފާތު. ވިސްނޭ ބަޔަކަށް ވިސްނޭނީ.
ނަންފުޅު
20 November 2018
މީނަހީކުރަނީ ކޮމަންވެލްތަކީވެސް ގައުމެއްކަމަށް ދޯ. ބަލަ އެއީ ގައުމު ފުންޏެކޭ.
ދިވެހި ލޭ
19 November 2018
ދެން މިނިވަންދުވަސް ފާހަގަ ކުރުމަކީ ޖޯކެއް. ކޮމަންވެލްތުން ބޭރުވުމަކީ ޔާމީނު އިބޫއަށް ދިން ހަދިޔާއެއް އެއްގޮތަކުން. އެއީ ދެން އިބޫ ނަންނުވެ ބޭރުމީހުންގެ ޑިމާންޑުތަކަށް ބީރުކަންފަތެއް ދެވެން އޮތީތީވެ. މިހާ އަވަހަށް އެކަމާ އުޅެގަތީމަވެސް އެނގެނީ މިކަމަށް އޮތް ޕްރެޝަރ. ގައުމުގެ ފޮރިން ޕޮލިސީގެ މިނިވަންކަމެއް ނެތްކަން ހާމަވޭ. ސިޔާސީނުވެ ނިކަން ވިސްނަވާ!
އިސްތިއުމާރު
19 November 2018
ތިކަން ވެސް އޮތީ ތިހެން. މިހާރު ދިވެހިންގެ ތެރެއިން ގިނަ މީހުން ދެކެނީ ސަޕޯޓު ކުރާ ޕާޓީގެ ނަޒަރުން ނޫނީ ސަޕޯޓު ކުރާ މީހާގެ ނަޒަރުން. މިނިވަން މުސްލިމް ދިވެހި ދަރިއެއް ގޮތުގައި އަމިއްލަ އަަށް ވިސްނަނީ މަދު ބަޔަކު.
ޔެސް
19 November 2018
ސަޅި
މިނިވަންވަޔާ
19 November 2018
ވަކި ގައުމަކާއި މާބޮޑަށް ގާތްނުވެ އަދި ވަކިގައުމަކާއި މާބޮޑަށް ދުރުނުވެ، ވަކިފަރާތަކަށް ނުޖެހޭ، މިނިވަން ހާރުޖީ ސިޔާސަތެއްބޭނުން. ހަމައެކަނި ޗައިނާގެ ނުފޫޒުންނެއްނޫން ސަލާމަތްވާންވީ. އިންޑިއާ އަދި ސައުދީގެ ނުފޫޒުވެސްމެ.