ޑިފެންސް މިނިސްޓަރު ނާޒިމް ނޫސްވެރިންގެ ބައްދަލުވުމެއްގައި. --- ފޮޓޯ: މިހާރު
04 ޑިސެމްބަރ 2018 - 17:45
38 comments
އަންނަ އަހަރުގެ މާޗް މަހުގެ ފަހުކޮޅު އޮންނަ ރައްޔިތުންގެ މަޖިލިހުގެ އިންތިހާބުގައި ކުރީގެ ޑިފެންސް މިނިސްޓަރު މުހައްމަދު ނާޒިމް، ދަނގެތި ދާއިރާއަށް ވާދަކުރައްވަން ނިންމަވައިފި އެވެ.
ވީޓީވީގެ ގެނެސްދޭ މެހެމާންސަރާ ޕްރޮގްރާމްގައި ވާހަކަ ދައްކަވަމުން ނާޒިމް ވިދާޅުވީ ދަނގެތީ ދާއިރާއަކީ ވަރަށް ބޮޑަށް އަޅާނުލެވި، އިހްމާލްވެވިފައިވާ ދާއިރާއެއް ކަމަށާއި އެ އަތޮޅުގައި ރިސޯޓްތައް ގިނައިން ހުރި ނަމަވެސް ރައްޔިތުންނަށް ފަތުރުވެރިކަމުގެ ހަގީގީ ނަފާ ލިބެމުން ނުދާ ކަމަށެވެ. އަދި ރަށްރަށަށް ބޭނުންވާ އަސާސީ ކަންކަން ވެސް ފުރިހަމަ ނުވާ ކަމަށް ނާޒިމް ވިދާޅުވި އެވެ.
"އަޅުގަނޑު މި ކުރިމަތިލަނީ ދާއިރާއަށް ދިމާވެފައިވާ މައްސަަލަތައް ހައްލުކޮށް، ރައްޔިތުން އުފާކޮށްދޭނެ ފަދަ ހިދުމަތްތަކެއް ކުރުމަށް،" ކުރީގެ ރައީސް މުހައްމަދު ނަޝީދު ރައީސް ކަމުން އިސްތިއުފާދެއްވި ދުވަހު އިދިކޮޅު ހަރަކާތްތަކުގައި އިސްކޮށް އުޅުއްވި އެއް ބޭފުޅާ ނާޒިމް ވިދާޅުވި އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އެޑްވައިޒަރެއްގެ ގޮތުގައި ހުންނެވި، ނާޒިމް ވިދާޅުވީ ވަރަށް އަވަހަށް ކެމްޕެއިން ދަތުރުތައް ފައްޓަވާނެ ކަމަށެވެ. އަދި ދަނގެތި ދާއިރާއަށް ވާދަކުރައްވަނީ ދާއިރާގެ ރައްޔިތުންނާއި ކައުންސިލާ މަޝްވަރާކޮށްފައި ކަމަށް ނާޒިމް ވިދާޅުވި އެވެ.
ދަނގެތި ދާއިރާގެ މެމްބަރަކީ ދާދި ފަހުން ޖުމްހޫރީ ޕާޓީއާ ގުޅިވަޑައިގެންނެވި އިލްހާމް އަހުމަދެވެ. އެނގިފައިވާ ގޮތުގައި، އިލްހާމް މިފަހަރު ވާދަ ކުރައްވަނީ އެހެން ދާއިރާއަކަށެވެ.
ވޭތުވެދިޔަ ސަރުކާރުގައި ޑިފެންސް މިނިސްޓަރަކަށް ހުންނަވަނިކޮށް ފުލުހުން ހިންގި އޮޕަރޭޝަނެއްގައި ނާޒިމްގެ ކޮޓަރިން ފިސްތޯލައަކާއި ތިން ވަޒަން ފެނުނު ކަމަށް ބުނާ މައްސަލައިގައި އޭނާގެ މައްޗަށް 12 އަހަރުގެ ޖަލު ހުކުމެއް އިއްވި އެވެ. ނާޒިމްގެ މައްޗަށް އިއްވާފައިވާ ޖަލު ހުކުމް ތަންފީޒު ކުރުން މަޑު ޖައްސާލާފައިވަނީ ސުޕްރީމް ކޯޓުން މިހާރު އެ މައްސަލަ ބަލަމުން އަންނާތީ އެވެ.
ސުޕްރީމް ކޯޓުން މިހާރު ބަލަމުން އަންނަ ނާޒިމްގެ މައްސަލައިގެ ހުކުމަކާ ހަމަ އަށް ވަނީ ގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާމިގިލި
05 December 2018
ދަނގެތީ ދާއިރާގެ މީހުން ނެރެންޖެހޭނީ ދަނގެތީ މީހެއް. މާމިގިލި ދާއިރާ އާ މުޅި އ. ޢަތޮޅު ބޭބެ އޮތީ ހަލާކުކޮށްފަ. ބޭބޭގެ އަތްދަށުގައި އޮވެގެން ލިބުނު ތަރައްޤީއެއް އަރިއަތޮޅަކަށް ނެތް
ދިއްދޫ އދ.
05 December 2018
މިއީ އަތޮޅުގެ މިދާއިރާއަށް ލެއްވި ނަސީބުގެ މާވަހަރެއް މިހުރިހާދުވަހު ނުވެގެން އުޅޭ ކަންކަން ކޮށް ދެވޭވަރުގެ ގާބިލު ފަސްބައި ސާފު ހިންގުން ތެރި ދަރިއެއް ހުރިހާ ކުދިން މިފުރުސަތގެ ބޭނުން ހިފަމާ ހިގާ
ނާފިޒު
05 December 2018
އަޅުގަނޑު މިހިރީ ތިކަމާވަރައް އުފަލުން ނާޒިމް ސޯ އައް ވޯޓްހޯދާދިނުމުގެ މަސައްކަތް އަޅުގަނޑު އަމިއްލަ ގޮތުން މިފެށީ
އެދޭ ތަރައްގީ
05 December 2018
އަހަރެން ހިތަން އަރާ މިބޭފުޅާ ހަނިމާދޫ ދާއިރާއަށް ކުރިމަތިލެއްވިނަމައޭ ހަމަގަގީނުނވެސް އަތޮޅުގެ ދަރިންނަށް އަތޮޅަށް ތަރައްގީ ގެންނާނެކަން ޔަގީން
މޫސަޔަށް
05 December 2018
ތިކަހަލަ ކޮރަޕްޓް މުޑުދާރުމީހުން މަޖިލީހަކަށް ނުވައްދާނަމޭ ނަޝީދު ބުނި. އެކަމަކު މީދެން ކާކު. ކޮންތާތަ މިޖެހެނީ. މިއެންމެން މަޖިލީހަކާހެދި މިއުޅެނީ ކޮންކަމަކާތަ؟ ފިލަންވަންނަ ހޮހަޅައަކަށްތަ މަޖިލިސްމިވަނީ. އަގުވެއްޓިފަ ކޮރަޕްޓްވެަފައިހުރީމާދޯ މަޖިލީހުގެ ޝަރުތު ހަމަވަނީ
ދެރަކަމެއް
05 December 2018
ޖޭޕީ އަށް ކުޑަކޮށްވެސް އުންމީދެއް އޮންނާނީ އ އަތޮޅަށް އެއީ ތިވާ ގޮތަކީ. ކޮންމެހެން ރައްޔިތުންނޭ އަޅަލުމޭ ކިޔާނެ ކަމެއް ނެތް
ބެގީބެގީ
05 December 2018
ވިޔަފާރިވެރިންނާ ބާޣީން މިފަދަ މަޤާމުތަކަށް ނުގެންނާށޭ! 7 ފެބްރުއަރީގަ މީނަ އުޅުނު ވައްތަރު ރައްޔިތުން ހަނދާންނެއްނުނެތޭ. މިވެސް ސޭޓުގެ އުނދަގޫ. އެއްވެސް ޝަރުތަކާ ނުލާ!
ދަނގެތީ ހަސަނު
05 December 2018
ދާއިރާގެ ކުދިންނޭ އުފާކުރޭ މިހުރިހާ ދުވަހު ނެހެދި ހުރި ޖެޓީތަކާއި މަގު ފާރުތަކާއި ރަށުގެ ތަރައްގީ ތިއޮތީ އަތުގަ ހިފާފަ މަރުހަބާ ދާއިރާގެ ކުދިންނޭ
ދެރަށު ދޮންކަމަނަ
05 December 2018
ތިތިދާއިރާގެ މީހުންގެ އުންމީދުތައް ހާސިލުވުމަށް ލިބުނު ރަނުގެ ފުރުސަތެއް ހަމަގައިމުވެސް ވައުދެއްވެއްޖެއްޔާ އޭނާ ފުއްދާނެ ކަމީ ޝައްކެއް ހުރި ކަމެއްނޫން .އަހަންނަކީ އެމްޑީޕީމީހެއް އެކަމަކު އޭނާގެ ގާބިލުކަމަށް ތައުރީފުކުރަން ޝުކުރިއްޔާ!
ނައިންޓީ
05 December 2018
އަހަރެން ހީކުރީ ނާޒިމަކީ ހަމަޔާ އިންސާފު ގަބޫލްކުރާ މީހެއްކަމަށް. ނަމަވެސް މިހާރު އެނގިއްޖެ ނާޒިމުވެސް ބޭނުންވަނީ ލިބުނު ގޮތަކަށް ހޯދަންކަން. ދަނގެތި ދާއިރާގެ އެތައް ބަޔަކާ އެކު ގުޅިގެން އެއްރޫޙެއްގައި މަސައްކަތް ކުރާ ރަނގަޅުމީހުން ތިބިކަން އެއީ ހަގީގަތެއް. ހަމައެކަނި ސޭޓު ބޭނުންވާގޮތް ތިމާއަށް ފިޓުކަމަށް ގަބޫލްކީމާ ވަރަށް ކަޑަ. ލިބުނަސް ނުލިބުނަސް، މަގާމެއްގައި ތިމާހުއްޓާ ފޭރިގަތް މަގާމަށް ވަކާލާތު ކުރަން ނުކެރުމީ ނާޒިމުގެ 100% ފިނޑިކަން.
ބޮޑުތަކުރު
05 December 2018
ހަމަޔާ އިންސާފު މިދޭތެރެއަށް ވައްދާކަށް ނުޖެހޭ. ކާނަލް ނާޒިމަކީ ވަރަށް ހިންގުންތެރި ޚުލްޤުހުރި ކޮލިޓީ ބޭފުޅެއް. އެކަމަކު އެކަން ވަޒަންކުރެވޭނީ ޒާތީ ތަޢައްޞުބު ނެތި އިންސާފުގެ ނަޒަރަކުން ބަލާލެވޭނެ މީހަކަށް. އެމްޑީޕީ ކޯލިޝަންގެ ރައީސް އަރިހުން ވަޒީރެއްގެ މަޤާމު، ނާޒިމު ނުއެދުން އެއީ ހިތްވަރު ހުރި އަދި ބުއްދިވެރިވެސް ގޮތަކީ. މި ރާއްޖޭގައި އާންމު ތާއީދު ބޮޑުވުން އެއީ މީހެއްގެ ކޮލިޓީއަކާ އެހާބޮޑު ގުޅުމެއްހުރި ކަމެއް ނޫން.