ޗައިނާގެ ވާވޭ ކުންފުނީގެ ސީއެފްއޯ މެންގް ވަންޒޫ. --ފޮޓޯ:ރޮއިޓާސް
07 ޑިސެމްބަރ 2018 - 12:08
5 comments
އޮޓާވާ (ޑިސެމްބަރު 7) - ޗައިނާގެ ޓެލެކޮމް ކުންފުނި ވާވޭގެ އެކްޒެކެޓިވް މެންބަރެއް ކަމަށްވާ މެންގް ވަންޒޫ ހައްޔަރު ކުރުމުގެ ފަހަތުގައި ސިޔާސީ ބޭނުމެއް ނެތް ކަމަށް ކެނެޑާގެ ބޮޑު ވަޒީރު ޖަސްޓިން ޓްރޫޑޯ ވިދާޅުވެއްޖެ އެވެ.
ވާވޭގެ ޗީފް ފައިނޭންޝަލް އޮފިސަރު އަދި ކުންފުނީގެ ބާނީގެ އަންހެން ދަރިފުޅު ވެންކޫވާ އެއާޕޯޓުން ހައްޔަރު ކުރީ މި މަހު 1 ވަނަ ދުވަހު އެވެ. އަދި އޭނާ އެމެރިކާއާ ހަވާލު ކުރުމުގެ ފުރުސަތު ވެސް އެބައޮތެވެ.
ޗައިނާ އިން ވަނީ ވަންޒޫ ދޫކޮށްލުމަށް ގޮވާލައިފަ އެވެ. އަދި އެއްވެސް ސަބަބެއ ނެތި މީހަކު ހައްޔަރުކޮށްފައި ބެހެއްޓުމަކީ އިންސާނިއްޔަތާ ޚިލާފު އަމަލެއް ކަމަށް ވަނީ ބުނެފަ އެވެ. ވަންޒޫގެ މައްޗަށް ތުހުމަތުކޮށްފައި ވަނީ ކޮން މައްސަލައެއްކަން ހާމަކޮށްފައެއް ނުވެ އެވެ. ވާވޭ އިން ވެސް ބުނެފައި ވަނީ ވަންޒޫ އެއްވެސް ކުށެއް ކޮށްފައި ނުވާނެ ކަމަށެވެ.
ޗައިނާގެ ވާވޭ ކުންފުނީގެ ސީއެފްއޯ މެންގް ވަންޒޫ. --ފޮޓޯ:ރޮއިޓާސް
ވަންޒޫ ހައްޔަރުކޮށްފައި ވަނީ އެމެރިކާ އާއި ޗައިނާގެ ވިޔަފާރީގެ ގުޅުމުގައި ނުތަނަވަސްކަން އުފެދިފައިވާ ދުވަސްވަރެއްގަ އެވެ.
އެމެރިކާ އިން ދަނީ އީރާނާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކާ ވާވޭ އިން ޚިލާފުވި މައްސަލައެއް ބަލަމުންނެވެ.
ވާވޭ ކުންފުނީގެ އިސްވެރިއަކު ހައްޔަރުކޮށްފައި މިވަނީ ހުޅަނގުގެ ގައުމުތަކުގައި ވާވޭ ޓެކްނޮލޮޖީ މަނާ ކުރަން އުޅޭ ދުވަސްވަރެއްގަ އެވެ. އެމެރިކާ އިން ބުނެފައި ވަނީ ވާވޭ އަކީ އެ ގައުމުގެ ގައުމީ ސަލާމަތަށް ނުރައްކަލެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދާދޭ
07 December 2018
ކެނެޑާގެ ވިޔަފާރިވެރިއަކު ޗައިނާއަށް ދާތަނުން ހައްޔަރުކުރީމާ ނިމުނީ. ހައްޔަރުކޮށްފަ ބުނާނީ ސިޔާސީއެއްނޫނޭ. ނޯތުކޮރެޔާއަށް ހަވާލުކުރާނީއޭ.
ޒެޑްޓީއީ
07 December 2018
ޒެޑްޓީއީ އަށް ހަދާލިގޮތް ހަދަން މިއުޅެނީ. އެމެރިކާގެ ބޮޑެތި ޓެލެކޮމް ކުންފުނިތައް ފަހަތައްޖައްސާލާފަ ދިޔައީމަ ކުންފުނީގެ ވެރިން ކިޑްނެޕްކޮށް ބްލެކްމެއިލްކުރަނީ. މިއީ އެކިޔާ ހިއުމަން ރައިޓްސް ޗެމްޕިއަނުން.
ރާބޮޑޭ
07 December 2018
އަޖައބެއްނޫންހެއްޔެވެ ހައްޔަރު ކުރެވިއްޖެ އެކަމަކު ސަބަބު ބުނެއެއްނުދެވުނު މި ކެނަޑާ މީ ވަރައްފެންމައްޗަށް އަރައިގެން އުޅޭބަޔެކެވެ ތަޅާތިރިކޮށްލަން ޗައިނާއަށް ގޮވާލަމެވެ
ޖޯން
07 December 2018
އެމެރިކާގެ އެޕަލްކުންފުނި ބަލިކޮށް ވާވޭ ކުރިއަރަމުންދާތީ ފިލުވާލި ހަސަދައެއްމީ. އެޕަލްގެ ފިކުރުމަރުވެއްޖެ. އެޕަލްގެފިކުރަކީ ސްޓީވްޖޮބްސް . ދެންދުވަހަކުންދުވަހެއް އެޕަލް ދާނީ ބަލިވަމުން.
ތައްލޫޖީޒް
07 December 2018
ތިވެސް ދެން ނަސީބެއް. އަހުރެންގެ ފަސް އަހަރުގެ ސަންފައަށްވުރެ ސިޔާސީ މަސްރަހު ހަލަބޮލި. ޗައިނާއަކަސް، ކެނެޑާއަކަސް ރާއްޖެއަކަސް ތިކަހަލަ ކަންކަން ސިޔާސީ ނުކުރަންޏާ ހަމަ އެއްތާކު ޖެހޭނީ. ވަރަށް އުފާވެރި ޚަބަރެއް ބޮލުގެ ރިހުންގަނޑުވެސް މައިތިރި ވެއްޖެ