މެންބަރުންނަށް ރިޝްވަތު ދޭން ރާޖަޕަކްސާ އުޅުއްވި: ސިރިސޭނާ

ލަންކާގެ ރައީސް ސިރިސޭނާ އާއި މަހިންދާ ރާޖަޕަކްސާ. --ފޮޓޯ:އޭއެފްޕީ

ހަސަން އާމިރު، މިހާރު

09 ޑިސެމްބަރ 2018 - 16:05

ކޮލަމްބޯ (ޑިސެމްބަރު 9) - ބޮޑު ވަޒީރުގެ މަގާމަށް ހަމަޖެއްސި މަހިންދާ ރާޖަޕަކްސާ ވަނީ ޕާލަމެންޓުގެ މެންބަރުންނަށް ރިޝްވަތު ހުށަހަޅައިގެން އަޣުލަބިއްޔަތު ހޯދަން މަސައްކަތް ކޮށްފައި ކަމަށް ރައީސް މައިތުރިޕާލާ ސިރިސޭނާ ވިދާޅުވެއްޖެ އެވެ.

ޑެއިލީ މިރާ އަށް ދެއްވި އިންޓަވިއުއެއްގައި ސިރިސޭނާ ވިދާޅުވީ ސިޔާސީ މައްސަލަގަނޑު ބޮޑުވެފައި ވަނީ ޕާލަމެންޓުގެ 113 މެންބަރުންގެ ތާއީދު ރާޖަޕަކްސާ އަށް ނުހޯއްދެވުމުން ކަމަށެވެ. އަދި އެގޮތަށް އަޣުލަބިއްޔަތު ނުހޯއްދެވުނީ މެންބަރުން ކިޔާ އަޑު ބޮޑުވުމުން ކަމަށާއި ބައެއް މެންބަރުން ވަނީ ޕާޓީ ބަދަލު ކުރުމަށް 500 މިލިއަން ރުޕީސް އަށް ވެސް ޑިމާންޑްކޮށްފައި ކަމަށެވެ.

"މިހާ ބޮޑެތި އަދަދުތައް ހުށަހެޅުމުން ރާޖަޕަކްސާ އަށް އަޣުލަބިއްޔަތު ނުހޯއްދެވުނީ. އެހެން ނޫން ނަމަ ޕާލަމެންޓުގެ އަޣުލަބިއްޔަތު ރާޖަޕަކްސާ ހޯއްދަވާނެ،" ސިރިސޭނާ ވިދާޅުވި އެވެ. "ރާޖަޕަކްސާ އަށް 113 މެންބަރުންގެ ތާއީދު ހޯއްދެވުނު ނަމަ މިހާރު އުފެދިގެން މިއުޅޭ މައްސަލަތައް ފެންމަތި ނުވީސް."

ސިރިސޭނާ ވިދާޅުވީ ޕާލަމެންޓް އުވާލި މައްސަލައާ ގުޅޭ ގޮތުން ސުޕްރީމް ކޯޓުން ނިންމާ ގޮތެއްގެ ސަބަބުން މައްސަލަ ވަރަށް ބޮޑަށް ހައްލުވެގެން ދާނެ ކަމަށެވެ. ޕާލަމެންޓް އުވާލުން ސައްހަ ނޫން ކަމަށް ސުޕްރީމް ކޯޓުން ނިންމައިފި ނަމަ ޕާލަމެންޓުން އިޚްތިޔާރު ކުރާ ބޮޑުވަޒީރަކާ އެއްބަސްވާނެ ކަމަށް ސިރިސޭނާ ވިދާޅުވި އެވެ. އެކަމަކު ބޮޑު ވަޒީރުގެ މަގާމުން ދުރުކުރި ރަނިލް ވިކްރަމަސިންހަ އަލުން އެ މަގާމަށް ގެންނާނެ ގޮތެއް ނޯންނާނެ ކަމަށް ވިދާޅުވާ ވިދާޅުވުން ވަނީ ތަކުރާރު ކުރައްވައިފަ އެވެ.

ސްރީ ލަންކާ މަހިންދަ ރާޖްޕަކްސަ މައިތުރިޕާލާ ސިރިސޭނާ

5 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފް

10 December 2018

ހަސީ އަށް.ކުޑަކޮށް ވާނުވާ ބަލައިގެން ކޮމެންޓްކުރާނަމަ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޫގުލާ

09 December 2018

ރާއްޖޭގަވެސް މި ނިޒާމެއް ނެތިގެން އެއްބަޔަކު ހޭބޯނާރާ މަސައްކަތް އެބަކުރޭ މީހަކަަށް ބޮޑު ވަޒީރުކަން ދޭންވެގެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖީތު

10 December 2018

ބަރުލަމާނީ ނިޒާމުގައިވެސް އަދި ރިޔާސީ ނިޒާމުގައިވެސް ރަގަޅު ކަންކަމާއި ގޯސް ކަންކަން އެބަހުރި. ރިޝްވަތު ދީގެން ގައުމު ހިންގަން ބޭނުން ބަޔަކު ކޮންމެ ނިޒާމެއްގައިވެސް އެކަން ކުރާނެ. އެއީ އެ ނިޒާމުގެ މައްސަލައެއް ނޫން. ބަރުލަމާނީ ނިޒާމު ގޯސް ނަމަ، ސްރީލަންކާ، އިންޑިއާ، ޕާކިސްތާން، މެލޭޝިޔާ، ސިންގަޕޫރު، ޖަޕާނު، ޔޫކޭ، އޮސްޓްރޭލިޔާ، ނިއުޒިލެންޑް އިޓަލީ، ޖަރުމަން، ނޯވޭ، ލެބަނަން، އިރާގް، ބަންގްލާދޭޝް، ކެނެޑާ ފަދަ އެތައް ގައުމުތަކުގައި ވެސް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަހސީ

09 December 2018

އަޅެ ލަންކާގެ ސިޔާސީ މަސްރަހު މިހާ ބޮޑަށް އޮޅުން ބޮޑުވެގެން އުޅޭއިރުވެސް ދުނިޔޭގެ އެންމެ ބޮޑު ޑިމޮކުރަސީ އިންޑިއާ، އެންމެ ވަރުގަދަ އެމެރިކާ، އެންމެ ރަގަޅަށް ވެރިކަމުގެ ނިޒާމްހިންގާ އިނގިރޭސިވިލާތް މިއިން އެއްވެސް ގައުމަކުން ނަސޭހަތެއް ނޫނީ އިންޒާރެއްވެސް ދޭކަށް ނޫޅެ.