ޔުނިވާސިޓީގެ ގާނޫނަށް ސަރުކާރުން އިސްލާހުތަކެއް ހުށަހަޅައިފި

މަޖިލީހުގެ ޖަލްސާއެއްގައި މެމްބަރުން: ގައުމީ ޔުނިވާސިޓީގެ ގާނޫނަށް ސަރުކާރުން ވަނީ އިސްލާހުތަކެއް ގެންނަން ހުށަހަޅާފައި -- ފޮޓޯ/މަޖިލިސް

މުއިއްޒު އިބްރާހިމް، މިހާރު

11 ޑިސެމްބަރ 2018 - 14:38

9 comments

ގައުމީ ޔުނިވާސިޓީގެ ގާނޫނަށް އިސްލާހުތަކެއް ގެންނަން ސަރުކާރުން ރައްޔިތުންގެ މަޖިލީހަށް ހުށަހަޅައިފި އެވެ.

ގައުމީ ޔުނިވާސިޓީގެ ގާނޫނަށް ސަރުކާރުގެ ފަރާތުން މުލަކު ދާއިރާގެ މެމްބަރު އިބްރާހިމް ނަސީރު އިސްލާހު ހުށަހެޅުއްވީ ވައިސް ޗާންސެލަރާއި ޑެޕިއުޓީ ވައިސް ޗާންސެލަރު އައްޔަންކޮށް، ވަކި ކުރުމާ ބެހޭގޮތުން އެ ގާނޫނުގައި މިހާރު ހުރި ފުށުއަރާ ކަންކަން ނައްތައިލުމަށެވެ.

ޗާންސެލަރާއި ވައިސް ޗާންސެލަރު އައްޔަން ކުރާނީ ރައީސުލް ޖުމްހޫރިއްޔާ ކަމަށް ކަނޑައަޅައި އެ ގާނޫނަށް 2015 ގައި އިސްލާހު ގެނެސްފައި ވިޔަސް، އެ ދެ މަގާމަށް ބޭފުޅުން އައްޔަން ކުރުމުގައި ޔުނިވާސިޓީގެ ކައުންސިލަށް ދީފައި އޮތް ބާރުތަކަށް އޭރު ބަދަލު ގެނެސްފައެއް ނުވެ އެވެ.

އެހެންވެ، އެކަމުގައި ހުރި ފުށުއެރުންތައް ނައްތާލުމަށްޓަކައި ސަރުކާރުން މިފަހަރު ހުށަހެޅި އިސްލާހުގައި ހިމަނާފައި ވަނީ އެ ދެ މަގާމަށް ބޭފުޅުން އައްޔަން ކުރުމުގައި ޔުނިވާސިޓީގެ ކައުންސިލަށް ދީފައި އޮތް ބާރާއި ވައިސް ޗާންސެލަރު ވަކި ކުރުމަށް ކައުންސިލަށް ދީފައި އޮތް ބާރުތައް އުނިކުރުމަށެވެ.

އެކަމަކު ޕްރޯ ވައިސް ޗާންސެލަރުން އައްޔަން ކުރުމުގައި ކައުންސިލަށް އޮތް ބާރު މިހާރު ވެސް އޮތް ގޮތަށް ބޭއްވުމަށް އެ އިސްލާހުގައި ހިމަނާފައިވެ އެވެ. އަދި ޕްރޯ ވައިސް ޗާންސެލަރުން އައްޔަން ކުރުމުގައި ރައީސްގެ ރުހުން ކައުންސިލުން ހޯދަންޖެހޭ ގޮތަށް ގާނޫނުގައި އޮތް އޮތުން އުވައިލަން ވެސް އެ ބިލުގައި ހިމަނާފައިވެ އެވެ.

އެ ބިލުގެ ފުރަތަމަ ކިޔުން މަޖިލީހުގެ މިއަދުގެ ޖަލްސާގައި ވަނީ އިއްވައިފަ އެވެ.

ޔުނިވާސިޓީގެ ގާނޫނު 2011 ގައި ފުރަތަމަ ވުޖޫދަށް އައިއިރު އޮތީ ވައިސް ޗާންސެލަރާއި ޑެޕިއުޓީ ވައިސް ޗާންސެލަރު އައްޔަން ކުރުމުގެ ބާރު ޔުނިވާސިޓީގެ ކައުންސިލަށް ދީފަ އެވެ. އެކަމަކު ފަހުން 2015 ގައި ސަރުކާރުން ވަނީ އެ ގާނޫނު އިސްލާހުކޮށް، އެ ދެ މަގާމަށް ބޭފުޅުން އައްޔަން ކުރާނީ ރައީސް ކަމަށް ހަމަޖައްސައިފަ އެވެ.

ތައުލީމް ދިވެހި ގައުމީ ޔުނިވަސިޓީ ރައްޔިތުންގެ މަޖިލިސް ޔުނިވާސިޓީ

9 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ށަހަަހަ

12 December 2018

ޔާމީނުގެ ބޯއި ފަވާޒު ވަކިކޮށް ތިތަން ޑރ ހަސަންއާއި ހަވާލުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުފީދު

12 December 2018

ޔުނިވަރސިޓީގެ ގާނޫނު އިސްލާހު ކުރުމުގެ ނަމުގައި ޔާމީން އޭތި ހަރާބު ކުރީ. ރަނގަޅު ކުރުމުގެ ބަދަލުގައި ސޯލިހު އިތުރަށް ގޯސް ތިޔަ ހެދީ. މިހާރު ތިޔަ އޮތީ ކޮންމެ ވެރިއަކު އައިސް ކުންފުނިތަކާ ކުޅޭ ހެން ޔުނިވަރސިޓީއާ ކުޅެވޭ ގޮތަށް. ވަރަށް ދެރަވަރު ކަމެއްމީ. ކުރިން ގާނޫނު އޮތްގޮތަށް ޔުނިވަރސިޓީ ސިޔާސީ ކަންކަމުން މިންޖުކުރުމަށް ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެވެލި

12 December 2018

ޔުނިވަރސިޓީ ގެ ގާނޫނު އޮންނަން ޖެހެނީ އެންމެ ފުރަތަމަ ފާސްކުރި ގޮތަށް. ފަހުން ގެނައި އިސްލާޙަކީ ޢަޒީބެ ކަހަލަ ދެތިން މީހަކު ބުނެގެން ގެނައި އިސްލާޙެއް. ސަރުކާރުން ވައިސް ޗާންސަލަރުން ހަމަޖައްސާ ކަށް ނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާއި

11 December 2018

ރަށް ރަށުން ކިޔަވަން އަންނަ ކުދިން ތިބުމަށް ޚާއްސަ އިމާރާތްތަކެއް އަޅަން ޖެހޭ. ބޭރުގައުމުތަކުގައި ހުންނަހެން. މިހާރު މިކިޔަވަނީ ގޭގޭގެ ސިޓިންރޫމްގައި ދިރިއުޅެމުން. މިހާލުގައި އުޅެން ހަދައިގެން ގިނަ ކުދިން ފެއިލްވެ، ލައިފް ގެއްލޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީނާ

11 December 2018

ޢިހްލާސްތެރިކަމެއް ހުރި ނަމަ ކުރީގެ އޮތް ގޮތަށް ބަދަލު ކުރާނީ. މިހާރު ތި އުޅެނީ ކުރީ ސަރުކާރުން ހެދި ގޮތަށް ހަދަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Haruge

11 December 2018

ކުރިން އޮތްގޮތަށް ބަދަލުކުރަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

11 December 2018

ޔުނިވަރސިޓީ ހިންގަން ރައީސް އޮފީހުން ކޮމިޝަނެއް ހަދަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާރު

11 December 2018

ކީއްކުރަން ސަރުކާރުގަ ބާއްވާ ބާރުތަކެއް ކައުންސިލެއް އޮންނަ އިރު. ކައުންސިލް އެކުލަވާލާ ސަރުކާރުން. ދެން އެހެން ހުރިހާބާރެއް ކައުންސިލަށް ދީ. ސިޔާސީ ތަނެއް ނޫނެންނު.