ކުރީގެ ރައީސް މުހައްމަދު ނަޝީދު ވާހަކަފުޅުދައްކަވަނީ. --- ފޮޓޯ: ހުސެއިން ވަހީދު/ މިހާރު
14 ޑިސެމްބަރ 2018 - 10:33
69 comments
ދިވެހިން ތިބީ މަރުވާން ތައްޔާރުވެގެން ނޫން ކަމަށް ވިދާޅުވެ، ދުނިޔޭގެ މޫސުމަށް އަންނަ ބަދަލުތަކުގެ ނުރައްކާ ރާއްޖެ ފަދަ ކުދި ގައުމުތަކަށް އޮތް މިންވަރު، ކުރީގެ ރައީސް މުހައްމަދު ނަޝީދު، އަނެއްކާވެސް ދުނިޔެއަށް އިއްޔެ ހާމަކުރައްވައިފި އެވެ.
ޕޮލެންޑްގައި ކުރިއަށް ދާ ދުނިޔޭގެ މޫސުމާ ބެހޭ ކޮންފަރެންސްގައި ނަޝީދު ވިދާޅުވީ މޫސުމަށް އަންނަ ބަދަލުތަކުން ނުކުންނަ ނުރައްކަލުގައި ފުރަތަމަ އަނިޔާ ލިބޭ ބަޔަކަށް ވާން ދިވެހިން ބޭނުންނުވާނެ ކަމަށެވެ. އެހެންކަމުން ދިވެހިންނަށް ލިބިފައިވާ ހުރިހާ ބާރެއް ބޭނުންކޮށްގެން ވެސް ބަލާނީ ފެނުން މަތީގައި ތިބެން ކަމަށް ވެސް ވިދާޅުވި އެވެ.
"ފެންމަތީގަ''އޭ އެ ވިދާޅުވަނީ މޫސުމަށް އަންނަ ބަދަލުތަކާ ގުޅިގެން ކަނޑުގެ ލޮނުގަނޑު ބޮޑުވާނެ ކަމަށް ސައިންސްވެރިން ކޮށްފައިވާ އަންދާޒާ އަށެވެ. ރާއްޖެ އަކީ ދުނިޔޭގެ އެންމެ ތިރި ގައުމެވެ.
އެމަނިކުފާނުގެ ވެރިކަމުގައި ތިމާވެށީގެ ހިމާޔަތުގައި އަޑުއިއްވަވައިގެން ދުނިޔޭގެ ސަމާލުކަން ހޯއްދަވާފައިވާ ކުރީގެ ރައީސް، އދ.ގެ ބޮޑު ކޮންފަރެންސްގައި ވިދާޅުވީ މޫސުމަށް އަންނަ ބަދަލުތައް ރާއްޖޭގެ ސަލާމަތާ ގުޅިފައިވާއިރު، އެއީ ގައުމު ދެމިއޮތުމާއި ނެތުމަށް ވެސް އޮތް ނުރައްކަލެއް ކަމަށެވެ.
"އަޅުގަނޑުމެން މިތިބީ މަރުވާން ތައްޔާރުވެގެންނެއް ނޫން. މޫސުމަށް އަންނަ ބަދަލާ ގުޅިގެން އެންމެ ފުރަތަމަ އެކަމުގެ ގެއްލުން ލިބޭ ބަޔަކަށް ވާން ބޭނުމެއް ނޫން،" ނަޝީދު ވިދާޅުވި އެވެ.
ކޮންފަރެންސް އޮފް ޕާޓީސް ޓު ދަ ޔުނައިޓެޑް ނޭޝަންސް ފްރޭމްވޯކް ކޮންވެންޝަން އޮން ކްލައިމެޓް ޗޭންޖް (ކޮޕް24) ގައި ނަޝީދު ބައިވެރިވެވަޑައިގަތީ ރައީސް އިބްރާހިމް މުހައްމަދު ސޯލިހްގެ ދައުވަތަކަށެވެ.
ނަޝީދަކީ ތިމާވެށި ހިމާޔަތްކުރުމުގެ އެންބެސެޑަރެއްގެ ގޮތުގައި ގިނަ ގައުމުތަކުން ބަލައިގަނެ އެވެ. ނަޝީދު ވަނީ އެމަނިކުފާނުގެ ވެރިކަމުގައި 2009 ވަނަ އަހަރު އޮތް ކޮޕް15 ސަމިޓްގައި ތަގުރީރު ކުރައްވައި ދުނިޔޭގެ ސަމާލުކަން ހޯއްދަވައިފަ އެވެ. އެ ފަހަރުގެ ސަމިޓްގައި ނަޝީދަށް އެންމެ ބޮޑު ސަމާލުކަމެއް ލިބިވަޑައިގަތީ އޭގެ ކުޑަ ދުވަސްކޮޅެއް ކުރިން ރާއްޖޭގައި ބޭއްވި ކަނޑު އަޑީގެ ކެބިނެޓް ބައްދަލުވުމުގެ ސަބަބުންނެވެ.
ކަނޑު އަޑީގައި ކެބިނެޓް ބައްދަލުވުން ބޭއްވީ ވެސް، ދުނިޔޭގެ މޫސުމަށް އަންނަ ބަދަލުތަކުގެ ސަބަބުން ރާއްޖެއަށް ކޮށްފާނެ ނުބައި އަސަރުތައް ދުނިޔެއަށް ދެއްކުމަށެވެ.
ކޮޕް24 ގައި ދުނިޔޭގެ 200 އަށް ވުރެ ގިނަ ގައުމުން ބައިވެރިވެ އެވެ. އެކަމަކު ދުނިޔޭގެ ހޫނުކަން ކުޑަކުރަން އަޅާނެ ފިޔަވަޅުތަކަށް ބޮޑެތި ބައެއް ގައުމުތަކުން އަދިވެސް އެއްބަސްވުމަކަށް ނާދެވެ އެވެ.
ނަޝީދު ވިދާޅުވި ގޮތުގައި މޫސުމަށް އަންނަ ބަދަލުތަކާ ބެހޭ ގޮތުން ބާއްވާ މަޝްވަރާތަކުގައި އެމަނިކުފާނު ބައިވެރިވެވަޑައިގަންނަވާތާ 10 ވަރަކަށް އަހަރު ވީ އިރު މާ ބޮޑު ބަދަލެއް އައިސްފައި ނުވާ ކަމަށެވެ.
"އަދިވެސް އަޅުގަނޑުމެން ބޭނުން މިކުރަނީ މުސްކުޅި، ޑައިނަސޯގެ ބަހުރުވަ،" ނަޝީދު ވިދާޅުވި އެވެ.
"ޖައްވަށް ދޫކުރާ ކާބަން އެ ދަނީ މަތިވަމުން، މަތިވަމުން، މަތިވަމުން. އަޅުގަނޑުމެން މި ފެންނަނީ ވާހަކަދައްކަމުން، ވާހަކަ ދައްކަމުން، ވާހަކަދައްކަމުން ދާތަން."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދޫ
15 December 2018
މި ނަސީދަކީ އޮސްޓްރޭލިޔާ ގެ ޖަންގަލިން ބިންގަނެފަ މީނަޔަށް ބައިއެޅޭގޮތަށް ރާއްޖެ ވިއްކާލަން އުޅުނުމީހެއް. ރާއްޖެ އަޑިޔަށް ދާނެޔޭ ގޮވާހަދާފަ އުޅެނިކޮށް އިސްތިއުފާ ބޯމަތިވީ ދިވެހިން އޮސްޓްރޭލިޔާގެ 3 ވަނަދަރޖައިގެ މަސއްލަތު މީހުންށް ނުވެދިޔައީ ކިރިޔާ . މިކަމުގެ ހުރިހާ ސަރަފެއް އޮތީ އަބްދުﷲ ގާޒީ އަށް.
ތިމާވެށި
15 December 2018
ދީނީ ނަޒަރުންވެސް ތިމާވެށީގެ ނަޒަރުން ވިޔަސް މުސްލިމަކު ކަމަށްވަންޏާ ޖެހޭނީ މަރަށް ތައްޔާރު ވެގެން ތިބެން. އެމީހެއްގެ މަރު އައިސް ޖެހޭނީ ކޮންތާކު ހުރެގެންކަމެއް އަދި ކޮންވަގުތަކު ކަމެއް އެއީ އެއްވެސް އިންސާނަކަށް އެގިގެން ވާނެ ކަމެއްނޫން. އެކި މީހުންގެ މަރުގެންދަވާނީ އެކި ގޮތައް. ތިމާވެށީގެ ކާރިސާތަކުން މަރުވެގެންދާ މީހުން އެއީ އެމީހުންގެ މަރު ހިއްޕަވަން ﷲ އިރާދަކުރައްވާފައިވާ ގޮތް. ނަޝީދު ކިތަންމެ މޮޅަސް ތިކަހަލަ ވާހަކަ ނުދައްކާ.
ޢަހްމަ
15 December 2018
އެންމެ ރަނގަޅުމީހަކީ މަރުހަނދާންކޮށް ދުނިޔޭގައި ދިރިއުޅޭމީހާ، މިއީ މުސްލީމުން އަބަދުވެސް ހަނދާންކުރަންޖެހޭކަމެއް، މަރުހަނދާންކުރާނަމަ، އެމީހެއްގެ ޢަމަލުތައް ސީދާވެފައި ކުށްކުރުންމަދުވާނެ.
ހީރަސް
15 December 2018
ކައެ ކޮންމެ އެއްޗެއް ކިޔަސް، ކައެ މަރުވާން ރެޑީ ނުވެ ހުއްޓަސް، މަރު އައިސް ޖެހުނީމަ ކައެވެސް ޖެހޭނީ ދާން...ކައެ ތީ ކާކުތަ....
އަމާބުނީތީ ފަރަޖީ
15 December 2018
މީނާހީކުރީ ޑޮލަރު ބަސްތާއެއް ލިބޭނެކަމައް މިގޮތައް ވާހަކަދެއްކީމަ ފަޅުތެރޭގަ ޖަލްސާވެސްބޭއްވި ނުލިބުނުއެކައްޗެއްވެސް އަމިއްލަޔައް ކުފުރުބަސް ބުނެވޭއިރުވެސްނޭގެ
ނަޒަރު
15 December 2018
މަރާ ކުރިމަތި ލާން ޖެހޭނީ ކޮން ވަގުތަކު ކަމެއް އެކަކަށްވެސް ނޭނގޭ އެހެންވީމަ މުސްލިމަކަށްވާ ނަމަ އެމީހަކު ހުންނަން ޖެހޭނީ މަރަށް ތައްޔާރު ވެގެން އެއީކީ އަމިއްލައަށް މަރުވުމެއް ނޫން މާނަ އަކީ ކުށްފާފަ ތަކުން ދުރުވެގެން ހެޔޮ ޢަމަލް ކުރުން މަތީގަ ދެމިހުރުން
ނުވާނެއޭ
15 December 2018
ކެނެރީގެ ނަޝީދު އަށް މޫސުމާއި ބެހޭ ގޮތުން ވާހަކަ ދައްކަން އިނގޭނެ ކަމަށް ސެންސް މޭކް ނުކުރެއޭ ސަބަބަކީ އޭނާ އަކީ އެއީ ސައެންސް އޮރިއެންޓެޑް ސަބްޖެކްޓެއް ކިޔެވިމީހެއް ނޫން އަދި އަތުން ފައިން އެފަދަ މަސައްކަތެއް ކޮށް އެފަދަ މަސައްކަތެއް ކާމިޔާބު ކުރި މީހެއް ވެސް ނޫން މަމެން ދެކުނިން އޭނާ ގެ ފެމިލީ ވިޔަފާރި އޭނާ ކުރި އިރު ބީޗް އިން ދޮންވެލި ނަގައިގެން ރިސޯރޓްގެ މަގުމައްޗަށް އެޅި ތަން ދުނިޔޭގެ މޫސުމަށް އެއްވެސް ބަދަލެއް ނާދޭ ޕޮލިޓިޝަނުން ބުނާ ގޮތަށް
ގެދާނޯމޮސް
15 December 2018
މުސްލިމުން މަރުވެގެން ސުވަރުގެޔަށް ދާން ބޭނުން : އެކަމަކު ޔެލޯއަލިފާނަށް ދާކަށް ނޭދޭނެއެވެ.
ޕްލޭންމޯލްޑިވްސް-PM
14 December 2018
ބައްލަވާ ރައީސް ހޯމްވޯރކް ހަދަލަބަލަ. ދުނިޔޭގެ ކަނޑުގެ އައްސޭރި ފަށުގައި 4 ލައްކަ އަށް ވުރެން މާގިނަ މީހުން ދިރިއޫލެމުން އެބަދޭ. އެ އައްސޭރި ތަކަށްވެސް ތިކަން އެބައޮތް. އަދި ކަނޑުގެ ލޮނުގާނދު އުސްވާނަމަ ރާއްޖޭގެ ގިނަވަމުންދާ ކުދިކުދި ފިނޮޅުތަކަކީ ކިހިނެތް އުފެދޭ އެއްޗެއްކަން އިނގޭބާ
އަބްދޫ
14 December 2018
މި ނަސީދަކި އެންވަޔަރު މަންޓާ ބެހޭ ވާހަކަ ދެއްކޭ ފެންވަރުގެ މީހެއްނޫން މިރާއްޖޭގަ އެންވަޔަރު މަންޓާ ބެހޭ ވާހަކަ ދައްކަމުންދިޔައީ ގްލޯބަލް 500 ގެ އިނާމު ދީފައިވާ މައުމޫނާ މީމުޒަވިޔަނި . މީނަޔަކީ އެންވަޔަރުމަންޓް ހަލާކު ކުރަމުން ދުވި މީހެއް ދެތިން ފޮޓޯނަގާ ފަ އެންވަޔަރުމަންޓަށް މާގިނަކަންކަން ދަންނަ މީހަކަށް ހެދުނީ މީނަކިޔެވީމެސސް މަރިޓައިމް .ކުރިމަސައްކަތަކީ ދޯނިފަހަރަށް އަރާ ވާވެލާވެލި ފުރާދުއްވުމުގެ ހުއްދަދެވޭވަރަށް ކަންކަން ހުރިތޯ ޗެކްކުރުން
ޓަޔަރޭ
18 December 2018
ބަލަގަ އެޔޮތީ ވާހަކަ ދައްކާފަ ދެން ލަ ލަ ލާ....