ސީރިއާގެ ރައްގާގައި އެމެރިކާ ސިފައިންގެ މީހަކު ވެހިކަލެއްގެ ކައިރީގައި. --ފޮޓޯ:ރޮއިޓާސް
20 ޑިސެމްބަރ 2018 - 11:39
7 comments
ވޮޝިންޓަން (ޑިސެމްބަރު 20) - ސީރިއާގައި އިސްލާމިކް ސްޓޭޓް (އައިއެސް) ބަލިކޮށްލެވިއްޖެ ކަމަށް ވިދާޅުވެ އެމެރިކާގެ ރައީސް ޑޮނަލްޑް ޓްރަމްޕް ޓްވީޓް ކުރައްވައިފި އެވެ.
ޓްރަމްޕުގެ ޓްވީޓަށް ފަހު ޕެންޓަގަނުން މިހާރު ވަނީ ސީރިއާގައި ތިބި އެމެރިކާ ސިފައިން ބާލަން ނިންމައިފަ އެވެ. ސީރިއާގެ އުތުރާއި އިރުމަތީގެ ހިސާބުތަކުގައި އައިއެސް ބަލިކޮށްލުމުގެ ހަނގުރާމައިގައި އެމެރިކާގެ 2،000 ވަރަކަށް ސިފައިން ވަނީ އެހީތެރިވެދީފަ އެވެ. އެމެރިކާ ސިފައިން ގާއިމްވެ ތިބީ ސީރިއާގެ އުތުރުގެ ސިރިއަން ކުރުދީ އަދި އަރަބި ހަނގުރާމަވެރިން ގުޅިގެން އުފައްދާފައިވާ ސީރިއަން ޑިމޮކްރެޓިކް ފޯސަސް އަށް އެހީތެރިވެ ދިނުމަށެވެ.
ސީރިއާގެ ޓައުނެއްގައި އެމެރިކާ ސިފައިން ކުރުދީ ހަނގުރާމަވެރިންނާ އެކު. --ފޮޓޯ:ރޮއިޓާސް
ވައިޓް ހައުސްގެ ޕްރެސް ސެކްރެޓަރީ ސާރާ ސެންޑާސް ވިދާޅުވީ ސީރިއާގައި އައިއެސް ބަލިކޮށްލި ނަމަވެސް "ގްލޯބަލް ކޯލިޝަން"ގެ ކެމްޕޭން ނުނިމޭ ކަމަށެވެ. ސީރިއާ އިން އެމެރިކާ ސިފައިން ބާލާ ނިންމާނެ ތާރީޚެއް އިއުލާން ކޮށްފައެއް ނުވެ އެވެ.
ސީރިއާ އާއި އިރާގުން ބޮޑު ބައެއް ހިފުމަށް ފަހު އައިއެސްގެ ޚިލާފަތު އިއުލާން ކުރީ 2014 ވަނަ އަހަރު އެވެ. ސީރިއާގައި އައިއެސްގެ ވެރިރަށުގެ ގޮތުގައި ބަލާފައި ވަނީ ރައްގާ އެވެ. އެމެރިކާ އިން ލަފާކޮށްފައިވާ ގޮތުގައި އައިއެސް އިން ވަނީ 100،000 އަކަ ކިލޯ މީޓަރުގެ ސަރަހައްދެއް އެ މީހުންގެ ބާރުގެ ދަށަށް ގެންގޮސްފަ އެވެ. އަދި އެ މީހުން ކޮންޓްރޯލް ކުރި ސަރަހައްދުގައި އަށް މިލިއަން މީހުން ދިރިއުޅުނު ކަމަށް ވެސް ބުނެފައިވެ އެވެ. އަދި އާމްދަނީގެ ގޮތުގައި އައިއެސް އިން އަހަރަކު އެއް ބިލިއަން ޑޮލަރު ހޯދަމުން ދިޔަ ކަމަށް ވެސް ލަފާކޮށްފައިވެ އެވެ.
އިރާގުގައި އައިއެސް ބަލިކޮށްފައި ވަނީ މިދިޔަ އަހަރުގެ ފަހުކޮޅު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅިބައިސާ
20 December 2018
ދެން އާލުސޫދުންނާއި އާލު ޝައިޚުން އެއީ ވަކިރަނގަޅު ބައެއްތަ؟ އެކައްވެސް ޔަހޫދީން.
ހަސަންއަލީ
20 December 2018
އެމެރިކާއައް ރަސިޔާގެ ކުރިމަތީގަ ބާރުނުދެއްކި، ކުރަންދިޔަކަންތައްނުވެ ފައިބަންޖެހުނީ، ދެން ހިތުންދެރަނުވަންވެގެން ކިޔާއެއްޗެއްތީ
އަންމަޑޭ
20 December 2018
އަރަބި ފަހަރަކު ގައުމެއް ހަލާކު ކޮށްލާފަ ފައިބަނީއެވެ. މުސްލިމް ނޫން ގައުމަކަށް މިމީހުން ހަނގުރާމަ އަށް ނުދެއެވެ. ރަޝިޔާ އިން ޔުކްރޭން ހަލާކު ކުރިއިރުވެސް އަޅާ ނުލައެވެ.
ތަމީމް
20 December 2018
އެންމެ މުސްލިމުން ދެނެގަންނަން ޖެހޭނެ ހަގީގަތަކީ، އެމެރިކާގެ ރައީސް ޑޮނާލްޑް ޓްރަންޕަކީ މުސްލިމުންނަށް ހެޔޮއެދޭނެ މީހެއް ނޫންކަން. ސަބަބަކީ އެއީ ނުލަފާ ވެގެންވާ ޔަހޫދީއެއް ކަމުގައި ވާތީވެ. ޔަހޫދީންނަކީ މުސްލިމުންނަށް، އެއްވެސް މިންވަރަކުން ހެޔޮއެދޭނެ ބައެއް ނޫންކަން ކީރިތި ގުރުއާނުގައިﷲ ވަނީ ބަޔާންކޮށްދެއްވާފަ.
ތަމީމް
20 December 2018
ބައްޝާރުލް އަސްއަދު އަކީ އަނިޔާވެރި ވެރިޔެއް ކަމާމެދު ޝައްކެއް ނެތް. އަދި އެއީ ޝިއައީއެއް! ޙިލާފަތެއްގެ ގޮތުގައި "އިސްލާމިކް ސްޓޭޓްސް" ގެ ނަމުގައި އުފަންކުރީ ސައްޚަ ޙިލާފަތެއް ނޫން ކަމީ، ޝައްކެތް އޮތް ކަމެއް ނޫން! ސަބަބަކަށް ވަނީ ރަސޫލާ އަށްފަހު ގާއިމުކުރެވުނު 4 ހަލީފާއިންގެ ޙިލާފަތު ނިމުމާއި، މަހުދީގެފާން ޙިލާފަތަކާއިގެން ދުނިޔެއަށް ފާބައިވަޑައިގަތުމާ ހަމައަށް "ސައްހަ" ޙިލާފަތެއް އަންނާނެ ކަމުގެ "ބާރުގަދަ ދަލީލެއް" ނެތުން!
ބަބުރުކަލޯ
20 December 2018
ބޯހަލާކު.
އެގޭމީހާ
20 December 2018
ކިހިނެތް މިވީ. ހަގުރާމަ ކުރަން ދިޔައީ ބައްޝާރުގެ ސިފައިންނާ. ބަލިކުރީ އެހެންބައެއް.