އިންސާނުން އައްޑަނައަކަށް ބޭނުންކޮށްގެން މަންބިޖުން އައިއެސް ފިލާ މަންޒަރުގެ ފޮޓޯތަކެއް އާއްމުވެއްޖެ

އިންސާނުން އައްޑަނައަކަށް ހަދައިގެން ސީރިއާގެ މަންބިޖުން އައިއެސްގެ ހަނގުރާމަވެރިން ފިލަނީ. --ފޮޓޯ:އެސްޑީއެފް

ހަސަން އާމިރު، މިހާރު

19 އޯގަސްޓް 2016 - 16:48

ދިމިޝްގު (އޮގަސްޓް 19) - ސީރިއާގެ އުތުރުގެ މަންބިޖު ޓައުނުން އިސްލާމިކް ސްޓޭޓް (އައިއެސް) ގެ ހަނގުރާމަވެރިން ފިލުމަށް އިންސާނުން އައްޑަނައެއްގެ ގޮތުގައި ބޭނުންކުރާ އޭރިއަލް ފޮޓޯތަކެއް އާއްމުވެއްޖެ އެވެ.

ސީރިއަން ޑިމޮކްރެޓިކް ފޯސަސް އިން ބުނީ އައްޑަނައަކަށް އިންސާނުން ހަދައިގެން އައިއެސްގެ ވަރަށް ގިނަ ވެހިކަލްގައި ހަނގުރާމަވެރިން މަންބިޖުން ފިލަން މަސައްކަތްކޮށްފައި ވަނީ މިއަދު ކަމަށެވެ. އާއްމުންގެ ހިމާޔަތުގައި އައިއެސްގެ ހަނގުރާމަވެރިން ދަތުރު ކޮށްފައިވާތީ އެ ވެހިކަލްތަކަށް ހަމަލާދީފައެއް ނުވެ އެވެ. ހަނގުރާމަވެރިން ދަތުރުކޮށްފައި ވަނީ ތުރުކީގެ ސަރަހައްދީ ރޮނގާ ކައިރިއަށެވެ.

ކުރިން އައިއެސްގެ ބާރުގެ ދަށުގައި އޮތް މަންބިޖުގެ ކޮންޓްރޯލް މިހާރު ހޯދާފައި ވަނީ އެސްޑީއެފުންނެވެ.

ބަޣުދާދުގައި ހުންނެވި އެމެރިކާ ކޯލީޝަނުގެ ތަރުޖަމާނެއް ކަމަށްވާ ކާނަލް ކްރިސް ގާވާ ވިދާޅުވީ މަންބިޖު ގެއްލޭނެކަން ޔަގީންވުމުން އައިއެސްގެ ހަނގުރާމަވެރިން ވަނީ އާއްމުން ރަހީނުކޮށްފައި ކަމަށެވެ. އަދި ހަނގުރާމަވެރިންގެ ވެހިކަލްތަކަށް އާއްމުން އަރުވާ އިންސާނީ އައްޑަނައަކަށް އެ މީހުން ހަދާފައިވާ ކަމަށް ވެސް އޭނާ ވިދާޅުވި އެވެ.

ކޯލީޝަނުން ބުނީ ހަމަލާ ނުދީ އައިއެސްގެ ހަނގުރާމަވެރިން ފިލަން ފުރުސަތު ދިނީ އާއްމުންނަށް ގެއްލުމެއް ލިބިދާނެތީ ކަމަށެވެ.

އިރާގުގެ ފައްލޫޖާ ވެސް އައިއެސްގެ ބާރުގެ ދަށުން ގެއްލުމުން ހަނގުރާމަވެރިން ފިލަން ވަނީ ގިނަ އަދަދެއްގެ ވެހިކަލް ބޭނުންކޮށްފަ އެވެ. ނަމަވެސް ފިލަން ދަތުރުކުރި ވެހިކަލްތަކަށް ޖޫން މަހު ބޮން އަޅާ 175 ވެހިކަލް ވަނީ ހަލާކުކޮށްލައިފަ އެވެ.

މެދު އިރުމަތި ސީރިއާ އިސްލާމިކް ސްޓޭޓް (އައިއެސް)

3 ކޮމެންޓް, 94 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢުމައިރު އަހްމަދު

19 August 2016

ޙަސަން އާމިރު މެން އެބަޖެހޭ ވަރަށް ބޮޑަށް ދުނިޔެއަށް ހޭލަން.... ހަމަތާކުން އެއްޗެއް ފެންްނައިރަށް ލިޔެނުގަނެބަލަ ދޯ؟ ރަޝިޔާ އެމެރިކާ އިޒްރޭލް، އޮޅިގެންވެސް ޢާމުންގެ މީހަކު ނުމަރާނެ ވިއްޔާ ދޯ؟ އެހާވެސް ބަލާނެ ޢާންމުންނަށް! ސީރިޔާގަ އެފެންނަނީ ނަމޫނާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

19 August 2016

ތިޔަ ލިސްޓަށް ސައުދީން ޔަމަނަށް ހެސް ކިޔާފަ ބޮން އަޅާ، ކުޑަކުދިންނާ ޢާންމުން މަރާވާހަކަ އިތުރު ކޮށްލަބަލަ އަޅެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

20 August 2016

ރަނގަޅު! ތިބޭފުޅާ ހޭފުޅުލައްވައިގެން ހުންނެވީ! ކިތައްމެ ކޯފާވިޔަސް އައިއެސް މިކިޔާ ޓެރަރިސްޓް ޖަމާއަތުން އިންސާނީ އައްޑަނަ ބޭނުން ނުކުރާކަށް ނުވާނެ! މިވަގުތު މިދައްކަނީ ރަޝިޔާ، އެމެރިކާގެ ވާހަކައެއް ނޫން! މިދައްކަނީ އިސްލާމުންނޭކިޔައިގެން ތިބި ނުލަފާ ޖައްބާރު ބައެއްގެ އަނިޔާވެރިކަމުގެ ވާހަކަ! ބުނަން ވާހަކައެއް! އިޒްރޭލު، އެމެރިކާއަށްވުރެ މިޖަމާއަތުގެ ނުބައިކަން މާބޮޑު! ސަބަބަކީ އަހަރެމެންގެ މިމާތް ރިވެތި ދީނުގެނަމުގައި މައުސޫމް އެތައް މުސްލިމުނެއް މަރަމުންދާތީ!