ޕީއެސްއެމް މިނިވަންކޮށް، އިތުބާރު އުފައްދާނަން: އަލީ ޚާލިދު

އަލީ ޚާލިދު: ޕީއެސްއެމްގެ އެމްޑީގެ ގޮތުގައި މިއަދު އޭނާ އޮފީހަށް ނުކުންނަވާނެ. --ފޮޓޯ/މިހާރު

ފަޒީނާ އަހުމަދު، މިހާރު

25 ޑިސެމްބަރ 2018 - 10:27

ދައުލަތުގެ މީޑިއާ، ޕީއެސްއެމް ނުފޫޒުތަކުން މިނިވަންކޮށް، ރައްޔިތުންގެ އިތުބާރު އުފައްދަވާނެ ކަމަށް އާ މެނޭޖިން ޑިރެކްޓަރު އަލީ ޚާލިދު މިއަދު ވިދާޅުވެއްޖެ އެވެ.

މިނިވަންކަމާއި އިތުބާރު ގެއްލި، ބޮޑެތި ތުހުމަތުތަކެއް އަމާޒުވެފައިވަނިކޮށް ޕީއެސްއެމްގެ އެމްޑީއަކަށް ރައީސް އިބްރާހިމް މުހައްމަދު ސޯލިހް އައްޔަން ކުރެއްވީ އަލީ ޚާލިދެވެ. އޭނާ މީގެކުރިން ވެސް މީޑިއާގައި ގިނަ ދުވަސްތަކެއް ވަންދެން މަސައްކަތް ކުރެއްވި އެވެ. ރައީސް އޮފީހުގެ ޗީޕް ކޮމިއުނިކޭޝަން އޮފިސަރު ކަން ކުރައްވާފައިވާ އަލީ، 2006-2008 އަށް ޓީވީއެމްގެ ސީއީއޯ އަކަށް ވެސް ހުންނެވި އެވެ. އަދި ވެމްކޯގެ ޗެއަމާން ކަން ވެސް ކުރެއްވި އެވެ.

އަޑާއި ޓީވީއެމް ވަކިން ހިންގިއިރު، ޓީވީއެމްގެ ސީއީއޯއެއްގެ ގޮތުގައި ހުންނަވައި މިނިވަންކަމާ އެކު ޚަބަރާއި މައުލޫމާތު ފެތުރުމުގެ ސިޔާސަތެއް ގެންގުޅުއްވި އަލީ ވިދާޅުވީ ދެން ވެސް އޭނާގެ އަމާޒަކީ ޕީއެސްއެމް މިނިވަންތަނެއްގެ ގޮތުގައި ހިންގުން ކަމަށެވެ.

"މީޑީއާ އަލެއް ނޫން އަޅުގަނޑަށް، ވަރަށް ބާރުބޮޑު ދުވަސްވަރެއްގައި (2006-2008 އަށް) ވަރަށް ނޮންބަޔަސްކޮށް ގެންގޮސްފައި ވާނީ. އަޅުގަނޑަށް އިރުޝާދު ދެއްވާފައި ވަނީ ޕަބްލިކް ސާވިސް މީޑީއާއެއްގެ ސިފަތައް ދަމަހައްޓައި އެ ގޮތުގައި ކުރިއަށް ގެންދަން،" އަލީ ވިދާޅުވި އެވެ.

އެކަން އޭނާ މާނަކުރެއްވީ، ޕީއެސްއެމް މިނިވަންތަނަކަށް ހަދައި، ރައްޔިތުންގެ އިތުބާރު އުފައްދަން ސަރުކާރުން ބޭނުން ވުމެވެ.

"މިނިވަންކަމާ އެކު ޕްރޮފެޝަނަލްކޮށް، ޕީއެސްއެމް ހިންގުމުގެ ވިސްނުން ހުރީ. ސަރުކާރަށް ވެސް އެތަނުގައި ބައިވަރު މައްސަލަތައް ހުރި ކަމަށް ފެނޭ. އެކަންކަން ރަނގަޅަށް ބަލައިގެން އިސްލާހުކުރެވޭނީ،" އަލީ ވިދާޅުވި އެވެ.

މިހާރު އޮތް ހާލަތުން، ޕަބްލިކް ސާވިސް ބްރޯޑްކާސްޓަރެއްގެ ސިފަތަކާ އެކު ހިންގުމަކީ އެންމެ ދުވަހަކުން ވާނެ ކަމެއް ނޫން ކަމަށް ވިދާޅުވެ، އެ މަގަށް ޕީއެސްއެމް ހިންގަވާނެ ކަމުގެ ޔަގީންކަން ދެއްވެވި އެވެ.

ރިޔާސީ އިންތިޚާބުގެ ތެރޭގައި ޕީއެސްއެމަކީ ޔާމީންގެ ސަރުކާރާއި ޕީޕީއެމްގެ ޕްރޮޕެގަންޑާ ފެތުރުމާއި އެމަނިކުފާނަށް ދެވަނަ ދައުރެއް ހޯދައިދޭން ކެމްޕެއިންކުރި މީޑިއާއެކެވެ. އިދިކޮޅު ފަރާތްތަކުގެ އަޑު ރައްޔިތުންނަށް އިއްވަން ފުރުސަތު ނުދީ، ހުރިހާ ވަގުތެއް ޔާމީންގެ ކެމްޕޭނަށް ހުސްކުރިއިރު، ޕީއެސްއެމްގެ ބޯޑުގެ ބައެއް މެމްބަރުން ޔާމީންގެ ކެމްޕޭން ހަރަކާތްތަކުގައި އަމަލީ ގޮތުން ވެސް ބައިވެރިވެވަޑައިގަތެވެ.

އޭރު ޕީއެސްއެމްގެ މެނޭޖިން ޑިރެކްޓަރަކަށް ހުންނެވީ އިބްރާހިމް ޚަލީލެވެ. އަދި ޑެޕިއުޓީ މެނޭޖިން ޑިރެކްޓަރަކަށް ހުންނެވީ މުހައްމަދު އިކްރާމެވެ. ދެ ބޭފުޅުން މަގާމުން ވަކިކުރެއްވީ މިދިޔަ މަހުގެ ތެރޭގަ އެވެ.

ޕީއެސްއެމް ޓީވީ މޯލްޑިވްސް ބްރޯޑްކާސްޓަރުން

26 ކޮމެންޓް, 68 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިމިނާ

25 December 2018

ޕީއެސްއެމް ގަ ވަކިކުލައެއްޖައްސަންބޭނުންނޫންނަމަ މިހާރު ޕިންކުކުލަ ނުފިލައިގެންމިއުޅެނީކީއްވެބާ! ކުލަފިލުވަން ކިތައް އަހަރު ބޭނުންވޭބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމީދު

25 December 2018

އަހަރެން ހަމަ ހައިރާންވެއްޖެ. މީނާ އަކީ ރައީސް ޔާމީނު ސަރުކާރު ދަމަހައްޓަން ހެސްކިޔާފަ މަސައްކަތް ކުރި މީހެއް. އަންނިއަށް އިންތިހާއަށް މަލާމަތްކޮށް ދިމާކުރާ މީހެއް. ޢެކަމަކު އިބޫއަށް ހަމަ އޯކޭ. ޢަހަރެމެން ނޫސްވެރިން އަލީ ވަރަށް ރަނގަޅަށް ދަންނަން. ޙެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްމިލިއަންދެރުފިޔާ

25 December 2018

ތިހެންވެސް ބުނޭ ކޮންމެ ވެރިކެމެއްގަ.. ކޮންމެބަޔަކަުވެސް އެކައްޗެއް މިކަޔަނީ. ވާކަމެއް ނޯވޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފް

25 December 2018

ސިޔާސީ މީހުން ތިތަންތާ ތިބިހާދުވަހަކު ތަން ހިނގާނީ ސިޔާސީކޮށް.. ވަރަށް ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެތީމޭ

25 December 2018

ތަމެން ތިޔާ ހެން ބުނާނެ އިންފެންޓް ސްޓޭޖް ގައި ރަނގަޅަށް ގޮނޑި އަށް ވެރިވެވުމުން ތަމެން ހަނދާނެއް ނުހުންނާނެއޭ އެއްވެސް ކަމަކުން ތިޔާއީ ސަރުކާރުގެ ކުންފުނި ތަކުގެ އެމްޑީންގެ ކަލްޗަރ އޭ މަމެން ބުނަން ނެތީމު ދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބް

25 December 2018

ދިވެހިރާއްޖޭގެ އަގު ގެ ހިދުމަތް ދ އަތޮޅަށް ނުލިބޭތާވެސް އެތަށް ދުވަހެއް، ގުޅާލާއިރަށް ބުނާނެ ލިބޭނެޔޭ.. ރެޑިޔޯގެ ޓިއުނުކުރާ ސޯބް އަނބުރާ އަނބުރާ މިހާރު ބަލިވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

25 December 2018

އަލީ ޓީވީއެމްގެ ސީއޯކަން ކުރެއްވީ ކުއްޓީ ނަޝީދު މައުމޫނުގެ ދައުރުގައި މަޖްބޫރުވެގެން ގެނައި ކުޑަ މިނިވަންކަމެއްގެތެރޭގައި. އޭގެ ކުރިން، ޕީއެސްއެމްގެ މިހާރު އޮތް ގާނޫނަކުން އެތަނަކަށް މިނިވަންކަމެއް ނުލިބޭނެ. ރައީސް އައްޔަން ކުރާނަމަ މިނިވަންކަމެއް ނޯންނާނެ. ދެން އަނެއް މައްސަލައަކީ، އަލީ އޭގެ ފަހުން ރައީސް ވަހީދުގެ ސަރުކާރުގައިވެސް ސިޔާސީ މަގާމުފުރުއްވި. އަދި ޔާމީން ސަރުކާރުގައިވެސް. ސުވާލަކީ އަލީ އަށް ތިކަން ކާމިޔާބު ކުރެވިދާނެތޯ ކުރެވޭ ސުވާލު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްސް ޑޭޑް

25 December 2018

ހުސް ހޮޅިވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭރު

25 December 2018

ޕީއެސްއެމް ހިންގަން 522 މުވައްޒަފުން މާ ބޮޑަށްވެސް ގިނައެވެ. ވީމާ، މުވައްޒަފުން މަދުކޮށް ނުވަތަ އާމްދަނީ ލިބޭނެ އިތުރު ގޮތްތަކެއް ހޯދަންޖެހެއެވެ. ޕީއެސްއެމްގެ އަމާޒަކަށް ވާން ޖެހެނީ ހޭލުންތެރިކަން އިތުރު ކުރުމެވެ. މާ ބޮޑަށް ސީޔާސީ ހަރަކާތްތައް ކަވަރު ނުކުރާ އާންމު އިޖްތިމާއީ ކަންކަމަށް ފޯކަސް ކުރާ ތަނަކަށެވެ. މުޒާހަރާތަކާއި އެއްވުންތައް ލައިވް ކުރާ ތަނަކަށް ވެގެން ނުވާނެއެވެ.