ޖެންޑާ މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޝިދާތާ (މ) ވާހަކަދައްކަވަނީ.-- ފޮޓޯ: ހުސެއިން ވަހީދު/ މިހާރު
30 ޑިސެމްބަރ 2018 - 13:40
20 comments
ކުޑަކުދިންގެ ހައްގުތައް ރައްކާތެރިކުރުމުގެ ނިޒާމު ހަރުދަނާކުރުމުގައި އަޅަންޖެހޭ އެންމެ މުހިއްމު ފިޔަވަޅަކީ އާ ގާނޫނެއް ވުޖޫދެއް ގެނައުން ކަމަށް ޖެންޑާ މިނިސްޓަރު ޝިދާތާ ޝަރީފު މިއަދު ވިދާޅުވެއްޖެ އެވެ.
އެ މިނިސްޓްރީގެ މަސައްކަތްތަކާ ގުޅޭ މައުލޫމާތު ދިނުމަށް ބޭއްވި ފުރަތަމަ ނޫސްވެރިންގެ ބައްދަލުވުމުގައި ޝިދާތާ ވިދާޅުވީ މިހާރު އަމަލުކުރާ ގާނޫނަކީ ވަރަށް ކުރިންސުރެ އަމަލުކުރާ ގާނޫނެއް ކަމަށެވެ. އެއަށް އިސްލާހުތަކެއް ގެނައި ނަމަވެސް މައްސަލަތަކަށް އެންމެ އެކަށީގެންވާ ހައްލުތަކެއް ގާނޫނުގެ ތެރެއިން ހޯދިފައި ނުވާ ކަމަށް ވިދާޅުވި އެވެ.
ކުޑަކުދިންގެ ހައްގުތައް ރައްކާތެރިކުރުމާ ބެހޭ ބިލެއް މަޖިލީހަށް ހުށަހަޅާފައި އޮންނަތާ ގިނަ ދުވަސްތަކެއް ވެއްޖެ އެވެ. ކޮމެޓީ މަރުހަލާގައި އޮތް އެ ބިލުގެ މަސައްކަތްތައް ނުނިމި މަޖިލިސް ވަނީ ޗުއްޓީ އަށް ގޮސްފަ އެވެ.
"އެ ބިލް ގާނޫނަކަށްވެ ވުޖޫދަށް އައީމަ ކުޑަކުދިންގެ ހައްގުތައް ރައްކާތެރިކުރުމާ މި ނިޒާމަށް ގެންނަންޖެހޭ ހަރުދަނާ ފިޔަވަޅުތައް އެޅުމުގައި ވަރަށް މުހިއްމު ހައްލުތަކެއް ލިބިގެންދާނެކަން ފާހަގަކުރަން،" މޫކައި ހޮޓެލްގައި ބޭއްވި ނިއުސް ކޮންފަރެންސްގައި ޝިދާތާ ވިދާޅުވި އެވެ.
އޭނާ ވިދާޅުވި ގޮތުގައި މިދިޔަ އަހަރު 2،800 އަށްވުރެ ގިނަ މައްސަލަ އެ މިނިސްޓްރީއަށް ވަނީ ހުށަހަޅައިފަ އެވެ. މި އަހަރުގެ މިހާތަނަށް 2،345 މައްސަލަ ހުށަހަޅާފައިވާއިރު އޭގެ ތެރެއިން 50 ޕަސެންޓަށް ވުރެ ގިނަ މައްސަލައަކީ ކުޑަކުދިންނާ ގުޅުންހުރި މައްސަލަތަކެވެ.
އިޖުތިމާއީ ދާއިރާއަކީ ޒަމާނުއްސުރެ ވެސް ދައުލަތުން ކުޑަ ހޭދައެއް ކުރަމުންދާ ދާއިރާއެއް ކަމަށާއި ނަމަވެސް އެ މަސައްކަތްތަކަށް ހާއްސަ އިސްކަމެއް ދީގެން ވަކި މިނިސްޓްރީއެއް އުފައްދާފައިވާއިރު މައްސަލަތަކަށް ހައްލެއް ގެނެސްދެވޭނެ ކަމަށް ވިދާޅުވި އެވެ. އޭގެ ތެރޭގައި ދައުލަތުން ކުދިން ބަލަހައްޓާ ތަންތަނުގައި މަސައްކަތް ކުރާ މުވައްޒަފުންނަށް ދިމާވާ މައްސަލަތައް ހައްލުކުރުން ހިމެނެ އެވެ.
ޝިދާތާ ވިދާޅުވީ މިހާރުން މިހާރަށް ހަރުދަނާކުރަން ޖެހޭ ކަންކަން އެ ހިޔާތަކުގައި އެބަހުރި ކަމަށެވެ. މުވައްޒަފުންނާއި އެ ތަންތަނުގެ މެނޭޖްމަންޓް ރިިވިއު ހެދުން އޭގެ ތެރޭގައި ހިމެނެ އެވެ. އެހެންވެ ސަރުކާރުގެ ފުރަތަމަ 100 ދުވަހުގެ ތެރޭގައި އެތަންތަން ހަރުދަނާކުރަން މުހިއްމު ހިސާބަކަށް ގެންދެވޭނެ ކަމަށް މިނިސްޓަރު ވިދާޅުވި އެވެ.
ހަވާލުވެހުރީ ބޮޑެތި ޒިންމާތަކާ ކަމަށާއި ނަމަވެސް އެންމެ އިސްކަމެއް ދީގެން މަސައްކަތް ކުރާނީ ދައުލަތުގެ ބެލުމުގެ ދަށުގައި ތިބި ކުދިންގެ ރައްކާތެރިކަން ކަށަވަކުރުމަށް ވިދާޅުވި އެވެ.
"އަޅުގަނޑުމެން މަސައްކަތުގެ ތެރެއިން އެންމެ މުހިއްމު މަސައްކަތަކީ ދައުލަތުގެ ބެލުމުގެ ދަށުގައި ތިބި ކުދިންނަށް ރައްކާތެރިކަން ކަށަވަރުކުރުން. އެކަން ކަށަވަރުކުރުމަށްޓަކައި އަޅުގަނޑުމެން ކުރަންޖެހޭ ހުރިހާ ކަމެއް ކުރާނަން،" ޝިދާތާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުޔާ
31 December 2018
މީނައަކަށް ނޭގޭތަ ކުޑަކުދިންގެ ގާނޫނެއް އޮންނަކަންވެސް؟ ސުބުހާނަﷲ!!
އެބައޮތް
31 December 2018
މިއޮތީ ޤާނޫނު. ޤާނޫނު ނަންބަރު 91/9 ކުޑަކުދިންގެ ޙައްޤުތައް ރައްކާތެރިކުރުމާބެހޭ ޤާނޫނު، 2014 ވަނަ އަހަރު އިޞްލާޙުކޮށްފައި. މާކުރިއެއް ނޫން ދެއްތޯ އެއީކީ. ޤާނޫނު 2014 ގައި އަޕްޑޭޓްކޮށްފައި އޮތީ. ކަމަނާއަށް އެނގިވަޑައި ނުގަންނަވަނީތޯ. މިވަގުތުން މިވަގުތަށްވެސް މާލޭގެ މަގުތައް މައްޗަށް ފުލުހުން ނެރެ، މަގުތަކުގައި ސިނގިރޭޓް ބޯން ތިބޭ މީހުން އަރުވާ ދުމުގެ ނުރައްކަލުން ތުއްތު ތުއްތު ބޭބީންނާއި ކުޑަކުދިން ސަލާމަތްކުރަން އުޅެމާ.
އާގާނޫނެކޭ
31 December 2018
އާ ގާނޫނެއްގެ ވާހަކައޭ އެބުނަނީ. ސިނގިރޭޓާބެހޭ ގަވާއިދުތައްވެސް މިހާރު ބާވީއޭ. އެހެންވެ އާކުރަންޖެހިފަ އޮތީ.
ސީން
31 December 2018
ކުޑަ ކުދިން ގެ ޙައްޤު ރައްކާތެރި ކުރުމުގް ފިޔަވަޅެއްގެ ގޮތުން ރޫޅފައިވާ އާއިލާ ތަކުގެ ކުދިންގެ ބައްޕައިންގެ އަތުން ކޯޓު މެދުވެރިކޮށް އެކުދިން ގެ ޚަރަދު ހޯދަދިނުމުގެ ކަންތައް ތަންކޮޅެއް ހަރުދަނާކޮށް ބެލެހެއްޓުން މުހިމއްމު. ޢާއިލާ އާއި ބެހޭ ކޯޓުން އެކަން ރަނގަޅަށް ނުބަލަހައްޓާތީ ކުދިންގެ ހަރަދުތައް ވަރަށް ޙާލުން އެކުދިންގެ މައިން އެކަނިމާއެކަނި ބަލަހައްޓަމުންދާކަން ފާހަގަ ކުރަން
ރާއްޖެ
31 December 2018
ތިޔަ މިނިސްޓްރީ ގަ 10 މީހުންނަށް އެއްފަހަރާ ވަދެވޭ ވަރުގެ ކޮޓަރިކޮޅެއް ނެތީމަތޯ ބޮޑު ހޮޓަލެއްގައި ނޫސް ކޮންފަރެންސް ތިބޭއްވީ؟
ރެނދަން
31 December 2018
އިބްތިހާލް މައްސަލާގައި ކުއްޖާ މަރުވަންދެން ފިޔަވަޅެއް މީނަޔަށް ނޭޅުނީ ބަޖެޓް ނެތީމަ، މިހާރު ޤާނޫނެއް ނެތީމަ އެޝަކުވާ، ކަންކަން ކުރުމުގެ ޤާބިލްކަން ނެތިއްޔާ މިކަހަލަ މަޤާމްތަކަށް ނައިސް އެހެން ކަމަކާ އުޅުނީމަ ރަނގަޅުވާނެ. މިނިސްޓަރުކަން ކުރާނެ ފެންވަރު ގައިގަ ނެތަސް ވާނެ މާ ސިޔާސީވެގެން މިކަހަލަ ކަންކަމާ ހަވާލުވާން. ކުރިން ހުރި މަޤާމުގެ ޒިންމާ ނެގުނީކީ ނޫން، މިފަހަރު އަނެއްކާ ކިތަށް މިސްޓޭކް ހަދާނެ ބާ.
@ރެދަށް
31 December 2018
މެދަށް ވިއްޔާ ރަނގަޅު
ހަންދަރުޙަސަން
30 December 2018
ވަޒީރަށް ހީވެގެން މި އުޅެނީ ކުޑަކުދިންނަށް އަނިޔާ ދިނުމީ ޖިންސީ ގޯނާ ކުރުން އެކަނި ކަމަށް އެކަމަކު ސިނގިރޭޓުގެ ދުމުން މިއޮއްހާ ކުދިންނަށް ގެއްލުން ލިބޭއިރު ހައްޕު ކިޔައިގެން ހުންނަން ތި ދިމާކުޅައީ ކަމުގެ ބޮޑުކަމުންތޭ
ދާދޭ
30 December 2018
މިކަމަނާއަށް ގާނޫނުން ނެއްޓެވިގެން ނޫންތޯ ކަމެއްކުރެވޭނީ. މަޖިލީހުގެ ޕަސެންޓްގެ ގާނޫނާ އެނޫންވެސް ކޮންމެވެސް ގާނޫނެއް އިވެގެން ނޫނީ ކަމެއް ނުކުރެވިގެން އުޅޭތަން މިފެންނަނީ. ނުވާނެެޔޭ ކިޔާފާދާންވީއެއްނުން. ދެއިރު ދެދަޅައަށް ނޫސް ކޮންފަރެންސް ބާއްވައިގެ ދައުލަތުގެ ޚަރަދު އިތުރުކުރަން ދެންތީ ކޮންކަމެއް.
ފަށަލަ
30 December 2018
މިއީ ވެސް އެކުއްޖާޔަށް ދެވޭ އަނިޔާއެއް ނޫންތޯ؟އެކުއްޖާ ހުރީ ރައްކާތެރި މާހައުލެއްގައި ނޫންކަމަށްވާތީ އެކަންވެސް ޗައިލްޑް ޕްރޮޓެކްޝަން ޔުނިޓަށާއި ޕޮިލހަށް އެންގުނު އަދަދެއްނޭނގެ. ދެން ތިޔަ ގާނުނު ވުޖޫދައް އަންނަންދެން ބަލަން ތިބެނީތޯ މައްސަލަ ލަސްކޮށްލަކޮށްލާ. އޑު އެހުންތާވަލު ވާނީ އެތައް ދުވަހަކުން. ެއެދުވަހު ގާޒީބަލިވާނެ ނޫނީ ކުއްޖާގެ މަންމަ ހާޒިރު ނުވާނެ.
ޜަވީ
30 December 2018
ޢިބްތިދާލު މަރުގެ މައްސަލަ ބަލަން ގޮވާލަން
ހޯރައިއްބެ
30 December 2018
ކުޑަކުދިންވެސް ހިނގާ މަގުތަކުގަ ސިނގިރޭޓު ބޮއި ނަގަނީ އެކަން ބޮޑުކަމަކަށް ނުވެ އެކަމާ ލޯމަރާލާފަ އިނދެ މިދައްކަނީ ހަމައެކަނި ކުށަކީ ކުޑަކުދިންނާ ނަހަމަ ގޮތުން ގުޅުން ބޭއްވުން ކަމަށް އެކަނި މި ވާގޮތަކީ ބޮޑެތި ކަންކަމާ ކުރިމަތިލާން ބޭނުންނުވާ ވަޒީރުން މިފެންނަނީ