އަނޫޕަމް ކޭރްގެ "ދި އެކްސިޑެންޓަލް ޕްރައިމް މިނިސްޓާ" އާ ދެކޮޅަށް ކޯޓަށް މައްސަލައެއް ހުށަހަޅައިފި

އަހުމަދު އަދްޝަން، މިހާރު

04 ޖެނުއަރީ 2019 - 06:35

އަނޫމަޕް ކޭރް އިންޑިއާގެ ކުރީގެ ބޮޑުވަޒީރު މަންމޯހަން ސިންގްގެ ރޯލް ކުޅެފައިވާ ފިލްމު "ދި އެކްސިޑެންޓަން ޕްރައިމް މިނިސްޓާ" މި މަހުގެ 11 ވަނަ ދުވަހު ސިނަމާތަކަށް ގެންނަން ނިންމާފައި ވަނިކޮށް، އެ ފިލްމާ ދެކޮޅަށް ބިހާރު ކޯޓަށް މައްސަލައެއް ވައްދައިފި އެވެ.

ގާނޫނީ ވަކީލެއް ކަމަށްވާ ސުދީރު ކުމާރު އޮޖާ، އަނޫޕަމް އާއި "ދި އެކްސިޑެންޓަން ޕްރައިމް މިނިސްޓާ" ގެ ޓީމްގައި އިސްކޮށް މަސައްކަތްކުރި މީހުންނާ ދެކޮޅަށް ބުދަ ދުވަހު ކޯޓަށް މައްސަލަ ހުށަހެޅީ އެ ފިލްމަކީ ކޮންގްރެސް ޕާޓީގެ އިސް ވެރިންތަކަކަށް ހުތުރުވާ ގޮތަށް ހަދާފައިވާ ފިލްމެއް ކަމަށް ތުހުމަތުކޮށްފަ އެވެ.

އޭނާ ހުށަހެޅި މައްސަލާގައި، ވަކިން ހާއްސަކޮށް މަންމޯހަން ސިންގްގެ ރޯލް ކުޅުނު އަނޫޕަމް އާއި ބޮޑުވަޒީރުގެ ޕްރެސް އެޑްވައިޒަރުގެ ރޯލް ކުޅުނު އަކްޝަޔޭ ކަންނާގެ ރޯލަކީ އެ ދެ މީހުންގެ ޝަހުސިއްޔަތު ކަތިލެވޭ ގޮތަށް ގެނެސް ދީފައިވާ ކެރެކްޓާތަކެއް ކަމަށް ބުނެފައިވެ އެވެ.

މީގެ އިތުރުން "ދި އެކްސިޑެންޓަލް ޕްރައިމް މިނިސްޓާ" ގައި ސޯނިއާ ގާންދީ އާއި އޭނާގެ ދަރިން ކަމަށްވާ ރާހުލް ގާންދީ ޕްރިޔަންކާ ގާންދީގެ ކެރެކްޓާ ވެސް "ހުތުރުކޮށް" ފިލްމުގައި ދައްކާ ކަމަށް ބުނެ އެކަން ވެސް ސުދީރު ކޯޓަށް ހުށަހެޅި މައްސަލާގައި ފާހަގަކޮށްފައިވެ އެވެ.

While we are dealing with the trailer issues of #TheAccidentalPrimeMinister on @YouTube, here is a small request from our team with the link. Please retweet as much as you can. Thanks.🙏 https://t.co/3eEp6xiZaw pic.twitter.com/s7aoOOIgPP
— Anupam Kher (@AnupamPKher) January 2, 2019

"ދި އެކްސިޑެންޓަން ޕްރައިމް މިނިސްޓާ" ޓްރެއިލާ ރިލީޒް ކުރި ތަނާހެން ކޮންގްރެސް ޕާޓީގެ އިސް އޮފިޝަލުންތަކެއް ވަނީ މި ފިލްމަށް ވަރަށް ބޮޑަށް ފާޑު ކިޔައިފަ އެވެ. އަދި ވިޖޭ ރަޓްނާގަރު ގުއްޓޭ ޑައިރެކްޓްކޮށްފައިވާ މި ފިލްމަކީ މިހާރު ވެރިކަން ކުރާ ޕާޓީ ބީޖޭޕީގައި އަޑީގައި އޮވެގެން ހަދާފައިވާ ފިލްމެއް ކަމަށް ތުހުމަތުކޮށްފައިވެ އެވެ.

The Accidental Prime Minister trailer goes missing from YouTube. Anupam Kher blasts platform https://t.co/TNFjhITWAN via @indiatoday
— Anupam Kher (@AnupamPKher) January 2, 2019

މިކަމާ ގުޅިގެން އަނޫޕަމް ދިން އިންޓަވިއުއެއްގައި ބުނީ ފިލްމު ހަދާފައި އޮތީ ލިޔެފައިވާ ފޮތަކަށް ބިނާކޮށް ކަމަށާއި އޭގައި އެއްވެސް ބަޔަކަށް ހައްގު ނޫން ފާޑެއް ކިޔާފައި ނުހުންނާނެ ކަމަށާއި ފިިލްމު މަންމޯހަން ސިންގް އަށް ދައްކައިލަން ވެސް ވޭނުންވާ ކަމަށެވެ.

"ދި އެކްސިޑެންޓަން ޕްރައިމް މިނިސްޓާ" ހަދާފައި ވަނީ ހަމަ އެ ނަމުގައި ސަންޖޭ ބަރޫ 2014 ގައި ލިޔުނު ފޮތަށް ބިނާކޮށެވެ. އޭގެ މައިގަނޑު ވާހައަކީ މަންމޯހަން ސިންގްގެ "ހާޖާނުގަނޑު ބޮޑު" ބޮޑުވަޒީރުގެ ކަމުގެ ދައުރެވެ.

"ދި އެކްސިޑެންޓަން ޕްރައިމް މިނިސްޓާ" އަށް ފާޑުކިޔުންތައް އަމާޒުވެފައިވާ އިރު، މި ފިލްމުގެ ރަސްމީ ޓްރެއިލާ ވެސް މިހާރު ވަނީ ޔޫޓިއުބުން ގެއްލިފަ އެވެ. މިކަމާ ވެސް އަނޫޕަން ކަންބޮޑުވުން ފާޅުކޮށްފައިވެ އެވެ.