ކުރީގެ ރައީސް ނަޝީދު-- ފޮޓޯ: ނިޝާން އަލީ/ މިހާރު
03 ޖެނުއަރީ 2019 - 23:40
51 comments
ރާއްޖޭގައި މިހާރު އޮތް ޓެކްސްގެ ގާނޫނު ބަދަލުކުރަންޖެހޭ ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
އެމްޑީޕީގެ މަޖިލިސް ޕްރައިމަރީގައި ވާދަކުރައްވާ މުހައްމަދު އަބްދުލްކަރީމް (ރުކުމާ) ގެ ކެމްޕެއިން ފެށުމަށް ބޭއްވި ރަސްމިއްޔާތުގައި ނަޝީދު ވިދާޅުވީ މީގެ ކުރިން އެމްޑީޕީގެ ސަރުކާރުގައި ޓެކްސް ނެގުމަށް ބޮޑެތި ބަދަލުތަކެއް ގެނެސް ރައްޔިތުންނަށް އިޖުތިމާއީ ގޮތުން ގިނަ ކަންތައްތަކެއް ކޮށްދީފައިވާ ކަމަށެވެ. އަންނަ އޭޕްރީލް މަހު ބާއްވާ މަޖިލިސް އިންތިޚާބަށްފަހު ޓެކްސްގެ ގާނޫނަށް ބަދަލު ގެންނަން ޖެހޭ ކަމަށް ނަޝީދު ވިދާޅުވި އެވެ.
"އިޖުތިމާއީ ރައްކާތެރިކަން، ދޮށީ އުމުރުގެ މީހުންނަށް އެއްޗެއް ދެވޭގޮތް ވުން، އެކަނިވެރި މައިންނާއި ޔަތީމު ކުދިންނަށް އަޅާލެވޭ ގޮތް ވުން. އަދި ނުކުޅެދޭ ފަރާތްތަކަށް ވެސް އިނާޔަތްތައް ދެވޭ ގޮތް ވުން. ސަރުކާރުގެ މުވައްޒަފުންނަށް ޕެންޝަނެއް ކަށަވަރު ކޮށްދިނުން. އިޖުތިމާއީ ރައްކާތެރިކަން އަޅުގަނޑުމެންނަށް ލިބުނީ 2009 ވަނަ އަހަރު ރާއްޖޭގެ ޓެކްސްގެ ނިޒާމު ބަދަލުކުރެވުނު ހިސާބުން. ކުރިއަށް އޮތް މަޖިލީހުގައި ޓެކްސަށް ބަދަލު ގެންނަންޖެހޭ،" ނަޝީދު ވިދާޅުވި އެވެ.
އެމްޑީޕީން އެންމެ ފުރަތަމަ ވެރިކަމަށް އައިއިރު އެ އަހަރުގެ ބަޖެޓަކީ ހަތް ބިލިއަން ރުފިޔާ ކަމަށާއި ނަމަވެސް ޓެކްސްގެ ނިޒާމަށް ގެނައި ބަދަލާ އެކީގައި ދައުލަތުގެ އާމްދަނީ އެތައް ގުނައެއް ރަނގަޅުވެފައި އެކަމުގެ ފައިދާ ރައްޔިތުންނަށް ކުރާ ކަން ފާހަގަކުރެއްވި އެވެ.
"ބަދަލުވި އާމްދަނީއާ އެކުގައި ސަރުކާރަށް ހިންގެން ހުރި މަޝްރޫއުތައް ވެސް ވަނީ މާ ބޮޑަށް ގިނަވެފައި. ބޯހިޔާވަހިކަމުގެ މަޝްރޫއަކަށް ވިއަސް އަދި އެހެން ވަޒީފާގެ ފުރުސަތު ހޯދައިދޭ ފުރުސަތަކަށް ވިއަސް މިއަދުގެ ސަރުކާރަށް އެކަންކަން ކުރެވޭނެ ކަމީ އަޅުގަނޑުގެ ހިތުގައި ޝައްކު ހިނގާ ކަމެއް ނޫން،" އެމްޑީޕީގެ ރައީސްކަން ވެސް ކުރައްވާ ނަޝީދު ވިދާޅުވި އެވެ.
އެމަނިކުފާނު ވިދާޅުވީ މި ސަރުކާރުން ވެފައިވާ ވައުދުތައް އަކުރުން އަކުރަށް ފުއްދާނެ ކަމަށެވެ. އެ ވައުދު ފުއްދަން ކޮންމެހެން ބޭނުންވަނީ މަޖިލިސް މެޖޯރިޓީކަމަށާއި 2009 ވަނަ އަހަރު އަދި 2014 ވަނަ އަހަރު އެމްޑީޕީއަށް މަޖިލިސް މެޖޯރިޓީ ނުލިބުމުން ދެން ކަންތައް ދިމާވި ގޮތް ރައްޔިތުން ހަނދާން ހުންނާނެ ކަމަށް ވެސް ވިދާޅުވި އެވެ.
މަޖިލިސް މެޖޯރިޓީ ލިބުމުގެ މުހިއްމުކަން ބޮޑުވެގެން ދަނީ، މަޖިލިސް ނުލިބި ރައީސް އާއި ސަރުކަރަށް ލިބޭ ގެއްލުމާއި އަދި ލިބޭ ނިކަމެތިކަން ކަމަށާއި ގާނޫނީ ބާރުވެރިކަން ނެތި އެމްޑީޕީން ކުރާ އުއްމީދު ހަގީގަތަކަށް ނުހެދޭނެ ކަމަށް ނަޝީދު ވިދާޅުވި އެވެ.
ދެން އުފެދިގެން އަންނާނީ އިހުލާސްތެރި މަޖިލީހެއްކަމަށާއި އެ މަޖިލީހުގައި އެމަނިކުފާނު ވެސް އިންނަވާނެ ކަމަށް ވިދާޅުވި އެވެ. ނަޝީދު ވަނީ، މިފަހަރު އަލަށް އުފައްދާ މައްޗަންގޯޅި މެދު ދާއިރާއަށް ކުރިމަތިލައްވަން ނިންމަވައިފަ އެވެ.
ރާއްޖޭގެ ފަނޑިޔާރުގެއަކީ އިތުބާރު ނުލިބޭ ތަނަކަށް ވާނަމަ ބޭރު މީހުން ރާއްޖެއަށް ފައިިސާ ހިފައިގެން ވިޔަފާރިކުރަން ނާންނާނެ ކަމަށާއި އަތުގައި ފައިސާ ހުންނަ މީހެއް ވެސް ވިޔަފާރި ކުރުމަށް ޖެހިލުންވާނެ ކަމަށް ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
06 January 2019
ރަނގަޅު ވާހަކައެއް.. ކުރީން ގާނޫނުތައް ވެސް ފސްކޮށްފާ ހުރީ ސަރުކާރު ހިންގުމަށް ސީދާ ކަނޑައެޅިގެން ޖެއްސުން ކުރުމުގެ ނިޔަތުގަ.. މަޖުލީހުން ނިންމާ ހުރިހާ ކަމެއް ނިންމަމުން ދިޔައީ ސަރުކާރު ހިންގުން ހުއްޓުވުމަށް.. އެހެންވިމާ މަޖުލީސް ނެތި އެމްޑީޕީގެ ސަރުކާރު ދެމެހެއްޓުން އުނދަގޫވާނެ.. މުސްތާހިއްލު ވެސް ވެދާނެ...
ކުރެންދޫ އޮޑިބެ
06 January 2019
އުވާލަންވީކީ ޓެސްކްގެ ގާނޫނެއްނޫން. އުވާލަންވީ ޕާރޓީ ނިޔާމު. މުޅި ގައުމުގެ ރައްޔިތުން މިކަމަކާހުރެ ފަނާވެއްޖެ. ދެން ވެރިކަމުގައި އުމުރަށް ބަހައްޓަންވީ ވައްކަން ނުކުރާ އަނިޔާވެރި ނުވާ ރައްޔިތުންނަށް އޯގާތެރި ވެރިއެއް.
އަހުމަދުބެ
05 January 2019
މަޝްހޫރު ވާން އުޅޭ މީހެކެވެ.
Sharaf Deen Ali
06 January 2019
މަޝްހޫރު މީހެކެވެ
ސައީދުތުރީ
05 January 2019
މިހާރު ކީއްވެގެންތޯ 2 ރިސޯޓުން ގައުމުހިންގަން ނޫޅުއްވަނީ އެއީ ގައިމުވާނެކަމެއް އެހއންނޫން ނަމަ ރިސޯޓް އޯނަރަކަށް ސަރުކާރުގެ ބޮންޑެށް ނުގަނެވޭނެ މިހާރުވެސް މުޅިސަރުކާރު ހިންގަނީ ތިޔަ ނަގާ ޖީެއެސްޓީއިން (ޖިޒީ) އެމްޕީއެލް އެއަރޕޯޓް ސްޓެލްކޯ އުސްޓީއޯ ޓޫރިޒަމް މިހެން ގޮސް ކުންފުނިތަކުން ވަންނަ ލާރިޔަށް ވާގޮތެއް އެނގޭބާ އަބަދުވެސް ރަށްޔަތުން ކުރާމަސަތްކަތުން ރުފިޔާއެއް ނުނެގިގެން
ބައިން
04 January 2019
ޓެކްސް ފައިސާ ކިތަންމެ ގިނަވިނަމަވެސް މީރާގެ ދުވަސް މިހާރު ގޮސްފި، ޔަޒީދު ހެސްކިޔާފަ އުޅުނީ ޔާމީނުގެ ކެމްޕެއިންގަ. ގއ އަދި ގދ ކުޑަކޮށްފަ މީހާރު މިސަރުކާރުގަ ވެސް ކުލަބަދަލުކޮށްލީމަ ހަމަ އޯކޭ. އެހެންވީމަ ޔަޒީދުމެން ވިސްނާކަށް ނުޖެހޭނެނުން. ޢިބޫ ވެސް ދެން ލަލަލާ
ވިސްޓްރޯ
05 January 2019
ޔަޒީދަކީ ވަރަށް ރަނގަޅަށް ހުރި މީހެއް. ޔާމީނު އައިސް ހަލާކުކޮށްލީހެން ހީވަނީ. އޭނަގެ ހިންގުމުގެ ވައްޓަފާޅިި އެއީ ދެން އެހެން ކަމެއް. އެކަމަކު ހުސް ވަގުން އުޅޭ ގައުމެއްގަ ވަރަށް އެގްރެސިވް މީހަކު ހުރެގެން ސަރުކާރަށް ފައިސާ ވެއްދޭނީ.
ބާރަށުގޮއިސޮރު
04 January 2019
ވާރު ނަގައިގެން ރައްޔިތުންނަށް އިތުރު ބުރަތައް ނުޖައްސާ ދިރިއުޅުމުގެ އަގުތައް މަތި ކަމުން މޫނުމަތިން ކޮކާ ބުރައޭ
.........
04 January 2019
"ހިިތް ތިިރިިކަމުން" މިހާރުވެސް އަނގައަށް އިނގިލިި ބާނައިގެން. ކިހާ ދެރަ ކަމެއް.
ޑރ.ފަޒުނާ ހިތަދޫ / ޕުރެޓޯރިއާސ.އެފުރިކާ
04 January 2019
މަނިކުފާނުމެން ތިޔަކުރައްވަނީ ގައުމެއްގެ ވެރިކަންތޯ ބުވަތަ ޕުރައިކުންފުންޏެއް މެނޭޖުކުރައްވަނީތޯޚުދު އަމިއްލައަށް ވިސްނުންބުއްދިވެރި. ސ.އެފުރިކާގެ ވެރިކަންކުރަނީ ޕެރެޓޯރިއާގައި، އެމެރިކާގެ ވެރިކަން ވޮޝިންގޓަންޑީސީ ޔޫކޭގައި ލަންޑަން،މިއީ ކުޑަ މިސާލެއް. ދަންނަވަން މިއުޅެނީ މިގައުމުތަކުގެ ވެރިކަންކުރާ ސީޓީތަކަށް އެހެންސިޓީތަކާއި ތަންތަނުގައި ހުންނަމުއްސަނދިކަން ކަހައިނުކާ. ޚެލިފޯރނިއާ މުއްސަނދި ވޮޝިންގޓަނައްތުރެން. ބަދަލަކަށް ރާއްޖެތެރެ2މީހުންހޮވީ
ފޫހި
04 January 2019
ނަޝީދޫ މިހާރުވެސް މިއުޅެނީ ތިޔަ ޓެކްސް ނިޒާމަކާ ހެދި މޮޔަވާވަރުން. އޮިތުރަށް މުސީބާތް ނުޖައްސާ ކުދި ކުދި ވޮޔަފާރިން ޖީއެސްޓީ ނެގުން ހުއްޓާލާ. އެއީ އުފުލޭވަރުގެ ކަމެއްނޫން.
ޑިސްކައުންޓް
04 January 2019
އަބަދުވެސް އޮތްގޮތް ކަމުނުގޮސްގެން އުޅޭ މީހެއް ނަޝީދަކީ ހަމަ އެހެންމެ ގާސިމަކީވެސް ކެޔަސް ބަނޑު ނުފުރޭ ޝުކުރު ނުކުރާ މީހެއް ޔާމީނަކީ ގައުމުގެ ބައިތުލްމާލުނދަރުވާލި މީހާ ރައްޔިތުން އަތުން ވާރު އެވަރަށް މަގަނުން އަހަރުން އަހަރަށް ދަރަނި ވީ ބޮޑު ގައުދަރާ ވިކިއްޖެ އެވަރުން ނުވެގެން ވިޔާނުދާ އެގްރީމެންޓްތައް ހެލިކޮޕްޓަރަކާ އަޅުވާފަ ކިހިނެތް މި ވަނީ