މި އަހަރު ރާއްޖެ އިން ހައްޖަށް ދިޔަ ފުރަތަމަ ގްރޫޕު ފުރަން ތައްޔާރުވެ، ޖުމްހުރީ މައިދާނުގައި މަޑުކޮށްލައިގެން -- ފޮޓޯ: މުހައްމަދު ޝަރުހާން/ މިހާރު
21 އޯގަސްޓް 2016 - 12:15
18 comments
ހައްޖަށް މީހުން ގެންދަން ހަރަމައިން ކުންފުނިން ކަނޑައެޅި އަގަށް ވުރެ އިތުރަށް އެ ކުންފުނިން ވެސް ހައްޖުވެރިންގެ އަތުން ފައިސާ ނަގަމުންދާ ކަން "މިހާރު" އަށް އެނގިއްޖެ އެވެ.
އިސްލާމިކް މިނިސްޓްރީ އަށް އެ ކުންފުނިން ހުށަހެޅި ޕްރޮޕޯސަލްގައި ބުނެފައި ވަނީ ހައްޖުވެރިންގެ ހުރިހާ ހިދުމަތެއް ހިމެނޭ ގޮތަށް އިކޮނޮމިކް ޕެކޭޖްގައި އެ ކުންފުނިން ނަގާނީ 57،999ރ. ކަމަށެވެ. ބިޒްނަސް ޕެކޭޖްގެ ގޮތުގައި ނަގާނީ 65،000ރ. ކަމަށް އޮތީ ނިންމައިފަ އެވެ.
އެކަމަކު މައްކާ އިން މަދީނާ އަށް ދިއުމުގެ ކުރިން 170 ޑޮލަރު (2،621ރ.) ދައްކަން އެ ކުންފުނީގެ 200 މީހުންނަށް އެސްއެމްއެސްއަކުން ވަނީ އަންގައިފަ އެވެ. އެއީ ހަދުޔު ކަތިލުމުގެ ހަރަދު ކަމަށް ވެސް ބުނެފައިވެ އެވެ.
ހަރަމައިން ކުންފުނީގެ އިސް ވެރިޔަކު، ވައިބަ ގްރޫޕްގައި ބުނެފައި ވަނީ މިނިސްޓްރީ އަށް ޕްރޮޕޯސަލް ހުށަހެޅީ އެ ފައިސާ ނުހިމަނާ ކަމަށެވެ.
މެސެޖުގައި މިހެން ބުނިއިރު، ހުރިހާ ހިދުމަތެއް ހިމަނައިގެން ހުށަހަޅާ ޕްރޮޕޯސަލްގައި ކަނޑައެޅި އަގަށް ވުރެ އިތުރަށް ފައިސާ ނެގުން އިސްލާމިކް މިނިސްޓްރީން އޮތީ މަނާކޮށްފަ އެވެ. ޕްރޮޕޯސަލްއާ ހިލާފުވާ ކުންފުނިތަކާ މެދު ފިޔަވަޅު އަޅާނެ ކަމަށް ވެސް މިނިސްޓްރީން ބުނެފައިވެ އެވެ.
ހައްޖުގެ ކަންކަމާ ގުޅޭ ގޮތުން ހަރަމައިން ކުންފުނިން ވާހަކަ ދައްކަވާނެ އިސް ބޭފުޅަކު ފޯނު ނުނަންގަވާތީ މި މައްސަލާގައި ކުންފުނީގެ ބަހެއް އަދި ނުލިބެ އެވެ.
ހަރަމައިން ކުންފުނިން އިތުރަށް ފައިސާ ދައްކަން އެންގިއިރު ހައްޖަށް ގެންދަން ހުއްދަ ދޫކޮށްފައިވާ އެކްރޯ ކުންފުނިން ވެސް ވަނީ ޕްރޮޕޯސަލްގައި ކަނޑައެޅި އަދަދަށް ވުރެ އިތުރަށް މީހުންގެ އަތުން ފައިސާ ނަގަން ޖެހިދާނެ ކަމަށް ބުނެފަ އެވެ.
އިސްލާމިކް މިނިސްޓްރީގެ އޮފިޝަލަކު ވިދާޅުވީ ހަރަމައިން ކުންފުނިން އިތުރަށް ފައިސާ ނަގާ ކަމުގެ ޝަކުވާ އެއްވެސް ފަރާތަކުން މިހާތަނަށް ހުށަހަޅާފައި ނުވާ ކަމަށެވެ. އެ ޝަކުވާ ހުށަހަޅައިފި ނަމަ މައްސަލަ ބަލައި އަޅަން ޖެހޭ ފިޔަވަޅުތައް އަޅާނެ ކަމަށް ވެސް އޭނާ ވިދާޅުވި އެވެ.
ޕްރޮޕޯސަލްގައި ކަނޑައެޅި އަގަށް ވުރެ އިތުރަށް ފައިސާ ނެގޭނީ، ސަބަބު ބަޔާންކޮށް އާއްމުކޮށް އިއުލާންކުރުމަށް ފަހު ކަމަށް ވެސް އޮފިޝަލް ވިދާޅުވި އެވެ. އެހެން ނޫން ނަމަ ފިޔަވަޅެއްގެ ގޮތުގައި 50،000ރ. އިން ޖޫރިމަނާކުރެވޭނެ ކަމަށް އޮފިޝަލް ވިދާޅުވި އެވެ.
ހައްޖަށް ގެންދަން ފަސް ކުންފުންޏަކަށް އިސްލާމިކް މިނިސްޓްރީން ހުއްދަ ދޫކުރީ އެ ކުންފުނިތަކުން ހުށަހެޅި ޕްރޮޕޯސަލްގައިވާ އަގުތަކަށް ބަލައި އެއަށް ވުރެ އިތުރަށް ފައިސާ ނުނަގަން ޝަރުތު ކޮށްފަ އެވެ. ހުއްދަ ދޫކުރީ އެންމެ އަގު ހެޔޮކޮށް ހައްޖަށް މީހުން ގެންދަން އެއްބަސްވި ފަސް ކުންފުންޏަށެވެ. އެކަމަކު އިސްލާމިކް މިނިސްޓްރީ އަށް ފޮނުވި އަގުތަކަށް ވުރެ އެތައް ގުނައެއް އިތުރަށް ބައެއް ކުންފުނިތަކުން ވަނީ ފައިސާ ނަގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަންމަރު
12 March 2017
ތިޔައީ ހައްޖަށް ގެންދާ ޖަމާއަތްތަކުން ކޮއްމެފަހަރަކުވެސް ކަންތައްކުރާގޮތް މިދިޔަ އަހަރު ހައްްަޖަށް މީހުގެންދިޔަ ފަރުކިޔާ ޖަމާއަތަކުން ހައްޖަށް ދިއުމަށް ފައިސާދަށްކަން ދިޔާމަ ބުނީ ފުރުސަތުލިބޭނީ އިތުރަށް 15000 ރުފިޔާ ދިނީމަޔޭ އެނޫންގޮތެއްނެތްކަަަށް މަސަލަޖައްސާނަމޭހިތާ ފަައިސާދެއްކީ ފައިސާބަލައިގެންފައިިިދިން ރަސީދުގައި އޮތީ ސަރުކާރުން ކަޑައެލިއަގު މިހިރީ މިވެރިންގެ މަކަރުވެރިކަންހުރިވަރު
ސައީދު
24 August 2016
ރައްޔިތުމީހާއަތުން ފައިސާއިތުރަށްނެގީމާ ޖޫރިމަނާ ސަރުކާރަށް. ރައްޔިތުމީހާއަތުން އިތުރަށްނެގިފައިސާ ހައްޖުގުރޫޕަށް. ރައްޔިތުމީހާއަށް އޭގެ ބަދަލުލިބެންޖެހޭނީ. ސަރުކާރަކަށްނޫން.
މޯޅޭ
21 August 2016
މިދެން މާމޮޅުގޮތެއް. އެންމެ އަގުހެޔޮކޮށް ޖަހައިގެން މިނިސްޜްރީން ކޯޓާ ހޯދުމަށްފަހު އެއަގަކު ދުވަހަކު ގެންދެވޭ ކަމަކަށް ނުވޭ. މުޅިން އިތުރަށް ނަގަން ދިމާވެފައި މިއޮންނަނީ. ކޯޓާ މޮޅުގޮތަކަށް ހޯދާފަ ފަހުން ނަގާލަނީ ކޮންމެސް އެއްޗެކޭ ކިޔާފައި. ސާބަސް ހައްޖުގެ އަޅުކަމަށް މަގުފަހިކޮށްދޭ ފަރާތްތަކަށް.
އަލްޖިބްރާ
21 August 2016
ނަގާ ޖޫރިމަނާ ފައިސާ އަށް ވާނީ ކިނެއްތޯ ؟
އަލިފާން
21 June 2017
އަލިފާނައްކަން ނޭގެ
އިބޫ
21 August 2016
ޖޫރިމަނާ 50،000ރ އެކމަު 200މީހުން އަތުން 170ޑޮލަރ ވީމަ 524،280ރ ލިބޭ، ދެން ކޮނ ްޖޫރިމަނާ އެއް؟؟ އަންނަ އަހަރު ކޮންމެސް ގިފްޓް އަކުން އަނެއކާވެސް ހުއްދަ ލިބޭނެ ދެނޯ..
އިހްސާންތެރިޔާ
21 August 2016
ހައްޖު ކޯޕަރޭޝަނުން އެކަނި ތިކަންކުރަމާ..
އިހޫ
21 August 2016
ދުވަހަކުވެސް އިސްލާމިކް މިނިސްޓްރީއަށް މީހަކު ޝަކުވާ ހުށަހަޅާކަމަކަށް ނުވެ.. އެހެންތާ ވާނީ.. އެތަނުގަ އުޅޭ ކޯޑިނޭޓަރުންނާއި ޑެޕިއުޓީ މިނިސްޓަރުންނަށް ދަންދެން ތިބެނީ ކޮންމެވެސް ގްރޫޕަކާއި ގުޅިފައި!
އަނީސް
21 August 2016
50 މީހުން ގެންދާގުރޫޕެއްނަމަަ 10000 ޑޮލަރު ލިބޭނއެވެ. އެއީ 154200ރ އެވެ އެއިން ޖޫރިމަނާ 50000ރ ދެއްކީމަ ފައިދާ 104200 ކުންފުންޏަށް ލިބޭނެއެވެ. މިކަހަލަ ޖޫރިމަނާއުސޫލަކީ ތާކުންތާކު ޖެހޭއުސޫލެއްނޫނެވެ. ގުރޫޕުން ނެގިއެއްޗެއްގެ 2 ގުނަ ޖޫރިމަނާކުރަންވީ.
ރާގީ
21 August 2016
ތިމެސެޖް ވަައިބައިން ލިބުން. ހަމަ އެކަނު 170 ޑޮލަރެެއްނޫން ނަގަނީކީ. އަޅުގަނޑުގެ ފެމެލީ 4 މީހުންނަށް ލާރި ދެެއްކީ 85000 ރުފިޔާގެ ރޭޓުން. 87000ރ އަށް ކީ. ވަރަށް މަސައްކަތުން 85000ރ ކުޑަވީ ވެސް. އަދި ދައްކަން ޖެހުނު ކޮންމެ މީހަކަށް 250ރ ސްޓޭންޕަށް.
ހާޖީ
21 August 2016
"އެމީހުން އެކަންކުރަނީ ހެޔޮ ނިޔަތުގާ، ހެޔޮ ނިޔަތުގާ ކަމެއްކުރާމީހާ ކުށްވެރިއެއް ނުވާނެ."
އަލީ
21 August 2016
މިނިސްޓްރީ އަށް ކުރެވޭނީ ކޮންކަމެއް؟ ހައްޖަށްދާން ބޭނުންވެގެން އުޅޭމީހުން ގޮވައިގެން ދާންވެސް ދާނެ. އަންނައަހަރުވެސް ކޯޓާވެސް ދޭނެ. ކުރެވޭނެ އެއްވެސް ކަމެއްނޯންނާނެ. އެތާގައުޅޭމީހުންގެ ފަތިފުށް ރަނގަޅަށް އެގޭތީ މިބުނީ.