ޚަބަރު / ކޮމިޝަން އޮން ސްޓޭޓް އެސެޓްސް ރިކަވަރީ

އެސެޓް ރިކަވަރީ ކޮމިޝަނަށް މައްސަލަ ހުށަހަޅަން ހުޅުވާލައިފި

ކޮރަޕްޝަން ބަލާ ކޮމިޝަންގެ މެމްބަރުންނާ ރައީސް ބައްދަލު ކުރައްވަނީ: އެ ކޮމިޝަނަށް މައްސަލަ ހުށަހަޅަން ވަނީ ފުރުސަތު ހުޅުވާލާފައި --ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

08 ޖެނުއަރީ 2019 - 18:25

8 comments

ދައުލަތުގެ ތެރޭގައި ހިނގާފައިވާ ކޮރަޕްޝަނާއި ޚިޔާނާތުގެ ބޮޑެތި މައްސަލަތައް ބެލުމަށް އެކުލަވާލާފައިވާ ޕްރެޒިޑެންޝަން ކޮމިޝަން އޮން ކޮރަޕްޝަން އެންޑް އެސެޓް ރިކަވަރީއަށް މައްސަލަ ހުށަހެޅުމުގެ ފުރުސަތު މިއަދުން ފެށިގެން ހުޅުވައިލައިފި އެވެ.

ކޮރަޕްޝަނާއި ޚިޔާނާތުގެ ބޮޑެތި މައްސަލަތަކާއި މުދަލާއި ފައިސާ ނަހަމަ ގޮތުގައި ބޭނުން ކުރުމުގެ މައްސަލަތައް ބެލުމަށް މިދިޔަ އަހަރުގެ ނޮވެމްބަރު އެ ކޮމިޝަން އުފެއްދެވީ ރައީސް އިބްރާހިމް މުހައްމަދު ސޯލިހެވެ.

އެސެޓް ރިކަވަރީ ކޮމިޝަނުން ނެރުނު ބަޔާނެއްގައި ވަނީ އެފަދަ ބޮޑެތި މައްސަލަތަކުގެ ތެރެއިން އެކަށީގެންވާ މިންވަރަށް ތަހުގީގު ނުކޮށް ހުރި މައްސަލަތަކާއި އެކި ސަބަބުތައް މެދުވެރިވެގެން ތަހުގީގު ނުކޮށް ހުރި މައްސަލަތައް ފާހަގަ ކުރެވޭ ނަމަ، އެ ކަންކަމުގެ މައުލޫމާތު އަންނަ މަހުގެ 24 ވަނަ ދުވަހުގެ ކުރިން ހުށަހަޅަން އެދޭ ކަމަށެވެ. އީމެއިލްގެ މެދުވެރިކޮށް ވެސް އެ ކޮމިޝަނަށް މައްސަލަ ހުށަހެޅޭނެ ކަމަށް އެ ބަޔާނުގައި ވެ އެވެ.

އެސެޓް ރިކަވަރީ ކޮމިޝަންގެ ބަޔާނުގައިވާ ގޮތުން އެ ކޮމިޝަންގެ ވެބްސައިޓް ޕޯޓަލް މެދުވެރިކޮށް، މައްސަލަ ހުށަހަޅާ ފަރާތްތައް ނޭނގޭ ގޮތަށް މައްސަލަ ހުށަހެޅުމުގެ ފުރުސަތު ވެސް އަންނަ ހަފުތާގައި ހުޅުވައިލާނެ އެވެ.

އެސެޓް ރިކަވަރީ ކޮމިޝަނަށް މައްސަލަ ހުށަހެޅުމުގެ ފުރުސަތު ހުޅުވައިލީ އެ ކޮމިޝަންގެ މަސައްކަތްތައް އެކަށީގެންވާ ބާރުމިނުގައި ކުރިއަށް ނުގެންދާތީ ފާޑު ކިޔުން އަމާޒުވެފައި ވަނިކޮށެވެ.

އެސެޓް ރިކަވަރީ ކޮމިޝަންގެ އިތުރުން ގޮތް ނޭނގޭ މަރުތަކާއި ގެއްލުވައިލާފައިވާ މީހުންގެ މައްސަލަތައް ބެލުމަށް ވެސް ރައީސް އިބްރާހިމް މުހައްމަދު ސޯލިހް ވަނީ ޚާއްސަ ކޮމިޝަނެއް އުފައްދަވައިފަ އެވެ. އެ ކޮމިޝަނުން މިހާރު ވަނީ ބަލަން ނިންމާފައިވާ މައްސަލަތައް ކަނޑައަޅައި، އާންމުކޮށްފަ އެވެ.

ކުށްކުރުން ކޮރަޕްޝަން ރައީސް އިބްރާހިމް މުހައްމަދު ސޯލިހް ރިޔާސީ ކޮމިޝަން ރާއްޖެ ކޮރަޕްޝަން އަހުމަދު އަސްއަދު ކޮމިޝަން އޮން ސްޓޭޓް އެސެޓްސް ރިކަވަރީ ދިވެހި ސަރުކާރު

8 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަސީރު

11 January 2019

ނިދިން ހޭލުވުނީބާ! މި ކޮމިޝަންތައް ހަރަކާތްތެރިއެއް ނޫން. މެމްބަރުން އުޅެނީ އަމިއްލަ މަސައްކަތުގައި އެހެން ނޫނީ ކިޔަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރާ

09 January 2019

ނިމިދިޔަ ސަރުކާރުގައި ކޮރަޕްޟަން ހިންގި ބޮޑުން އެގޮތުގައި އެ މަގާމުތަކުގައި ބައިތިއްބައިގެން އުޅޭކަމަށްވާނަމަ ކޮރަޕްޝަން ރަނގަޅު ކުރެވޭނެބާ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭގައުމު

08 January 2019

ކެރޭނެބާ ހުށަހެޅިޔަަސް ޖީއެމްއާރު ކަންތައް ބަލަން؟ ޢެންމެ ގެއްލުން ބޮޑު އެންމެ ބޮޑު ކޮރަޕްޝަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

0220

09 January 2019

ޙުށަހަޅަން ކެރޭނެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭައަލީ

08 January 2019

ތެދުވެރިކަމާއެކު ރައްޔިތުންނަށް މިހާތަނަށް ރާއްޖޭގައި ްދޫކޮށްފައިވާ ހުރިޙާ ފުލެޓެއް ދޫކުރީ އެންމެ އެކަށީގެންވާ މީހުނަށްތޯ ބައްލަވަންޖެހޭނެ. އެންމެ ސަރުކާރެއްގެ ކަންތައް ބެއްލެވީމާ އެއީ އިންސާފަކަށް ނުވާނެ. ހުރިހާ ވެރިކަމެއްގައިވެސް ފުލެޓް ދޫކުރި ގޮތާބެހޭގޮތުން ރައްޔިތުންގެ ހިތްހަމަނުޖެހުން ވަރަށްބޮޑުވި. ރައްޔިތުން ގެނައި ސަރުކާރުން ރައްޔިތުމީހާ އަށް އިންސާފުވެރިވާނެކަމަށް ގަބޫލުކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާހިޔާ

08 January 2019

ތިތަނުގެ ބޮޑުމީހާ އައްސަދުގެ މައްސަލަ ފުރަތަމަ ބަލަންޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިޔަނާ

08 January 2019

މި މީހުން ހުވާ ކުރީ ކޮން އިރަކު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމް

08 January 2019

2015 ވަނަ އަހަރުގައި، ދައުލަތުގެ ޕްރޮސެކިއުޓަރ ޖެނެރަލް އާއި، އެންޓި-ކޮރަޕްޝަން ކޮމިޝަންގެ ރައީސް އާއި ނައިބުރައީސްގެ އިތުރުން ބައެއް ފަނޑިޔާރުންނަށް ރެހެންދި ފުލެޓުން ފުލެޓުތައް ދިން މައްސަލަ ބެލެންޖެހޭ! އެ މައްސަލަ އެންޓި-ކޮރަޕްޝަން ކޮމިޝަނަށް ހުށަހެޅުމުން، ޑަސްޓްޕިނަށޭ އެމައްސަލަ ލީ!!