ހައި ކޯޓް: އައްޑޫގައި މަޖިލިސް އިންތިޚާބު ބޭއްވުމާ ބެހޭ ކަންކަން ހުއްޓުވުމުގެ އަމުރަކަށް ވަނީ އެދިފައި --ފޮޓޯ/މިހާރު
10 ޖެނުއަރީ 2019 - 14:21
11 comments
ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި އައްޑޫ ސިޓީގެ ދާއިރާތައް އިތުރުކުރަން ހައި ކޯޓަށް ހުށަހަޅާފައިވާ މައްސަލަ ނިމެންދެން އައްޑޫ ސިޓީގައި މަޖިލިސް އިންތިޚާބު ބޭއްވުމާ ބެހޭ ކަންކަން ހުއްޓާލުމުގެ ވަގުތީ އަމުރަކަށް ހައި ކޯޓުގައި އެދިއްޖެ އެވެ.
އަންނަ އޭޕްރީލް މަހު ބާއްވާ މަޖިލިސް އިންތިޚާބުގައި އައްޑޫ ސިޓީގެ ދާއިރާތައް އިލެކްޝަންސް ކޮމިޝަނުން ކަނޑައެޅި ގޮތާ މެދު ހިތްހަމަނުޖެހިގެން އެ މައްސަލަ ހައި ކޯޓަށް ހުށަހެޅީ، މަރަދޫ ފޭދޫ ބައެއްގެ އެދުމުގެ މަތިން، އެޓާނީ ޖެނެރަލްގެ އޮފީހުގެ ކުރީގެ ވަކީލެއް ކަމަށްވާ މަރިޔަމް ޝުނާނާ އާއި މީދޫ ރައްޔިތުންގެ ފަރާތުން ކުރީގެ އެޓާނީ ޖެނެރަލް ހުސްނުއްސުއޫދެވެ. އެ މައްސަލާގައި އެދިފައިވަނީ މަރަދޫފޭދޫ ދާއިރާ އާއި މީދޫ ދާއިރާ އެއްކޮށްލުމަށް ކޮމިޝަނުން ނިންމި ނިންމުން ބާތިލްކޮށް، މަރަދޫ ފޭދޫ ދާއިރާ އާއި މީދޫ ދާއިރާ ވަކިކޮށް ދިނުމަށެވެ. އެކަމަކު އެ މައްސަލައިގެ އަޑުއެހުންތައް އަދި ނުފަށަ އެވެ.
އެ މައްސަލާގައި ޝުނާނާގެ ފަރާތުން ހައި ކޯޓުގައި ވަގުތީ އަމުރަކަށް އެދުނީ ދާއިރާ ވަކި ކުރުމާ މެދު ހައި ކޯޓުން ގޮތެއް ނިމެންދެން، އައްޑޫގައި މަޖިލިސް އިންތިޚާބު ބޭއްވުމާ ބެހޭ ހުރިހާ ކަންކަމެއް ހުއްޓާލުމަށް އިލެކްޝަންސް ކޮމިޝަނާއި ކަމާބެހޭ ފަރާތްތަކަށް އަމުރުކޮށް ދިނުމަށެވެ.
ސަބަބެއްގެ ގޮތުގައި އެ ހުށަހެޅުމުގައި ވަނީ އެ މައްސަލަ ކޯޓުން ނުނިމެނީސް، އައްޑޫ ސިޓީގައި މަޖިލިސް އިންތިޚާބު ބޭއްވުމުގެ ކަންކަން ކުރިއަށް ގެންދާ ނަމަ، އިއާދަ ނުކުރެވޭނެ ވަރުގެ ގެއްލުންތަކެއް ލިބުމުގެ ފުރުސަތު އޮތުމުންނެވެ. އަދި މައްސަލަ ނިމޭއިރު، މަރަދޫފޭދޫ ދާއިރާ އާއި މީދޫ ދާއިރާ ވަކިކުރަން ހައި ކޯޓުން ނިންމާ ހާލަތެއްގައި އެކަން ތަންފީޒު ނުކުރެވޭ ހާލަތަކަށް ދިއުމުގެ ފުރުސަތު އެބައޮތް ކަމަށް ވެސް އެ ހުށަހެޅުމުގައިވެ އެވެ.
މަޖިލިސްގެ އިންތިޚާބުގައި ދާއިރާތައް ބެހިގެންވާ ގޮތް މިފަހަރު އިލެކްޝަންސް ކޮމިޝަނުން ކަނޑައެޅިއިރު، ދާއިރާތައް އިތުރުވީ ހަމައެކަނި މާލޭގަ އެވެ. މާލޭގައި ދެ ދާއިރާ އިތުރުވެ އެވެ.
މަޖިލިސް އިންތިޚާބުގެ ގާނޫނު ބުނާގޮތުން ދާއިރާތައް އިލެކްޝަންސް ކޮމިޝަނުން ކަނޑައަޅާ ގޮތާ މެދު ހިތްހަމަނުޖެހޭ ނަމަ، އެ މައްސަލައެއް ހައި ކޯޓަށް ހުށަހެޅުމުގެ ހައްގު ލިބިގެންވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
11 January 2019
ސަރުކާރުން އެތެރޭގެ އުދުހުމުގެ އަގު ތިރިކުރާން ބޭނުންވާހަކަ ބުނުމާއިއެކު ކުންފުނިހިންގާންތިބިމީހުންގެ ޤާބިލްކަންނެތުމުން ދައްކާންފެށީ ސަބްސިޑީގެ ވާހަކަ. * * ސަބްސިޑައިޒް ކުރާ ހިސާބަށް ހިގައްޖެނަމަ ކުންފުނިން ކުރާ އިސްރާފުގެ ހޭދަ ހުއްޓާލާ ރަސްމީގޮތުން ބަޖޭޓް އެއަރލައިނެއްގެ ދަރަޖައަށް މޯލްޑިވިއަން ބަދަލު ކުރޭ. * * އަދި ގަމާއި ހަނިމާދޫގައި ޖެޓް ފިއުލް ސްޓޯރޭޖް ބޮޑުކޮށް މާލެއަށްވުރެ އަގުހެޔޮކޮށް ތެޔޮވިއްކުމަށް ސަރުކާރުގައި އެދިވަޑައިގަންނަވާ.
އަހައްމަދު އަހައްމަދޭ
10 January 2019
މި ވެގެނ އުޅޭ ގޮތަކީ އަށްޑޫ މީހުން ބޭނުންކުރަނީ ބައިބޯ ތަނެއް ވީމަ ހަމައެކަނި ވޯޓް ހޯދުމައް އެބައި މީހުންގެ ބުރަ މަސައްކަތުން ގެނުވާދޭ ސަރުކާރުގެ މަތި ފަޑިން އެކަކަށްވެސް ޖާގަ އެއް ނުދޭ އެއީ މުޅިންވެސް ދެވަނަ ދަރަޖައިގެ ބަޔަކަސް ހަދާފަ މި އޮންނަނީ ،ތިލަފަތައް ވެރިކަން ލިބުނީމަވެސް އަށްޑޫއަސް ނިކަމެތިކަން އކަމް ކިޔާތީ ަޑު އިވޭ މުޅި އަށްޑޫ އެމްޑީޕީ އޭ،
މާރަނގާ - އައްޑޫ ސިޓީ
10 January 2019
މަލްޓިޕާޓީނިޒާމަށާއި “ރާއްޖޭގެހުރިހާއިދާރީދާއިރާތަކުގެރައްޔިތުންގެއަޑު މަޖިލީހުގައިއިއްވުމުގެމަޤުސަދަށްޓަކާ” ޤާނޫނުއަސާސީގެ 72ގެ ހ ގައިތަކުރާރުކޮށް “ކޮންމެއިދާރީ ދާއިރާއަކުން” ކަމަށްބުނެފައިވަނީ އެދާއިރާއެއްގެރަށްވެއްސަކަށް ނިސްބަތްވާއުސޫލަށްކަމުގައިވިޔަސް އެއާއިހިލާފަށް ކޮންމެއިދާރީ “ދާއިރާއަކަށް” ކަމުގައިމާނަކޮށް އެގޮތަށް މެންބަރުންހޮވާހޮވުންހުއްޓުވުމަށް ދުަސްތޫރީމައްސަލަ ސްޕްރީމްކޯޓަށްހުށަހަޅުއްވާ. މެންބަރުންނަށްވާންޖެހޭނީ ދާއިރާގެރަށްވެހިން.
ކޮވެލި
10 January 2019
މިހާރުވެސް މި އުޅެނީ ދާއިރާތައް ގިނަވެގެން.
މާރަނގާ - އައްޑޫ ސިޓީ
10 January 2019
ދާއިރާގެ މައްސަލަ އެކަންޏެއްނޫން. ރިޔާސީ އިންތިހާބުގެ ތެރެއިން އަދި މަޖިލިސް އިންތިހާބު ބޯމަތިވެފައިވަނިކޮށް “ޔާމީން ސަރުކާރުން މަޖުބޫރުކޮށް ވަޒަނުންބޭރުކޮށް މާލޭ ދަފުތަރުގައި އައްޑޫ މީހުން ޖައްސައިގެން ބޮޑު އާބާދީ އަކަށް ސިޔާސީގޮތުން ނިކަމެތިކަމާއި ދެރަދިނުމަށް އައްޑުއަށް އިތުރުވާންއޮތް މަޖިލިސްގޮނޑި މާލެއަށް ބަދަލު ކުރި ހީލަތްތެރި ރޭވުމަކީވެސް ދައުލަތުން ހިންގި ރޭސިސްޓް އަމަލެއް” ކަމުގައިވާތީ މިދެންނެވި މައްސަލަ ވެސް ކޯޓަށް ވައްދާންޖެހޭ.
އައްޑޫ ސިޓީ މީހެއް
11 January 2019
ތަނެއްގައި ބޮޑު ފޮތެއް ބާއްވާއިރަށް އޭގައި ނަންޖައްސަން ޖެހޭތަ. އަމިއްލަ އެދުން ބޮޑުވީމަ ތިހުރިހާ ކެއްސެއް ލިބޭނެ..!
ސުމެއް.
11 January 2019
އައްޑޫ ސިޓީ މީހާ އަށް : ބައްލަވާ މަޖުބޫރީ ހާލަތުގައި ކުރާކަންކަމަކީ އިޙްތިޔާރުން ބޭރުގައި ބާރެއްނެތި ކުރާ ކުރާންޖެހޭ ކަންކަން. ތިކަހަލަ ބޯ ބުރާންތިން ގިނަވީމަ އެހެންމީހުންގެ ހައްޤުވެސް ގެއްލެނީ.
ވާވު
10 January 2019
ކޮންމެ ރަށެއް ތަމްސީލު ކުރަން މެންބަރެއް ހުންނަން ޖެހެންޔާ މަޖުލީހުގަ 200 އަށްވުރެއްގިނަ މެން ބަރުން ތިބެނ ޖެހޭނެ. ކޮންމެވެސް ކަމެއްވެގެން ދާއިރާތަށް ބަހާފަ އެހުންނަނީ..
ކުޑޭ
10 January 2019
އައްޑޫ މީދޫގެ އާބާދީއަކީ 3000 އަދި މަރަދޫފޭދޫގެ އާބާދީއަކީ 1800 ދެރަށް އެއްކޮށްލީމަ 5000 ހަމަނުވޭ، ދެން ކޮންޕޮންޏެއްވާކަށް، ތިޔަށްވުރެ މާއާބާދީ ބޮޑެތި ރައްރަށް އެބހުރި އެއްކޮށްފަ
ތަމީމް
10 January 2019
ރަނގަޅު.
މަރަދޫފޭދޫ
10 January 2019
މަރަދޫފޭދޫ ރައްޔިތުން ތަމްސީލް ކުރާ ކެންޑިޑޭޓަކު ކައުންސިލްގަ ވެސް މަޖިލިސް އަކުވެސް ނެތް! މި ރާއްޖޭގަ އިންސާފު ލިބެނީ ވަކިބަޔަކައް އެކަނި!