ިޖަމާލުއްދީން ސްކޫލުގެ ދަރިވަރުންތަކެއް، ޓެބްލެޓު ބޭނުންކޮށްގެން މިިދިޔަ އަހަރު ކިޔަވަނީ.-- ފޮޓޯ: ހުސެއިން ވަހީދު/ މިހާރު
12 ޖެނުއަރީ 2019 - 14:43
10 comments
އިންފޮމޭޝަން ކޮމިއުނިކޭޝަން ޓެކްނޮލޮޖީ (އައިސީޓީ) އަކީ ތައުލީމީ މަންހަޖުގައި ބޮޑު އަހައްމިއްޔަތެއް ދޭ ކަމެއް ކަމަށާއި އެހެންކަމުން ކިޔަވައިދިނުމުގައި ޓެބްލެޓް ބޭނުންކުރުމުގެ ވިސްނުންތަކެއް އެބަހުރި ކަމަށް އާ ސަރުކާރުގެ އެޑިއުކޭޝަން މިނިސްޓަރު ޑރ. އާއިޝަތު އަލީ ވިދާޅުވެއްޖެ އެވެ.
ދިރާސީ އާ އަހަރާ ގުޅޭގޮތުން މައުލޫމާތު ދިނުމަށް މިދިޔަ ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި "މިހާރު"ން ކުރި ސުވާލަކަށް މިނިސްޓަރު ވިދާޅުވީ ޓެބްލެޓަކީ ކިޔަވައިދިނުމަށް ބޭނުންކުރާ އިތުރު އެހީއެއް ކަމަށެވެ.
"އައިސީޓީ މެދުވެރިކޮށް ޓެބްލެޓުން އަޅުގަނޑުމެންނަށް އިތުރަށް އެ މަޝްރޫއު ފުޅާކުރުމުގެ ވިސްނުންތަކެއް އެބަހުރި. އެ ރޭވުންތައް ރާވަމުން މި ދަނީ. އަޅުގަނޑުމެން ގަސްތުކޮށްފައި އޮތީ ޓެބްލެޓް އެއީ ކިޔަވައިދިނުމަށް ބޭނުންކުރާ އިތުރު އެހީއެއްގެ ގޮތުން ޓެބްލެޓް ވެސް ބޭނުންކުރާ ކަހަލަ ގޮތަކަށް،" މިނިސްޓަރު ވިދާޅުވި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ފެށި ޑިޖިޓައިޒް މަޝްރޫއުގެ ދަށުން ރާއްޖޭގެ ހުރިހާ ދަރިވަރުންނަށް ވަނީ ޓެބްލެޓް ދޭން ނިންމައިފަ އެވެ. ނަމަވެސް މިދިޔަ އަހަރުގެ ދިރާސީ އަހަރު ނިމިގެން ދިޔައިރު ވެސް ބައެއް ސްކޫލުތަކަށް ޓެބްލެޓު ހަވާލުކޮށްފައެއް ނުވެ އެވެ. އެހެންވެ އެ ސްކޫލުތަކުގައި ޓެބްލެޓް ބޭނުންކޮށްގެން ކިޔަވައިދޭން ފަށައިފައެއް ނުވެ އެވެ.
މިނިސްޓަރު ވިދާޅުވީ ގްރޭޑް ދޭކުން ފެށިގެން މަތީގެ ގްރޭޑުތަކަށް މިހާރު ޓެބްލެޓް ހަވާލުކޮށްފައިވާ ކަމަށެވެ.
އެޑިއުކޭޝަންގެ ސްޓޭޓް މިނިސްޓަރު ޑރ. އަބްދުﷲ ރަޝީދު ވިދާޅުވީ ޓްބެލެޓްގެ ބޭނުން ފުރިހަމައަށް ކުރެވޭނެ ގޮތް ހެދުމަށް އިންޑިޔާގައި ހަރަކާތްތެރިވާ ބައިނަލްއަގުވާމީ ކުންފުންޏަކާ މަޝްވަރާތައް ކުރަމުން އަންނަ ކަމަށެވެ.
ޑިޖިޓަލް ލައިބްރަރީ އަކީ ސްކޫލުތަކަށް ވަރަށް މުހިއްމު ކަމެއް ކަމަށާއި އޭގެ ސަބަބުން ވާހަކަ އާއި މައުލޫމާތު ލިބޭނެ ފޮތްތަކާއި ރަނގަޅު ލާނިން ޕްލެޓްފޯމެއް ހަމަޖެހިގެންދާނެ ކަން އޭނާ ފާހަގަކުރެއްވި އެވެ.
މެކްސްކޮމް ކުންފުންޏާ ހަވާލުކޮށްގެން 70،000 އަށް ވުރެ ގިނަ ޓެބްލެޓް ގެނައުމަށް ކުރީގެ ސަރުކާރުން 154 މިލިއަން ރުފިޔާގެ ބަޖެޓެއް ކަނޑައެޅި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޭމިތުރާ
13 January 2019
[ޑޮކްޓަރުންގިނަ ބުނަނީ ޓެބުލެޓް ފޯނާއި ނުދިނުމަށް! ޑޮކްޓަރުން އެބުނަނީ ސިކުނޑިއަށް އަސަރުކުރާކަމަށް]............................ މިއީ ވިސްނަންޖެހިފައިއޮތްކަމެއް. އިންޑިއާގައި ވަރަސްގިނަ ކޭސް ތަކެއް ހިނގާފައި އެބަހުރި ފޯނު ކުދިންގެ އަތައްދީގެން ބައެއްކުދިން މޮޔަވެފައިހުރި، އެހެންވެ ޑޮކްތަރުންވަނީ ޔޫޓިއުބުގައި ހެއްކާއެކު ވީޑިއޯތައް އާއްމުވެސްކޮށްފައި.
އަބްދުﷲ
13 January 2019
އެއްތާކު މިޖެހެނީ، އަނެކާ ކުރީމަ ގޯސްވީ.
އަހްމަދު މާހިރު
13 January 2019
އަޅުގަނޑު ދަރިފުޅު ނިމިދިޔަ އަހަރު އުޅުނީ އިސްކަންދަރު ސުކޫލު 4 ގަ ޓެބްލެޓެއް ނުލިބޭ ވަޒީރަށް އިތުރު ފުޅެއް ތިހެއްދެވެނީ އަޅުގަނޑަށް އިންގިގެން ވެސް ވަރަށް ގިނަ ގުރޭޑު ތަކަށް ނުލިބޭ!
ކޮތަރު އިމުރާނު
12 January 2019
ކުރިން ބުނިދޯ އެއީ ބޭނުންނެތް ބޭކާރު އެއްޗެހި ތަކެކޭ. އަދަދޯތް!
ދޮންނިކަ
12 January 2019
މާ ނޫންކަމަށް ހެދިޔަސް އެއީ ކޮންމެހެން ކުރާންޖެހިފައޮތްކަމެއް.
އިޔާ
12 January 2019
ޓެބްލެޓް ބޭނުމެއްނޫން. ފޮތް އަދި ޤާބިލް ޓީޗަރުން ލިބުމުން ފުދޭނެ.
ރާއްޖެ ނެތިދިއުން
13 January 2019
ޕްރިންޓަރެއް ބޭނުމެއްނޫން، ދެލި ނުފޭދޭ ގަލަމަކުން ފުދޭން.
ކަރީމުއްދީން ބާޝާ
12 January 2019
މިނިސްޓަރު ވިދާޅުވޭ މާދަމައަށް ހުރިހާކަމެއް ހަމައޭ. އެކަމަކު އެއީ ކަނޑައެޅިގެން ދޮގެއް.
މުލޭ
12 January 2019
އަމީނިއްޔާ ގްރޭޑް 3 ގައި މިދިޔަ އަހަރު އުޅުނު ކުދިންނަށް ޓެބްލެޓް ނުލިބޭ. މިނިސްޓަރު ގަސްތުގަ އިތުރުދުޅު ހައްދަވަނީތޯ ނޫނީ ބަޔަކު މިނިސްޓަރަށް ދޮގު މަޢްލޫމާތު ދެނީތޯ.
މަރިއްކޮ
12 January 2019
މިނިސްޓަރ ވިދާޅުވީ ގްރޭޑް2 ން ފެށިގެން މަތީ ގްރޭޑްތަކަށް ޓެބްލެޓް ދީފައިވާކަމަށް... ނަމަވެސް އަމީނިއްޔާ ސްކޫލްގެ ގްރޭޑް6ގެ ދަރިވަރުންނަށް ޓެބްލެޓެއް ނުދޭ....