ސީރިއާ އިން އެމެރިކާ ސިފައިން ފޭބުމާ ސައުދީ ޕްރިންސަކު ދެކޮޅު

ސައުދީ ޕްރިންސް ތުރްކީ އަަލް ފައިސަލް.

ހަސަން އާމިރު، މިހާރު

14 ޖެނުއަރީ 2019 - 12:07

ރިޔާޒް (ޖެނުއަރީ 14) - ސީރިއާ އިން އެމެރިކާ ސިފައިން ފޭބުމާ ވަރަށް ބޮޑަށް ދެކޮޅު ހަދާ ކަމަށް ސައުދީ ޝާހީ އާއިލާގެ ސީނިއާ މެންބަރެއް ކަމަށްވާ ޕްރިންސް ތުރުކީ އަލް ފައިސަލް ވިދާޅުވެއްޖެ އެވެ.

ބީބީސީއާ ވާހަކަ ދައްކަވަމުން އޭނާ ވިދާޅުވީ އެމެރިކާ ސިފައިން ސީރިއާ އިން ފައިބައިފި ނަމަ އޭގެ ގޯސް ނަތީޖާ ފެންނާނެ ކަމަށެވެ. އޭގެ ތެރޭގައި އީރާނާއި ރަޝިޔާ އިން ސީރިއާގައި ބާރުގަދަ ކުރުމުގެ އިތުރުން ރައީސް ބައްޝާރުލް އަސަދުގެ ވެރިކަން ވެސް އިތުރަށް ވަރުގަދަ ވެގެންދާނެ ކަމަށެވެ.

ޕްރިންސް ވިދާޅުވީ ސީރިއާއާ މެދު އިހްމާލްވުމަކީ ބައިނަލްއަގުވާމީ މުޖްތަމައުން ހެދި ގޯހެއް ކަމަށެވެ.

"އަޅުގަނޑަށް ގަބޫލް ކުރެވޭ ގޮތުގައި ނަތީޖާއެއް ފެނުމަށް ވުރެ ބޮޑަށް އެމެރިކާ އިން ކުރަން އުޅޭ ކަންތަކުން ނުކުންނާނީ އިތުރު ގޯސްތައް،" އޭނާ ވިދާޅުވި އެވެ.

ޕްރިންސް ފައިސަލް އަކީ ސައުދީ ސަރުކާރުގެ މަގާމެއް އަދާކުރައްވާ ބޭފުޅެއް ނޫނެވެ. އޭނާ މިމޭރުމުން ވާހަކަ ދައްކަވާފައި ވަނީ އެމެރިކާގެ ޚާރިޖީ ވަޒީރު މައިކް ޕޮމްޕެއޯ ސައުދީ އަރަބިއާ އަށް ވަޑައިގަތުމުގެ ކުރިންނެވެ.

ސީރިއާ އިން އެމެރިކާ ސިފައިން ބާލާ މައްސަލާގައި ޚިޔާލު ތަފާތުވެ ޚާރިޖީ ވަޒީރު ޖޭމްސް މަޓިސް ވަނީ މިދިޔަ މަހު އިސްތިއުފާ ދެއްވައިފަ އެވެ.

ސައޫދީ އަރަބިއްޔާ ސީރިއާ އެމެރިކާ

6 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދޫ

14 January 2019

ސާއޫދީ ގެ އަޅަކަށް ވެ ފައިސާގެ ދަހިވެތިކަން ބޮޑު ވެރިޔަކު އެމްރިކާ އަށް އައުންވެގެންދިޔައީ ސައޫދީން ހިންގި ނޫސްވެރިޔާ ހަސައުގީ ގެ ޖަރީމާ ފަދަ ޖަރީމާތައް މުސްތަގުބަލްގަ އާންމުވެގެންދިއުން . ޔަމަންގަ އެތައްބަޔަކު ދަނީމަރަމުން ސޫރިޔާގަ އެތައްބަޔަކު ދަނީމަރަމުން ފަލަސްތިނުގާ އެތައްބަޔަކު ދަނީމަރަމުން.ހަގިގީ ގާތިލުންނަކީ ސައޫދީގެ ވެރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިބައިސާ

14 January 2019

ދެން ސައުދީ ސާހީ ޢާއިލާ އެކަނި ދުނިޔޭގަ އުޅެންވީނު. ބައްސާރަށްވުރެ ތިއަ ސައުދީގެ މުނާފިގުކަން މާބޮޑު. ބައްސާރު ހަނގުރާމަކުރަނީ އޭނާޔާ ހަނގުރާމަކުރާ މީހުނާ ދެކޮޅަށް. ތިއަ އާލުސޫދުން ކުށެއްނެތި ޔަމަނުގާ ތިއޮށްމަރަނީ ކިތައް ކުޑަކުދިން. ކިތައް އަންހެނުން. ފަނާކޮށްލީ ކިތައް އިމާރާތް. އިރާގާއި ލީބިޔާވެސް ފަނާކުރުމުގެ މޭސްތިރިންނަކީ އާލުސޫދުން.