ޗައިނާއިން ހަނދުގައި އިންދި ކަފަ ގަސް.
15 ޖެނުއަރީ 2019 - 14:05
23 comments
ޗައިނާ އިން ހަނދަން ފޮނުވި އުޅަނދުގައި ގެންދިޔަ އޮށް ހަނދުގައި އިންދައި، އެއިން މިހާރު ގަސް ފަޅާފައިވާ ކަމަށް ޗައިނާގެ ނެޝަނަލް ސްޕޭސް އެޑްމިނިސްޓްރޭޝަނުން މިއަދު ބުނެފި އެވެ.
މިއީ ހަނދުގައި ބަޔޮލޮޖިކަލް އެއްޗެއް މިގޮތަށް އުފެއްދުނު ފުރަތަމަ ފަހަރެވެ.
ދުނިޔެއިން ހަނދަށް ގެންދިޔަ އޮށް އިންދީ ޗައިނާ އިން ހަނދުގެ، ދުނިޔޭގެ ބިތްދޮށް ފަރާތަށް ފޮނުވި "ޗާންގީ 4" ގެ ނަން ދީފައިވާ އުޅަނދުންނެވެ. އެ އުޅަނދު ހަނދަށް ތިރިކުރީ މި މަހުގެ ތިން ވަނަ ދުވަހު އެވެ.
މީގެ ކުރިން އިންޓަނޭޝަނަލް ސްޕޭސް ސްޓޭޝަން (އައިއެސްއެސް) ގައި ގަސް ހައްދާފައިވެ އެވެ. ނަމަވެސް ހަނދުގައި މިކަމެއް ނުކުރެ އެވެ.
ޗައިނާއިން ހަނދަން ގެންދިޔައީ ކަފަ އާއި އަލުވި އޮށުގެ އިތުރުން ޔީސްޓް އަދި މެހީގެ ބިހެވެ. އިންދި އޮށްތައް ހައްދަނީ ހަނދަށް ގެންދިޔަ ހާއްސަ އެއްޗެއްގެ ތެރޭގަ އެވެ. އެއީ ވަކި ގޮތަކަށް ކޮންޓްރޯލްކޮށްފައިވާ މާހައުލެކެވެ. ޗައިނާގެ ސްޓޭޓް މީޑިއާ އިން ބުނީ ކަފަ އޮށްތައް ފަޅައިގެން ހެދެން ފަށާފައިވާ ކަމަށެވެ. އަދި މިއީ ހަނދުގައި އިންސާނުން ކުރި ބަޔޮލޮޖިކަލް ފުރަތަމަ އެކްސްޕެރިމެންޓް ކަމަށް ވެސް ބުންޏެވެ.
ހަނދުގައި ގަސް ހެއްދުން ވެގެން ދާނީ ޕްލެނެޓްތަކަށް އިންސާނުން ފޮނުވައިގެން ގިނަ ދުވަހު ގެންގުޅެން ބަލާ ނަމަ ފައިދާހުރި ކަމަކަށެވެ. އެއީ ދުނިޔެއިން ކާނާ ގެންދަން ދިގު ދަތުރެއް ކުރަން ނުޖެހި، އެ ޕްލެނެޓެއްގައި ތިބެގެން ކާނާ އުފެއްދޭނެ ގޮތް ވާނެތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަޒާން
19 January 2019
ލޮލް. ޢަހަރެމެން ހަނދުގަ މީހުން ވިއްސާގެން ބޮދެތިކޮށް ހެދހަަ އެމީހުން އެތާ މަސްވެރިކަން ކުރަމުން ދަނިކޮށް ޗައިނާއިން ދަނދުހައްދަން ފެށީ ކީއްކުރަންތަ؟ މަަރަގަޅުވީހެންނު ބިމަށް މަސްފޮނުވާ ދުމައްޓެއް ހެދިނަމަ. ޗައިނާ ފޭކު.....
ަނަފީސާ އަލީ
16 January 2019
ހުސް ފޭކު
ތިއޭ އެއްކަލަ
16 January 2019
ދެން މީގެ ފަހުން ރާއްޖެއަށް ޗައިނާއިން އިމްޕޯޓް ކުރާނީ ތަރުކާރީ އެއް ނޫން، ހަނދުކާރީ
ސާބަސް ޗަައިނާ
15 January 2019
ޢެންމެ ފަހުން ހަނދުން ވެސް މޭޑް އިން ޗައިނާ އެެއްޗިހި ލިބެން ފެށީ ދޯ. ޔަގީން ޥަރަށް ފޭކު ވާނެ
ދާދޭ
15 January 2019
އެމެރިކާއިން ބުނާނެ އެމީހުންގެ ޓެކްނޮލޮޖީ ހަނދުގެ އަނެއްފަރާތަށް އޮއްސާފައިހުއްޓާ ޗައިނާއިން އެޓެކްނޮލޮޖީ ވަގަށްނެގީއޭ. ދެން ފެންނާނީ ރައީސް ޒީ ހައްޔަރުކުރަން އެމެރިކާގެ ބައިގަނޑު ނުކުންނަތަން.
މަންސޫރު
15 January 2019
ތިޔަ ގަސްތަށް އުފުރާލައިގެން ރާއްޖޭގެ ރިސޯޓެއްގައި ނުޖެހިއްޔާ ރަނގަޅު!
ސިންތިލީ ވޫމް
15 January 2019
ދުވަސް ކޮޅަކުން "ހުޅަގުގެ މީޑިޔާތަކުން ރިޕޯޓް ކުރާނެ ފޭކު ވާހަކަޔެއް ކަމަ ބުނެ. މަރުޙަ ބާ ޗައިނާ.
ހަނދު
15 January 2019
ޗައިނާ ވަރެއްނެ
ޒަންޖަބީލު
15 January 2019
ހަނދުގެ އަލިކަން ނުލިބިދާނެތީ ހާސްނުވޭ. އެއޮތީ ހަނދުގެ ބިއްދޮށް ފަރާތުގައޭ ގަސް އިންދީ. ދެން އަހަރުމެން ކާނީ ހަނދުން ގެންނަ ތަރުކާރީ. ސަޅިއެއްނު.
އުދުހޭ
15 January 2019
ހަނދުގައި އެންމެ ރަގަޅުވާނީ ގިތެޔޮމިރުސް އިންދިއްޔާ. އެކަމަކު ހަނދުވަރުދޭ ފަޅީގައި ހެއްދިދާނެކަމަކަށް ނުވިސްނޭ. އެއީ އިރުގެ އަލި އެއަށް އެޅި ރިފްލެކްޓްވެގެން ދުނިއެއަށް އަންނައިރު ހަނދުގެ ހޫނުމިން ހުންނާނީ ރޮށިފިހާލެވޭހާ މަތީގަވީމަ. ދެން ބޭނުންވާނީ ރިހާކުރު ފުޅިއެއް. އޭރުން ކުޅި ރިހާކުރާ ރޮއްޓާ ހަނދުގަ ކެވޭނެ.