ދޫނިދޫ: ފުލުހުންގެ ބަންދުގައި ހުއްޓާ މަރުވި މީހާ ވަނީ މިއަދު ވަޅުލާފައި.
16 ޖެނުއަރީ 2019 - 20:59
13 comments
ފުލުހުންގެ ބަންދުގައި ދޫނިދޫ ޖަލުގައި ހުއްޓާ ރޭ މަރުވި އަންހެން މީހާގެ އޮޓޮޕްސީ އާއިލާ އިން ބޭނުން ނުވުމުން، ނުހަދައި މިއަދު ވަޅުލައިފި އެވެ.
އެ އާއިލާ އިން "މިހާރު" އާ ވާހަކަ ދެއްކި މީހަކު ބުނީ ނަޝާޔާ ރަޝީދު 23، ގެ އޮޓޮޕްސީ ނުހެދީ އެކަން ކުރަން ބޭނުން ނުވާތީ ކަމަށެވެ. އެހެންވެ އަސްރު ނަމާދަށް ފަހު ވަޅުލާފައިވާ ކަމަށް ބުންޏެވެ.
ފޭރުމުގެ މައްސަލައެއްގައި ހައްޔަރުކުރި ނަޝާޔާގެ މަރުގެ މައްސަލައިގެ ތަހުގީގަށް އޮޓޮޕްސީ ހެދުމުގެ ހުއްދައަށް ފުލުހުން ވަނީ އާއިލާގައި އެދިފަ އެވެ.
އޭނާ ހައްޔަރުކުރި ދުވަހުން ފެށިގެން ހުރިހާ ހައްގުތަކެއް ދީފައިވާ ކަމަށާއި އަދި އެ މުއްދަތުގައި ދެ ފަހަރެއްގެ މަތިން ޑޮކްޓަރަށް ދައްކާފައިވާނެ ކަމަށް ފުލުހުން ރޭ ނެރުނު ބަޔާނެއްގައި ބުންޏެވެ. ނަމަވެސް މީގެ ކުރިން ނަޝާޔާގެ ސިއްހީ މައްސަލައެއް ހުންނަ ކަން އާއިލާއަށް ފާހަގަކުރެވިފައެއް ނުވެ އެވެ.
އެ މަރުގެ މައްސަލަ ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން ވެސް އަންނަނީ ތަހުގީގު ކުރަމުންނެވެ.
ނަޝާޔާ އަކީ އާއިލާގެ އެންމެ ދޮއްޓަށް ހުންނަ މީހާ އެވެ. އޭނާގެ ފުރަތަމަ ކައިވެންޏަށް ހަތަރު އަހަރުގެ ފިރިހެން ކުއްޖެއް ހުރެ އެވެ.
ރާއްޖޭގެ ޖަލުތަކުގައި މަރުވާ ބައެއް ގައިދީންގެ މަރާ މެދު ބޮޑެތި ސުވާލުތަކެއް އުފެދެ އެވެ. އެގޮތުން އެކަށީގެންވާ އެހީތެރިކަމެއް ނުލިބުމުގެ ސަބަބުން ބައެއް މީހުން މަރުވެފައިވާ ކަމަށް، އާއިލާތަކުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެހެންތޯ
17 January 2019
އެހެންވީމައި މިއީކީ ވަކި ސަރުކާރެެއް އޮތީމާ ވާގޮތެއް ނޫންތާ؟ މިއޮތް ހުރިހާދުވަހު ޖަލުތަކުގައި މީހުން މަރުވަނީއޭކިޔާ ސަރުކާރު ބަދަލުކުރަން ނުކުތް މީހުން މިއަދު ހަމަ ހަމަހިމޭންވެފަ.. އެއީ ކީއްވެ؟ އެއީ ތިމާ ހިތްއެދޭ ސަރުކާރެއް އޮތީމައި ދެއްތޯ؟
ޙާލާ
17 January 2019
ނުކެރޭނެ ހަދާކަށް. ކޮބާތަ މަރުތައް ބަލާ ކޮމެޓޭގެ ވެރިޔާ. ޢޭނަ ނިދާފަ ނުހޭލަނީތ
ޢަލީ މުފީދު
17 January 2019
މިކުއްޖާ މަރުވީމާ ފުލުހުން އެންމެފުރަތަމަވެސް ކުރިކަމަކީ އޭނާ ޑިފޭމްކުރުން... އެއީ ފޭރޭ މީހެއްކަމަށްބުނެ ބަޔާނެއް ނެރުނީ... ޤާނޫނު އަސާސީގައިބުނާ އިނަސަންޓް އަންޓިލް ޕްރޫވަން ގިލްޓީގެ ކޮންސެޕްޓްގެ ބެނިފިޓެއް އޭނާއަކަށް ނުދިން... އަދި ނަމާ އަބުރު ރައްކާތެރިކުރުމުގެ ހައްޤު ގެއްލިފައިވާ މީހެއްގެ އެހައްޤަށް އުނިކަންލިބޭނޭގޮތަށް އޭނާ ބޭޒާރުކުރީ...
ނަސީދު
17 January 2019
އިބޫ މިވާގޮތް ބަލަންކެރޭނެބާ؟ކޮބާލޮލަށް މިރުސްއެޅިގެން އެއުޅޭ ސުއޫދު
މަފް
17 January 2019
އާއިލާއިން ބޭނުން ނުވިޔަސް މިކަހަލަ މަރުތަކުގެ ހަގީގަތް ހޯދުމަށް އޮޓޮޕްސީ ހަދަން އެބަޖެހޭ. ސަރުކާރުގެ ކަމާބެހޭ ފަރާތްތަކުގެ އިތުބާރު ރައްޔިތުންނަށް ލިބޭނީވެސް އޭރުން.
ފ.އ.ތ
16 January 2019
މަރުވާހާ މީހެއްގެ އޮޓޮޕްސީ ނެހެދިޔަސް ސަރުކާރުގެ ބެލުމުގެ ދަށުގަ ހައްޔަރުކޮށްފަ ހުރި މީހަކު ކުއްލިގޮތަކަށް މަރުވެއްޖެނަމަ އެމީހަކު މަރުވި ސަބަބުބހޯދުމަކީ ކޮންމެހެން ކުރަން ޖެހޭ ކަމެއް، ތިހާ ދޯދިޔާކޮށް ކަންތައްކުރީމަ ކަމަކުނުދޭ، އާއިލާއަށް މިގޮތަށް ވިސްނައިދެވެންޖެހޭނެ އަދި ވަކި ޚާއްސަ ސަބަބެއްނެތި އާއިލާއިން މިކަމަށް އެއްބަސް ނުވާންވީ ކީއްވެތޯ ބަލަންވެސް ޖެހޭ.... ވާނުވާ ނޭންގޭނެހެން ކަންކަން ނުކުރުމަށް ގޮވާލަން
ޢަޒާން
16 January 2019
ކޮންމެ ތަނަކުވެސ މީހުން ގިނަވީވަރަކަށް މަރުވާ މީހުންގެ ޢަދަދުވެސ ގިނަވާނެ. ޤައުމު އިސްލާހު ކުރެވޭނީ އެންމެންގެ ބައިވެރި ވުމާ އެކު. ކުއްވެރިން ގެ ދިފާއުގައި ސަރުކާރު ބަދުނާމު ކުރެވޭތޯ އުޅެގެނެއްނޫން. ނަސާޔާ އަށް ﷲ ގެ ފުއްސެވުމާއި ރަހުމަތަށް އެދެން
ރަދީފްސް ޑޭޑް
16 January 2019
މަރުވާ ކޮންމެ މީހެއްގެ އޮޓޮޕްސީ ހެދުމަކީ ވެވޭނޭކަމެއް ނޫން.
ބޯގަންވިލާ
16 January 2019
އމް ޑީ ޕީ ސަރުކާރުން ޒިންމާ ނަގަން ޖެހޭ
އަލީ ޒާހިރު
16 January 2019
ވަރަށް ކެރިގެން އަދި އެގިގެން މިބުނަނީ، ޕޯސްޓް މޯޓަމް ހަދާކަށް ނުކެރޭނެ. އަދި އިބޫ އަށާ އެމްސީއަށް ވަރަށް ސަލާމް. ނިކަމެތި ރައްޔިތުންނަށް މިޤައުމުގައި އިންސާފެއް ނުލިބޭނެ.
ޔަގީން ކަށަވަރު
17 January 2019
އޮޓޮޕްސީ ހަދަން ބޭނުން ނުވީ އިބޫ ސަރުކާރަކުން ނޫން އާއިލާއިން ...އޭގަވެސް ކޮންމެސް ސަބަބެއްވާނެ..
ޢަނގަ
17 January 2019
އޮޓޮޕްސީ ހަދަން ހުއްދަ ދޭކަށް އާއިލާއަކަށް ނުކެރޭނެ. އެމީހުން ބޭނުމެއް ނުވާނެ ނިޔާވެފައިވާ އެމީހުންގެ ދަރިފުޅު ބަދުނާމް ކުރާކަށް. ވަރަށް އެނގިގެން މިބުނަނީ. ވ ވެދުން
އަލިފުތު
17 January 2019
އޮޓިޕްސީއަކީ މަރުވި ސަބަބު ބަލަން ކުރަން އޮންނަ ހަމައެކަނި ކަންތަކެއްނޫން. އޮޓޮޕްސީ އަކީ މަރުވިމީހާ ކަފާ ކުދިކޮށް ގުނަވަންތަކުގެ އެތެރެ ބެލުން. އެކަން ކުރަން އާއިލާއިން ބޭނުން ނުވިޔަސް ދައުލަތުން ފުރިހަމަ ތަހުޤީޤެއް ކުރަން ޖެހޭނެ. ބައެއް ކަންކަން ހުންނާނެ ކަމާ ނުބެހޭ، ކޮންމެ ކޮންމެ މީހަކަށް އެނގެން ނުޖެހޭ. ހޮޅުއަށީގައި ދައްކާނެ ވާހަކައެއް ހޯދަން ދުވާމީހުން މިހާރު ވަރަށް ގިނަވެއްޖެ.