ސިފައިންގެއިން ވަކިކުރި ތިން މީހުން، މިދިޔަ ހަފުތާގައި ސިވިލް ކޯޓަށް މައްސަލަ ހުށަހެޅުމުގެ ކުރިން ސެލްފީއެއް ނަގަނީ
20 ޖެނުއަރީ 2019 - 14:38
9 comments
މިދިޔަ އަހަރުގެ ފެބްރުއަރީ މަހު ސުޕްރީމް ކޯޓުން ނެރުނު ބޮޑު އަމުރަށްފަހު ސިފައިންގެއިން ވަކިކުރި ތިން މީހުންގެ މައްސަލަ ސިވިލް ކޯޓަށް ހުށަހަޅައިފި އެވެ.
ސިފައިންގެ ސްޕެޝަލް ޕްރޮޓެކްޝަން ގްރޫޕް (އެސްޕީޖީ) ގައި މަސައްކަތް ކުރަމުން ދަނިކޮށް ސިމާދު އަހުމަދާއި އަހުމަދު ޝާނީޒް އަދި އަހުމަދު ފައްތާހު ވަޒީފާއިން ވަކިކުރީ މާޗު 4، 2018 ގަ އެވެ. ވަޒީފާ އިއާދަކޮށްދިނުމަށް އެދި ކޯޓަށް ހުށަހެޅި މައްސަލަ މިދިޔަ ބުރާސްފަތި ދުވަހު ވަނީ ބަލައިގެންފަ އެވެ.
ކުއްލި ހާލަތުގެ ތެރޭގައި އެ މީހުން ހައްޔަރުކޮށް ގިނަ ދުވަސްތަކެއް ވަންދެން ބަންދުގައި ބަހައްޓައިފަ އެވެ.
މިދިޔަ ސެޕްޓެމްބަރު މަހު ބޭއްވި ރިޔާސީ އިންތިޚާބުގެ ކެމްޕެއިންގައި، އޭރުގެ ރިޔާސީ ކެންޑިޑޭޓް އަދި މިހާރުގެ ރައީސް އިބްރާހިމް މުހައްމަދު ސޯލިހުގެ ބޮޑީގާޑެއްގެ ގޮތުގައި މަސައްކަތްކުރި ޝާނީޒް ބުނީ ކޯޓަށް މައްސަލަ ހުށަހެޅީ ވަޒީފާ އަނބުރާ ލިބޭނެ ކަމުގެ އުއްމީދު އޮތުމުން ކަމަށެވެ.
ވަޒީފާ ހޯދުމަށް ސިވިލް ކޯޓަށް ހުށަހެޅިއިރު، ކުރީގެ ސަރުކާރުން ސިފައިންގެ އާއި ފުލުހުންގެ އިދާރާއިން ވަކިކުރި އިސް ބޭފުޅުންތަކަކަށް އަލުން ވަޒީފާ ދިނުމަށް ސިވިލް ކޯޓާއި ހައި ކޯޓުން ހުކުމްކޮށްފައި ވެ އެވެ. އޭގެ ތެރޭގައި ބްރިގޭޑިއާ ޖެނެރަލަކަށް ހުންނަވަނިކޮށް ވަކިކުރި މިހާރުގެ ޗީފް އޮފް ޑިފެންސް ފޯސް އަބްދުﷲ ޝަމާލާއި ކުރީގެ އެސިސްޓެންޓް ކޮމިޝަނަރު އޮފް ޕޮލިސް އަބްދުﷲ ފައިރޫޝާއި ކުރީގެ ސުޕްރިންޓެންޑެންޓް އޮފް ޕޮލިސް މުހައްމަދު ރިޔާޒު ހިމެނިވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮގެއްތަ؟
20 January 2019
އެމީހުންނަށް ވަޒީފާ ލިބޭނެ. ފާއިތުވި ތަނުގެ މުސާރަވެސް ލިބޭނެ.
ޙައްސާން
20 January 2019
ނުޖެހޭނެ ދޭކަށެއް، ތަންތާގަ ހެދިފަ ހުންނަ ގަވައިދަށް ހުރުމަތް ތެރިކޮށް ހިތަންޖެހެނީ ވަކި މީހަކު ވެރިކަމުގަ ހުރީމައެއް ނޫން، އެތަނެއްގަ އުޅެންޔާ ކުރަންޖެހޭ ކަންކަން، މީ ސިޔާސީ ވެފަ ތިބި ބައެއް!
އަރޫ
20 January 2019
ކޮން ސެލޫން އަކުން ތަ މިމީހުންގެ ބޯ ހަދައިދިނީ އަދި ކޮންކަހަލަ ޕްރޮޑަކްޓް އެއްތަ ބޭނުން ކުރީ
އަލިބެއްޔާ
20 January 2019
މި މީހުންނަކީ ތެދުވެރި ޚިދްމަތް ތެރިންނެއް ނޫން. މުއައްސަސާއަށް އެމީހުންވަނީ ހަރާންކޯރުވެފައި.
ޢަހަންމާ.
20 January 2019
ތީގެން އެއްވެސް މީހަކަށް ވަޒީފާ ހައްގެއް ނުވާނެ. ށިފައިންގޭ ގައި ހެދިފައި ހުރި ޤަވައިދު ތަކަށް ބޯ ނުލަބާ ކަންކަން ކުރީމަ ކަޑާލަި
Double
20 January 2019
ތީސޭޓްގެ މީހުން، ބަގާވާތް ކުރަން ދުރާލާ ރާވަނީ
ނާށި
20 January 2019
ހައްގު ލިބެންވާމީހުނަށް ހައްގު ލިބުނުފަހުން ހައްގުގެ ކަންތައް މިހާރު އޮތީ ކުޑާކޮށް ތާށިވެފައޭ.
ބިސާމް
20 January 2019
މިމީހުން ދޯ ކުރީގެ ޑިފެންސް މިނިސްޓަރ އަށް ހަމަލާ ދޭން އުޅުނީ، މި ފެންވަރުގެ ބަޔަކު މި ތަނަކަށް އަބުރާލާކަށް ނުޖެހޭނެ!
ސަރުކާނު
20 January 2019
އަވަހަށްދީ. މިހާރު ތީން މީހެއް ނުކުރާނެ އެއްކަމެއްވެސް. ތީގެ ހިތި އަދި ފެންނާނެ.