ދަސްވާރާއި ބީޓެކުގެ ކިޔަވައިދިނުމުގެ އުސޫލު ބަދަލުކުރަނީ

މިދިޔަ އަހަރުގެ އޯލެވެލްގެ ނަތީޖާގެ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި، ސްޓޭޓް މިނިސްޓަރު ޑރ. އަބްދުﷲ ރަޝީދު ވާހަކަދައްކަވަނީ.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

22 ޖެނުއަރީ 2019 - 13:25

15 comments

ދަސްވާރާއި ބީޓެކުން މިހާރު ކިޔަވައިދޭ އުސޫލު ބަދަލުކުރަން މި ސަރުކާރުން ނިންމައިފި އެވެ.

މިދިޔަ އަހަރު ބޭއްވި އޯ ލެވެލް އިމްތިހާނުގެ ނަތީޖާއާ ގުޅޭ ގޮތުން އެޑިއުކޭޝަން މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި ސްޓޭޓް މިނިސްޓަރު ޑރ. އަބްދުﷲ ރަޝީދު ވިދާޅުވީ، ދަސްވާރުގެ އިތުރުން އެޑެކްސެލް ބިޒްނަސް ޓެކްނޮލޮޖީ އެޑިއުކޭޝަން ކައުންސިލް (ބީޓެކް) މިހާރު ކިޔަވައިދެމުން އަންނަ ގޮތުން އެ ދެ ޕްރޮގްރާމާ މެދު މީހުން ދެކެނީ ނުބައި ނަޒަރަކުން ކަމަށެވެ. އެހެންވެ، ދަރިވަރުންނަށް އެންމެ އެކަށީގެންވާ ގޮތަށް އެކަން ބަދަލުކުރާނެ ކަމަށް ރަޝީދު ވިދާޅުވި އެވެ.

ބީޓެކަކީ ރާއްޖޭގެ ހަތަރު ވަނަ ސްޓްރީމްގެ ގޮތުގައި ކުރީގެ ރައީސް އަބްދުﷲ ޔާމީންގެ ސަރުކާރުން 2014 ވަނަ އަހަރު ތައާރަފްކުރި ޕްރޮގްރާމެކެވެ. ސްކޫލުތަކުގައި މިހާރު ވެސް ސައިންސާއި ކޮމާސް އާއި ބިޒްނަސްގެ އިތުރުން ބީޓެކް އަންނަނީ ކިޔަވައިދެމުންނެވެ. ދަސްވާރަކީ މަޖުބޫރު ހަތަރު މާއްދާ؛ އިސްލާމް، ދިވެހި، އިނގިރޭސި އަދި ހިސާބުގެ އިތުރުން ނަތީޖާ ދަށް ދަރިވަރުން ކިޔެވުމަށް ހާއްސަ ކޮށްފައިވާ ޕްރޮގްރާމެކެވެ. ދަރިވަރުގެ ގްރޭޑު ނުވެއްގެ ނަތީޖާ އަށް ބެލުމަށް ފަހު، އެ ދަރިވަރަކު ދަސްވާރުގައި ބައިވެރިކުރަންޖެހޭ ކަމަށް ފެންނަ ނަމަ އެކަމުގެ ލަފައެއް ސްކޫލުން ދޭނެ އެވެ. ނަމަވެސް، އެ ޕްރޮގްރާމުގައި ދަރިވަރުން ބައިވެރިކުރެވޭނީ ބެލެނިވެރިޔާގެ ރުހުމުގަ އެވެ.

ދަސްވާރުގެ ތެރޭގައި ހޮސްޕިޓާލިޓީ ދާއިރާގެ އިތުރުން އެއާ ކޮންޑިޝަން ފަދަ ތަކެތި މަރާމާތުކުރުމާއި ސިއްހީ ދާއިރާގެ އެކި ހުނަރުތައް ވެސް ދަސްކޮށްދޭނެ އެވެ. އެ ޕްރޮގްރާމުގައި ބައިވެރިވި ބައެއް ދަރިވަރުންނަށް ވަޒީފާ ވެސް ލިބިފައި ވެ އެވެ.

ރަޝީދު ވިދާޅުވީ ދަސްވާރު އަދި ބީޓެކް ފަދަ ވޮކޭޝަނަލް ތަމްރީނުތަކަކީ ވަކި ދަރިވަރުންނަށް ހާއްސަ ކޮށްފައިވާ އެއްޗަކަށް ވެގެން ނުވާނެ ކަމަށެވެ. އެހެންވެ އެއީ ހުރިހާ ދަރިވަރުންނަށް ވެސް އިހުތިޔާރީ ކަމެއްގެ ގޮތުގައި ބަދަލުކުރަންޖެހޭ ކަމަށް ވިދާޅުވި އެވެ.

އޭނާ ވިދާޅުވި ގޮތުގައި، މި އަހަރުގެ ކިޔެވުން ކުރިއަށް ގެންދާނީ މިދިޔަ އަހަރުގެ ވެސް ޕްލޭނާ އެއްގޮތަށެވެ. ނަމަވެސް އަންނަ އަހަރުން ފެށިގެން ދަސްވާރާއި ބީޓެކު މިހާރު ކުރިއަށް ގެންދާ ގޮތަށް ބަދަލު ގެންނާނެ ކަމަށް ވިދާޅުވި އެވެ.

"އަޅުގަނޑުމެން ގަބޫލު ކުރަނީ ވޮކޭޝަނަލް އެޑިއުކޭޝަނަކީ ކޮންމެހެން ވަކި ކުދި ބަޔަކަށް ލިބެންޖެހޭ އެއްޗެއް ނޫނޭ. އަޅުގަނޑުމެންގެ ސްކޫލަށް ތައުލީމު ހާސިލް ކުރަން ދާ ހުރިހާ ކުދިންނަށް ލިބެންޖެހެއޭ އެއީ ވަށައި ޖެހޭ ތައުލީމެއް ފޯރުކޮށްދޭން ޖެހޭތީ،" ރަޝީދު ވިދާޅުވި އެވެ.

"ސްކިލްޑް މަސައްކަތްތަކަކީ އެ އަށް އިހުތިރާމް ކުރަންޖެހޭ އެއްޗެއް. އަދި ހުރިހާ ކުދިންނަށް އަމާޒުކޮށްގެން މަސައްކަތް ކުރަންޖެހޭ. އާ ކަރިކިއުލަމްގެ ތަސައްވުރަކީ ވެސް ކުދިން ދިރިއުޅުމަށް ތައްޔާރު ކުރުން. އެހެންވެ އެކަން ވެގެން ދާނީ ހުރިހާ ކުދިންނަށް ވެސް ދެވޭ ފުރުސަތަކަށް."

ދަސްވާރާއި ބީޓެކު ތައާރަފު ކުރުމުން ފާޑުކިޔުން އަމާޒުވި އެއް ސަބަބަކީ، އެއީ އޯ ލެވެލް އިމްތިހާނުގައި ރާއްޖޭގެ ޖުމްލަ ނަތީޖާ ރަނގަޅުކުރަން ކުރި ކަމެއް ކަމަށް ބުނެ އެވެ. ނަމަވެސް އެއީ ނަތީޖާ ދަށް ކުދިންނަށް، މަސައްކަތްތެރިކަން ދަސްކޮށްދޭ ޕްރޮގްރާމަކަށް ވާތީ ރަނގަޅު ޕްރޮގްރާމެއް ކަމަށް ބައެއް މީހުން ދެކެ އެވެ.

މިދިޔަ އަހަރު 5،433 ދަރިވަރުން އޯ ލެވެލް އިމްތިހާނުގައި ބައިވެރިވިއިރު އޭގެ ތެރެއިން ހުރިހާ މާއްދާއެއް ހަދާފައިވަނީ 4،571 ދަރިވަރުންނެވެ. ބާކީ ތިބި 862 ކުދިން ބައިވެރިވެފައި ވަނީ ދަސްވާރާއި ބީޓެކުގަ އެވެ.

އޯ ލެވެލް އިމްތިހާނުގެ ގަދަ 10 ގައި 376 ދަރިވަރުން ހިމެނެ އެވެ.

ސްކޫލް ތައުލީމް އެޑިއުކޭޝަން މިނިސްޓްރީ އޯލެވެލް އިމްތިހާން އޯ ލެވެލް ގަދަ ދިހައެއް އަބްދުﷲ ރަޝީދު (ސްޓޭޓް މިނިސްޓަރު، އެޑިއުކޭޝަން)

15 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަރީޝާ ސާމިރު

23 January 2019

އަހަރެން ދަރިފުޅު ގްރޭޑް 8 ނިންމާފައި ނަތީޖާ ދަށްވީމަ އޭނާއަށް އޮތް ސެޓްފިކެޓް 3 ހަދާފައި 2 އަހަރުގެ ޑިޕްލޮމާއެއް ހަދާފައި، ޑިގްރީއަށް ކިޔެވެން، އެކަމަކު ސްކޫލުން ދަސްވާރު ޕްރޮގްރާމެއްގައި ބައިވެރިކޮށް ވަޒީފާދިނީމަ، މިހާރު އޭނާ މަސައްކަތްކުރަނީ އޭނާ ބޭނުންވާ ދާއިރާއެއްގައިނޫން، އޭނާއަކީ ގްރޭޑް މާކްސް ދަށްކޮށް ލިބުނަސް ކޮމްޕިއުޓަރު ވަރަށް ފަރިތަކުއްޖެއް، އޭނާއަށް ގޭމް ހަދަންވެސް ދަސްކުރެވިދާނެ، އަދި އޭގެއިން ޑިގްރީވެސް ހެދިދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުފީދާ ހަސަން ހަބީބު

23 January 2019

ބަލަ ގްރޭޑް 1 އިން ފެށިގެން 12 އާއި ހަމައަށް ހުރިހައި ކުދިން ކިޔަވަން ނުޖެހޭ، މިހާރު ސްކޫލުތަކުން ޑްރޮޕްވާ ކުދިންނަށް ވަރަށް ފަސޭހަކަމާއި އެކުގައި އެކުދިން ބޭނުން ދާއިރާއަކުން ގްރޭޑް 12 ހަދައިގެން މަތީތައުލީމަށް ދާ އުސޫލުން ދެވެން އޮތްވައި، އެކަން ހުއްޓުވީ ޑރ. އައިޝަތު ޝިހާމު، އޭނާވަނީ އެންމެފަހުން ކޮލިފިކޭޝަން ފްރޭމް ވޯކުގައިއޮތް ޑިޕްލޮމާވެސް 1 އަހަރަށް ބަދަލުކޮށް އޭލަވަލް ނެތި ނުވަދެވޭގޮތަށް ހަދާފައި، އެއީވެސް ކުދިންނަށް ގެއްލުން ދިނުމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޝިދާ މުނީރު

23 January 2019

މީގެ 5 އަހަރުކުރިން ސްކޫލު ޑްރޮޕް އައުޓްވާ ކުދިން ހަދަމުން ދިޔައީ ޑިޕްލޮމާ، އެއީ ސެޓްފިކެޓް 3 ހަދާފައި، ދެން ޑިޕްލޮމާއަށްފަހު އެކުދިން ވަޒީފާގެ މާހައުލައް ނިކުމޭ، ރައީސް ޔާމީނުގެ އެއްވެސް ކުއްޔަކު ބާކީ ނުކުރާނެ ޕްރޮގްރާމުގެ ދަށުން އެކުދިން ސްކޫލުގައި 18 އަހަރު ފުރަންދެން ބައިތިއްބައި، ވަޒީފާއަކަށްވެސް އެއްތަނަކަށް ފިޓްނުވާގޮތަށް ކޯހެއް ހިންގައި މާލެއަށް ދޫކޮށްލަނީ، މިއީނޫން މިކަން ކުރަންޖެހޭ ގޮތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައީމާ މޫސާ

23 January 2019

ކޮންމެ 5 އަހަރަކުން އެއްފަހަރު ކޮންމެ ބަޔަކު އައިސް މިއުޅެނީ ކީއްވެގެންތޯ؟ ކޮންމެވެސް އެއްގޮތެއް ހޯދަން ވެއްޖެނޫންތޯ؟ ބަލަ މޯލްޑިވްސް ނެޝަނަލް ކޮލިފިކޭޝަން ފްރޭމް ވޯކް އުފެދުނީމަ، ދަސްވާރެއް، ބީޓެކެއް ނޮއޮންނާނެ، އިސްކޫލުން ޑްރޮޕް އައުޓްވާ ކުދިން ދާންޖެހެނީ ޤައުމީ ސަނަދުތަކުގެ އޮނިގަނޑުގެ ތެރެއިން، އޭނާ ބޭނުން ދާއިރާއަކުން މަތީތައުލީމަށް، މިޒަމާނަކީ ޓެކްނޮލޮޖީގެ ދާއިރާއިން ކުދިން ކުރިއަށް ދާ ޒަމާނެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުނާން

22 January 2019

ޓިވެޓް އޮތޯރިޓީއަކީ ކިޔަވައި ދިނުމުގެ ފެންވަރު ވަރަށް ދަށް ތަނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލް12

23 January 2019

ޓިވެޓް އޮތޯރިޓީ އަކީ ކިޔަވައިދޭންޖެހޭ ތަނެއް ނޫން. އެތަން ވާން ޖެހޭނީ ވޮކޭޝަނަލް އެޑިއުކޭޝަން ރެގިއުލޭޓް ކުރާ ތަނަކަށް. ކަން ހިނގަމުން ދަނީ މިހެނެއް ނޫން އެކަމަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

22 January 2019

ބީޓެކް އާއި ފަސްވާރަކީވެސް ތަޢުލީމީ ދާއިރާގެ ތަޖުރިބާކާރުންގެ އުފެއްދުމެއް. ހީވަނީ ވަކި ސަރުކާރަކުން ކަމެއް ކުރީމާ އެކަން ހަޖަމް ނުވެގެން އުޅެނީހެން. މާމޮޅެތި ތަޖުރިބާކާރުންނަށް ހެދިގެން އުޅެގެން ހީވަނީ ތިމީހުންގެ އަތައްހެން ގޮވާނީ އެންމެފަހުން. ތަޢުލީމީ ދާއިރާއަކީ ސިޔާސީ ފިކުރުގައި ކުޅެން ޖެހޭ ދާއިރާއެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައިމިނަ

22 January 2019

ކޮންމެ މީހަކު ތައުލީމީ ނިޒާމު ހަލާކު ނުކުރިއްޔާ ނުވަނީތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަލޭކަ

22 January 2019

ޓިވެޓް އާއި ބީޓެކް އެއީ ދޭއްޗެއްތޯއްޗެއް. މަށަށްހީވަނީ އޮތްގޮތް ކަމުނުދާނީކީނޫންހެން. ކުރިންކޮށްފައިހުރީމަ ހިތްޕުޅާ ނުވަނީހެން. ބުރިޖުވެސް ކަމަކުނުދޭ މާގިނައިން އެކްސިޑެންޓްވާތީ ނަގާއެއްލާލަން ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮތަރު އިމުރާނު

22 January 2019

ހިލޭ ޑިގްރީއާ ހަމައަށް ކިޔެވުމުގެ ވާހަކަ ކޮބާހޭ؟ ބޭކާރު ވާހަކަ އަޑުއަހާކަށް ނެތިން. ދިވެހި ރައްޔިތުންގެ ފަރާތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީ އިންޓްރަވާޓް

22 January 2019

އާންމުގޮތެއްގައި ނަފުސާނީގޮތުން ވަރުގަދަކުދިން ނަތީޖާ ގޯސްވާނެ. ސަބަބަކީ ތައުލީމީނިޒާމުގައި އިންސާނީ ދިރިއުޅުމާ އެއްވެސް ގުޅުންހުރިވާހަކަތަކެއްނޫން. އެހެންވެ ގިނަކުދިން ފޫހިވަނީ ކިޔަވަން. ކުދިންގައިގައި ބުލީކުރުމާ މަކަރުހެދުމާ އނެކާއަށް ކެހިދިނުން މިއީ ސްކޫލް މާހައުލުން އުފެދޭ ސިފަތަކެއް. ކުދިން އެކުވެ މާގިނަވަގުތު ހޭދަކުރީމަ ގޯސް ސިފަތައް އަށަގަނޭ. އެކަނިވެރިވުން އެއީ މުހިއްމުކަމެއް---- އޭރުން ކަންކަމާމެދު ވިސްނި ސްޕީރިއާ ސިފަތައް އަށގަންނާނެ.