ސްރީލަންކަން އެއާލައިންގެ ދަތުރުތައް އައްޑޫއަށް ކުރިއަށް ގެންދިޔުމަށް މިހާރު ވަނީ ނިންމާފައި
23 ޖެނުއަރީ 2019 - 12:48
11 comments
އައްޑު އަށް ސްރީ ލަންކަން އެއާލައިންސުން ކުރަމުން އަންނަ ދަތުރުތައް ހުއްޓާލަން ނިންމާފައި ވިޔަސް، ސަރުކާރުގެ އެދުމާ އެކު، އެކަން ކުރިއަށް ގެންދާ ގޮތަށް ހަމަޖައްސާފައިވާ ކަމަށް ރާއްޖޭގެ އޮޕަރޭޓަރު އޭސް އޭވިއޭޝަން މޯލްޑިވްސް އިން މިއަދު ބުނެފި އެވެ.
އެ ކުންފުނީގެ މެނޭޖިން ޑިރެކްޓަރު މުހައްމަދު ފިރާގު ވިދާޅުވީ ދަތުރުތައް ހުއްޓާނުލަން ނިންމީ މިހާރު ދިމާވަމުން ދާ ދަތިތަައް ހައްލުކޮށްދޭނެ ކަމަށް ސަރުކާރުން ބުނުމުން ކަމަށެވެ.
އައްޑު އަށް ކުރާ ދަތުރުތައް މި އަހަރުގެ އޭޕްރީލް މަހަށް ފަހު ހުއްޓާލަން ސްރީ ލަންކަން އިން ނިންމީ ބޮޑެތި ދަތިތަކެއް ހުރުމުން ކަމަށް، އޭސް އިން ކުރިން ބުނެފައިވެ އެވެ.
ފިރާގު ވިދާޅުވީ ސްރީ ލަންކަންގެ ދަތުރުތައް ގަމަށް ބާއްވަމުން ދިޔައީ ގެއްލުމާ އެކު ބޮޑެތި ދަތިތަކާ ވެސް އެކީ ކަމަށެވެ. އެގޮތުން، އައްޑޫ ގައި ހިދުމަތްތައް ފުޅާނުކުރެވުމަކީ އެއާލައިނަށް ގެއްލުމެއް ކަމަށް އޭނާ ވިދާޅުވި އެވެ. އަދި ފުވައްމުލަކާއި ހުވަދު އަތޮޅުން ސްރީ ލަންކަން އިން ދަތުރުކުރަން ބޭނުންވާ މީހުންނަށް ގަމަށް ދެވޭނެ ފަސޭހަ ގޮތެއް ނެތުމުގެ އިތުރުން ގަން އެއާޕޯޓްގެ އިމިގްރޭޝަނުގައި ހުރި މައްސަލަތައް ވެސް ހުރަހަކަށް ވާ ކަމަށް އޭނާ ވިދާޅުވި އެވެ.
ފިރާގް ވިދާޅުވި ގޮތުގައި އިމިގްރޭޝަނުގެ ދަތިތަކާ ހެދި ދަތުރުވެރިންނަށް ހިދުމަތް ދޭން ބޮޑެތި ގޮންޖެހުންތަކެއް ކުރިމަތިވެ އެވެ.
އޭނާ ވިދާޅުވީ މިހާރު ދިމާވާ ދަތިތައް ހައްލު ކޮށްދޭނެ ކަމުގެ ޔަގީންކަން ސަރުކާރުން ދީފައިވާ ކަމަށެވެ.
މިކަމާ ގުޅޭ ގޮތުން ޓްރާންސްޕޯޓް މިނިސްޓްރީގެ ބަހެއް އަދި ލިބޭ ގޮތް ވަނީ ނުވެފަ އެވެ.
އައްޑޫ އެއާޕޯޓުގެ ހިދުމަތްތަކުގެ ފެންވަރު ރަނގަޅުކޮށްފި ނަމަ އިތުރު ސަރަހައްދުތަކަށް ދަތުރުތައް ކުރުމަށް ވިސްނާކަމަށް ވެސް ފިރާގު ވިދާޅުވި އެވެ. އެގޮތުން އޭނާ ވިދާޅުވީ ގަމުން އެހެން ހިސާބުތަކަށް ދަތުރުވެރިން އުފުލުމާ ބެހޭ މަޝްވަރާތައް ފްލައިމީއާ އެކު ކުރިއަށްދާ ކަމަށެވެ.
އެ މަޝްވަރާތަކުގައި ސްރީލަންކަން އިން ގަމަށް ދަތުރުކުރާ މީހުން މާމިގިއްޔާއި ދަރަވަންދޫ އަދި ހުވަދު އަތޮޅުގެ ރަށްތަކަށް ފްލައިމީ މެދުވެރިކޮށް ދެވޭނެ ގޮތް ހަމަޖެއްސުން ހިމެނޭ ކަމަށް ފިރާގު ވިދާޅުވި އެވެ.
ގަމާއި ކޮލަމްބޯއާ ދެމެދު ޝެޑިއުލް ދަތުރުތައް ފެށީ ޑިސެމްބަރު، 1، 2016 ގަ އެވެ. ސްރީލަންކަންގެ ދަތުރުތައް ގަމަށް އޮންނަނީ ހޮނިހިރު، އަންގާރަ އަދި ބުރާސްފަތި ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
24 January 2019
މާލޭގެ ބިންވެރިންނާއި މަހުޖަނުން ނުތިހިދާނެތީ “އެއްރަށް ދައުލަތް” ސިޔާސަތުގެ ދަށުން މާލޭސަރުކާރުން ދެކުނުގެ ޓްއަރިޒަމްއަށާއި ގޭން އެއަރޕޯޓް ޕްތޮޖެކްޓް ކާމިޔާބް ކުރުމަށް ތިމަރަފުށި، ކައްދޫ، ކޫއްޑޫ، ކާޑެއްދޫ އަދި މުލަކަށް 50 ޝީޑްގެ ޑޯނިއަރ ފްލައިޓް ކޮންމެ ދުވަހަކުން ގަމަށް މިއެއަރޕޯރޓް ތަކުން ދަތުރުކުރާނެގޮތް ހަދައިނުދީފިނަމަ އެހެންގޮތެއް ހޯދައިގެންނަމަވެސް މިފަހަރު މިކަން ކޮޅެއްގައި ޖައްސާންޖެހޭ. ދޫދީގެން ވަރަށް ޒަމާނަށް ތިބެވިއްޖެ.
މަހުޖަނޭ
25 January 2019
އައްޑޫ އެންމެ މަހުޖަނުން ގިނަ އަތޮޅު އައްޑޫ އެންމެ ކަމެއް ނެތް އަތޮޅު ކަލޭމެން ތިބެބަލަ މަހުޖަނުންނަށް ގޮނޑި ދީގެން ރައްޔަތުންނަށް ކަމެއް ކޮށްދޭން ވީމަ ސަރުކާރޭ ކިޔަކިޔާ!
އަޙްމަދު
23 January 2019
އަނެއްކާ މަޖްލީސް އިންތިހާބުގައި ވޯޓްކޮޅު ލިބެންދެން މަޑުޖައްސާލީދޯ
ތުނބުޅި
23 January 2019
އަޅެ އަހަރެމެން ބޮޑުތިލަދުންމަތި މީހުން ގަދައެއް ނޫންތަ. ޑޭޝް ބޯޓު ގަނޑެއްގަ މެންދަމު ގެ އުނދަގޫ ވަގުތުގަ ހަފުތާއަކު 2 ފަހަރު ބައިނަލް އަގުވާމީ ދަތުރު މި ކުރަނީ އިންޑިއާ އަށް ކެތްތެރިކަމާ އެކު. ްްްްްްްްްްްްްްްްްްްްްްްްްްްްްްްްްްްްްްްްްްްްްްްްް
މާރަނގާ - އައްޑޫ ސިޓީ
23 January 2019
ހަމައެކަނި ޕެސެންޖަރުން ފްލައިޓަށްއެރުމަށް މާލޭސަރުކާރުން ދެއްވާފައިވާ Air Force One ގައި ބޭނުންކުރާފަދަ އަގުބޮޑު ސިޑި ފެނުމުުންވެސް މާލެސަރުކާރުން “އައްޑޫ ގަންހިންގަން” އުޅޭމިންވަރު އެބައިގޭ. * * މާލޭ ނޫސްތަކާއި ޓީވީ ރޭޑިއޯ ހަބަރުތައް ބަލާ އަޑުއަހާމީހުނަށް ސުރުޙީގައި އަބަދުވެސް “ގަން ތަރައްޤީކުރާވާހަކަ” އޮންނާތީ ހީވެދާނެ Incheon ޗެންގީ، Frankfurt ލަންޑަން ހީތުރޯ ފެންވަރަށް ގޭން އެއަރޕޯޓް ވެސް މާލޭސަރުކާރުން ތަރައްޤީ ކުރަނީއޭ.
ސަރުކާރު+
23 January 2019
އިބޫގެ ސަރުކާރަސް ގޮވާލަން ހުވަދޫ އަާއި ފުވައްމުލަކުން ސީދާ ފުލައިޓްދަތުރު ގަމަށް ފެށުމަށް އަދި ގަމުގައި ހުރި އިމިގްރޭޝަނުގެ މައްސަލަތައް އަވަހަށް ހައްލުކޮށްދެއްވުންއެދެން.
ރަނގަޅަށް ވިސްނާ...
23 January 2019
"ސީދާ ފުލައިޓްދަތުރު ގަމަށް ފެށުމަށް" މިކަންވެސް ކުރެވޭނީ އައްޑޫ ރަނގަޅު ކޮށްގެން.
މެހެލާ
23 January 2019
ފިރާގު ބުނި 2017 ވަނައަހަރު ގަމުގެ އީކްއޭޓަރގައި ބޭއްވި ފޯރަމެއްގައި، 2018 ވަނަ އަހަރު އިތުރު އެއަރލައިނެއް ގަމަށް ދަތުރު ފަށާނޭވެސް. އޭރު އޮތީ ފިރާގުމެންގެ ސަރުކާރު. އެ ބުނި އެއާރލައިން ދަތުރު ނުފެށީ ކޮންކަމެއް ނުކޮށްދީގެންކަން ފިރާގު ސާފުކޮށްދީބަލަ. ނޫނީ ޔާމިން ކައިރިން އަހަން ވީތަ. ކޮންމެ ފަހަރަކު ތިގޮތަށް ޕޮލިޓިކަލް ސްޓަންޓް ޖައްސަން ނޫޅެ ތަންކޮޅެއް ޒިންމާދާރު ކަމާއި އެކު ގައުމަށް ވެސް ފައިދާއެއް ލިބޭގޮތަށް ތިކަން ރޭވިއްޔާ މާ ރަނގަޅުވާނެ.
މުޙައްމަދު ހާން
23 January 2019
ހަނިމާދޫ އެއަރޕޮރޓްއަށް ތަރައްޤީ ނުކުރަން މި އުޅޭނީ ކީއްވެބަ؟ ތިލަދުންމަތީ ނުވަތަ އުތުރުގެ ބަޔަކަށް އަޅާނުލާ ދޫކޮށްލަނީ ކީއްވެބަ؟ ހަނިމާދޫއިން ލަންކާއަށް ދަތުރުތައް ނުފަށަނީ ކޮންސަބަބެއް އޮވެެގެންބަ! އިންޑިޔާއަށް ދަތުރު ކުރާ ބީދާއިން ލަންކާއަށްވެސް ދަތުރުތައް ކުރެވެން ވާނެ! ރާއްޖެތެރެއަށް އަޅާލާނެ ވެރިއަކު ލިބޭނީ ކޮންދުވަހަކުންބާއޭ ހިަތައް އަރާ، އަހަރމަެން ގެ މަޖިލިހު މެންބަރަކު އަޅެ މިކަމާ ބަހެއްވެސް ނުބުނެއެވެ. ޖަޒީރާ ކޮބާއި،
8888
23 January 2019
ކީއްވެހޭ ކުއްޑޫއިން ކާޑެއްދޫއިން ސީދާ ގަމަށް ދަތުރު ނުފަށަ ތިޔަ އުޅެނީ. މާލޭގައި ފައި ނުބީއްސާ ބޭރަށް ދެވިދާނެތީހޭ މީގެ 50 އަހަރު ކުރިން ދިޔަ ގޮތަސ
މެހެލާ
23 January 2019
ދަތުރު މިހާރު ވެސް ކުރެޔޭ. އެހެން ނޫނަސް، ސްރީލަންކަން ގެ އިނދަޖެހިފައިވާ ވިޔަފާރި ނެގެހެއްޓުމަށް ދިވެހިސަރުކާރަށް އިނަރމޯލޑިވްސް ފިރާގަކަށްވިޔަސް ތިގޮތަށް ޕްރެޝަރ ކުރުމުގެ އެއްވެސް ޙައްގެއް ނޯންނާނެ. ސްރީލަންކަން އިން ގަމަށް ދަތުރުފަށައި މިހާތަނަށް އެ ކުރި ދަތުރުތަކުން ދިވެހި ދައުލަތަށް ވި ފައިދާއަށް ވުރެ ބޮޑީ ގެއްލުން. މިކަން އިނގޭނެ ފިރާގަށް ވަރަށް ރަނގަޅަށް.