19 ޖޫން 2020 - 13:46
41 comments
އައްޑޫ ގަން އިންޓަނޭޝަނަލް އެއާޕޯޓަށް ޝެޑިއުލް ދަތުރުތައް ބާއްވާ ބޭރުގެ ހަމައެކަނި އެއާލައިން ކަމަށްވާ ސްރީ ލަންކަން އެއާލައިންސްގެ ދަތުރުތައް ވެސް ކޮވިޑް-19 ގެ ސަބަބުން މެދުކަނޑާލާފައި އޮތް ނަމަވެސް ބޯޑަރު ހުޅުވާލުމަށް ފަހުގައި ވެސް އަލުން ދަތުރުތައް ފެށޭނެ ކަމުގެ ޔަގީންކަން ނެތް ކަމަށް ބުނެފި އެވެ.
އެއާލައިންސްގެ ރާއްޖޭގެ އޮޕަރޭޓަރު އޭސް އޭވިއޭޝަން މޯލްޑިވްސްގެ މެނެޖިން ޑިރެކްޓަރު މުހައްމަދު ފިރާގު (އިނަ މޯލްޑިވްސް ފިރާގު). ރޭ ވިދާޅުވީ އެ ކުންފުންޏާ ގުޅިގެން ސްރީލަންކަން އިން ގަމަށް ކުރަމުން އައި ދަތުރުތައް ކޮވިޑް-19 ގެ ސަބަބުން މެދުކެނޑިފައިވާއިރު އަލުން ބޯޑަރުތައް ހުޅުވާލުމުން ވެސް އެ ދަތުރުތައް ފެށޭނެ ކަމުގެ ޔަގީންކަން ނެތީ އެކަށީގެންވާ ވަރަށް ފަސިންޖަރުން ނުލިބޭތީ ކަމަށެވެ.
"ސަބަބަކަށް ބޮޑަށް ދިމާވެފައި ވަނީ އެކަށީގެން ވާ ވަރަށް ފަސިންޖަރުން ނުލިބުމާއި އައްޑު އަތޮޅު އެކަނި ހިމެނިގެން އެކަށީގެން ވާ އަދަދަށް ފަސިންޖަރުން ނުލިބޭތީ. މިއީ ފާއިތުވި ތިން އަހަރުގެ ތަޖުރިބާ އާއި ލިބުނު ގެލުމަށް ބަލާފައި،" ފިރާގު ޓްވީޓް ކުރައްވާފައިވެ އެވެ.
— Mohamed Firaq (@mohamedfiraq) June 18, 2020
ފިރާގު ކުރެއްވި ޓްވީޓް
އައްޑު އަތޮޅާއި ހުވަދު އަތޮޅު ޑޮމެސްޓިކް ދަތުރުތަކުން ގުޅައިލެވިއްޖެ ނަމަ އަލުން ގަމަށް ސްރީލަންކަންގެ ދަތުރުތައް ފެށިދާނެ ކަމަށް ވެސް އޭނާ ވިދާޅުވި އެވެ.
Sri Lanka airlines ge dhathuruthah Gamah huttaalaifaane kamuge biruboduvejje
The most trusted news source in the Maldives
Mihaaru
އެ ދަތުރުތައް ހުއްޓާލުމުގެ ބިރު ހީވުން
ފިރާގު ވިދާޅުވީ ކޮވިޑް-19 އިން އަރައިގަނެވުނުހާ އަވަހަކަށް މޯލްޑިވިއަންއިން ގަމަށް އިންޓަނޭޝަނަލް ދަތުރުތައް ފެށޭނެ ކަމަށް ވެސް އުންމީދު ކުރައްވާ ކަމަށެވެ.
ދަތުރުތައް ހުއްޓާލުމުން ކަންބޮޑުވޭ: ޕީޕީއެމް
އިދިކޮޅު، ޕީޕީއެމް/ޕީއެންސީން މިއަދު ނެރުނު ބަޔާނެއްގައި ބުނީ އެ ދަތުރުތައް ހުއްޓާލުމަކީ ކަންބޮޑުވުމެއް ކަމަށެވެ. އަދި އެ ދަތުރުތައް ހުއްޓުމެއް ނެތި ކުރިއަށް ގެންދެވޭނެ އިންތިޒާމު ހަމަޖެއްސުމަށް ވަނީ ސަރުކާރަށް ގޮވާލަައިފަ އެވެ.
"ޕީޕީއެމްގެ ރައީސް، ރައީސް އަބްދުﷲ ޔާމީންގެ ވެރިކަމުގައި ކޮލޮމްބޯ އާއި ގަމާ ދޭތެރޭގެ ދަތުރުތައް ފައްޓާފައިވަނީ އެ ދަތުރުތަކުގެ ސަބަބުން އައްޑޫ ސިޓީ އާއި ދެކުނު ގައި ދިރިއުޅޭ ރައްޔިތުންނަށް ރާއްޖެއިން ބޭރަށް ދަތުރު ކުރުމުގައި އިތުރު ލުއިތައް ހޯދާދިނުމުގެ މަގުސަދުގައި. އަދި އެ ސަރަޙައްދުގެ ޓޫރިޒަމް އިތުރަށް ވަރުގަދަކޮށް ތަރައްގީ ކުރުމާއި ވިޔަފާރިތަކަށް ވެސް ލުއި ފަސޭހަތައް ހޯދައިދިނުމުގެ ވެސް މަގުސަދުގައި،" ބަޔާނުގައިވެ އެވެ.
އެ ދަތުރުތައް ހުއްޓާލުމުން، އެ ސަރައްހަދުގައި ދިރިއުޅޭ ރައްޔިތުންނަށް ބައިނަލްއަގުވާމީ ދަތުރުތައް ކުރުމުގައި އިތުރު ދަތިތައް ކުރިމަތިވުމުގެ އިތުރުން، ރާއްޖޭގެ އިގުތިސާދަށާއި ޓޫރިޒަމަށް ވެސް ނޭދެވޭ އަސަރުތަކެއް ކުރާނެ ކަމަށް ބަޔާނުގައި ބުނެފައިވެ އެވެ.
ޔާމީންގެ ވެރިކަމުގައި ވެސް ސްރީލަންކަން އިން ވަނީ އައްޑޫ ދަތުރުތަކުން ގެއްލުންވާކަމަށް ބުނެ، ދަތުރުތައް ހުއްޓާލުމަށް މަސައްކަތްކޮށްފައި ކަމަށް ބަޔާނުގައި ބުނެފައިވެ އެވެ. ބަޔާނުގައިވާ ގޮތުން އޭރު އެކަން ހަމަޖެއްސީ، އެ އެއާލައިނަށް ގެއްލުން ނުވެ ދަތުރުތައް ކުރެވޭނެ އިންތިޒާމް ހަމަޖައްސާނެކަމުގެ ޔަގީންކަން ދީގެންނެވެ.
އެގޮތުން އެކަން ކުރުމަށް ހުވަދޫ އާއި އައްޑުއާ ދޭތެރޭ މޯލްޑިވިއަންއިން ޑޮމެސްޓިކް ދަތުރުތައް ފެށުމަށް ނިންމި ކަމަށް ވެސް ބުނެފައިވެ އެވެ. އަދި އެކަން އެގޮތަށް ކޮށްފި ނަމަ ސްރީލަންކަންގެ ދަތުރުތައް ހުއްޓާނުލައި ކުރެވޭނެ ކަމުގެ ޔަގީންކަން އެ އެއާލައިނުން ވަނީ ސަރުކާރަށް ދީފައި ކަމަށް ވެސް ބުނެފައިވެ އެވެ.
"ވީމާ ރައީސް ޔާމީންގެ ވެރިކަމުގައި ނިންމަވައި އިންތިޒާމުތައް ހަމަޖައްސަވާފައިވާ ގޮތަށް، ހުވަދު އާއި އައްޑޫ ސިޓީ ދޭތެރޭގެ ޑޮމެސްޓިކް ދަތުރުތައް ރާއްޖޭގެ ގައުމީ އެއާލައިން ފެށުމާއެކު، ކޮލޮމްބޯ އާއި ގަމާ ދޭތެރޭ ސްރީލަންކަން އެއަލައިންސް އިން ކުރަމުން ގެންދާ ބައިނަލްއަގުވާމީ ދަތުރުތައް ހުއްޓުމަކަށް ނައިސް ކުރިއަށް ގެންދެވޭނެ އިންތިޒާމުތައް ހަމަޖެއްސުމަށް ސަރުކާރަށް ގޮވާލަން،" ބަޔާނުގައިވެ އެވެ.
ގަމާއި ކޮލޮމްބޯއާ ދެމެދު ޝެޑިއުލް ދަތުރުތައް ފެށީ ޑިސެމްބަރު، 1، 2016 ގަ އެވެ. އެ ދަތުރުތަކުގެ ސަބަބުން އައްޑޫއިން މާލެ ނައިސް، ބޭސް ފަރުވާއަށާއި ވިޔަފާރި ދަތުރުތަކުގައި ރާއްޖެއިން ބޭރަށް ދެވެ އެވެ.
މީގެ ކުރިން ގައުމީ އެއާލައިން މޯލްޑިވިއަނުން ވެސް ގަމާއި ކޮލޮމްބޯއާ ދެމެދު ޝެޑިއުލް ދަތުރުތަކެއް ބޭއްވި އެވެ. ނަމަވެސް ގެއްލުންވާ ކަމަށް ބުނެ އެ ކުންފުނިން ވެސް ވަނީ ދަތުރުތައް ހުއްޓާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެޖެންޓާ 19
21 June 2020
މި ސަރުކާރުންވެސް ބޭނުންވަނީ ރިހޭ ފައިމައްޗަށް ފޮއި ވައްޓަން ނޫންބާ ؟ މިސަރުކާރު ވެރިކަމަށް ގެނައުމަށް މަރުފަލި ޖަހައި މަޖިލިސް ގެ ހުރިހާ ގޮނޑިއެއް ސަރުކާރަށް ދީލުވައިލި އައްޑޫ ރައްޔިތުންނަށް ޖެހިފައިވަނީ ބިކަހާލެކެވެ. ވެރިކަމަށް 2 އަހަރު ގުނެން ކާރިވި އިރު އިގުތިޞާދީ މަސައްކަތެއް ނުފެށުނުތާ އަތޮޅުގެ ގިނަ ރަށްރަށުގައި އަޅަންފަށާފައިވާ ފާޚާނާ ހޮޅިތައް ބޭނުން ކުރެވެނީ ކޮން ދުވަހެއްގައިބާވައެވެ. ގޯތިތަކުގައިވާ ސެޕްޓިކްޓޭންކް ނެގޭނެ ގޮތްވުން ބޭނުމެވެ.
ބެއްޔާ އައްޑޫ
21 June 2020
ޖަޒީރާ ރާއްޖެ އެއްގާ ފުރަމާލެ އާދެ ވެރިކަން ކުރާ ރަށަށް ތިޔަ ރައްޔިތުން ތޮއްޖެސުމުގެ ސިޔާސަތެއް ނުގެންގުޅޭނެ، އެހެންނަމަވެސް ބޭސްފަރުވާ އަށާއި މަތީ ތައުލީމަށާއި ވަޒީފާއާއި ގައުމުން ބޭރަށް ދާންވާނީ ފުރަމާލެ ބަލާލާފައި، ރާއްޖޭގެ ދެކުނާއި އުތުރު ގައި މާ ފުރިހަމަ ވަސީލަތްތަކާއި އެކު ޖަޒީރާ އާބަން ސެންޓަރު ތަކެއް ގާއިމު ކުރެވޭނެ، ޖަޒީރާ ރަށްތަކުގެ ނޭވާލާ ނިޒާމު ގުޅިފައި އޮންނާނީ ފުރަމާލެއާއި. ވަލްހަމްދުލިއްލާއި ވަރަށް ބޮޑަށް ޝުކުރިއްޔާ
ޙަސަންބެ4
20 June 2020
ގަމުން މާލެއަށް ސްރީލަންކަން ދަތުރުކުރެވޭ ގޮތަށް ހަދައިފިނަމަ އައްޑޫއަށްކުރާ ދަތުރު ހުއްޓާކަށް ނުޖެހޭނެ. ޖަޒީރާ ރާއްޖޭގައި ފަހަރެއްގަ މިކަން ނުވެދާނެ. ޜާއްޖެތެރެއަށް ތަރަށްގީވާން ފުރުސަތު ލިބިއްޖެނަމަ އެމްޑީޕީ ބޮޑުންނަށް ކުލިދައްކައިގެން ލިބޭ އެތިކޮޅު މަދުވެދާނެ.
އޮނަރަބްލް އަފީފު ދީދީ
21 June 2020
ހަސަންބެ، ތިކަންކުރާންވީ ޙަޤީގަތުގައި މޯލްޑިވިއަން. ޤައުމީ އެއަރލައިން މިހާރު ޗައިނާއަށް ކުރާދަތުރުގެ ރޫޓިންގ މާލެ-ގޭން-ޗައިނާ އަދި ރިޓާރން ޗައިނާ-ގޭން-މާލެއަށް ބަދަލުކުރުމުގެ އިތުރަށް ގޭން-މާލެ-ސިޑްނީ އާއި ސިޑްނީ-މާލެ-ގޭން- އަދި ސައުތުއެފްރިކާއަށް ދަތުރު ފައްޓައިފިނަމަ މޯލްޑިވިއަންއަށް ބޮޑު ތަރުޙީބެއްލިބި މިސެކްޓަރ ތަކުގައި ރަނގަޅު ލޯޑެއްލިބި ކާރގޯވެސް ލިބޭނެ. # މިދަތުރުތަކަށް ކުންފުންޏަށް A330 ގެ އިތުރު 2 ބޯޓް ހޯދުމަށްމަށް ސަރުކާރުން އެހީތެރިވެދޭންޖެހޭ.
ފުޑޭ
21 June 2020
ގަމާއި މާލެ އާއި ދެމެދު ސްރީލަންކަން ދުއްވާކަށް މޯލްޑިވިއަން އެއްބަހެއް ނުވާނެ. އެމީހުން މާލެ ކޮލަމްބޯ ދަތުރު ނުފައްޓައިގެން އުޅެނީ ވެސް ތިކަން ކުރާން ޖެހިދާނެތީ. އަދި ގަމަށް ޖެއްސުމަށް ސްރީލަންކަން އަތުން ނަގާ ޖާރޗް ކުޑަކުރާން ޖެހޭނެތީ. މޯލްޑިވިއަން އަކީ ވަރަށް ފާޑެއްގެ ބައެއް.
ސަމަދު / އައްޑޫ ސިޓީ
21 June 2020
މޯލްޑިވިއަން ގެ ވެރިން އެއްވެސް އިރެއްގައި ނުވިސްނާ ގަމުން ބޭރު ޤައުމަކަށް ދަތުރު ކުރާކަށް. އެމީހުން ބޭނުން ވަނީ ގެސްޓްމީހާ މާލެ އައުބުން ބޮއްކުރާ ގަޑުގައި ގަމަށް އުފުލަން. އަދި އޭނާގެ އަތުން 800 ޑޮލަރު ކޮޅަކަށް ނެގޭތޯ ބަލަން. މާލެއިން ޗެންނާއީ އަށާއި ބޮމްބޭއަށް ކުރާ ދަތުރު ތަކަކީ ގެއްލުން ދަތުރު ތަކެއް. އެއަށް ވުރެން ރަނގަޅު ވާނެ ގަމާއި މާލެއާއި ދޭތެރޭ އޭ 321 ގެ ބޯޓް ދުވާލަކު އެއްފަހަރު ބާއްވާ ގަމަށް ކާގޯ އުފުލޭނެ ގޮތް ހެދިޔަސް.
ބެއްޔާ އައްޑޫ
20 June 2020
އައްޑޫ އަކީ އެމްޑީޕީ ވެރިކަމަށް އަންނަން ކަތިލާ ކަންބަޅިއެއް. ރައީސް ޔާމީނު ކުރިކަމެއް ކޮށްފައި ރާއްޖޭގެ އެކި ސަރަހައްދުތަކުގައި ލޮލަށް ފެންނަ ގިނަ ކަންކަން ކުރި. މަމެންގެ ހެޔޮވެރިކަން ސަރުކާރަށް ކުރެވޭހާވެސް ކަމަކީ ފޮނި ވާހަކަ ދެއްކުން. އިދިކޮޅުގައި ތިބެ ކުޅޭ ސިޔާސީ ކުޅިވަރު ވެރިކަމާއި ހަވާޅުވީމަވެސް. ބޯހަލާކު. އައްޑޫއަކަށް ހެވެއް ނެތް ތިޔަ ރީނދުލަށް ސަޕޯޓްކޮށްގެނެއް. ކުރާނެކުރާނެ އަކުން ނުވާނެ. 2 އަހަރު ނިމެނީ އެއްކަމެއްވެސް ނުކުރެވި
މުޑަހަންޖާ
20 June 2020
200 މިލިއަންރުފިޔާގެ މަޝްރޫއެއް ބިޔަ މަޝްރޫއެއްކަމަށް ބަލަނީ ތިމާމެނަކީ ދެވަނަ ދަރަޖައިގެ މީހުންކަމަށް ބަލާތީ. ގުޅީކަނޑު ހިއްކަނީ 800 މިލިއަނަށް، ރާނާގުރޫޕަކަށް 2000 މިލިއަންދޭން ރެޑީވަނީ، އަނެއް ގުރޫޕަށް 800 މިލިއަން، މަދަރުސާ ހިންގާމީހާއަށް 200 މިލިއަން، ޕޯޓު 7000 މިލިއަން، ހުޅުމާލޭ ރަށުމެދުގަ 4 ބުރިޖު 1200 މިލިއަން، މިވަރު ގައުމެއްގަ 200 މިލިއަން އެއީ ހަތްޕުނޑު.
ދެއްވަދޫ
20 June 2020
ކޮބާ އައްޑޫގައި ފަށާ 200 މިލިއަން ރުފިޔާ ގެ ބިޔަ މަޝްރޫޢު ؟
އަދުރޭ.
20 June 2020
ޙަޤީގަތުގައި ފަތުރުވެރިކަމަށް އެންމެ ރަނގަޅު ރީތި ރަށްތައް ހުރީ ހުވަދޫ ލާމް އަދި ތ. އަތޮޅުގައި. މި 3 އަތޮޅުގެ ޓްއަރިޒަމް އަވަސް މިނެއްގައި ކުރިއަރައިދާނީ މިހާރުވެސް އެންމެ ބޮޓެތި ބޯޓްތައް ކަމަށްވާ އޭ 380 ޖެއްސޭވަރުގެ ބޮޑު ރަންވޭއެއްއޮތް ގަމުގެ ވަސީލަތް ފުރިހަމަކޮށް ބައިނަލްއަޤުވާމީ ދަތުރުތަކަށް އާންމުކޮށް ގަން ހުޅުވާލައިގެން. ޔޫރޮޕާއި ޗައިނާ އަދި އޮސްޓްރޭލިއާ ޖެޕާނުން ގަމަށް ދަތުރު ފައްޓައިފިނަމަ މުޅި ސަރަހައްދަށް ދިރުންލިބި އިޤުތިސޯދު ފުޅާވާނެ.
ސީނު.
20 June 2020
މާލޭ އެއަރޕޯޓުން ނަގާ ޗާރޖް ތަކާއި ފެސެންޖަރުންގެ އަތުން ނަގާ ޓެކްސް ތައް ގަމުގެ އެއަރޕޯޓުން ނެގުން ހުއްޓާލާ މާލެއަށް ވުރެން އަގުހެޔޮކޮށް ޖެޓް ފިއުލް ވެސް ލިބޭނެގޮތް ހަދާދޭންޖެހޭ. އެއްވެސް ހިދުމަތެއް ކަމެއްނެތް ގަމުން މާލެއާއި އެއްވަރު އަގުތަކެއް ފެސެންޖަރުންނާއި މިތަނަށް ޖައްސާ ފްލައިޓް ތަކުން ނެގެމަކީ އިންސާފެއްނޫން.
އޮނަރަބްލް އަފީފު ދީދީ
20 June 2020
ގޭންއެއަރޕޯޓް އޮޕަރޭޝަނަށް ގެނެސްގެންމެނުވީ އައްޑުއާއި ދެކުނުގައި އިޤްތިސޯދީ އެއްވެސްހަރަކާތެއް ކާމިޔާބުނުވާނެ. # އައްޑޫގައި ސިޓީހޮޓަލާއި، މެޑިކަލް ޓްއަރިޒަމް، އެއަރކްރާފްޓް މެއިންޓަނެންސްއާއިއެކުހިންގާ ފްލައިޓް ޓްރެއިނިންގ އެކަޑަމީއާއި ހޮސްޕިޓަލިޓީ އެންޑް ހޮޓެލް މެނޭޖްމަންޓް އަދި އެންވައަރމެންޓް އެންޑް އިކޯލޮޖީ ރިސާރޗް ސެންޓަރ ތައް ފަދަ ހަބަކަށް އައްޑޫ ހެދުމަށްޓަކާވެސް ހުވަދޫގައި ޓްއަރިޒަމް ފުޅާކޮށް ހެޔޮއަގުގައި ގަމަށް ދަތުރުކުރެވޭނެގޮތެއް ހޯދާންޖެހޭ.
ރެޓޭ
20 June 2020
ވަރަށް ސާފުކޮށް މި ބުނަނީ އައްޑޫއަކީ ފަތުރުވެރިކަ މުގެ މުސްތަގުބަލެއް އޮތްތަނެއް ނޫން! އައްޑޫއަށް އަންނަ ފަތުރުވެރިންނަނަށް " މޯލްޑިވްސް" ފީލެއްނުވޭ! އައްޑޫގަ ކުރަންވީ ކަ މަކީ ފުޅާދާއިރާއެއްގައި ދަނޑުވެރިކަން ކުރަންވީ، ޒަ މާނީ ޓެކްނޮލްޖީ ބޭނުންކޮށްގެން! މމީގެ އިތުރުން ގާރ މަންޑު ފެކަޓުރީއާއި ބޮޑެތި ބޯޓުފަހަރު ބަންނަ ކާރުޚާނާ ހަދަން ހުޅުވާލަންވީ! ކޮން މެ ތަނެއްގައިވެސް ކުރެވޭނީ އެތަނެއްގެ މާހައުލާއި ގުޅޭކަންކަން!