އައިއެންއައިއޭގެ އާ އިންޓަނޭޝަނަލް ޕެސެންޖަ ޓާމިނަލް ބިލްޑިންގުގެ މަޝްރޫޢު ފަށަން މިދިޔަ މޭ 21 ވަނަ ދުވަހުގެ ރޭ އޮތް ރަސްމިއްޔާތުގެ ތެރެއިން.،.-- ފޮޓޯ: ރައީސް އޮފީސް
23 އޯގަސްޓް 2016 - 11:32
15 comments
އިބްރާހިމް ނާސިރު އިންޓަނޭޝަނަލް އެއާޕޯޓް (އައިއެންއައިއޭ)ގެ އާ ޓާމިނަލް އަޅަން ސައުދީ ފަންޑު ފޯ ޑިވެލޮޕްމަންޓް (އެސްއެފްޑީ) އިން ދޭ 100 މިލިއަން ޑޮލަރު (1.5 ބިލިއަން ރުފިޔާ)ގެ ލޯނު އެއްބަސްވުމުގައި މި މަހު ފަހުކޮޅު ސޮއިކުރެވޭނެ ކަމަށް ފިނޭންސް މިނިސްޓްރީން ބުނެފި އެވެ.
އެ މިނިސްޓްރީން ބުނީ އެއާޕޯޓް ތަރައްގީކުރަން ނަގާ ލޯނާ ގުޅޭ މަޝްވަރާތަކެއް މިދިޔަ އާދިއްތަ ދުވަހު މާލޭގައި ބާއްވާފައިވާ ކަމަށެވެ. އެ ބައްދަލުވުމުގައި ސައުދީ ފަންޑުގެ ފަރާތުން އިސް ބޭފުޅެއްގެ ގޮތުގައި ބައިވެރިވެވަޑައިގެންނެވީ އަބްދުﷲ އަލް ސިދުގީ އެވެ.
އެ ބައްދަލުވުމުގައި އެއާޕޯޓްސް ކޮމްޕެނީގެ ސީއީއޯ އާދިލް މޫސާ އާއި ފިނޭންސް މިނިސްޓްރީގެ އިސް ބޭފުޅުން ބައިވެރިވެވަޑައިގެންނެވި އެވެ.
އެއާޕޯޓްގެ ޓާމިނަލް ތަރައްގީކުރަން 100 މިލިއަން ޑޮލަރުގެ ލޯނެއް ހޯދަން ސައުދީ ފަންޑާ އެކު އެމްއޭސީއެލް އެމްޑީ އާދިލް (ކަނާތުން ދެ ވަނަ) އަދި ފިނޭންސް މިނިސްޓްރީގެ އިސް ބޭފުޅުން މިދިޔަ އާދިއްތަ ދުވަހު ބައިވެރިވެވަޑައިގަންނަވަނީ. ފޮޓޯ: ފިނޭންސް
ސައުދީ ފަންޑުން ދޭ 100 މިލިއަން ޑޮލަރުގެ ލޯނު އެއްބަސްވުމުގައި ސޮއިކުރަން ނިންމިއިރު މިމަހުގެ ކުރީކޮޅު ވަނީ ކުވައިތު ފަންޑުން ދޭ 50 މިލިއަން ޑޮލަރުގެ ލޯނު އެއްބަސްވުމެއްގައި ވެސް ސޮއިކޮށްފަ އެވެ.
ފިނޭންސް މިނިސްޓްރީން ބުނީ އެއާޕޯޓް ތަރައްގީކުރުމުގެ މަޝްރޫއަށް އޯޕެކް ފަންޑު ފޯ އިންޓަނޭޝަނަލް ޑިވެލޮޕްމަންޓް (އޯފިޑް) އަދި އަބޫދާބީ ފަންޑު ފޯ އިންޓަނޭޝަނަލް ޑިވެލޮޕްމަންޓް (އޭޑީއެފްޑީ) އިން ވެސް ލޯނު ދޭނެ ކަމަށް ލަފާކުރެވޭ ކަމަށެވެ.
އަހަރަކު ގާތްގަނޑަކަށް ހަތް މިލިއަން ފަސިންޖަރުންނަށް ހިދުމަތް ދެވޭ ފެންވަރުގެ ޓާމިނަލެއް އެޅުމުގެ މަސައްކަތް ގާތްގަނޑަކަށް 300 މިލިއަން ޑޮލަރަށް ސައުދީ އަރަބިއްޔާގެ އެންމެ ބޮޑު ކޮންސްޓްރަކްޝަން ގްރޫޕް، ބިން ލާދިން ގްރޫޕާ ވަނީ މި އަހަރުގެ މެއި މަހު ހަވާލުކޮށްފަ އެވެ.
އެމްއޭސީއެލް އިން ބުނެފައިވާ ގޮތުގައި މިހާރު ހުރި އިންޓަނޭޝަނަލް ޓާމިނަލަށް ވުރެ ތިން ގުނަ ބޮޑު އާ އިމާރާތުގައި ޒަމާނީ ފެންވަރުގެ ވަސީލަތްތައް ގާއިމްކުރާނެ އެވެ. އެގޮތުން ހަ އެއިރޯ ބްރިޖާއި އެންމެ ޒަމާނީ ބެގޭޖް ހޭންޑްލިން ސިސްޓަމެއްގެ ހިދުމަތް ވެސް ފޯރުކޮށްދޭނެ އެވެ.
"އަޅުގަނޑުމެން މިދައްކަނީ 80،000 އަކަ މީޓަރު ބޮޑު އޭރިއާއެއްގެ ވާހަކަ. މިހާރަށް ވުރެ ފެސިލިޓީސްތައް ވެސް ގިނަވާނެ،" އެމްއޭސީއެލްގެ މެނޭޖިން ޑިރެކްޓަރު އާދިލް ކުރިން ވިދާޅުވެފައިވެ އެވެ.
އޭނާ ވިދާޅުވި ގޮތުގައި މުޅިން އާ ޓާމިނަލެއް އަޅާއިރު، ވަރަށް ރީތި ޖެޓީތަކެއް ވެސް ހަދާނެ އެވެ. މޫދަށް ޖައްސާ މަތިންދާ ބޯޓުތަކަށް ހާއްސަ ސަރަހައްދެއް ގާއިމްކުރާނެ އެވެ. މިހާރު އެއާޕޯޓުގައި އާންމުކޮށް ބޭނުންކުރަނީ ތިން ގޭޓް ކަމަށް ވާއިރު، އާ ޓާމިނަލްގެ މަޝްރޫއުއާ އެކު އެ އަދަދު 10 އަށް އިތުރުވާނެ އެވެ.
އިންޓަނޭޝަނަލް އާ ޓާމިނަލް ހަދަނީ، މިހާރުގެ ޓާމިނަލާ އިންވެގެންނެވެ. އާ ޓާމިނަލްގެ މަސައްކަތް ނިމޭނެ ކަމަށް އެމްއޭސީއެލް އިން ލަފާކުރަނީ 3-4 އަހަރުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައްތާހު
23 August 2016
ބޮޑުންތައް ކަޓު ނަގާނެ ކަން ޔަގީން
ސަޢީދު
23 August 2016
ގައުމުގެ ކުރިއެރުމައް އެއަރޕޯރޓް ތަރައްގީވުން ވަރަށް މުހިންމު.
ބްލެޑަރ
23 August 2016
ލޯނު ނަގައި އެއިން އިސްރާފް ކުރާބައެއް މއސލ އަކީ... އެންމެ ފަހުން ހެދި ދެ ޓާމިނަލް ގުޅުވައިދޭ ވޯރކްވޭ އަކީ 3.8 މިލިއަން ރުފިޔާ ހަރުދު ކޮށްގެން ހާވާފައިވާ ހަޑިއެއް... ވެހޭހާ ވާރޭ ދޭހާ އަތްވެއް އެތަނަށް ދޭ
މެންޓަލިސްޓް
23 August 2016
ބަލަތިޔަ އެއަރޕޯޓްހަދަން ކިތަށްތަނުން ލޯންނަގައިފިންތޯ ؟ ކުވެއިތު ފަންޑް ، ސައޫދީ ފަންޑް ، އެންމެކުރީންކީ 800 މިލިއަންޑޮލަރުގެ ޕްރޮޖެކްޓްއަށް ފައިސާދެނީ ޗައިނާއިންކަމަށް ، ވީމާ ތިޔައީ ހުސްހޮޅިވާހަކަ ، ބޭނުމަކީ މިހާރު ވެރިކަންވެއްޓޭވާހަކަ އެންމެންދައްކާތީވެ އެވާހަކަތަށް ފޫބައްދާ އަދި އެގޮތަށް ވިސްނަމުންދާ ސިފައިންނާއި ފުލުހުންގެ ވިސްނުންބަދަލުކުރުން ، އެހެންވެ ކުރަމުން ގެންދާކަމެށްތީ ،،، ހުސްބޮޑެތި ދޮގު
މެންޓެލި
23 August 2016
ޗައިނާ އިން ލޯނު ދިނާ އައާޕޯޓަށް ބޭނުންވާ އިތުރު ބިންހިޢްކުމަށާ، އަލށްހަދާ ރަންވޭ ހެދުމަށާ، ޢޭޕްރަން ބޮޑުކުރުމަށާ، ފިއުލްފާމާ، ކާގޯކޮމްޕްލެކްސް އާއި މިހެންގޮސް ބައިވަރު ކަންތަކަކާށް. އޭލޯނުގަޢި ޢާ ޕެސެންޖަރ ޓަރމިނަލް ނުހިމެނޭ. ޓަރމިނަލް ހަދަން ލޯނުދެނީ ސައޫދީ، ކުވެއިތު އަދި ބައެއް އެހެން އަރަބި ފަންޑު ގުޅިގެން. މާލޭ އިބރާހިމް ނާސިރު އިންޓަނޭށަނަލް އެއާޕޯޓު މަސްރޫއު އަކީ ބިޔަ މސްރޫއެޢް. ރާއްޖެ ދުވަހަކުވެސް ނުދެކޭ ވަރުގެ ބޮޑު މަސްރޫއުގެ ސަބަބުން މިސަރަހައްދުގަ ނެތް ފެންވަރުގެ ރީތި މޮޅު ބޮޑު އިންޓަނޭށަނަލް އެއާޕޯޓެއް ތިން އަހަރުުތެރޭ ހުޅުވިގެން ދާނެ!
ހާދާލު
23 August 2016
މަތިމަށްޗައް ދަރަނި........ނަގާފަ ބަހައްޓާ
ދެރަސޮރު
23 August 2016
ތަރައްޤީއަށް ލޯނުނެގުން ރަނގަޅުވެގެން މިހާރު ބައެއް ފަރާތްތަކުން ވާހަކަ ދައްކާއިރު، ރައީސް މުޙައްމަދު ނަޝީދުގެ ވެރިކަމުގައި ރައްޔިތުންގެ މަޖިލީހުގެ ހުއްދަނެތި ޤައުމުގެ ތަރައްޤީއަށް ލޯނުނެގުން މަނާކުރީ ކީއްވެ؟ އޭރު ގޮސްވި ކަމެއް މިހާރުވެސް ގޯސްވާނެ ވަކި މީހަކު ރައީސްކަމަށް އަރާފައި ޤައުމުގެ އަންނަންއޮތް ޖީލުތައް ދަރުވާލުމަކީ ބޮޑުވެގެންވާ އަނިޔާއެއް.
ރައްޔިތުން ހޮވާ މަޖިލިސް
23 August 2016
ކޮންމެ ރައީސަކު ކުރެއްވިޔަސް ރަނގަޅު ކަމެއްވާނީ ރަނގަޅު. ރައީސް ނަސީދުވެސް ކުރެއްވި ރަނގަޅު ކަންކަމާ ގޯސް ކަންކަން ހުންނާނެ. މައްސަލައަކީ ރައްޔިތުންގެ މަޖިލިހޭ ކިޔާފަ ހޮވާފަ ތިބޭ ބޭފުޅުން ޒިމްމާ ހެޔޮގޮތުގަ އަދާނުކުރަނީ. ވެރިކަން ކުރާ ޕާޓީ އަށް މެޖޯރިޓީ އޮތިއްޔާ ވެރިކަން ދިފާއުކުރުން. އިދިކޮޅު ބޭފުޅުންނަށް މެޖޯރިޓީ އޮތިއްޔާ ސަރުކާރށް ޖެއްސުން ކުރުން. ވެރިޔަކަށް ހޮވާފަ ހުންނަ ބޭފުޅަކަށް ރައްޔިތުންނަށް ޚިދުމަތް ކުރަން ފުރުސަތު ދޭންވާނެ!.
ލައިޓް
23 August 2016
އާ ޓާރމިނަލް އަޅަން ބޭނުންވާ ލޯން ސައުދީ ސަަރުކާރުގެ މަދަދާއި އެކު ސައުދީ ދީލަތި އެހީގައި ލިބެނީ އެވެ. ދެން މިކަމުގެ އެންމެ ބޮޑު ފައިދާ އެއް ކުރާނީ ކުޑަ ހެންވޭރު ކުދިންނަށެވެ. އަވަހަށް ކުޑަ ހެންވޭރު ކުދިން ހުޅުލެ އެއާރޕޯރޓް ގައި އަޅާ މަލްޓި ސްޓޯރީ ބިލްޑިންގް އިން ޖެނެރަލް ކޭޓެރިން ސާރވިސެސް ދިނުމަށް ޓަކައި އެތަނުން ބްލޮކް އެއް ނަގައިގެން އެތަނުގައި ކޭޓަރިންގެ ޚިދްމަތް ދޭން ފަށަންވީއެވެ. އެއިރަށް ތިކުދިން ބަދަލުވެގެން ދާނެ މިލިއަނަރުންނަށް. މިކަން ކުރެވޭނީ ތިކުދިން ސަރުކާރުގެ އަތުގައި ހިފައިގެން ނެވެ.
ހޭވްއިޓް
23 August 2016
ހުޅުލެ އެއާރޕޯރޓް މުޅިން އަޕަރ ސްޓްރީމް އަށް ބަދަލު ވެގެން ދަނީ އެވެ. ހުޅުލެ އެއާރޕޯރޓް އަމިއްލަ މަސައްކަތުން އެފަރޓް ލައިގެން ތަރައްގީ ކުރަން ރަންރީނދޫ ކުދިންގެ ވެރިކަމުގައި އެކުދިންނަށް ނޭގުނެވެ. އެކުދިންގެ ވެރިކަމުގައި އޮތް އިކޮނޮމިކް ކައުންސިލަކީ އެއީ ހިކަނދިފަތާއި ރާނބާ ފަށް އެކަނި ވިއްކުމުގެ އިކޮނޮމީ ދަންނަ ކުދިންނަށް ވާތީވެ އެކުދިން އިންޑިއާގެ ފަގީރު ކުންފުންނަކަށް އެއާރޕޯރޓް ވިއްކާލަން ނިންމީ. މިހާރު މަމެން ޕިންކް ކުދިންގެ ވެރިކަމުގައި މިދަނީ އެއާރޕޯރޓް އެއީ ދުނިޔޭގައި ހުރި ހަމަ އެކަނި އޯވަރ ވޯޓރ ރެސްޓޯރަންޓް ހުރި އެއާރޕޯރޓް ކަމުގައި ވެގެން ދަނީ އެވެ. މިފަހަރު މިއެއާރޕޯރޓް ހުޅުވަން ގެންނާނީ މައިލްގެ ކުދިން ކަމުގައިވާ ޕްރިންސް ޕެރިސް އަދި ބްލެންކެޓް އެވެ. އެއިރުން ރަންރީނދޫ ކުދިން ވެސް އުފަލުން މަމެން ޕިންކް ކުދިންނާއި އެކު ދާނެ ޕެރިސް އާއި ޕްރިންސް އާއި އަދި ބްލެންކެޓް އަށް ވެލްކަމް ސީން އެއް ދިނުމަށް ޓަކައި. އިޒިންޓް އިޓް އެމޭޒިން އެން މާރވެލަސް އެން ވޮންޑަރފުލް. ހޭވް އަ ނެވަރލޭންޑް ޓްރެންޗް ފީލިންގް..
ކަޅޭ
23 August 2016
މިދާރޭޓުން ލޯނުތައްނަގަމުން ދާކަމަށްވާނަމަ މުޅިގައުމު ދުވަސްކޮޅަކުން ފެންނާނީ ބެންކްރަޕްޓް ވެގެން ލޯނުތައްއަބުރާ ނުދެއްކިގެން ޗާއިނާ ނުނީ ސައުދީ އަށް ގައުމު ނަަގާތަން.....
ޝަހާމު މައުމޫން
23 August 2016
ވަރަށް ގާބިލް އަދި ތަޖްރިބާކާރު ޓީމެއް ފަހަތުގައި އޮވެގެން ލޯނުތައް ނަގަމުންދަނީ. ޤައުމު ތަރައްގީކުރުމަށްޓަކާ ލޯނު ބޭނުންވޭ. އަދި ލޯނު ދޭފަރާތުންވެސް އެލޯނެއް މިދޫކުރަނީ އަދާކުރެވޭނެ މެކެނިޒަމްތައް ހުރިނެތްގޮތެއް ބަލާ ވަރަށް ޔަގީން ކުރުމަށްފަހުގައި. އޭގެ ތެރޭގައި ކުރީގެ ފައިނޭންސް މިނިސްޓަރުން ކަމަށްވާ އާރިފް ހިލްމީ އާއި، ޖަލީސް އަދި ޖިހާދު ފަދަ ބޭފުޅުން ތިއްބަވާ. ކޮންމެހެން ލަންކާގައި ދިމާވިގޮތެއް ރާއްޖެއަށް ވާކަށެއް ނުޖެހޭ. ލަންކާއަކީ އާބާދީ ބޮޑު ގައުމަކަށްވުމާއެކު ރައްޔިތުންގެ ނީޑްސް ތައް ހޯދާދިނުމަށް އާދަޔާ ހިލާފު އަދަދަކަށް ލޯނުތައް ނަގާ ކަންކަން ކުރަމުންދަނިކޮށް ވެރިކަން ވެއްޓުނީމާ، ދެން އެރިމީހުންނަށް އެ ހިންގަން ނޭނގުނީ. ލަންކާއިން ތިބްރަތެއް ހޯދާނަމަ ހޯދޭނީ، މިވެރިކަން އަދި އިތުރު 5 އަހަރަށް ގެންގޮސް ދިނުމުގެ މުހިންމުކަން. އޭރުން ކިރިޔާ މިލޯނުތައް އަދާކުރެވޭނެ އުކުޅުތައް ތަންފީޒު ކުރެވި، ޤައުމު ތަރައްގީގެ މައިދާނުގައި މިސަރަހައްދުގެ ބާރަކަށް ވެގެންދެވޭނީ....!
ސަހަރޯ
23 August 2016
ކަމެއްކުރިޔަސް ގޯސް....ނުކުރިޔަސް ގޯސް! ބަލަ ތަރައްގީ އަށްޓަކައި ލޯނުނެގުމަކީ އެއްވެސް މައްސަލައެތް ނޫން. ލޯނު ނުނަގައި ދިވެހިން މިބޭނުން ވާހާކަންކަން ފުރިހަމަ ކުރާނެ ގޮތެއް ކިޔާދީބަލަ! ދިގުމުއްދަތަށް ބަހާލައިގެން ކުޑަ ކުޑަ އިންޓަރެސްޓެއް ދައްކާ ގޮތަށް ހޯދާ ލޯނަކީ ދިވެހިން ކެތްމަދުވެފަ ތިބި ތަރައްގީ ކުރުމުއްދަތެއްގެ ތެރޭގަ ހަގީގަތަށް ހަދާލެވޭނެ ހަމައެކަނި ގޮތް. އަދިކިޔެއްތަ....ދުނިޔޭގެ ހުރިހާ ގައުމަކުންވެސް މިފަދަ މަސްރޫއު ހިންގާ ގޮތް! ވަކިލާރި އެއްކޮށްގެންނޫން! އަދި ނުއަގުގަ ބޭރުކުންފުނިތަކަށް ދީގެނއްވެސް ނޫން!
ޑްރީމް
23 August 2016
އެއާރޕޯރޓްގެ އާ ޓާރމިނަލް އަޅަން ސައުދީ ފަންޑް އިން ދޭ ލޯން އެހީގައި ސޮއިކުރެވިގެން ދިޔަ ކަން އެއީ ހެޕީ ނިއުސް އެވެ. ސައުދީ އެރެބިޔާ އޮތިއްޔާ ދެން މަމެން ޕިންކް ކުދިން ހާސްވާން ޖެހޭ އެއްކަމެއް ވެސް ދިމާ ނުވާނެއެވެ. ސައުދީ ރަސްގެ ފާނު އެއީ ޕިންކް ސަރުކާރަށް ވަރަށް އަޅާލާ ވަރަށް ދީލަތި ރަސްގެފާނެކެވެ. ހުޅުލެ އެއާރޕޯރޓް ސިންގަޕޯރގެ ޗަންގީ އަށް ވުރެން ރަނގަޅު ފެންވަރެއްގައި ހެދި އަދި ހުޅުލެ އެއާރޕޯރޓް އެއީ ސާރކް ސަރަހައްދުގައި އޮތް ހަމައެކަނި ލިޓިލް ޗަންގީ އެއާރޕޯރޓް ކަމުގައި ވެގެން ދިއުމަކީ އެއީ މަމެން ޕިންކް ކުދިން ދެކޭ ހުވަފެނެކެވެ. މިހުވަފެން ހަގީގަތަކަށް ވެގެން ދަނީ އެވެ. މީ މަމެންގެ ޑެސްޓިނޭޝަން އަކީ. މަމެން ޕިންކް ކުދިންގެ ހުވަފެން ހަގީގަތަކަށް ވަނީ އެވެ. މަމެންގެ ހުވަފެނެއްވޭ، ހުވަފެނެއްވޭ، ހުވަފެނެއްވޭ.. އައި ހޭވް އަ ޑްރީމް.. އައި ހޭވް އަ ޑްރީމް..