އދ. ގެ ސަލާމަތީ މަޖިލީހުގެ ރޭގެ ބައްދަލުވުމުގައި ޝާހިދު ވާހަކަ ދައްކަވަނީ.
26 ޖެނުއަރީ 2019 - 12:07
55 comments
މޫސުމަށް އަންނަ ބަދަލުތަކުގެ ސަބަބުން ނޭދެވޭ އަސަރު ރާއްޖެ އަށް ފޯރައި، ދިވެހިންގެ އަތުން ރާއްޖެ ބީވެގެން ހިނގައިދާނެ ކަމަށް ވިދާޅުވެ، ދުނިޔޭގެ މޫސުމަށް އަންނަ ބަދަލުތަކުގެ ނުރައްކާ ރާއްޖެ ފަދަ ކުދި ގައުމުތަކަށް އޮތް މިންވަރު، ފޮރިން މިނިސްޓަރު އަބްދުﷲ ޝާހިދު ރޭ ހާމަކުރައްވައިފި އެވެ.
މޫސުމަށް އަންނަ ބަދަލުތަކާ ބެހޭ ގޮތުން އދ.ގެ ސަލާމަތީ މަޖިލީހުގައި ޝާހިދު ވިދާޅުވީ މޫސުމަށް އަންނަ ބަދަލުތަކަކީ ރާއްޖޭގެ ސަލާމަތަށް ހުރި ނުރައްކަލެއް ކަމަށެވެ. މޫސުމަށް އަންނަ ބަދަލުތަކުގެ ސަބަބުން މުރަކަތައް ހަލާކުވެ، ސާފު ފެނާއި ލޮނު ފެން އެކުވެ، ތަޣައްޔަރުވަމުންދާ ކަމަށް އޭނާ ވިދާޅުވި އެވެ. އަދި ރާއްޖޭގެ މަސްވެރިކަމަށް ވެސް ބޮޑެތި އަސަރުތަކެއް ކުރަމުންދާ ކަމަށް އޭނާ ވިދާޅުވި އެވެ.
ޝާހިދު ވާހަކަ ފެއްޓެވީ އެމެރިކާގެ ނިއުޔޯކަށް ފުރާވަޑައިގަތުމުގެ ކުރިން ވެލާނާ އިންޓަނޭޝަނަލް އެއާޕޯޓުން ދިމާވި ފަސް އަހަރުގެ އައިޝާ ނަމަކަށް ކިޔާ އަންހެން ކުއްޖަކާ ބައްދަލުވެ، ދެކެވުނު ވާހަކައިންނެވެ.
"އަޅުގަނޑު ހިތާ ސުވާލުކޮށްލެވުނު އަޅުގަނޑުމެންނަށް ކޮންމެވެސް ބޭނުންތެރި ކަމެއް ކުރެވިދާނެބާއޭ މި ކުޑަ ކުއްޖާ އަށް. އެ ކުއްޖާ އަށް އެހީތެރިވެ، އޭނާ ދެކޭ ހުވަފެންތައް ހަގީގަތަކަށް ހެދޭނެބާއޭ. އެ ކުއްޖާ ބޭނުންވާ މުސްތަގުބަލް ހޯދައިދެވިދާނެބާއޭ. އެއީ އަމާން، ރައްކާތެރި މާހައުލެއް،" ޝާހިދު ވިދާޅުވި އެވެ.
"މިހާރު ދުނިޔޭގައި އޮތް ހާލަތަށް ބަލާއިރު، (މުސްތަގުބަލެއް ހޯދައިދެވޭކަށް) ނެތް."
މޫސުމަށް އަންނަ ބަދަލުތަކާ ބެހޭ ގޮތުން އދ. ގެ ސެކިއުރިޓީ ކައުންސިލްގައި 2007 ވަނަ އަހަރު ދެއްކެވި ބައެއް ވާހަކަތައް ތަކުރާރު ކުރައްވައި، ޝާހިދު ވިދާޅުވީ މޫސުމަށް އަންނަ ނޭދެވޭ ބަދަލުތަކުގެ ސަބަބުން ކަނޑުގެ ލޮނުގަނޑު ބޮޑުވެ، ރާއްޖެއަށް އެތައް ގެއްލުމެއް ލިބެމުންދާ ކަމަށެވެ.
ޝާހިދު ވިދާޅުވީ، ކަނޑުގެ ލޮނުގަނޑު ދެ މީޓަރަށް އުފުލޭ ހިސާބުން ރާއްޖެ އަޑިއަށްދާނެ ކަމުގެ ބިރުހީވެފައިވާ ކަން، އޭރު ވެސް އދ. ގެ ސަލާމަތީ މަޖިލީހުގެ ސަމާލު ކަމަށް ގެންނެވި ކަމަށެވެ. އަދި މިއަދު ވެސް އެ ވާހަކަ ތަކުރާރު ކުރަން ޖެހިފައިވާ ކަމަށް އޭނާ ފާހަގަ ކުރެއްވި އެވެ.
ރާއްޖެ އަޑިއަށް ދާނެ ކަމުގެ ބިރު ހީވެފައިވާ ކަމަށް ހާރިޖީ ދާއިރާގައި ގިނަ ދުވަހު މަސައްކަތް ކުރެއްވި ޝާހިދު އެ ވިދާޅުވީ، މޫސުމަށް އަންނަ ބަދަލުތަކާ ގުޅިގެން ކަނޑުގެ ލޮނުގަނޑު ބޮޑުވާނެ ކަމަށް ސައިންސްވެރިން ކޮށްފައިވާ އަންދާޒާ އަށެވެ. ރާއްޖެ އަކީ ދުނިޔޭގެ އެންމެ ތިރި ގައުމެވެ.
"ކައުންސިލްގައި 12 އަހަރު ފަހުން އަނެއްކާ ވެސް މި ވާހަކަތައް އަލުން ތަކުރާރު ކުރަން މި ޖެހޭއިރު، އަޅުގަނޑުމެންގެ މުސްތަގުބަލު އޮތީ ހިޔާލު ވެސް ނުކުރާހާ ގޯސްކޮށް،" ޝާހިދު ވިދާޅުވި އެވެ.
ޕެރިސް އެއްބަސްވުމަށް އިޝާރާތް ކުރައްވައި، ޝާހިދު ވިދާޅުވީ އެއްބަސްވުމުގައި ބުނާ ކަންކަން ހާސިލް ކުރުމަށްޓަކައި ދުނިޔޭގެ އެކި ގައުމުތަކުން މަސައްކަތް ކުރަން ޖެހޭ ކަމަށެވެ.
ކޮޕް 24 ސަމިޓް ގައި ގައުމުތަކުގެ ލީޑަރުން އެއްބަސްވެފައިވާ ކަންތައްތަކުގެ ތެރެއިން, ދުނިޔޭގެ ހޫނުމިން ދެ ޑިގްރީ އަށް ދަށް ކުރެވޭނެ ކަމަށް ގަބޫލު ކުރައްވާ ކަމަށް ވެސް ޝާހިދު ވިދާޅުވި އެވެ.
"އަޅުގަނޑުމެން އަބަދު ކެތްކޮށްގެން ތިބެވޭކަށް ވަގުތެއް ނެތް. (މޫސުމަށް އަންނަ ބަދަލުތަކަށް ދުނިޔޭގެ ފެންވަރުގައި) ހައްލެއް ގެނެސް، ފިޔަވަޅުތަކެއް އަޅަން ޖެހޭ. އަޅުގަނޑުމެން އެއްބަސްވާން ޖެހޭ މިކަމުގެ ސަބަބުން ދުނިޔޭގެ ސުލްހައަށާއި ސަލާމަތަށް އަސަރު ކުރާކަން،" ޝާހިދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
27 January 2019
މިއީ ދުނިޔެމަތީ ސުވަރުގެއޭ ކިޔާ މިތަނަށް އެންމެން އަންނަން ގޮވަނީ ކީއްވެ؟ އިންވެސްޓަރުން އަތުގަ ހުރި ޑޮލަރު ކޮޅު ހިފައިގެން މިތާ ގަނޑުވަރު ހަދަން އަންނާށޭ ބުނަނީ ކީއްވެ؟
ހަކިސް
27 January 2019
ކަލޭމެން މިރާއްޖެ ނެތިކޮށްލަން މަސައްކަތްކުރާތަން ފެންނަނީ. މޮޔަ ގޮވަނީ
ނާންނާނެއޭ
27 January 2019
ދުނިޔޭގެ މޫސުމަކީ ދުނިޔޭގެ ޕޮލިޓިޝަނުން ބުނާ ގޮތަށް ދާ ކަންކަމެއް ނޫނޭ އެއީ އެއަށް ވުރެން މާ ފުރިަހަމަ އަށް ލައްވަވާފައިވާ ނިޒާމެއްގެ ދަށުން ހިނގާ ކަންކަމޭ ދުނިޔޭގެ ސައިޒު އެއީ ޕާރފެކްޓް ސައިޒު އަދި ދުނިޔެ ޔުނިވަރސްގެ ގެލެކްސީގެ މިއޯރބިޓް ގައި ލައްވަވާ އެއަށް ދިރުން ދެއްވަވާފައިވަނީ އެއަށް ފޯރުކޮށްދޭ އައްޔެއް ގެ ސަބަބުންނޭ އެއީ އިރުގެ ހަކަތައޭ އިރުން އުފައްދާ ދޭ ހަކަތައަކީ އެއީ ޕާރފެކްޓް އަދަދަކަށް އުފައްދާ އެނަރޖީއެކޭ މޫސުމަށް ނާންނާނެއޭ ބަދަލު
އަހައްމަދާ
27 January 2019
ތިމާވެށީގެ ކަންކަމުގައި ރާއްޖޭގެ އަޑު ކެނޑިފައި އޮތުމަށްފަހު އާ ސަރުކާރާއެކު އެ އަޑު އަނެއްކާވެސް ގަދަވެގެންދާތީ އުފާކުރަން.
ގަބޫލުނުކުރާތި
26 January 2019
ރާއްޖެ ނެތި ދާނެ، މޫސުމީ ބަދަލަށް ހައްލު ހޯދައިދީ ކިޔާ މިގޮތަށް މިވާހަކަ ދައްކާ އަދި ދުނިޔެ އިން 2 ޑިގްރީ ހޫނު މިން ދަށް ކުރަންވީ ކަމަށް ބުނެ ކޮޕް 24 ސަމިޓް ބޭއްވިނަމަވެސް އެ ސަމިޓްގައި ދެއްކި ވާހަކަ ތަކަކީ އެއީ ސަައެންޓިފިކަލީ ގޮތުން ގަބޫލުކުރެވޭނެ ކަމެއް ނޫނޭ ކޮސްމިކް ސައެންސް ވެސް އެތިއަރީ ގަބޫލެއް ނުކުރެއޭ ނުކުރެވޭނެއޭ އެއީ އިވޮލިއުޝަން ތިއަރީ ގަބޫލުކުރާ މީހުން ފަތުރައިގެން އުޅޭ ޕްރޮޕެގެންޑާ އެކޭ މުސްލިމް ގައުމެއްގެ މުސްލިމުން އެކަން
ކޮލެޖު ބޯއި
26 January 2019
އެހެންވެދޯ ތިޔަވަރު ތަނެއް ނެތިގެން ވައްކަމާއި ފަސާދައާއި ޚިޔާނާތް ގިނަ ކޮށް އެންމެން ވެރިކަމާއި ހެދި ގަނަތެޅެނީ. އެހެންވެ ދޯ ގައުމުގެ ފަރުތަކާއި ފަޅުތައް ހަލާކުކުރަނީ
އޮކްސިޖެންއިންނޭ
26 January 2019
ކޮޕް ސަމިޓް އިން ސިޔާސީ ބަޔަކު އެއްވެފައި ތިމާވެށި ދަންނަ ކަމަށް ދުނިޔޭގައި ތިބި ކޮރަޕްޓް ދަ ކިއްލި ތަޅާ އެންވަޔަރުމެންޓަލިސްޓުން ތަކެއްގެ ނުފޫޒުގައި ދުނިޔެ އިން 2 ޑިގްރީ ހޫނު މިން ދަށް ކުރެވޭނެއޭ ބުނުން އެއީ ނޭޗަރ އިން ދުނިޔެ އުފައްދަވާފައިވާ ގޮތެއް ނޫނޭ ދުނިޔޭގެ އެޓްމޮސްޕިއަރ ގައި ވަނީ އެއީ ބަރާބަރު ގޭސް މިކްސްޗަރ އަދި ބެލެންސް ކުރެވިފައިވާ ގޭސެސް އެއް މިގޭސް ޗޭންޖް ނުކުރެވޭނެ ނުވެސް ވާނެ އިންސާނުންނަށް ދުނިޔޭގެ އެޓްމޮސްޕިއަރ ދުނިޔެމުއްސަނދީ
ދަސަން
26 January 2019
ރާއްޖެ ނެތި ދާނެ، މޫސުމީ ބަދަލަށް ހައްލު ހޯދައިދޭށޭ ކިޔާ މޫސުމަށް އަންނަ ބަދަލުން ދުނިޔެއިން 2 ޑިގްރީ ހޫނު ދަށް ކުރަންއޭ ކިޔާ ޕޮލިޓިޝަނުން ދައްކާ ވާހަކަ އެއީ އެމެން ކަނޑުކޮސް ގޮވައިގެން މަޝްހޫރުވާން ކުރާ ކަމެކޭ ދުނިޔޭގައި ދިރުން ހުރުމަށް ޓަކައި އިރުގައި ހުންނަން ޖެހޭ ޖަސްޓް ރައިޓް މާރސް އެން ޓެމްޕްރޭޗަރ އިރު ޖެނެރޭޓް ކުރާ އެނަރޖީ އަކީ އެއީ ބަރާބަރަށް ދުނިޔެއަށް ވާވަރަށް އުފައްދާ އެނަރޖީ އެކޭ އޭގެ ސަބަބުންނޭ ދުނިޔޭގައި ދިރުން ލައްވަވާފައިވަނީ..
ހަސްތީ
26 January 2019
ކިތައްމެ ތަނަކުން އެހީ ހޯދައިގެން ވަށާ ފާރު ރާނައިގެން އޮތަސް މިރާއްޖެ ވެސް ނެތިގެން ދާނެ.
ހުނިހަކުރު
26 January 2019
އަޅެފަހެ މިމީހުން މިއުޅެނީ މިޤައުމައް ބަޔަކުމީހުން އިންވެސްޓްކޮއްފާނެތީ އެކަމާބިރުންތަ އެހެންޏާ ދެދުވަހުން އެއްދުވަހު ރާއްޖޭންބޭރައްގޮސް އެބަގޮވާ ރާއްޖެއަޑިއައްދާވާހަކަ މީދެންކިހާދެރަކަމެއް