ވީބީގެ އެމްޑީ ހަސަން: މި ފަހަރުގެ ރައްޔިތުންގެ މަޖިލިހުގެ އިންތިޚާބުގައި އަމިއްލަ ގޮތުން މެދު ހެންވޭރު ދާއިރާ އަށް ވާދަކުރެއްވުމަށް އޭނާ ވަނީ ނިންމަވާފައި.
28 ޖެނުއަރީ 2019 - 18:01
50 comments
ވީބީ ބްރަދާސްގެ މެނޭޖިން ޑިރެކްޓަރު ހަސަން ޝިޔާމް (ވީބީ ހަސަން) ކުރިއަށް އޮތް ރައްޔިތުންގެ މަޖިލިހުގެ އިންތިޚާބުގައި މެދު ހެންވޭރު ދާއިރާ އަށް ވާދަކުރައްވަން ނިންމަވައިފި އެވެ.
އެކަން އިއުލާން ކުރައްވައި ހަސަން މިއަދު ކުރެއްވި ޓުވީޓެއްގައި ވިދާޅުވީ، ގިނަ ބައެއްގެ އެދުމުގެ މަތިން މެދު ހެންވޭރު ދާއިރާ އަށް ވާދަކުރައްވަން ނިންމަވާފައިވާ ކަމަށެވެ.
އޭޕްރީލް ހަ ވަނަ ދުވަހު ބާއްވާ ރައްޔިތުންގެ މަޖިލިހުގެ އިންތިޚާބަށް، މޯލްޑިވްސް އޮލިމްޕިކް ކޮމިޓީގެ ރައީސް މުހައްމަދު ޝަވީދުގެ ކޮއްކޮ ހަސަން މެދު ހެންވޭރު ދާއިރާ އަށް އަމިއްލަ ގޮތުން ވާދަކުރައްވާއިރު، އެ ދާއިރާ އަށް އެމްޑީޕީގެ ފަރާތުން ނުކުންނަވަނީ މިހާރު ވެސް މެމްބަރު އަލީ އާޒިމެވެ.
ގިނަ ބައެއްގެ އެދުމުގެ މަތިން، މާތް ﷲގެ ވާގިފުޅާ އެކު، މަޖިލިސް އިންތިހާބުގައި މެދު ހެންވޭރު ދާއިރާ އަށް ކުރިމަތިލާން ނިންމައިފިން. މާތް ﷲގެ ހަޟްރަތުން ވާގި އެދެން.
— Hassan Shiyam (@HassanShiyam) January 28, 2019
- ހަސަން ޝިޔާމް، ހ.ވާލީވިލާ@ibusolih@MohamedNasheed @qasimibrahim @maumoonagayoom @PresidentYAG @ShimranAb pic.twitter.com/D5BhF8mFFa
ވީބީ ހަސަންގެ ޓުވީޓު
ހަސަން "މިހާރު" އަށް މިއަދު ވިދާޅުވީ، އޭނާ މެދު ހެންވޭރު ދާއިރާ އަށް ކުރިމަތިލެއްވީ އެމްޑީޕީގެ ޕްރައިމަރީގެ ކަންކަން ދިޔަ ގޮތުން ގިނަ ބައެއްގެ އެދުމުގެ މަތިން ކަމަށެވެ. އަދި މެދު ހެންވޭރު ދާއިރާގެ މީހުން ވަރަށް ބޮޑު ބަދަލަކަށް ބޭނުންވެފައި ތިބިކަން މިދިޔަ ހަފުތާގެ ހުކުރު ދުވަހު ބޭއްވި ޕްރައިމަރީން ސާފުވި ކަމަށް އޭނާ ވިދާޅުވި އެވެ.
"މި އިންތިޚާބުގައި ވަރަށް ރަނގަޅު ޗެލެންޖެއް ދެވޭނެ ކަމުގެ ޔަގީންކަން އަޅުގަނޑަށް އެބައޮތް. އަޅުގަނޑަކީ މެދު ހެންވޭރު ދާއިރާ އަށް ނިސްބަތްވާ އާއިލާއެއްގެ މީހެއް. އަޅުގަނޑުގެ ވަރަށް ގާތް ރައްޓެހިންނާއި އެކި ފެންވަރުގެ ބޭފުޅުން މެދު ހެންވޭރުގައި އެބަތިއްބަވާ. އަޅުގަނޑުގެ މުޅި އާއިލާގެ ސަޕޯޓު އަޅުގަނޑުގެ މި ނިންމުމަށް އެބައޮތް. މިހާރު ވެސް މިދަނީ އަޅުގަނޑުގެ އެކި ރައްޓެހިންނާ ވާހަކަ ދައްކަމުން،" ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދުގެ އަނބިކަނބަލުންގެ ކޮއްކޮ ހަސަން ވިދާޅުވި އެވެ.
ހަސަން ވިދާޅުވި ގޮތުގައި، އެމްޑީޕީގެ ޕްރައިމަރީގައި މެދު ހެންވޭރު ދާއިރާ އަށް ވާދަކުރެއްވި ކެންޑިޑޭޓުންގެ ތާއީދު ވެސް އޭނާ އަށް ލިބޭނެ ކަމުގެ އުންމީދު ވަރަށް ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުނަފު
04 February 2019
މެދުހެންވޭރަށް ވާދަކުރަން މިއީ ކޮންގޮތަކުން އެދާއިރާޔާ ގުޅޭމީހެއް. ފައިސާ އޮތީމަ ދެތިން މީހަކު ތާއީދު ކުރިޔަސް މިދާއިރާގެ މީހަކަށް ތާއީދެއްނެތް. އެހެން ކަމެއް ކުރަން އުޅޭ.
ދޮން އާމިރު
30 January 2019
ހަމަ ސުމެއްގަ ޖެހޭނީ....
ޖީބު
30 January 2019
މާލެ ތަމްސީލް ކުރަން މަޖިލީހަށް ކީއްކުރަން ހޮވާ ބައެއް. މީ ވެރިރަށް، މާލެން އެކަކު ނެތަސް މިނިސްޓްރީ ތަކާ ސިޓީ ކައުންސިލުން މިތަން ތަރައްޤީ ކުރާނެ. މާލެއަށް ދާއިރާ އިތުރުކޮށްކޮށްފަ މެންބަރުން ގިނަކޮށް ކޮށްފަ، ތިކުރަނީވެސް ހަމަ ބޭކާރު ޚަރަދު.
ނަޖްވާ
30 January 2019
މި ކަހަލަ ނޫން މީހެއް އަޅެ ފަހެ އަހަރުމެންގެ ޕާލިމަންޓަށް ވަންނަން ބޭނުން ނުވަނީތަ؟
ރކ5ކ4
04 February 2019
ފައިސާ އޮތީމަ ކޮންމެ ކަމެއް ވާނެކަމަށް
މެދުހެންވޭރު
29 January 2019
ތީ މެދުހެންވޭރު ބަޔަކަށް ނުވާނެދުވަހަކުވެސް... ވިނަގަނޑު ގަނެގެން އައިސް ތިބި ބައެއް. ޢެހެންނޫނަސް ތީ ޕީއެންސީ ގެ މީހުން ނިސްބަތްވާ ގެއެއް. ޙަމްޒާމެން އެމް ޑީޕީ ވިޔަސް. ޢާޒިމް އަކަށް ވޯޓުދޭކަށް ބޭނުމެއްނުން . ޢެމްޑީޕީން މީހަކު މިނިވަންކޮށް ނިކުމެލަބަލަ. ޢޯކޭ ޕްރައިމަޜީ ގަ އުޅުން ކުއްޖެއެްވެސް
އަހަރެން33
04 February 2019
އަހަރެންގެ ވޯޓު އާޒިމަށް
އައްލާބެއްޔާ
29 January 2019
ދެން އަވަހަށް ޕާޓީތަކުން ރައްޔިތުން ގުނބޯހައްދާފަ ވޯޓްލާދުވަހު ފެންފުޅިއެއްހިފައިގެން ރަތްދަކަ އަވީގައި ކިއުޖެހިގެން މިމީހުންނަށް ވޯޓްލާ މަހަކު 130000ރ ގެ މުސާރަ ހޯދައިދިނީމާ އަހަރުމެންނަށް ވަނީ ކޮންފައިދާއެއްތަ؟.. ބުނާނެ މުޅި މުޖުތަމަޢު އަށޭ ފައިދާވާނީ! އެކަމަކު މިވީހާތައްދުވަހު ވީއެއްވެސް ފައިދާ އެއްނެތް! މަޖިލިސްއަށް ވަތްއިރު ރައްޓެއްސަކަށް ކޮފީތައްޓެއްވެސް ދެވޭނެފެންވަރުނެތް! ހަމަ ކުއްލިއަކަށް މަހުޖަނަކަށް. ކޮބާ އަހަރުމެންނަށް ވީފައިދާ!
ހަސަދު
29 January 2019
އެއްވެސް ބޮޑު ވިޔަފާރި ވެރިއަކު މަޖުލިހަށް ނުހޮވަމަތ؟.
ދދޖ22ސޖ
04 February 2019
ވިޔަފާރިވެރިން މަޖްލިސް އަށް ނުހޮވަމާ
ބަނާނާ
29 January 2019
އައްޑޫ ގޮޑިއަކަށް މާލޭ މީހަކު ހޮވޭނެތަ؟ ނުހޮވޭނެ. ދެން މާލެ ގޮޑިއަކަށް އައްޑޫ މީހުން ހޮވަންވީ؟
ސސކެޖެޖ4
04 February 2019
އައްޑޫ މީހަކު ނެތް ހޮޥޭކަށް.
އައްޑޫ މީހާ
13 February 2019
އައްޑޫ މީދޫ ދާޢިރާގަ މިވަގުތުވެސް މެމްބަރުކަން ކުރައްވަނީ މާލޭ ކަނބަލެއް. މިފަހަރުވެސް އެމްޑީޕީ ޕްރައިމަރީ ކާމިޔާބުކޮށް ދެވަނަ ދައުރަށް ފޫގަޅައިގެން. އެކަމް މާލޭ މީހުން އައްޑޫ މީހުންހާ މޮޔައެއް ނުވާނެ ދޯ ?
ބޮޑުއަލީ
29 January 2019
ޝިޔާމް ކިޔަސް މީނައަކީ ތްރީއޭ ކުންފުންޏާއި ބެހޭ މީހެއް ނޫން..ތްރީއޭގެ އޯނަރުންނަކީ އެހެން ބައެއް..މީ ވީބީގެ އެއް އޯނަރު..ތްރީއޭ ދެބައި ކޮށްލާފަ އުފެދުނީ ވީއޭ އާއި ވީބީ..އަމިއްލަ ކެނޑިޑޭޓެއްގެ ގޮތުގައި މީނަ ކުރިމަތި ލައިގެން ހޮވިއްޖިއްޔާ މީނާ ގުޅޭނީ ޕީއެންސީއަށް ކަން ޔަގީން ކަށަވަރު
ހެސް
29 January 2019
ތިބޭފުޅާ ތީ ހުރިގޮތަށް ހުރި ރޯނު އެދުރު ހުރިހާ ކަމެއް އެގިގެން. އެމް.ޑީޕީ ޖާހިލުކަން އެންމެ މެކުހަށް.
އާސިއްޕެ
29 January 2019
ވިނަގަޑުގެ ގަނެލައިގެން މެދު ހެންވޭރުވެފަ ތިބި އައްޑޫއަށް ނިސްބަތްވާ ބަޔަކަށް މެދުހެންވޭރު މީހުން ވޯޓުލާނެބާ؟ ޝައްފާނުގެ އާއިލާ އަކީ މެދު ހެންވޭރުގަ ދެވަނައަށް އެންމެބޮޑު އާއިލާ. އާޒިމްގެ އާއިލާއަކީ މެދުހެންވޭރުގެ އެންމެބޮޑު އާއިލާ. އެމީހުންނަށް ލިބޭ ވޯޓު ބޭރުން އައިސްހުރި މީހަކަށް ލިބިދާނެކަމަށް ބެލުމަކީ މޮޔަކަމެއް. އެކަން ވަރަށް ސާފު އައިމަންއާ ރިމާހުއަށް ލިބުނު ވޯޓުންވެސް ފްރައިމަރީގަ.
އަބޫބަކުރު123
30 January 2019
ވޯޓުލަނީ ސިޔށސަތއް ކަލޯ. ލެޔަކައް ކުލަޔަކް ވޯޓުލީމާ ގައުމު އިނދަޖެހުން ނޫންކމަެއނުވޭ.