މަޖިލިސް އިންތިހާބަށް ކުރިމަތިލާން ހުޅުވާލައިފި

މުހައްމަދު ނަސީމް، މިހާރު

28 ޖެނުއަރީ 2019 - 21:57

އަންނަ އޭޕްރިލް މަހު ބާއްވާ ރައްޔިތުންގެ މަޖިލީހުގެ އިންތިހާބަށް ކުރިމަތިލާން އިލެކްޝަންސް ކޮމިޝަނުން މިރޭ ހުޅުވާލައިފި އެވެ.

މަޖިލިސް އިންތިހާބަށް ކުރިމަތިލާން ހުޅުވައިލިކަން އީސީގެ ރައީސް އަހުމަދު ޝަރީފް އިއުލާން ކުރެއްވީ ކޮމިޝަނުގެ އާ ލޯގޯ އާއި ކުލަ އިފްތިތާހު ކުރުމަށް ހޮޓެލް ޖެންގައި ބޭއްވި ރަސްމިއްޔާތެއްގަ އެވެ. އިންތިހާބަށް ކުރިމަތިލާން ހުޅުވައިލިކަން އިއުލާނު ކުރެއްވި ނަމަވެސް ކުރިމަތިލުމުގެ ފުރުސަތު ބަންދުވާ ތާރީހެއް ޝަރީފް ވިދާޅެއް ނުވެ އެވެ.

އިންތިހާބަށް ކުރިމަތިލާން ހުޅުވައިލިކަން އިއުލާނު ކުރެއްވުމުގެ ކުރިން ޝަރީފް ވިދާޅުވީ ރައްޔިތުން ބޭނުންވާ ފަދަ ދެ ފުށް ފެންނަ އިންސާފުވެރި އިންތިހާބަކަށް މަޖިލިސް އިންތިހާބު ވާނެ ކަމަށެވެ.

އޭނާ ވިދާޅުވީ އެފަަދަ އިންތިހާބެއް ރައްޔިތުންނާ ހަމައަށް ގެނެވޭނީ ދައުލަތުގެ ހުރިހާ މުއައްސަސާތަކެއްގެ އެއްބާރުލުން ލިބިގެން ކަމަށެވެ.

"މި އިންތިހާބު ބޭއްވުމުގައި ދައުލަތުގެ ހުރިހާ މުއައްސަސާއެއްގެ، ސިވިލް ސާވިސް ކޮމިޝަނުން، އޭސީސީން ފެށިގެން އަދި މިނިވަން އެހެނިހެން މުއައްސަސާތަކާ އަދި ސަރުކާރުގެ ފަރާތުންނާ، މި ހުރިހާ ފަރާތްތަކުން އެހީތެރިކަމާ އެއްބާރުލުން ލިބިގެން ރައްޔިތުން ބޭނުންވާ ފަދަ ހާމަކަން ބޮޑު، އިންސާފުވެރި އިންތިހާބެއް އަޅުގަނޑުމެންނަށް ރައްޔިތުންނާ ހަމައަށް ގެނެސް ދެވޭނެ،" އޭނާ ވިދާޅުވި އެވެ.

ޝަރީފް ވިދާޅުވީ އިންތިހާބަށް ކުރަން ޖެހޭ އިދާރީ ހުރިހާ މަސަައްކަތެއް މިހާރު ގާތްގަނޑަކަށް ނިމިއްޖެ ކަމަށެވެ. ނަމަވެސް ބަޖެޓްގެ ތާށިކަން ހުރުމުން އެ ވާހަކަ ކަމާ ބެހޭ މުއައްސަސާއަށް އަންގާފައިވާނެ ކަމަށާއި އިންތިހާބަށް ބޭނުންވާ އިތުރު ބަޖެޓް ލިބޭނެ ކަމަށް އުއްމީދުކުރައްވާ ކަަމަށް ވެސް އޭނާ ވިދާޅުވި އެވެ.

އިލެކްޝަންސް ކޮމިޝަނަށް ކުރާ ބައެއް ތުހުމަތުތަކާ ބެހޭ ގޮތުން ވާހަކަ ދައްކަވައި މިރޭ ވެސް ބައެއް ފަރާތްތަކަށް އޭނާ ރައްދު ދެއްވި އެވެ. އޭނާ ވިދާޅުވީ އެއްވެސް ޕާޓީއަކާ ދޭތެރޭގައި އަދި އެއްވެސް ރައްޔިތަކާ މެދުގައި ވެސް ގާނޫނުން ބޭރުން އަމަލުކޮށްފައި ނުވާނެ ކަމަށެވެ.

"ކޮމިޝަނުގެ އެފަދަ [ގާނޫނުން ބޭރުން އަމިއްލަ ގޮތަކަށް އަމަލުކުރުމުގެ] ވިސްނުމެއް ވެސް ނެތް،" އޭނާ ވިދާޅުވި އެވެ.

ރައްޔިތުންގެ މަޖިލިސް އިލެކްޝަންސް ކޮމިޝަން ރައްޔިތުންގެ މަޖިލީހުގެ އިންތިޚާބު 2019 އަހުމަދު ޝަރީފް (ސްޓެލްކޯގެ ކުރީގެ އެމްޑީ)

11 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހައްމަދު ރަޝީދު އަލީ

29 January 2019

އިންތިހާބަށް ކުރިމަތިލާން ހުޅުވައިލިކަން އިއުލާނު ކުރެއްވި ނަމަވެސް ކުރިމަތިލުމުގެ ފުރުސަތު ބަންދުވާ ތާރީހެއް ޝަރީފް ވިދާޅެއް ނުވެ އެވެ. 6 އޭޕްރީލް އަށްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

29 January 2019

ޔާމިން ލީ ހުރިހާއެމްމެން ދިނީ ދޯކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާބެއްޔާ

29 January 2019

130 ހާސްރުފިޔާ މީހަކަށް ހޯދައިދޭން ވޯޓެއްނުދޭނަން! މަށައްކޮންފައިދާއެއް! ފެންފުޅިއެއް ހިފައިގެން ރަތްދަކަ އަވީގައި ކިއުޖެހިގެން ވޯޓްދޭން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭސީ

29 January 2019

ހާދަ މައުލޫމާތެއް ނެތް ބޭކާރު ވާހަކަ ތަކެކޭ. މުއްދަތުވެސް ލިޔެލާފަނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

29 January 2019

އިލެކްޝަން ކޮމިޝަން ނުފޫޒުގެތެރެއަށް ވެއްޓިފައިވާ މިންވަރު މި ފޮޓޯއިން މި ފެންނަނީ. އެއްކޮޅުގައި ގާސިމް އަދި މަޖްލިސްގެ ރައީސް އަނެއްކޮޅުގައި އަދި އަދާލަތުޕާޓީގެ ލީޑަރ އަދި ހޯމް މިނިސްޓަރ. އިލެކްޝަނުން ކަމެއްކުރާއިރު ކުރިމަތީގައި ބޮޑު އިންތިހާބެއް އޮތްއިރު، އެ އިންތިހާބުގައި ވާދަކުރައްވާ ކެންޑިޑޭޓުންތަކެއް ތަމްސީލުކުރާ ޕާޓީތަކުގެ ތެރެއިން ދެ ޕާޓީއެއްގެ ލީޑަރު ދެއުރައްލައިގެން މިގޮތައް ފޮޓޯއެއް ނެގީމާ ނުފޫޒުއޮތް މިންވަރު ދޭހަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖިލިސް

29 January 2019

މިހާރުވެސް އަގުބޮޑު ހޮޓަލެއްގަ ތިކަންތައްބާއްވައިގެން ތިކުރަނީއިސްރާފް ދެން ކޮންބަޖެޓްގެ ތާށިކަމެކޭ ކިޔާކައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާނު

29 January 2019

ތިހާބާރަށް އައްދޯތްގޮވާނީ އަލިފާންފެންނާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބޭބެ

29 January 2019

މިނިވަން ކޮމިޝަންތަކާއި މުވައްސަސާތަކުގެ ކުލަޔަކީ ހުދުކުލަކަމުގައި ހަމަޖެއްސުން މާ ރަގަޅު. އެކުލަ ރަމްޒުކޮށްދެނީ ސާފުކަން މިލައެއްނެތްކަން. ކޮންމެ މުވައްސަސާއަކުން ކުލައެއްނަގައިގެން އެކުލާގެ ޓީޝާޓް ތުރުކުރައްވައިގެން ކުޑަކުދިންހެން ތިއްތި ދެއްކީމައި ވަރަށް ޖޯކު މަށަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާރަގެމަ

28 January 2019

މަޖިލިސް އިންތިހާބު ބާއްވަން އެތައް މިލިޔަން ރުފިޔާއެއް . މުސާރަ ދޭން އެތައް މިލިޔަނެއް . ހާޒިރު ނުވިޔަސް ބައިރުފިޔާއެއް ވެސް ނުކެނޑޭ. އެކަމު މިމީހުނައް މުސާރަދޭން ޓެކްސް ފައިސާ ދައްކާ އާއްމު ރައްޔިތުން އޮފީސް އަށް ގަޑިޖެހުނަސް މުސާރަ ކަނޑާ.ހާޒިރު ނުވެއްޖެނަމަ މުސާރަ ނުލިބޭ . މީ މިގައުމުގަ އިންސާފު އޮތްގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަކުވާބޮނޑި

29 January 2019

ތިހެން ކިތަންމެވަރަކަށް ޝަކުވާކުރިއަސް ކަންތައްތައް ރަގަޅުކުރަން ބޭނުންނަމަ ތެދުވެރި އިޚްލާސްތެރި ފަސްބައި ސާފު ރަަގަޅު ބަޔަކު މަޖިލީހަށް ހޮވައިގެން. ކަންތައްތައްރަަޅުކުރަން ތިޔަ ޝަކުވާބޮނޑީގެ ބަދަލުގައި ތިބޭފުޅާ ކުރެއްވީ ކީއްތޯ. އިންތިޚާބުގައި ވޯޓުދެއްވިންތޯ. ރަގަޅު ކެންޑިޑޭޓަކު ނެތިއްޔާ އެފަދަ ރަނގަޅު މީހަކު ނެރެންމަސައްކަތްކުރައްވާ. ނޫނީ އަމިއްލައަށް ކުރމތިލައްވާ. އަބަދާއަބަދު ޝަކުވާކުރުމުގެ ބަދަލުގައި ތިމާގެފަރުދީ ޒިންމާވެސް އަދާކުރައްވާ.