ސިވިލް ސާވިސްގެ މުވައްޒަފުންތަކެއް ވެލާނާގެއިން ނުކުމެގެން ދަނީ- ފޮޓޯ: ނިޝާން އަލީ/މިހާރު
29 ޖެނުއަރީ 2019 - 11:16
84 comments
ރާއްޖޭގައި ވަޒީފާ އަދާކުރާ މީހަކަށް ދުވާލެއްގެ މައްޗަށް އެންމެ ކުޑަކޮށް ލިބޭ އުޖޫރައިގެ ގޮތުގައި 200ރ. ކަނޑައަޅައި ސަރުކާރު ކޯލިޝަންގެ އެންމެ ބޮޑު ޕާޓީ، އެމްޑީޕީން ކަރުދާހެއް ތައްޔާރުކޮށްފި އެވެ.
ކުރިއަށް އޮތް ރައްޔިތުންގެ މަޖިލީހުގައި ކުރާނެ ކަންތައްތައް ހިމެނޭ ގޮތަށް އެމްޑީޕީން ތައްޔާރުކުރި ކަރުދާހުގައި ވަނީ ވަޒީފާއާ ބެހޭ ގާނޫނަށް އިސްލާހު ގެންނަން ނިންމައި، އެންމެ ކުޑަކޮށް އުޖޫރަ ދެވޭނެ އުސޫލުތައް ވަރަށް ތަފްސީލްކޮށް ހިމަނައިފަ އެވެ.
އެމްޑީޕީން ބުނީ އެންމެ ކުޑަކޮށް އުޖޫރަ ލިބޭ އުސޫލު ކަނޑައަޅާނީ އެކި މަސައްކަތްތަކަށް އުޖޫރަ ކަނޑައަޅާ އުސޫލުން ކަމަށާއި އެގޮތަށް އުޖޫރަ ކަނޑައަޅާނީ މަހު އުޖޫރައިން ދުވަހަކަށް ޖެހޭ އަދަދުން ކަމަށެވެ.
އުޖޫރައިގެ ގޮތުގައި ލިބޭ އެންމެ ކުޑަ އަދަދު ދާއިމީ ވަޒީފާ އާއި ވަގުތީ ވަޒީފާ އަދާކުރާ މުވައްޒަފުންނަށް ވެސް ކަނޑައެޅޭނެ ކަމަށް އެމްޑީޕީން ތައްޔާރުކުރި ކަރުދާހުގައިވެ އެވެ.
އެންމެ ކުޑަ އުޖޫރައިގެ ގޮތުގައި އެމްޑީޕީން ކަނޑައެޅި އަދަދު:
- ދުވާލަކު 266ރ: ދަތުރުފަތުރުގެ ސިނާއަތުގައި އުޅޭ މީހުންނަށް
- ދުވާލަކު 266ރ: މަސްވެރިކަމާއި ދަނޑުވެރިކަމުގެ ސިނާއަތުގައި އުޅޭ މީހުންނަށް
- ދުވާލަކު 200ރ: ކޮންސްޓްރަކްޝަން ސިނާއަތުގައި އުޅޭ މީހުންނަށް
- ދުވާލަކު 333ރ: ރިސޯޓު ހިންގުމުގެ ވިޔަފާރީގައި އުޅޭ މީހުންނަށް
- ދުވާލަކު 200ރ: ޓޫރިޒަމްގެ އެހެނިހެން ކަންކަމުގައި އުޅޭ މީހުންނަށް
- ދުވާލަކު 266ރ: ސިއްހީ ހިދުމަތް ދޭ ތަންތަނުގައި އުޅޭ މީހުންނަށް
- ދުވާލަކު 266ރ: ތައުލީމީ ހިދުމަތް ދޭ ތަންތަނުގައި އުޅޭ މީހުންނަށް
- ދުވާލަކު 200ރ: އެހެނިހެން ސިނާއަތްތަކާއި ހިދުމަތްތަކުގައި އުޅޭ މީހުންނަށް
ވަޒީފާ އަދާކުރާ މީހުންނަށް އުޖޫރައިގެ ގޮތުގައި ދެވޭނެ އެންމެ ކުޑަ މިންވަރެއް ކަނޑައެޅުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދުތަކުގެ ތެރޭގައި ހިމެނޭ މުހިންމު ވައުދެކެވެ. ސަރުކާރުން ކުރިން ބުނި ގޮތުގައި އެންމެ ކުޑަ އުޖޫރައެއް ކަނޑައަޅާނީ އެންމެންގެ މަޝްވަރާގެ މަތިންނެވެ.
އެމްޑީޕީން ވަނީ ކަރުދާހަށް އާންމުންގެ ހިޔާލު ފޮނުވުމުގެ ފުރުސަތު ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢައިސަަ
30 January 2019
ކޮންމެވެސް އެއްޗެކޭ ކިޔައިގެން އަބަދުވެސް ސިވިލް ސަރވިސް މުވައްޒަފުންނަށް ލިބޭ މުސާރަ ކުޑަކުރަން ވިސްނާނީ
ޢަޖޭ
27 August 2019
ބަލަ އައިސާ! މިގައުމުގަ ތި ސިވިލް ސާވިސް ނޫންވެސް މުވައްޒަފުންވެސް އެބައުޅެއޭ. ކޮން ސިވިލް ސާވިސް އެއްތަ؟
އަބްދޫ
30 January 2019
ދުވާލަކަށް 200 ރުޔާގެ މުސާރަ އެއް ދޭން ޓޭބަލްހެދި އިރު މަހަކު 100 ރުފިޔާ ލިބޭ ޕެންސަނަރުންގެ މައްޗަކުން ހަނދާނެއްނެތް ؟65 އަހަރު މީހަކަށް5000 ހާއްސަ އެހީ ގެ މީހަކަށް 2000 އެކަނިވެރިމަޔަކަށް ލިބެމުން ދާއިރު ދަވްލަތުގެ ވަޒީފާގަ 20 އަހަރު ހޭދަކުރުމުން ލިބޭ ޕެންސަނަށް މަހަކު 100 ރުފަިޔާ ލިބުން އެއީ ހައްގު މިންވަރުތޯ ؟
ހޮޓްކިންގ
30 January 2019
ވޯޓް ހޯދަން މިވެރިން ހާދަ ކަރުދާހެއް އެބަހަދައޭދޯ؟ ތިއިން ކަމެއް ކޮށްދޭނެ ކަމަށް ގަބޫލު ކުރާނީ މޮޔައިން. މިހާރުވެސް ސަރުކާރު ހިނގަމުން އެދަނީ ބޮނޑު ނަގުލަށް.
އަބްދޫ
30 January 2019
މިހާރު ވިޔަފާރި ކުރާފަރާތްތަކަށް ސޭލްސް ލިބޭ ނިސްބަތަށް ބަލާ އިރު އެމްޑީޕޏް ތިޔަ ތައްޔާރު ކުރި ކަރުދާހާ އެއް ގޮތަށް މުސާރަދޭންފަށައިފިނަމަ ގިނަ ކުންފުނިތަކާ ގިނަމަސައްކަތްތައް ބަގުރޫޓް ވާނެ. އެމްޑީޕޣެ ބޮޑުމީހާ ނަސީދަކީ ކުންފުންޏަކާ ވަޑާންގެ އަކާ ގައުމެއް ބަގުރޫޓް ކުރި މީހެއް . އޭނަގެ ފޮމިއުލާ ރަނގަޅެއްނުވާނެ. އެއީ މުސާރަ ބޮޑުކޮށް ކުޑަކުރަން ދަންނަ ހީލަތްތެރިއެއް. ތިޔަ ޕާޓީ އަކުން މިގައުމެއް ނުހިންގޭނެ.
ސައިމަން އ.
29 January 2019
ބޮޑު ޖޮކެއް
ޢިބރާ
29 January 2019
ބަންގާޅު މީހަކު ލިބެނީ 350ރ ނުވަތަ 400ރ. މިއީ ލިބުނު ވަރަށް ބޮޑު ލުޔެއް. ދެން ބަންގާޅު މީހަކު ކއިރިވެސް ނުކުރާނަން.
ށަވިޔަނި
29 January 2019
އެހެން ވީމާ ކުލީ ކޮޓަރިއެއްގެ ދުވަހު ކުއްޔަށް އެންމެ ކުޑަކޮށް -/300 ނެގީމާ ހަމަ ޖެހޭނެ..
ޜަމޭސް
29 January 2019
ރާއްޖޭގެ މަހުޖަނުން ހިންގާ ފިހާރަތަކުގައި އަދި ކުންފުނިތަކުގައި އުޅޭ މީހުންގެ މުސާރަތައް މިހާރުވެެސް ހުންނާނީ މަހަހަކު 6000 އަށްވުރެ މަތީގައި ތީ ބަންގާޅިން ނައް ހަދާގާނޫނެއް
ޥަރައް ސަލާމް
29 January 2019
ތިކަމުގެ ސަބަބުން ހުލިވެގެންދާނީ ކުދި ކަންނަތީ ވިޔަފާރިތައް ހާއްސަކޮށް ރާއްޖެތެރޭ ހިންގާ ކުދި ވިޔަފާރިތަށް މަދުވެގެން 2 ކުއްޖަކު އެބަޖެހޭ ފިހާރައެއްގައި ގެންގުޅެން 2 ކުދިން ނައް މުސާރައައް މަހަކު 12000 ހާސް ދީގެން ދެކޮޅުނުޖެހޭނެ މިހާރުވެސް ކުންފުނިތަކާއި ބޮޑެތި ފިހާރަތަކުގެ މުވައްޒަފުންނައް ތިވަރު ދޭނެ އެހެންކަމުން ތިގާނޫނަކީ ކުދި ފިޔަފާރިތައް ބަނގުރޫޓުކުރާ ގާނޫނު
އަހުމަދުބޭ
30 January 2019
އޯކޭ، މަހަކު 2 ހާސްރުފިޔާދީގެން ބޭފުޅާ ހެޔޮދޯ މުއްސަދިވިޔަސް އެހެންމީހަކަށް އެއްޗެއް ލިބިގެން ނުވާނެދޯ
އަހުމަދުބޭ އަށް:
30 January 2019
ކޮން މުއްސަދިއެއްތަ ވާނީ؟ މަދުވެގެން 2 ސްޓާފުން އަދި މަސައްކަތް ކުރާ ބަންގާޅީއަކަށް 6000 ދިނީމަ އެދިޔައީވެސް 18000. ހަމައެކަނި މިވަރު ހޯދަންވެސް ދުވާލަކަށް 600ރ ގެ ސޭލްސް ބޭނުންވާނެ. ރާއްޖެތެރޭ ބައިވަރު ތަންތާ ހުރޭ މިވަރުވެސް ނުވާ ވިޔަފާރިތައް. ކޮބާ ކަރަންޓް ބިލް އަދި ތަނެއްހިންގަން ކުރާ އެހެން ހުރިހާ ހަރަދުތައް އަދި ބުރަ މަސައްކަތް؟ ބައިވަރުތަންތަން ބަނގުރޫޓުވެ މިހުރިހާ ބައެއްގެ ވަޒީފާވެސް ގެއްލޭނެ. މިގޮތް މާ ރަނގަޅުތަ؟
އަހަދު
30 January 2019
ވަޒީފާ އަދާކުރާ ދެކުދިން ބަހައިގެން ރޭގަޑު 10 ޖަހަންދެން މަހެއްގެ މަސައްކަތްކުރީމަ 6000 ރުފިޔާ ނުދެވެންޏާ ވިޔަފާރި ނުކުރޭ.
ނަފީ
29 January 2019
މަޖިލިސް ފެށުމާއިއެކު ބިލްތަށް މަޖިލީހަށް ވައްދާ ވޯޓަށް އަހަންވީއެވެ. އޭރުން ރައްޔިތުންނަށް އެނގިގެންދާނެ މިހާރު ތިބި މެމްބަރުގެ ތެރޭންވެސް ރައްޔިތުންގެ ހައްޤުތަކާއި ދެކޮޅު ހަދާ ފަރާއްތައްވެސް ވަކިކުރަން. އިހުލާސްތެރި ވުމަކީ ކުރެވެން ހުރި ކަންކަން ކޮށްދީފަ އޭގެ ފަހުން ރައްޔިތުން ކާރިއަށް ވޯޓް ހޯދަން އައުމެވެ.