ޑިފެންސް މިނިސްޓަރު ޕާކިސްތާނަށް ކުރެއްވި ދަތުރު ނިންމާލެއްވުމަށްފަހު މާލެ ވަޑައިގެން އެއާޕޯޓުގައި މިއަދު ނޫސްވެރިންނާ ވާހަކަ ދައްކަވަނީ.--މިހާރު ފޮޓޯ: މުހައްމަދު ޝަރުހާން
27 މެއި 2016 - 17:50
4 comments
ރާއްޖޭގެ އަސްކަރިއްޔާ ވަރުގަދަކުރަން ޕާކިސްތާނުން ދޭން ހަމަޖައްސާފައިވާ 10 މިލިއަން ޑޮލަރުގެ ކްރެޑިޓް ލައިން ފެސިލިޓީގައި އަންނަ ޖުލައި މަހު ސޮއިކުރާނެ ކަމަށް ޑިފެންސް މިނިސްޓަރު އާދަމް ޝަރީފް މިއަދު ވިދާޅުވެއްޖެ އެވެ.
މިދިޔަ ހަފުތާގެ ހޯމަ ދުވަހު ޕާކިސްތާނަށް ކުރެއްވި ރަސްމީ ދަތުރަށް ފަހު، މާލެ ވަޑައިގެން އިބްރާހިމް ނާސިރު އިންޓަނޭޝަނަލް އެއާޕޯޓުގައި ނޫސްވެރިންނާ ވާހަކަ ދައްކަވަމުން މިނިސްޓަރު ވިދާޅުވީ، ލޯނުގެ އެއްބަސްވުމުގެ ދަށުން އަސްކަރިއްޔާ އަށް ބޭނުންވާ އެކިއެކި ވަސީލަތްތަކާއި ހިންގުން ހަރުދަނާކުރަން ތަމްރީނުތައް ދޭނެ ކަމަށެވެ. އެގޮތުން ސިފައިންގެ މަސައްކަތްތައް ހަރުދަނާކުރަން ހަތިޔާރާއި މަތިންދާބޯޓު ގަތުމުގެ މަސައްކަތް މި އަހަރު ކުރާނެ ކަަމަށް އޭނާ ވިދާޅުވި އެވެ.
"އަޅުގަނޑުމެންގެ އަމާޒަކީ މިއަހަރު ނިމެންވާއިރަަށް ތަމްރީނުތަކަށާއި އަދި ދެ މަތިންދާ ބޯޓު، އެ ކްރެޑިޓް ލައިން ފެސިލިޓީގެ އެހީގައި ހޯދުން. މީގެ އިތުުރުން އެކި ކަހަލަ ބޭނުންތަކަށް ބޭނުންކުރެވޭނެ މީހުން އަދި ތަކެތި އުފުލަން ބޭނުންކުރެވޭނެ އުޅަނދެއް ވެސް މިއަހަރުގެ ތެރޭގައި އަޅުގަނޑުމެން ގެންނާނަން،" އާދަމް ވިދާޅުވި އެވެ.
ޕާކިސްތާނުން ދޭ 10 މިލިއަން ޑޮލަރުގެ ލޯނު އެހީ އަކީ ރައީސް އަބްދުﷲ ޔާމީން ޕާކިސްތާނަށް ކުރެއްވި ދަތުރުުފުޅުގައި ވެސް ރާއްޖެ އަށް ދޭން ހަމަޖެއްސި އެއްޗެކެވެ. އަންނަ ޖުލައި މަހު ސޮއިކުރަނީ އެ ލޯނުގެ އެއްބަސްވުމުގަ އެވެ.
މި ސަރަހައްދުގެ ގައުމުތަކުގެ ތެރެއިން ޕާކިސްތާނަކީ ޓެރަރިޒަމްގެ ބިރުއޮތް ގައުމެއްކަން ފާހަގަ ކުރައްވަމުން، އެ ކަމުން ސަލާމަތްވާން އެ ގައުމުން ކަންތައްތައް ކުރާ ގޮތް ބެލުމަށް ވެސް ދަތުރުގައި ފުރުސަތު ލިބިވަޑައިގެންނެވި ކަމަށް ޑިފެންސް މިނިސްޓަރު ވިދާޅުވި އެވެ. އަދި ރާއްޖޭގެ ކައުންޓަ ޓެރަރިޒަމް ސެންޓަރުގެ ކަންކަން ރަނގަޅަށް ކުރިއަށް ގެންދިއުމުގައި ޕާކިސްތާނުގެ ތަޖުރިބާކާރުންގެ އެހީ ހޯދުމާ ގުޅޭގޮތުން ވެސް މަޝްވަރާ ކުރެއްވި ކަމަށް އާދަމް ވިދާޅުވި އެވެ.
"ސުވާތު ކިޔާ ސަހަރަކަށް އަޅުގަނޑުމެން ގެންދިޔައީ. އެތަން ޕާކިސްތާނު ސިފައިންގެ ކޮންޓްރޯލްގެ ދަށަށް ގެންދިޔަ ގޮތާ މިއަދު އެތަނަށް ލިބިފައި އޮތް ހަމަހިމޭންކަން ވެސް ވަރަށް ބޮޑަށް ފާހަގަކުރެވުނު،" މިިނިސްޓަރު ވިދާޅުވި އެވެ.
ޕާކިސްތާނުގެ ރައީސާއި ޑިފެންސް މިނިސްޓަރާއި އަސްކަރިއްޔާގެ އިސްވެރިންނާ ވެސް ބައްދަލުކުރެއްވި، މި ދަތުުރުގައި ރާއްޖޭގެ ޑިފެންސް މިނިސްޓަރު ވަނީ އަސްކަރީ ހަތިޔާރު އުފައްދާ ފެކްޓަރީތަކަށް ޒިޔާރަތް ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު
28 May 2016
މިލްޓްރީ ސަރުކާރުއަކީ ރައްޔިތުންނަ ވުރެންބޮޑަށް މިލްޓްރީ ކަންތައްތައް ކުރިއެރުމަށް މަސައްކަތް ކުރާނެ ބައެކެވެ. އަދި ގައުމެއްގައި ނެތްފެންވަރު ދެއްކުމަށްޓަކައި ލޯނު ނަގައިގެން ނަމަވެސް އެކަން ކުރަން ބޭނުންވާނެއެވެ. ސަބަބަކީ ރައީސް ދިރިއުޅުއްވަން ބޭނުންވާނީ ދުނިޔޭގެ އެންމެ މަތީ ވެރީންގެ ފެންވަރުގައެވެ. ފަހަރެއްގައި މިގައުމު ހަގްރާމައަކަށް ތައްޔާރުވާން އުޅެނީ ތޯ ؟
އުމަރު
28 May 2016
ކީއްކުރާ ހަތިޔާރެއް؟ ކީއްކުރާ ބޯޓްތަކެއް؟ ބަލަ ދިވެހިން އެތިބީ އަނގަޔާއި އަތާދިމާނުވެ، އެމީހުންނަށް ވަޒީފާ ހޯދައިދޭންވީނޫންތޯ؟ ވިޔަފާރިވެރިން ކުރިއަރުވައި ވިޔަފާރިތަށް އުަފައްދަންވީނޫންތޯ؟
އަޅެވާ
27 May 2016
ލޯނެއް ނަގައިގެން ކާރެއް ގަތުން ކަހަލަ ކަމެއްތީ. ތެޔޮ އަޅާލޭނެ ލާރިއެއްނެތް. ބަލަހައްޓާނެ ގޮތެއްނެތް. މެއިންޓަނަސް ކުރަން މީހުން ބޭރުން ގެނަން މިޖެހެނީ.... ލޯނުނަގައިގެން ކޮންމެ ކަމެއްވެސް ކުރެވިދާނެ ލޯނުދައްކާނީ ކާކުުތޯ؟
އެ މިހާ
27 May 2016
އުންމިދުކުރަން ތި އެހީގެ ދަށުން ވައިގެެ އުަލަދުތަށް ހޯދާ ރޢްޖޭގެ ކޯސްޓްގާރޑަށް ޒަމާނި މަނަވަރު ފަދަ ވަަސީލަތް ހޯއްދަވާނެކަމަށް ކަނޑުގެ ސަރަހައްދު ބޮޑު މިގައުމަށް އެފަދަ ވަސީލަތްތަށް ނުހަނު ބޭނުންވޭ