'މޯލްޑިވްސް ރިފޯމް މޫވްމަންޓް' ގެ ނަމުގައި އާ ސިޔާސީ ޕާޓީއެއް އުފައްދަވާކަން އިއުލާން ކުރައްވަން މައުމޫން ބޭއްވި ނިއުސް ކޮންފަރެންސްގައި ނޫސްވެރިންނާ ވާހަކަފުޅު ދައްކަވަނީ.---ފޮޓޯ: ހުސައިން ވަހީދު/މިހާރު
03 ފެބުރުއަރީ 2019 - 11:08
20 comments
ކުރީގެ ރައީސް މައުމޫން އަބްދުލްގައްޔޫމްގެ ތާއީދާ އެކު ރައްޔިތުންގެ މަޖިލީހުގެ އިންތިހާބުގައި ވާދަކުރަން 30 އަށް ވުރެ ގިނަ ދާއިރާ އަށް ޓިކެޓް ދޭން ނިންމައިފި އެވެ.
އެޕްރީލްމަހު އޮންނަ ވާދަވެރި އިންތިޚާބުގައި މައުމޫންގެ ފިކުރަށް ތާއީދުކުރާ މީހުން ކުރިމަތިލާނީ މިނިވަން ކެންޑިޑޭޓުންގެ ގޮތުގަ އެވެ. އެ މަނިކުފާނުގެ ތާއީދާ އެކު މަޖިލީހަށް ވާދަކުރަން 100 އަށް ވުރެ ގިނަ މީހުން ކުރިމަތިލި އެވެ.
އޭގެތެރެއިން މައުމޫން ތައީދު ކުރައްވާ ކެންޑިޑޭޓުންނަށް އެމަނިކުފާނުގެ ޚާއްސަ ސިޓީއެއް ހަވާލުކުރާ ގޮތަށް ވަނީ ހަމަޖައްސައިފަ އެވެ.
ސިޔާސީ ޕާޓީއެއްގެ ގޮތުގައި ރަޖިސްޓްރީ ކުރުމުގެ މަސައްކަތް ފަށާފައިވާ މައުމޫން ރިފޯމް މޫވްމަންޓުން ވާހަކަ ދެއްކެވި އަބްދުލްއަލީމް ވިދާޅުވީ މައުމޫންގެ ތާއިދާ އެކު ނުކުންނަވާނެ ކެންޑިޑޭޓުންގެ ސީދާ އަދަދު މިރޭ ކަނޑައަޅައި ނިމޭނެ ކަމަށެވެ. ކޯލިޝަން ސަރުކާރުގައި ހިމެނޭ ޕާޓީތަކަށް އެކުގައި ވާދަ ނުކުރެވުމުން، އެމަނިކުފާނުގެ ވިސްނުންފުޅަކީ ވީހާވެސް ގިނަ ދާއިރާތަކަށް ކެންޑިޑޭޓުން ނެރުން ކަމަށް ވެސް އަލީމް ވިދާޅުވި އެވެ.
"ރައީސް މައުމޫން ތާއީދު ކުރައްވާ ކެންޑިޑޭޓުންނަށް އެކަން އަންގަވަމުން މިހާރު އަންނަނީ. ސީދާ އަދަދު ވަރަށް އަވަހަށް ފައިނަލްވާނެ،" އަލީމް ވިދާޅުވި އެވެ.
ރިޔާސީ އިންތިޚާބު ކާމިޔާބުކޮށް، ރައްޔިތުންގެ މަޖިލީހާއި ލޯކަލް ކައުންސިލް އިންތިޚާބުގައި އެކުގައި ވާދަކުރަން ސަރުކާރު ކޯލިޝަންގައި ހިމެނޭ ޕާޓީތަކުން އެއްބަސްވުމެއް އެކުލަވާލި އެވެ. މަޖިލީސް އިންތިހާބުގައި ޕާޓީތަކުން ގޮނޑިތަކަށް ވާދަކުރާނެ އަދަދު ލިއެފައި ނުވާ އެއްބަސްވުމާ މެދު ހިޔާލުތަފާތުވެ، ޕާޓީތަކުން ވާދަކުރަން ނިންމާފައި އޮތީ ވަކިވަކިންނެވެ.
ސަރުކާރުގައި ޕާޓީތައް ހިއްސާވާނެ ނިސްބަތް ކަނޑައެޅި އެއްބަސްވުމާ އެއްގޮތަށް މަޖިލީސް އިންތިހާބުގައި ވާދަކުރި ނަމަ، ކޯލިޝަންގެ މައި ޕާޓީ އެމްޑީޕީ އަށް 35 ދާއިރާ ލިބޭނެ އެވެ. ޖުމްހޫރީ ޕާޓީ އަށް 22، މައުމޫނަށް 17 އަދި އަދާލަތު ޕާޓީ އަށް 13 ދާއިރާ ލިބޭނެ އެވެ.
އެކަމަކު، ޕާޓީތަކުން މި ފޯމިއުލާ އަށް ދެން ކެންޑިޑޭޓުންނެއް ނުނެރެވޭނެ އެވެ. އެއީ، އެ އަދަދުތަކަށް ވުރެ އިތުރަށް އެމްޑީޕީ އާއި ޖުމްހޫރީ ޕާޓީ ވެސް ޓިކެޓް ހަވާލުކޮށްފައި އޮތުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައީދުތުރީ
03 February 2019
ރައީސް މައުމޫން އަބްދުލްގައްޔޫމްގެ ތާއީދާ އެކު ރައްޔިތުންގެ މަޖިލީހުގެ އިންތިހާބުގައި ވާދަކުރަން 30 އަށް ވުރެ ގިނަ ދާއިރާ އަށް ޓިކެޓް ދޭން ނިންމައިފި އެވެ. އަދިވެސް އެބަލަނީ ދިވެހިން މިތިބީ އެބޭފުޅާގެ އަށްދަށުގަކަމަށް 1978ވަނައަހަރު ރައީސް ނާސިރު ވެރިކަމުން ފައިބާ ވަޑައިގަތްއިރު އޮތް އެމްއެސްއެލްކިޔާ ކުންފުންޏެއް 98 އާގުބޯޓާއެކުކޮބާތޯ އެބޯޓްތަށް އެއީ މިރާށްޖޭގެ ރަށްޔަތުންގެ މުދާ ވީތަނެއް އެނގޭމިހަކު މިގައުމުގައި ހުރިތޯ ވޯޓްގެ ވާހިކަދަށްކަވާއީރު
ހަރަމްބާ
03 February 2019
އަދި ކިރިޔާ މިއެގުނީ މައުމޫނުގެ ފިކުރެއް އޮންނަކަމާ އެ ފިކުރަށް ތާއީދު ކުރާ ބަޔަކު އުޅޭކަން. މަހީކުރީ އެއަށް ކިޔަނީ މައުމޫނިއްޔަތު ކަމަށް.
ހާމިދު ޝާހިދު
03 February 2019
ދަރިކަލުން ފާރިޝް މައުމޫންވެސް މިފަހަރު ދާނީ ހަމަ ޗޮކުން. ދެންވެސް ކޮށްކޯފުޅާ ގުޅިވަޑައިގެން ރިވެތި ކޮށް އުޅުއްވަންވީނުންތޯ. ނޫނީ ޕީއެންސީ އާ ގުޅިވަޑައިގަންނަވަންވީނުންތޯ! ހަމަ އަބަދުވެސް ޕާޓީގެ ލީޑަރުގެ ގޮތުގައިތޯ ދުނިޔޭގައި ހުންނަވަން ބޭނުންވަނީ..!
ޑރ.ނަޒުނާ އަހުމަދު ހިތަދޫ/ޔޫކޭ
03 February 2019
ރައީސު އިބޫއަށް، މިމަންޒަރ ފަޒޫގެ ފަރާތުން ދެކެން ބޭނުމެއް ނޫން... ފަޒޫގެ އަމިއްލަ އެންޖީއޯ ތަކުގައި ހަރަކާތްތެރި ވުމަށް ފަޒޫ ދޫކޮށްބަހައްޓަވާ.. މާބޮޑަށްވެސް އަހަރުމެންގެ ލޯބި އަދި ތައުރީފުގެ ބަސްލިބިގެންދާނެ...
ރާވެރިބެ
03 February 2019
ވެއްޓެނީ
Fisaarikanbaleh
03 February 2019
މައުމޫނިޒަމްއަށް ތާއިދު ކުރާމީހުން އެމްއާރު އެމްއަށް، ޖަޒީރާ ރާއްޖެއަށް ތާއީދުކުރާމީހުން ޖަޒީރާ ރާއްޖެއަށް، ވިލާއަށް ތާއީދު ކުރާމީހުން ޖޭޕީއަށް،އަދުލު އިންސާފު ހޯދުމަށް ތާއިދު ކުރާމީހުން އަދާލަތަށް، އަދީބު ސަލާމަތް ކުރަން ނުކުންނަ މީހުންނާ ވަޒީފާގެ ހައްޤު ހޯދުމަށް ތާޑުވޭއަށް، ޔާނުގެ ދިފާއުގަ ނުކުންނަ މީހުން ޕީޕީއެމް ޕީއެންސީ ކޯލިޝަނަށް،
ނައިބުތުއްތު
03 February 2019
އެއްވެސް ލީޑަރަކު ބޭޒާރެއްނުވާނެ. އެކަމަކުވެސް ރައްޔިތުންނަށް ރަނގަޅު ފިލާވަޅެއް ލިބުމަކީ އެކަށީގެންވާކަމެއް.
ވިސްނާލާ
03 February 2019
30އަކުން ނުނެއްޓޭނެ. 30މިޓުއޮތަސް 30ގުނަކޮށްއުޅޭނީ. މީދެން ނިމުމެވެސްނެތް ކަމެއްތަ ދުނިޔޭގަ ނުނިމޭކަމެނެތް މައުމޫނުގެ ސިޔާސީ ކަންތަގަޑުފިޔަވާ ދުނިޔެ ނިމުނަސް މިކަމެނުނިމޭނެ ވަކިއުމުރެނެތޯ ސިޔާސީކަމަކަށް. އާ އަހަރެމެން ދުށީމު އިންޑޮނޭޝިޔާގަ ވައްހާބުވެސް ސިޔާސީކަމަކަށް އުމުރެނެތި އުޅެންޖެހުނުގޮތް އެފަދަ މައުމޫނުވެސް. ޒުވާން ދެފިރިހެންދަރިންނާ ތިސިޔާސީ ކަންތަގަޑު ހަވާލުކޮއްފަ ލަފާދޭން މަޑުންހުއްޓަސް އެކުދިން ޖަހާދޭނެ ތިޔައީޒައީމޭ އަޑުއަހަންއިދެބަލަ
ބިގަރުބެ
03 February 2019
ހަސަދައީ ނިދިފިޔަވެސް ޖެހިޔަދޭ އެއްޗެއް ނޫން ދޯ؟
އިބްރާ
03 February 2019
މައުމޫނު އިތުރަށް ބޭޒާރުވާން ތިއުޅުއްވަނީ.
ބަޑިތަކުރު
03 February 2019
ވާދަކޮށްގެން ނުހޮވުމަކީ ބޭޒާރު ވުންބާވައެވެ. އެހެންވިއްޔާ ތިޔަބުނާ ބޭޒުނުވާ ބަޔަކު އަދިއެއް ނެތެވެ. ކެންޑިޑޭޓުން ނެރުނު ހުރިހާ ދާއިރާއެއް ކާމިޔާބުކުރި އެއްވެސް ޕާޓީއެއް މިހާތަނަށް ފެނިފައެއް ނެތެވެ. ދެންވެސް އިރާދަކުރެއްވިއްޔާ އެއްބަޔެއްގެ އަތްމައްޗަށް މުޅި މަޖިލިސް ދޫކޮށްލާނެ ކަމަކަށް ނުފެނެއެވެ. އެކަމަކު އިރާދަކުރެއްވިއްޔާ އިހަށްދުވަހު ދުރުކުރި މީހުންނާއި އެމީހުންނާ ބައިއަތުހިފާ މީހުން ވެސް އިރާދަކުރެއްވިއްޔާ މިފަހަރު މަޖިލީހަށް ނުހޮވޭނެއެވެ.
ނައިބުތުއްތު
03 February 2019
ކުރިއަށް އޮތް ރައްޔިތުންގެ މަޖިލީހުގެ ގޮނޑި އިތުރުކުރަންޖެހެއެވެ. އެއީ އެމްޑީޕީ 86، ޖުމްހޫރީ 36، އެމްއާރުއެމް 30 އަދާލަތު 13 ޖުމްލަ 165 ގޮނޑި. މިހެން ހެދިޔަސް އެމްޑީޕީއަށް މެޖޯރިޓީ ލިބޭނެކަމަށް ބެލެވެނީ. 4 ލީޑަރުން އެއްބަސްވަންޏާ މިގޮތަށް ޤާނޫނުއަސާސީ ބަދަލުކުރެވިދާނެ. އެކަމަކުވެސް މިދާ ގޮތަށް ދާނަމަ އެމްޑީޕީ ސްޕަމެޖޯރިޓީ ނަގައި ދިވެހި ލޮބުވެތި ރައްޔިތުންނަށް 4 ލީޑަރުން ޖައްސަން އުޅުއްވާ ދަންތޫރަ ރަނގަޅަށް ޖައްސުވާނެ.