ވަކި މާއްދާއެއްގެ ގޮތުގައި ދިވެހި އަދަބިއްޔާތު ކިޔަވައިދޭން ފަށަނީ

އިސްކަންދަރު ސްކޫލުގެ ދަރިވަރުންތަކެއް: އަންނަ އަހަރު ކީސްޓޭޖް ހަތަރެއް އަދި ފަހަކަށް ދިވެހި އަދަބިއްޔާތު ތައާރަފުކުރަން ވަނީ ހަމަޖައްސާފައި.-- ފޮޓޯ: ނިޝާން އަލީ /މިހާރު

އާސިމާ ނިޒާރު، މިހާރު

05 ފެބުރުއަރީ 2019 - 15:35

14 comments

ސްކޫލުތަކުގައި ދިވެހި އަދަބިއްޔާތު، ވަކި މާއްދާއެއްގެ ގޮތުގައި ތައާރަފުކޮށް އަންނަ އަހަރު ކިޔަވައިދޭން ފަށަން ނޭޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އިން ނިންމައިފި އެވެ.

އެ އިންސްޓިޓިއުޓުގެ އެޑިއުކޭޝަން ޑިވެލޮޕްމަންޓް އޮފިސަރު ކޯޑިނޭޓަރު އަޒްރާ ތައުފީގު މިއަދު ވިދާޅުވީ ކީ ސްޓޭޖް ހަތަރެއް އަދި ކީސްޓޭޖް ފަހަކަށް އިހުތިޔާރީ މާއްދާއެއްގެ ގޮތުގައި، އަންނަ އަހަރު ދިވެހި އަދަބިއްޔާތު ތައާރަފުކުރާނެ ކަމަށެވެ. އެހެންކަމުން މަޖުބޫރު ހަތަރު މާއްދާގެ އިތުރުން ދިވެހި އަދަބިއްޔާތު ކިޔެވުމުގެ ފުރުސަތު އަންނަ އަހަރުން ފެށިގެން އެ ގްރޭޑުތަކަށް އޮންނާނެ އެވެ.

ކީސްޓޭޖް ހަތަރެއްގައި ހިމެނެނީ ގްރޭޑު 9-10 އެވެ. އެ ސްޓޭޖުގައި ތައާރަފުކުރާނީ ދިވެހި އަދަބިއްޔާތު-1 އެވެ. ގްރޭޑު 11 އަދި 12 ގައި ހިމެނޭ ކީ ސްޓޭޖު ފަހެއްގައި ކިޔަވައިދޭނީ އަދަބިއްޔާތު-2 އެވެ.

އަޒްރާ ވިދާޅުވީ ގާތްގަނޑަކަށް އަށް މަސް ދުވަހުގެ މަސައްކަތުން ވަރަށް ފުރިހަމަ ފޮތްތަކެއް ތައްޔާރުކޮށްފައިވާ ކަމަށެވެ.

"ދިވެހި އަދަބިއްޔާތު ތައާރަފުކުރުމުން ބަހަށް އޮންނަ ޝައުގުވެރިކަން އިތުރުވާނެ ކަމަށް ބެލެވޭ. ވަރަށް ހިތްހަމަޖެހޭ ވަރަށް ޓީޗަރުންނާއި ދަރިވަރުންގެ ފޮތްތައް ތައްޔާރުކުރެވިފައި މިވަނީ،" އަޒްރާ ވިދާޅުވި އެވެ.

ކުރިން ހަމަޖައްސާފައިވަނީ މިއަހަރު ދިވެހި އަދަބިއްޔާތު ކިޔަވައިދޭށެވެ. ނަމަވެސް އެކަމުގެ މައުލޫމާތު އެންމެ އެކަށީގެންވާ ގޮތެއްގައި ފޯރުކޮށްދެވިފައިނުވާތީ އެކަން އަންނަ އަހަރަށް ފަސްކުރީ އެވެ.

އަޒްރާ ވިދާޅުވީ އަދަބިއްޔާތު ކިޔަވައިދޭން ފެށިޔަސް އިމްތިހާނު ބާއްވާނެ ގޮތެއް އަދި ނުނިންމާ ކަމަށެވެ.

ރާއްޖޭގެ ތައުލީމީ މުގައްރަރުގައި މިހާރު ކިޔަވައިދޭ ދިވެހި ބަސް މާއްދާގައި ވެސް އަދަބިއްޔާތު ކޮންމެވެސް ވަރަކަށް ހިމެނެ އެވެ. އެގޮތުން އަދަބިއްޔާތުތަކުގެ ބައިތަކާއި ބައެއް އުފެއްދުންތަކާއި އަދީބުންގެ ފިލާވަޅުތައް އެ މާއްދާގައި ކިޔަވައިދެ އެވެ. އެކަމަކު ދިވެހި އަދަބިއްޔާތު އެއަށް ވުރެ ފުޅާ ދާއިރާއެއްގައި، ވަކި މާއްދާއެއްގެ ގޮތުގައި ކިޔަވައިދިނުމަށް ވަރަށް ގިނަ ބަޔަކު އައީ އެދެމުންނެވެ.

ދިވެހި އަދަބިއްޔާތު ބެހިގެންވަނީ ލިޔުންތެރިކަމާއި ވަޒަން ބަހުރުވައިގެ މައްޗަށެވެ. އޭގެ ތެރޭގައި ކުރު ވާހަކަ، ދިގު ވާހަކަ، ޅެން، ރައިވަރު، ބަނދި، ފަރިހި، ލަވަ ފާހަގަކޮށްލެވެ އެވެ.

ސްކޫލް އެޑިއުކޭޝަން މިނިސްޓްރީ ދިވެހި ބަސް ދިވެހި/އިސްލާމް

14 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަރޭމިތުރު

06 February 2019

ފުރަތަމަ ލޯތްބަކީ ދިވެހިބަސް ކަމުގައި ހަދަމާތޯ! ފުރަތަމަކަމަކަށް ދިވެހިން ވާހަކަދައްކަން ހަދަމާތޯ!................................................................ ދިވެހިބަހާއި އަދަބިއްޔާތައް ލޯބިކުރަމާތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

06 February 2019

ފޮތެއް އޮތަކަސް އެދުރެއްނުވާނެ. ފޮތް ހެދިޔަސް އޭގެބޭނުމެއްނުކުރެވޭ. ކުރާކަށް ނޭނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަދިވެހި ޓީޗަރަށް ވެވުނީމަ ދެރަ

06 February 2019

ކުދިންގެ ސުލޫކުރަގަޅުވޭތޯވެސް ޢަރަބިބަސް އަދަބިއްޔާތާ ޤަވަޢިދާއެކު ކިޔަވައިދިނިއްޔާ މާރަގަޅު ވާނެ. އޭރުން ޤުރްއާންފަހުމުވެ ދެނެގަތުމުގެ އިތުރުން ދީނީމަޢުލޫމާތުވެސް ރަގަޅަށް އެގޭނެ. ނެޓުން ސާޗް ކުރިއަސް ދީނީމަޢުލޫމާތު މިހުންނަނީ ޢަރަބި ބަހާ އިގިރޭސި ބަހުން. ޢަރަބި ބަހަކީ ދީނުގެ އެއްބައި ކަމަށް ވީ ހިނދު ރާއްޖެ އިސްލާމްވުމާ ހަމައިން ރަސްމީ ބަހެއްގެ ގޮތުގައި ޢަރަބިބަސް، ދެވަނަ ބަހަކަށް އިގިރޭސި ހެދިނަމަ މާރަގަޅުވީސް.ކުދިން ދިވެހިދެކެ ފޫހިވާތީ ދެރަވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިފޫ

05 February 2019

މިއަހަރު ކީސްޓޭޖް 5 ފެށުނު އިރު ދިވެހި، އިސްލާމް އޮތީ ސިލަބަސް ބަދަލުވެފަ.. ކިޔަވައިދޭ ޓީޗަރުންނަކަށް އަދި ސްކޫލަކަށް ވެސް އެކަން އެނގީއެއް ނޫން.. އަޅުގަނޑަށް ވެސް އެނގުނީ އެން.އައި.އީ ގެ ސައިޓަށް ވަނީމަ.. ދެން އެކަމު ސިލަބަސް ބަދަލުވެގެން ދިޔައިރު އެންމެ ރަނގަޅު ދޯ ޓީޗަރުން އެކަމަށް އަހުލުވެރިކުރުވަން ތަމްރީނެއް އެއްޗެއް ދިން ނަމަވެސް.. އަދިވެސް ޔަގީންނުވޭ އެ ކުދިން ކިޔަވާނެ ބައިތައް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞަރުބޯ

05 February 2019

ޖުމްލަ ނިމޭ އިރު ޖަހާ ".އެވެ." އެބަޖެހޭ އަދަބިއްޔާތުން ނަގަން. ބޭކާރު ޑާޓާ އަދި ސްޕޭސް އެ ދެ އަކުރާއި ދެ ފިއްޔަށް އެބަދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

05 February 2019

އަދަބިއްޔާތު ކިޔަވައިދޭން ފަށާއިރު އަޚްލާޤުވެސް ކިޔަވައިދިނުމަކީ މުހިއްމުކަމެއްކަމަށް ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަ ނުދަންނަ

05 February 2019

އަދަބިއްޔާތެއް ނޫން ކިޔަވައިދޭންވީ. ކިޔަވައިދޭންވީ ކުށެއްނެތި ޕެރެގްރާފެއް ލިޔަން. ކުށަކާނުލައި ސިޓީއެއް ލިޔަން. މިހާރު އޭ ޕްލަސް ހޯދައިގެން ނުކުންނަ ކުއްޖަކަށްވެސް މިއުޅެނީ ސަލާމުގެ ސިޓީގަނޑެއްހައި ހިސާބުވެސް ރީތި ދިވެހިބަހުން ކުށެއް ނެތި ލިޔަން ނޭނގިގެން. ކޯއްޗެއް ތި ކިޔަވައިދެނީ. އަޖާއިބު ހައިރާންވެއްޖެ.