"ފޮތްތަކުން ކުށް ފެނުމަކީ އާންމުކޮށް ދިމާވާ މައްސަލައެއް. ނަމަވެސް ގުރުއާނުގެ އާޔަތެއްގައި ކުށެއް އޮވެގެން ނުވާނެކަން ގަބޫލުކުރަން. މިކަމުގައި އިހުމާލެއް އޮތްތޯ އަޅުގަނޑުމެން ބަލާނަން."
އެޑިއުކޭޝަން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޑރ. އައިޝަތު އަލީ ވާހަކަ ދައްކަވަނީ.---ފޮޓޯ: މިހާރު
06 ސެޕްޓެމްބަރ 2021 - 12:21
93 comments
ގްރޭޑް އެކެއްގެ ކުދިންގެ ގުރުއާން ފޮތުގައި އާޔަތްތައް ނުބައިކޮށް ހުރުމުން އެކަން އިސްލާހުކޮށްގެން ކިޔަވައިދެމުން ގެންދާތާ ފަސް އަހަރު ވެއްޖެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެ މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ޑރ. އާއިޝަތު އަލީ ވިދާޅުވީ ގައުމީ އާ މަންހަޖުގެ ދަށުން ކިޔަވައި ދިނުމަށް 2015 ގައި ޗާޕުކުރި މި ފޮތްތަކުގައި އޭރުއްސުރެ އެ ކުށް އޮތް ނަމަވެސް ސަމާލުކަމަށް އައީ މި ފަހުން ކަމަށެވެ.
ގުރޭޑް އެކެއްގެ ގުރުއާން ފޮތްތައް ޗާޕްކުރި އިރު، ދެ ސޫރަތެއްގެ އާޔަތްތައް އެކުވި މައްސަލައެއް ފެންމަތިވީ މިދިޔަ ހަފުތާގަ އެވެ. އޭގެ ފަހުން، ގްރޭޑް 2 އަދި 12 ގެ އިސްލާމް ފޮތްތަކުގައި ވެސް އެފަދަ މައްސަލަތަކެއް ހުރުމުން، ބައެއް އިލްމުވެރިން ވަނީ ސޯޝަލް މީޑިއާގައި ކަންބޮޑުވުން ފާޅުކުރައްވައިފަ އެވެ.
"ފޮތްތަކުން ކުށް ފެނުމަކީ އާންމުކޮށް ދިމާވާ މައްސަލައެއް. ނަމަވެސް ގުރުއާނުގެ އާޔަތެއްގައި ކުށެއް އޮވެގެން ނުވާނެކަން ގަބޫލުކުރަން. މި ކަމުގައި އިހުމާލެއް އޮތްތޯ އަޅުގަނޑުމެން ބަލާނަން،" އެޑިއުކޭޝަން މިނިސްޓަރު ވިދާޅުވި އެވެ.
ފޮތްތައް އެންމެ ފުރަތަމަ ޗާޕުކުރީ ވެސް ނޭޝަނަލް އިންސްޓިޓިއުޓު އޮފް އެޑިއުކޭޝަން (އެންއައިއީ) އާއި އިސްލާމިކް މިނިސްޓްރީ އަދި އިސްލާމިކް ޔުނިވާސިޓީން ވެސް ކުށް ހުރިތޯ ޗެކުކުރުމަށް ފަހު، ފޮތްތައް ފާސްކުރުމުން ކަމަށް އޭނާ ވިދާޅުވި އެވެ.
މިނިސްޓަރު ވިދާޅުވިގޮތުގައި، އެންއައިއީއާ ގުޅިގެން މި ކުށް އިސްލާހު ކުރުމުގެ މަސައްކަތް މިހާރު ވަނީ ފަށައިފަ އެވެ. އެހެންވެ، ކުދިންގެ އަތުން އެ ފޮތްތައް މިހާރު ނަގައި، ކުށް ހުރި ސަފުހާތައް ފޮތުން ނެގުމަށް ފަހު، އާޔަތްތައް އިސްލާހުކޮށް، އެ ސަފުހާ އަލުން ފޮތްތަކުގައި ތަތްކުރަން ސްކޫލުތަކަށް ވަނީ އަންގައިފަ އެވެ.
އެޑިއުކޭޝަން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޑރ. އައިޝަތު އަލީ ވާހަކަ ދައްކަވަނީ.---ފޮޓޯ: މިހާރު
އިހުމާލު އޮތް ނަމަ ފިޔަވަޅު އަޅާނެ
މިނިސްޓަރު ވިދާޅުވީ މިހާ ގިނަ ދުވަސްތަކެއް ވަންދެން ފޮތްތަކުގައި އެ ކުށް ޖެހިފައި ހުރި ނަމަވެސް، އެކަން އިސްލާހު ނުކުރެވި އޮތުމުން އެކަމުގައި ބައެއްގެ އިހުމާލު އޮތްތޯ ބަލައި، އެފަދަ ކަމެއް ފާހަގަ ކުރެއްވިއްޖެ ނަމަ ފިޔަވަޅު އަޅުއްވާނެ ކަމަށެވެ.
ހުރިހާ ގްރޭޑްތަކެއްގައި ގުރުއާނާއި އިސްލާމްގެ ފޮތްތަކުގައި އިތުރު ކުށްތައް ހުރިތޯ ބެލުމަށް އެންއައިއީގެ މުވައްޒަފުން ނުހިމެނޭ މިނިވަން ކޮމިޓީއަކުން ފޮތްތައް މުރާޖައާ ކުރުމުގެ މަސައްކަތް ވަނީ ފަށައިފަ އެވެ.
"މި ކޮމިޓީން އިހުމާލުވި ބައެއް ތިބިތޯ ބަލާނެ،" މިނިސްޓަރު ވިދާޅުވި އެވެ.
މިފަދަ ކަމެއް ތަކުރާރުވިޔަ ނުދިނުމަށްޓަކައި ޕްރޫފް ރީޑިންގެ ކަންކަން ކުރިއަށް ވުރެ ހަރުދަނާ ކުރަން ވެސް މިނިސްޓްރީން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިމަނާ
08 September 2021
ދޮގުހައްދަވާ ކަމުން ރެކެން އުޅުމުގެ ބޭނުމެއްނެތެއްނުންތޯ؟ ޔާމީނު ނުވަތަ އެހެން ބޭފުޅެއްގެ ބޮލުގައި އެޅުވުމުގެ ބަދަލުގައި، ޒިންމާ ނަންގަވާ ބައްލަވާ! ކަމަނާގެ ދެއަހަރޭ މިދިޔައީ، ކުށްހުރިކަން އެނގިހުރެ ކީއްވެތޯ ޗާޕްކުރެއްވީ؟މިއީ އެނެއްކާ މިސަރުކާރުގެ ޕޮލިސީއެއްތޯ؟
ޙުސައިންބޭ
07 September 2021
5 އަހަރު ވީއިރު، ތިޔަފޮތުން ކިޔަވައިދިން މުދައްރިސުން ހަމަ ފޮތް ނުބަލަނީބާވައެވެ! ނޫނީ އެވަރުގެ ބޮޑުކުށެއް ޤުރުއާން ލިޔެފައިވާ ފޮތެއްގައި އޮންނަތާ 5 އަހަރުވީއިރު، މުދައްރިސުންނަށް އެކަން ފާހަގަނުކުރެވުނީ ހަމަ ނުދަންނާތީ ބާވައެވެ!
އަޒުޒާ
07 September 2021
ކަލޯގެޔާ ޒިންމާ ނުނަގާ ބޮލުން ކަޓުވާލެވޭތޯ ބަލާ. މީގެ 5 އަހަރު ވިޔަސް 50 އަހަރު ވިޔަސް ކަމަނާގެ މިނިސްޓަރުކަމުގަ ހުންނަތާ ވީދުވަސްވެސް 5 އަހަރުތެރޭގައި ހިމެނޭނެ ދެއްތޯ. މީގެ 5 އަހަރު ކުރިއޭ ބަރޮބޮލޭ ނުކިޔާ ކުޑަމިނުން ޒިންމާ ނެގޭތޯ ބަލަންވެއްޖެނުން.
ރަންދެލި
07 September 2021
"ފޮތްތަކުން ކުށް ފެނުމަކީ އާންމުކޮށް ދިމާވާ މައްސަލައެއް" ނާ ހަމަ ތެދެއް ތޯ؟ އެހެން އެވަނީ ކީއްވެތޯ؟ ކޮންމެ ފޮތެއް ވެސް ލިޔާ ބަޔަކު ލިޔެ ޕުރޫފް ރީޑް ކޮށް އެތައް ބަޔަކު އެއާ އެގޮތްމިގޮތައް ހިފާ ކުށް ރަނގަޅުކުރާއިރު އެކަން އާންމު ކަމަކަށް ވަނީ ކީއްވެހޭ؟ މިފޮތް ތައް ބޭނުންކުރި ޓީޗަރުން ކޮބާހޭ؟
ފާނަކޮށި
07 September 2021
ކިރިޔާ ކުށެއް ވިޔަސް ވަޒީރަކު އިސްތިއުފާދޭންޖެހޭ ވަރުގެ ކަމެއްނޫނެވެ. ވަޒީރުންނަކީ 1000 ލޯ އަޅައިގެން ކަންކަން ބަލަން ތިބޭވަރު ބައެއްނޫނެވެ، ވަޒީރުންގެ ދަށުގައި އަދި އެފަރާތްތަކުގެ ދަށުގައި ތިބޭ ފަރާތް ތަކުންކުށެއް ކުރެވުނީމަ ޒިންމާ ނަގަންޖެހޭނީ އެފަރާތް ތަކުގެ އިޙްމާލުންނެވެ. އެންބިއުލެންސް ދުއްވަނީ ވަޒީރެއްނޫނެވެ. ހަމަ ވަޒީފައި ލިބިފައިވާ ޢާއްމުރައްޔިތުންނެވެ.
1234
07 September 2021
އަދުރޭ މި ފަހަރު މިގޮވީ އަތަށްދޯ ؟
ށަވިޔަނި
07 September 2021
ކަމަނާ، ސަރުކާރު ގެ ސަމާލުކަމަށް އެކަން އައިސްފައިނެތުމުން އެފަރާތްތަކަށް ރުޅިބަންޑުންކުރާ މީހުނަށް އެހާދުވަސްވަންދެން އެ ފޮތްތަކުން ކިޔަވައިދިން ޓީޗަރުން ނުފެނޭ. އެންމެ ފުރަތަމަ އެކަން އެނގެން ފެންނަން ޖެހޭބަޔަކީ އެއީ. މަށަށް ފެންނަނީ އެމީހުންގެ އިހްމާލު.
ހުސެން
07 September 2021
"މިކަމުގައި އިހުމާލެއް އޮތްތޯ އަޅުގަނޑުމެން ބަލާނަން،" އެޑިއުކޭޝަން މިނިސްޓަރު ވިދާޅުވި އެވެ. މީނާ ކީކޭކިޔަންބާ މިއުޅެނީ، ދޮގުހަދާ އޮޅުވާލަންއުޅޭމީހުން ދައްކާނީ މިފާޑުގެ ދެއުޅިއެއްނުވާ ވާހަކަ، ބަލަ އާޔަތްތައް ނުބައިކޮށް ކިޔަވާފޮތްތަކުގައި ހުންނާނީ ބަޔަކު އިހުމާލުވީމަނުން، މިނިސްޓަރުވެސް އިހުމާލުވީމަ، ދެންކީކޭކިޔަންތޯ؟ މީނާ މިނިސްޓަރުކަމަށްއަރާ ސިޔާސީއެކިއެކި ބޭނުމުގައި އެޑިއުކޭޝަން ސިސްޓަމާކުޅެ ޖީލެއްގެ ތަޢުލީމު ހަލާކުކޮށްލައިފި، އިސްތިއުފާ
އަޝްރަފް
07 September 2021
ރާއްޖެ މިހާތަނަށް ދުއް އެންމެ ނާގާބިލު އެޑިއުކޭޝަން މިނިސްޓަރު. އެއްބަސް ވަންޏާ ލައިކެއް.
ލައިލެކް
07 September 2021
މިއީ ހަމަ ތި މިނިސްޓްރީ އިން އަރަބި ބަސް ކިޔަވައި ދިނުން މުހިއްމު ކަމަށް ނުދެކޭތީ ދިމާވާ މައްސަލަ. 100 % މުސްލިމް ގައުމަކަށްވެފައި ޤުރުއާނުގައިވާ އާޔަތްތަކާއި މާނަ އަޅުގަނޑުމެންނަށް ނޭގުން އެއީ ހިތާމަ ކުރަންޖެހޭ ކަމެއް. ދެންވެސް އެކަކު އަނެކަކު ކުށްވެރި ނުކޮށް އަރަބިބަސް ކިޔަވައި ދިނުން ސިލަބަހުގައި ހިމަނަދިީބަލަ. އޭރުން ތިކަހަލަ ކުށްތައް ދެނެގަންނަން 5 އަހަރު ނުނަގާނެ.
ދެރަވަރު
07 September 2021
ތާޖް މަހަލް ކައިރީގައި ހުއްޓާ މަ ބުރުގާ އަޅާފަ ހުރީމާ ބިދޭސީ މީހާ އަހާލީ ކީކޭހޭ އެތަނުގައި އަރަބިން ލިޔެފައެއިނީ. އޭގެ މާނައަކީ ކޮބާހޭ. މަށަށް ދެވެން އޮތް ޖަވާބަކީ އަހަންނަށް އިނގެނީ ކިޔަންއެކަންޏޭ އަރަބި މާނައެއް ނޭގެޔޭ
އަހުމަދުް
07 September 2021
ބޭފުޅާ، އަރަބި ބަސް ކިޔަވައިދޭ މިހާރުވެސް އެކަމަށް ބޭނުން ސްކޫލްތަކުން. ސިލަބަސް އެބައޮތް. ފޮތްތައްވެސް އެބަހުރި. ކުދި ކުދި ސްކޫލްތަކުގައިވެސް މިހާރުވެސް މިއަދުވެސް ކިޔަވައިދޭ. ތިބޭފުޅާ ތަންކޮޅެއްބޮޑަށް ރާއްޖޭގެ ތަޢުލީމީ ނިޒާމަށް އަހުލުވެރިވުން ބުއްދިވެރި. އޭގެ ފަހުގައި ކޮމެންޓްކުރުން ރަނގަޅުކަމަށް އަޅުގަނޑަށް ވިސްނެނީ.