މިރޭގެ ހަފުލާގައި ރައީސް ވާހަކަފުޅު ދައްކަވަނީ. --ފޮޓޯ:ރައީސް އޮފީސް
10 ފެބުރުއަރީ 2019 - 00:14
13 comments
ސްޓޭޓް ބޭންކް އޮފް އިންޑިޔާ (އެސްބީއައި) ގެ ދިގު މުއްދަތުގެ ޚިދުމަތަކީ ރާއްޖެ އާއި އިންޑިޔާ ދެމެދު އުފެދިފައިވާ ޒަމާންވީ ގާތް ގުޅުމުގެ ރަމްޒެއް ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.
އެސްބީއައިގެ ޚިދުމަތް ރާއްޖޭގައި ދޭތާ 45 އަހަރު ފުރުން ފާހަގަކުރަން ކުރުނބާ މޯލްޑިވްސްގައި ބޭއްވި ރަސްމިއްޔާތު ޝަރަފުވެރި ކޮށްދެއްވައި ވާހަކަފުޅު ދައްކަވަމުން ރައީސް ވިދާޅުވީ އަމިއްލަ މީހުންނަށާއި ވިޔަފާރިވެރިންނަށް މާލީ އެހީތެރިކަން ފޯރުކޮށްދިނުމުގައި އެސްބީއައި އަބަދުވެސް މުހިއްމު ދައުރެއް އަދާކުރާ ކަމަށެވެ.
އެހެންވެ، ދިގު މުއްދަތެއް ވަންދެން ރާއްޖޭގައި ޚިދުމަތް ކޮށްފައިވާތީ އެމަނިކުފާނު ވަނީ އެ ބޭންކުގެ ވެރިންނާއި މުވައްޒަފުންނަށާއި ހިއްސާދާރުންނަށް މަރުހަބާ ދަންނަވައި ޝުކުރު އަދާކުރައްވައިފަ އެވެ.
އެސްބީއައި އަކީ ރާއްޖޭގައި އެންމެ ފުރަތަމަ ހިދުމަތް ދޭން ފެށި ބޭންކެވެ. ޓޫރިޒަމްގެ ސިނާއަތް ފެށިއިރު ރާއްޖޭގައި ބޭންކިންގެ ހިދުމަތްދޭ ހަމައެކަނި ބޭންކަކީ ވެސް އެއީ އެވެ.
ރައީސް ވަނީ ދިވެހި ވިޔަފާރިތަކަށް ކާމިޔާބާ ހަމައަށް ވާސިލްވުމަށް އެސްބީއައި އިން ދޭ އެހީތެރިކަން ވެސް ފާހަގަކުރައްވައިފަ އެވެ.
މިރޭގެ ހަފުލާގައި އެސްބީއައިގެ ފަރާތުން ރައީސް އިބްރާހިމް މުހައްމަދު ސޯލިހަށް ވަނީ ޚާއްސަ ހަނދާނީ ފިލައެއް އަރުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮސްކާ
10 February 2019
އިންޑިއާ ވެއްޖެއާ މިސަރުކާރުން ވަނީ ހަމަ ހޭބަލި. އިންޑިއާގެ ހުރިހާ ކަމެއްވެސް އޯކޭ. އިއުލާން ކުރަންވީ ނުންތޯ ރާއްޖެއަކީ އިންޑިއާގެ ބައެއް ކަމަށް. ރާއްޖޭގެ ގައުމީ ބޭންކުން ފައިދާވީމަ ފައިދާވެސް ދިވެހިންނަށް. އިންޑިއާ ބޭންކަށް ތައުރީފު ކުރީމަ މިވަނީ ކޯޗަކަށް. މަށަ ވޯޓުދެވުނީ އިންޑިއާ ބޯން ރައިސަކަށް ބާ؟
އަޙުމަދު.
10 February 2019
އޮސްކާ. ކަންކަމާބެހޭގޮތުން ކޮމެންޓް ކުރާއިރު ތަންކޮޅެއް ފޫންކޮށް ވިސްނާލަފަ ކޮމެންޓް ކޮށްބަލަ، އެސް ބީ އައި އާބެހޭގޮތުން ގައުމުގެ ވެރިމީހާ ދެއްކެވި ވާހަކަފުޅުގައި ހަގީގަތާ ޚިލާފު ވާހަކައެއް ބުނެފަ އޮތީތޯއެވެ. އޮސްކާ ނުދެކެންތޯ ޗައިނާ ވަރުގެ ގައުމެއް ދުނިޔޭގަ ނެއްކަމަށްހީކޮށް ކުރީސަރުކާރުގެ ބަޔަކަށް ހީވެގެން އުޅުނުދުވަސް. އިންޑިޔާ ޗައިނާ ބޭކުންތަކުގެ ހިއްސާވެސް ދިވެހިންގެ ބަޔަކު ގަނެފަ އޮތްނަމަ އެބަޔަކަށް ފައިދާވާނެ،
ީހަަރުގެ
10 February 2019
ރާއްޖެ އާ އިންޑިޔާ އާދެމެދު ޒަމާނުއްސުރެ އޮންނަ ގުޅުން ފިތުނައަށް ބަދަލުކޮށް ރާއްޖެ އަޅުވެތިކުރުމުގެ ޚިޔާލުދީ ވަސްވާސްދި އެކަން ހިންގަނީ ނަޝީދު. ޢަދި އެކަމުގައި ސާލިހުވެސް ބާވެރިވޭ. މިސަރުކާރު ނިމޭއިރަށް ރާއްޖޭގެ ޑިމޮކްރަސީ ނެތޭކިޔާ ރާއްޖެ އަށް ދަތިކޮށް އެމީހުންނަށް ހެދުުނުހާ ގޮތެއްހަދާނެ. ނަޝީދަކީ ދިވެހިރާއްޖެއަށް ދުވަހަކުވެސް ރަގަޅުކަމެއްކޮށްދޭނެ މީހެއްނޫން. ޢަދި ކޮއްދިންމީހެއްވެސްނޫން.
ޖެނެރަލް އަންދަރޭ
10 February 2019
ރާއްޖެ ދަވާލާ ބޭންކް
މާރިޔ
10 February 2019
ބޭންކެއްގެ، އަހަރީ ދުޗަސް ޝަރަފްވެރިކޮށްދޭން ރާއްޖޭގެ ރައީސް، އަދިއވެސް ދިޗެހި ބޭބްކެއްނޫން.
އާނނ
10 February 2019
އިންޑިއާއިން މަސްބާނަން ދޮއްޓެއް އެއްލިއަސް އެތަނަށް ރައީސް ދާންވާނެ.
އައްޑޫސިޓީ
10 February 2019
އިބޫ ރަންގަޅަށް ވިސްނާފަތަ ތިވިދާޅުވީ އެސްބީއައި އިންމާލީއެހީތެރިކަން ފޯރުކޮށް ދިނީއޭ. ތިހުރިހާބޭންކަކުން ވެސްފޯރުކޮށްދެނީ މާލީއެހީތެރިކަން ނޫންތޯ؟ 100000 ރުފިޔާގެ މާލީއެހީތެރިކަން ލިބޭމީހާ ދެއަހަރު ނިމޭ އިރު 150000 ރުފިޔާ ދަތްކަންޖެހޭ. މިއީތަ މާލީއެހީތެރި ކަމަކީ؟ ރައްޔެތުމީހާ ތިމާލީއެހީތެރިކަންދޭ ބޭންކުތަކުގެ ސަބަބުން ބަނގުރޫޓްވެ ހަފުސްވަނީ. ކިހާރަނގަޅު.
ނަސީދު
10 February 2019
ކިހާރަގަޅު ލޯނުގަނޑެއް ވެސް މިލިބެނީ %12 އިންޓްރަސަ ރޭތުން
ނަސީދުގެ ބަޑީ
10 February 2019
ބަޑީ %12 ކޮންޕައުންޑް އިންޓްރަސްޓް! މާނައަކީ މިސާލަކަށް 3،000،000 ރުފިޔާ 15 އަހަރަށް ނަގައިފި ނަމަ އިތުރަށް 3،480،909 ރ! އިތުރަށް %116 ވީމާ ވަރަށް "ރަގަޅު" ތާ؟
ޝަންޝަން
10 February 2019
އިންޑިޔާ އަކީ ދިވެހީން އެހާ އިތުބާރުކުރާ އަދި އުޅޭހިއްވާ ތަނެއް ނޫނެވެ. އެތަނައް ދާންޖެހެނީ ބޭސްފަރުވާގެ ބެނުމުގައެވެ. އެއީ ސާފުތާހިރުކަން ކުޑަ އަދި ކޮލިޓީދެރަ ތަކެތިވިއްކާ ތަނެކެވެ. ދިވެހިން މިހާރު ދާންބޭނުންވަނީ ކަޓު އިންޑިޔާއަކައް ނޫވެ.. ދިވެހިން ދާހިއްވަނީ ޗައިނާގެ މުއްސަނދި އަގުބޮޑު އުސް އިމާރާތްތަކުގައިވާ ޝޮޕިންގް ސެންޓަރުތަކަށެވެ. އަދި އިންޑަސްޓުރިއަލް ދުނިޔޭގެ ފެންވަރުގެ ފެކްޓަރީތަކަށެވެ.އިންޑިޔާ އަކީ މާޒީ އެވެ.
ޢައްޔު
10 February 2019
http://www.maldivesroyalfamily.com/suvadives_symbols_of_statehood.shtml
އައްޔު
10 February 2019
ރާއްޖޭގައި އުފެދުނު ފުރަތަމަ ބޭންކަކީ އަފީފް ދީދީ އުފެއްދި ޕީޕަލްސް ބޭންކް އޮފް އައްޑޫ
އަގްލީބެޓީ
10 February 2019
އެއްކަލަ އައްޑޫމީހުން އަނގަހުޅުވަންފެށީ. ތިއީ މާޒީ. ބައާވާތް ކުރުން ފިޔަވައި އެހެން ކޮންކަމެއް ކުރިބައެއް ތިއީ. ލަދުހަޔާތް ކުޑައީ ވަކިވަރަކަށް ނޫނޭ ދޯ ؟