ތިން ބޭންކަކަށް 699 މިލިއަން ރުފިޔާ ދައްކަން އަތަމާގެ މައްޗަށް ކުރި ހުކުމް ސުޕްރީމް ކޯޓުން ދަމަހައްޓައިފި

ސުޕްރީމް ކޯޓު: ތިން ބޭންކަކަށް 699 މިލިއަން ރުފިޔާ ދައްކަން އަތަމާ ކުންފުނީގެ މައްޗަށް ކުރި ހުކުމް ސުޕްރީމް ކޯޓުން ވަނީ ދަމަހައްޓާފައި --ފޮޓޯ/މިހާރު

މުއިއްޒު އިބްރާހިމް، މިހާރު

12 ފެބުރުއަރީ 2019 - 18:13

12 comments

ތިން ބޭންކަކަށް 699 މިލިއަން ރުފިޔާ ދައްކަން އަތަމާ އިންވެސްޓްމަންޓްގެ މައްޗަށް ދަށު ކޯޓާއި ހައި ކޯޓުން ކުރި ހުކުމް ސުޕްރީމް ކޯޓުން ދަމަހައްޓައިފި އެވެ.

ސްޓޭޓް ބޭންކް އޮފް އިންޑިއާ (އެސްބީއައި) މާލޭ ބްރާންޗާއި އެސްބީއައި މޮރިޝަސް ބްރާންޗްގެ އިތުރުން ކޮމާޝަލް ބޭންކް އޮފް ސިލޯނަށް، އެކު ޖުމްލަ 45 މިލިއަނަށް ވުރެ ގިނަ ޑޮލަރު (699 މިލިއަން ރުފިޔާ) ދައްކަން އަތަމާ ކުންފުނީގެ މައްޗަށް ސިވިލް ކޯޓުން ހުކުމްކުރީ އެ ކުންފުނިން އެ ބޭންކްތަކުން ނަގާފައި ހުރި ލޯނުތަކަށް ފައިސާ ނުދައްކައިގެން ދައުވާ ކުރުމުންނެވެ.

އެ މައްސަލަ އަތަމާ އިން ހައި ކޯޓުގައި އިސްތިއުނާފް ކުރުމުން 2014 ގައި ހައި ކޯޓުން ވެސް ވަނީ ކޯޓުގެ ނިންމުމަށް ތާއީދުކޮށްފަ އެވެ. އެ މައްސަލަ އަތަމާ އިން ސުޕްރީމް ކޯޓުގައި އިސްތިއުނާފް ކުރުމުން މިދިޔަ ހަފުތާގައި ސުޕްރީމް ކޯޓުން ނިންމީ ދަށު ކޯޓާއި ހައި ކޯޓުގެ ހުކުމް ރަނގަޅު ކަމަށެވެ.

ދަށު ކޯޓުން އަތަމާ ކުންފުންޏާއި އެ ލޯނުތަކަށް ގެރެންޓީ ދިން ފަރާތްތަކުގެ މައްޗަށް ހުކުމް ކޮށްފައިވަނީ ހަތް މަސް ތެރޭގައި އެ ފައިސާ ދެއްކުމަށެވެ.

އެ ފައިސާ ނުދައްކައިފި ނަމަ، އެ ލޯނުތަކަށް ރަހުނު ކޮށްފައިވާ ކިހާދުއްފަރު ރިސޯޓާއި މާވެލާވަރު އައިލެންޑް ރިސޯޓާއި އެތަނުގައި ހުރި މުދާ ވިއްކާލުމުގެ ހުއްދަ އެ ލޯނުތައް ދޫކުރި ބޭންކްތަކަށް އޮންނާނެ ކަމަށް ވެސް ދަށު ކޯޓުން ކަނޑައެޅި އެވެ.

އެނގިފައިވާ ގޮތުގައި އެ މައްސަލާގައި އެސްބީއައިގެ ފަރާތުން ސުޕްރީމް ކޯޓުގައި ވަކާލާތުކުރީ ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދެވެ.

ސުޕްރީމް ކޯޓް އެސްބީއައި ކިހާދުއްފަރު އައިލެންޑް ރިސޯޓް ބޭންކް ލޯން ސިލޯން ކޮމާޝަލް ބޭންކް

12 ކޮމެންޓް, 77 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަހޭ

13 February 2019

ފައިސާޔާ ބާރު ހުރެ އަދި ގައުމުގެ އެންމެ ނަގާކިޔާވަކީލުން މެދުވެރިކޮއް ހިންގާ ސަރީއަތް ނިމެން 5 އަހަރު!!!!. ނިކަމެތިމީހާގެ ހާލުއޮތީ އިހްސާސްކޮއްލުން. މީމިގައުމުގެ ހާލަތު މިއަދުގެ އެކަންޏެއްނޫން މީގެކުރީގަވެސް. އެއްފަރާތުން ފައިސާއޮއްސަންވީ މައްސަލަ ލަސްކުރަން، އަނެއްފަރާތުން ފައިސާއޮއްސާނެ މައްސަލަ އަވަސްކުރަން. ސަދޫމް އެކޭ ކޮބާތަފާތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އހުމަދު.

12 February 2019

ހިތާމަހުރި ކަމެއް. ކޯޓުތަކުން މައްސަލަތައް ނިންމަވާލެއް އަވަސްކަމުން ދެންހަދާނީ ކިހިނެއް.؟ ފަންޑިޔާރުންގެ އަރިހުގައި މިވާހަކަ ކޮންމެވެސް ބޭ ފުޅަކު ދަންނަވާލަދެއްވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

12 February 2019

އަތަމާގެ ރިސޯޓުތައް ދެން ޖެހޭނީ ވިއްކާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

12 February 2019

އެސް ބީ އައި މީހުންނަ އެގޭ ޖަމީލް ވަކާލާތު ކުރީމަ ކާމިޔާބު ވާނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

12 February 2019

އަތަމާ ތިޔައީ ދިވެހީންނަށް ވ ފަރިތަ ނަމެކެވެ. ހައްޖަށް ގޮސްސަ ހުރި ގިނަ ބަޔަކަށް އެނގޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިންމުގޯލި

12 February 2019

2014 ގަ އިއްވި ހައިކޯޓުގެ ހުކުމެއް އިސްތިއުނާފް ކުރުމުން ސުޕްރީމް ކޯޓުގެ ހުކުމް 2019 ގަ؟ ޝަރްޢީ ދާއިރާ އިސްލާހު ކުރަންވީ ބޮޑު ސަބަބެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިލަބެ

12 February 2019

ވަރަށްރަނގަޅު އަދިހަމަ އެހެންމެ މީސްމީހުންގެ އަތުން މަކަރާއި ހީލަތުން ބޮޑަތިއަދަދުތަކުން ފައިސާނަގައިގެން އުޅޭމީހުން މިހާރުވެސް އެބައުޅޭ ކޮށްމެމީހަކީ ތިޔަފަދަ ލޯފާމުތަކުގެ އެހީހޯދޭނެ ވަރުގެ މީހުނެއްނޫން ވަރަށްއުނދަގޫ އެމީސްމީހުނަށް ތިކަންކުރަން