15 ފެބުރުއަރީ 2019 - 11:29
25 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް (އެމްއެމްޕީއާރުސީ)ގެ 1.3 ބިލިއަން ރުފިޔާގެ ޚިޔާނާތުގައި ބައިވެރިވެފައިވާ ހުރިހާ އެންމެން މަގާމުތަކުން ވަކިކުރަން ޖެހޭ ކަމަށާއި ކޮރަޕްޝަނަށް "ޒީރޯ ޓޮލެރެންސް" ދޭން ޖެހޭނީ އެގޮތަށް ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު މިއަދު ވިދާޅުވެއްޖެ އެވެ.
ކޮރަޕްޝަންގެ ބޮޑެތި ތުހުމަތުތަކެއް ކުރެވޭ، ކުރީގެ ރައީސް އަބްދުﷲ ޔާމީންގެ އިންތިހާބީ ނައިބު ރައީސް ޖަމީލް މިއަދު ކުރެއްވި ޓްވީޓެއްގައި ވިދާޅުވީ އެމްއެމްޕީއާރުސީގެ ހިޔާނާތަކީ ވޭތުވެދިޔަ އަހަރުތަކުގައި ހިންގާފައިވާ ބޮޑެތި ކޮރަޕްޝަންގެ އަމަލުތަކަށް ބަލާއިރު ކުޑަ މިންވަރެއް ކަމަށެވެ.
ހިޔާނާތުގެ އެ ފައިސާތައް ބޭނުންކޮށްފައި ވަނީ ދައުލަތަށް ނުފޫޒު ފޯރުވުމަށާއި އެމަނިކުފާން ނައިބު ރައީސްކަމުން ވަކިކުރުން ފަދަ ބޮޑެތި ޖަރީމާތަކަށް ކަމަށް ވެސް ޖަމީލް ވިދާޅުވި އެވެ.
"އެ ފައިސާ ބެހީ ޑިމޮކްރެޓިކް މުއައްސަސާތަކާއި ނިޒާމާއި ގާނޫނުތައް ފުނޑުފުނޑު ކުރަން،" އަހުމަދު އަދީބު ނައިބް ރައީސް ކަމަށް ވަޑައިގަތުމަށް މަގާމުން ވަކިކުރި ޖަމީލް ވިދާޅުވި އެވެ.
Any deal done through MMPRC that didn’t benefit our people must be immediately terminated. While Prez @ibusolih’s swift action is a welcome sign, MMPRC corruption is just the tip of the iceberg; other major corrupt activities took place over the past years... 1/3
— Mohamed Jameel Ahmed (@MJameelAhmed) February 14, 2019
ޖަމީލް ކުރެއްވި ޓްވީޓް--
ހިޔާނާތުން ފައިދާ ހޯދި މީހުން އަދިވެސް ތިބީ ދައުލަތާއި ސަރުކާރުގެ ބާރު ހުރި މަގާމުތަކުގައި ކަމަށް ޖަމީލް ވިދާޅުވި އެވެ. ރައީސް އިބްރާހިމް މުހައްމަދު ސޯލިހްގެ ސިޔާސަތަކީ ކޮރަޕްޝަނަށް "ޒީރޯ ޓޮލެރެންސް" ދިނުން ކަމުގައިވާ އިރު އެކަން ކުރެވޭނީ ހިޔާނާތުގައި ބައިވެރިވެފައިވާ އެންމެނާ މެދު ފިޔަވަޅު އަޅައިގެން ކަމަށް ޖަމީލް ވިދާޅުވި އެވެ.
އެމްއެމްޕީއާރުސީގެ ހިޔާނާތުގެ ފައިސާ ބެހި އެސްއޯއެފް ކުންފުނިން މި ސަރުކާރުގެ ޔޫތު މިނިސްޓަރު އަހުމަދު މަހުލޫފާއި ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންގެ އެކައުންޓަށް ފައިސާ ޖަމާކުރި ކަމަށް އޭސީސީގެ ރިޕޯޓުގައި ބުނެފައިވެ އެވެ.
އެކަން ފެންމަތިވުމާ ގުޅިގެން ރައީސް ވަނީ އެ ދެ ބޭފުޅުން މަގާމުން ސަސްޕެންޑް ކުރައްވައިފަ އެވެ.
Hiyaanaathu ge faisaa in 4 Memberakah 9 Million ah vure gina rufiyaa!
The most trusted news source in the Maldives
Mihaaru
ހިޔާނާތުގެ ފައިސާ ޖަމާވި ބޭފުޅުން--
އެ ދެ ބޭފުޅުންގެ އިތުރުން ޚިޔާނާތުގެ ފައިސާ އިން މަޖިލީހުގެ 4 މެމްބަރަކަށް 9 މިލިއަން ރުފިޔާ ޖަމާކޮށްފައިވެ އެވެ.
އެސްއޯއެފް އިން ފައިސާ ޖަމާކުރި މެމްބަރުން:
- ހުސެއިން މަނިކު ދޮންމަނިކު/ ގުރައިދޫ ދާއިރާ 250،000 ޑޮލަރު (3،855،00 ރުފިޔާ) - މޫސާ މަނިކު/ ހުޅުހެންވޭރު ދާއިރާ 100،000 ޑޮލަރު (1،542،000 ރުފިޔާ) - ރިޔާޒް ރަޝީދު/ ވިލުފުށި ދާއިރާ 424،255 ޑޮލަރު (6،542،012 ރުފިޔާ) - އަހްމަދު މަހްލޫފް/ ޔޫތު މިނިސްޓަރު 33،000 ޑޮލަރު (539،700 ރުފިޔާ)
ހިޔާނާތުގެ ޒިންމާ އުފުލުމުގެ ބަދަލުގައި އެބޭފުޅުން ވަނީ އެކަން ދޮގު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީމަން
16 February 2019
ތަނަކުން ތަނެގާ ނުޖެހާ ވާހަކަ ދައްކާ ޖަމީލް، މިހާރު އެ ވާހަކަ ދާއްކާނީ ސަމާލު ކަން ހޯދާށެވެ.
ސަފީ
15 February 2019
ބަލަ އޭނަ ބުންޏަސް ރަނގަޅު ވަހަކައެއް ވާނީ ރަނގަޅުވާހަކައަކަށް.
ސައި
15 February 2019
ހިޔާނާތުގެ ފައިސާލިބުނީ ހަމައެކަނި 4 ބޭފުޅުންނަށްތޯ ކޮބާތޯ ދެންތިބިމީހުން ވަކި ބައެއްގެފޮޓޯޖަހައިގެން ރިޕޯޓުތަށް ނެރެނީ މަޖިލިސްގަތިބި ހިޔާނާތް ތެރިންތައް ކޮބައިތޯ
ނަސީދު
15 February 2019
މީތިކަނޑަ ލިސްޓްގައި ތިބިހުރިހާ މީހުން ވަޒީފާ އިންވަކިކުރޭ
ދދދދ
15 February 2019
ލަދުހަޔާތް މަދުކަން. އެ ބުނަނީ ޢެސީސީ މެމްބަރުންވެސް އެލާރީގައި ޖެހުނޭ. ދެން ކިހިނެއް ބަލަނީ. ދެން ޖެހޭނީ މެމްބަރުްނ ބަދަލުކުރާކަށް ނޫންތަ؟ އެކަން ކުރެވޭނީ މަޖިލިހަކަށްނު. މީގައި ރައީސުލް ޖުމްހޫރިއްޔާއަށްވުރެ މަޖިލީހުން ކުރެވޭނެ ކަންކަން ގިނަ! އެކަން ނުކޮށް ޖާރސިން ލާރި ބޮޑި ކައިގެން އިބޫ އޭ ގޮވަން ލަދު ގަނެބަލަ!
ޙުސަންބޭ
15 February 2019
ޖަމީލޫ ކޮންބަޔަކާމެދު ފިޔަވަޅު ނާޅަނީ؟ އޭސީސީގެ ރިޕޯރޓްގައި ހިމެނޭ ދެފަރާތާމެދު މިހާރުވެސް އެވަނީ ފިޔަވަޅު އަޅާފައި. ރައީސަކީ މައްސަލަ ތަޙްޤީޤު ކުރާމީހާ ނޫންކަން ޖަމީލަށް ނޭނގެނީތޯ؟
އިންތިހާބުވިޔަސް
15 February 2019
މީނާ ޤާނޫނަށް ގޮން ޖަހަމުން ދައްކަމުން ދިޔަ ވާހަކަ ތަކަށް ފިޔަވަޅު އަޅަންވެސް ޖެހޭ.
މަންސޫރު
15 February 2019
ބަގާވަތް ކުރި މީހުންވެސް ޒީރޯ ޓޮލެރެންސްގައި ޖެހިފައި.
އެމްސް
15 February 2019
ޚިޔާނާތާއި، ބަޣާވާތާއި، މާރާމާރީ އާއި، މަސްތުވާ ތަކެއްޗާއި މިހެންގޮސް ދިގު ލިސްޓެއް، ނަން ހުސްކޮށް
ޣުންޑު
15 February 2019
ވާހަނދާނަކުން ރޮވެނީ - މަހްލޫފް