ރައީސް އިބްރާހިމް މުހައްމަދު ސޯލިހް: އެމްއެމްޕީއާރުސީގެ ހިޔާނާތުގެ ރިޕޯޓު އެމަނިކުފާނަށް ކުރިން ފެނިވަޑައިނުގަންނަވާ ކަމަށް ތަރުޖަމާން ހޫދު ވިދާޅުވި.---ފޮޓޯ: މިހާރު
15 ފެބުރުއަރީ 2019 - 11:16
19 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅޭގޮތުން އެންޓި ކޮރަޕްޝަން ކޮމިޝަން (އޭސީސީ) އިއްޔެ ހާމަކުރި ރިޕޯޓް، ރައީސް އިބްރާހިމް މުހައްމަދު ސޯލިހަށް ކުރިން ލިބިވަޑައިނުގަންނަވާ ކަމަށް އެ މަނިކުފާނުގެ ތަރުޖަމާން އިބްރާހިމް ހޫދު މިއަދު ވިދާޅުވެއްޖެ އެވެ.
އެމްއެމްޕީއާރުސީގެ ހިޔާނާތުގެ ފައިސާ ޔޫތު މިނިސްޓަރު އަހުމަދު މަހުލޫފާއި ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންގެ އެކައުންޓަށް ޖަމާވިކަން ރިޕޯޓުން އެނގުމާ އެކު ރައީސް ވަނީ އެ ދެ ބޭފުޅުން އިއްޔެ އިން ފެށިގެން ސަސްޕެންޑް ކުރައްވައިފަ އެވެ. މަހްލޫފާއި އަކްރަމް ސަސްޕެންޑް ކުރީ އެ ދެބޭފުޅުންގެ މައްސަލަ ބަލައި ވަކި ގޮތެއް ނިންމެންދެނެވެ.
ރައީސްގެ އެ ނިންމެވުމާ ގުޅިގެން، ފާޑުކިޔާ މީހުންގެ ޝަކުވާ އަކީ ބޮޑު ހިޔާނާތާ ގުޅޭ ތަފްސީލީ ރިޕޯޓު އެމަނިކުފާނަށް ކުރިން ލިބިވަޑައިގެންފައިވާ ކަމަށާއި އެކަމަކު މިހާތަނަށް އެއްވެސް ފިޔަވަޅެއް ނާޅުއްވައި ހުންނެވުމަކީ މައްސަލައެއް ކަމަށެވެ. އެހެންވެ ރައީސް އިބްރާހިމް މުހައްމަދު ސޯލިހްގެ އިޚުލާސްތެރިކަމާ މެދު ބައެއް މީހުން ދަނީ ސުވާލު އުފައްދަމުންނެވެ.
އެ ވާހަކަތަކަށް ރައްދު ދެއްވައި ތަރުޖަމާން ހޫދު ކުރެއްވި ޓުވީޓެއްގައި ވިދާޅުވީ، އެމްއެމްޕީއާރުސީގެ ހިޔާނާތުގެ ރިޕޯޓް އޭސީސީން އިއްޔެ ހާމަކުރުމާ ހަމައަށް މި ސަރުކާރާ ފެނިފައި ނުވާ ކަމަށެވެ. އަދި ހޫދު ވިދާޅުވި ގޮތުގައި، އެ ރިޕޯޓުގެ ތަފްސީލްތައް ރައީސަށް ފުރަތަމަ ފަހަރަށް ފެނިވަޑައިގަތީ އިއްޔެ އެވެ.
އެމްއެޕީއާރުސީގެ ހިޔާނާތުގެ މައްސަލައިގެ ތަހުގީގު ނިންމައި މީގެ ދެ އަހަރެއްހާ ދުވަސް ކުރިން އޭސީސީން ވަނީ އެ ރިޕޯޓް ސަރުކާރުގެ ބައެއް އިދާރާތަކަށް ފޮނުވާފައި ކަމަށް ވެ އެވެ. އޭގެ ތެރޭގައި ޕްރޮސެކިއުޓާ ޖެނެރަލް ވެސް ހިމެނެ އެވެ.
ރޭ ބޭއްވި ހަފްލާއެއްގައި ރައީސް ވަނީ އެހާ ގިނަ ދުވަސްތަކެއް ވަންދެން އެ ރިޕޯޓް ހާމަނުކޮށް ބޭއްވީ ކީއްވެގެންތޯ ސުވާލު އުފައްދަވައިފަ އެވެ.
ކޮރަޕްޝަނާ ދެކޮޅަށް ސަރުކާރުން ކުރަންޖެހޭ ހުރިހާ ކަމެއް ކުރައްވާނެ ކަމަށް ތަކުރާރުކޮށް ވިދާޅުވެ، ރައީސް ރޭ ވިދާޅުވީ ކޮރަޕްޝަނަށް އޮންނާނީ "ޒީރޯ ޓޮލަރެންސް" ކަމަށާއި އެއީ ސަރުކާރުގެ މުހިންމު ވައުދެއް ކަމަށެވެ.
ހިޔާނާތުގެ މައްސަލައިގެ ތަހުގީގު ނިންމިތާ ދެ އަހަރު ވީއިރު ވެސް، އޭސީސީން ރިޕޯޓު އާންމުނުކޮށް އެތައް ދުވަހެއް ވަންދެން ބާއްވާފައި އޮތުމުން ގިނަ ބައެއްގެ ފާޑުކިޔުން ކުރިން އެކަމަށް އަމާޒުވި އެވެ. ކޮރަޕްޝަންގެ މައްސަލަތައް ބެލުމުގައި އެ ކޮމިޝަނުން ބޮޑެތި އިހުމާލުތަކެއް ވެފައިވާ ތުހުމަތުތައް ގިނަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަނާ
16 February 2019
ކުރިން ލިބުނު ނަމަ ކިހިބެއްތޯ ހައްދަވާނީ އަކްރަމް ގެ ނަން އުނި ކުރައްވާނީތޯ މަހޭ އސކީ ދެން އރހަށްދުވަހުގެ މީހެއް
އަބްދޫ
16 February 2019
184 މީހުނަށް ދައުވާނުކޮށް ޔާމީނަށް އެކަނި ދައުވާކުރުމަކީ ހެއްދެވި އެންމެ ބޮޑުގޯސް .އެއީ ޒާތީ ކަމެއްކަން ސާބިތުވެ . ގާނޫނުއަސާސީގެ 17 ވަމނަ މާއްދާ ބުނާގޮތުން ހަމަހަމަ ކަމާއެކު ކުރަންވާނެ .ޔާމީނު ނޫންމީހެއްގެ މައްސަކލަ ތަހުގީގު ނުކުރުމަކީ ވެސް ޔާމީނަށްޒާތީވުންކަމަށް ސާބިތުވާކަމެއް. އަނެއްކާ އިބޫސާލިހްގެ ނަމެއް އެލިސްޓަކު ނެއްތަ ؟
މާސިޔާ
16 February 2019
ކުރީގެ އޮޑިޓަރ ޖެނެރަލް ވިދާޅުވާ ގޮތުން މިހާރުވެސް އެތައްބައެއްގެ ނަން މަދު. ނަސީބެއް ކުއްލިޔަކަށް އިތުރުބަޔަކަށް ނުދައްކައި ނެރުނުކަންވެސް. ޢެހެންނޫންނަމަ މޑޕ މަޖަލސް މެންބަރުންގެ ވާހަކަ އެއްކޮށް ފޮހެލާނެ
ޙުސެން
16 February 2019
މިކަލެޭގެ ވެސް ގޭގަ މަޑުކުރަން ޖެހެޭ!
ކިނބޫ
16 February 2019
ތަރުޖަމާނު އަހަރުމެނަށް ވާހަކަ ކިޔައިދޭން ނޫޅެއްޗޭ ދުލުގަ ހިފާ ދަމަންވެސް ނަހަދައްޗޭ.
އަހައްމަދު އަހައްމަދޭ
15 February 2019
އޭސީ ސީ ރިޕޯރޓް ރައީސައް ކުރިއަކުން ނުފެނި އޮވެދާނެ ހަމަ އެފަދައިން ޕޮލިޓިކަލް އެޑުވައިޒަރަކީ ޖާބިރުކަން ވެސް ނޭގި އޮވެދާނެ ކިތަންމެ ކަން ނޭގި އޮވެދާނެ ނަމަވެސް މިފަހަރު ރައީސައް ބައެއް ރައްޔަތުން ހާހުން މާކުސް ދީފި 0 ސޮލަރެންޓައް ،2018 ވަނަ އަހަރު ބޭއްވި ރިއާސީ އިންތިހާބުގަ ދެ ކެމްޕެއިން އެކައުންޓައް ފައިސާ ވަންގޮތުގެ ތަފުސީލުވެސް 0 ޓޮލަރެންސް އަށް ލާން އެބަ ބޭނުންވޭ ،ޔާމީނު ވަގު އެކަމަކު ވަގު ނުން މީހުން ވަގު ނޫންކަން އެނގޭން އެބަ ޖެހޭ
ގާއޮޑި
15 February 2019
ވަރައްދެރަ މިނިވަން މުއައްސަސާއަކުންނެރޭ ރިޕޯޓެއް ނެރުމުގެކުރިން އެއްވެސްފަރާތަކައް އެރިޕޯޓްފެނިގެންނުވާނެ ފެނިއްޖެނަމަ މުއައްސަސާގެ މިނިވަންކަންގެއްލުނީ ފިޔަވަޅެއްނޭޅޭނެ
އަހައްމަދު އަހައްމަދޭ
15 February 2019
އެބުނާ އެމް އެމް ޕީ އާރު ސީ ހޮޔާނާތެއް ހިނގި އިރު އިބޫ އުފަންވެސް ނުވޭ
ހފސ
15 February 2019
ކޮންތާކު ނުފެންނަނީއެއްނޫން...ތިޔައީ ވަކިކާކު
ކަން
15 February 2019
އޭސީސީ ރިޕޯޓް ނުލިބުނަސް މިއީކީ އެމްޑީޕީ މީހުންނަށް އާ މައްސަލައެއް ނޫން. އޮޑިޓަރ ޖެނެރަލްވެސް މިވާހަކަ މާ ކުރިން ދައްކާފައިވަނީ. އަދި އެއީ ކިހާވަރެއްގެ ބޮޑު މައްސަލައެއްކަން ގައުމުގެ އެންމެން ދަންނައިރު ވެރިކަމާ ހަވާލުވި ފުރަތަމަ ދުވަހުން ފެށިގެން އޭސީސީގެ ރިޕޯޓެއް އޮތްތޯވެސް ބަލާނުލާ ހުންނެވި ސަބަބަކީ ސުވާލުމާކު ޖެހޭވަރުގެ ކަމެއް. އަދި މިހާރު އިންތިޚާބެއް ކުރިމަތީ އޮތުމުން މިކަން މުހިއްމުވެގެން އުޅޭކަމަށް ބޮޑަށް ސިފަވަނީ.